Khadukhail talks

Khadukhail talks Contact information, map and directions, contact form, opening hours, services, ratings, photos, videos and announcements from Khadukhail talks, Education, Bunerwal.

إِنَّا لِلّٰهِ وَإِنَّا إِلَيْهِ رَاجِعُونَانتہائی افسوس اور گہرے رنج کے ساتھ اطلاع دی جاتی ہے کہ بختیار علی، والدِ محتر...
09/09/2026

إِنَّا لِلّٰهِ وَإِنَّا إِلَيْهِ رَاجِعُونَ

انتہائی افسوس اور گہرے رنج کے ساتھ اطلاع دی جاتی ہے کہ بختیار علی، والدِ محترم جبکہ سابقہ ناظم حضرت علی کے چچا، رضائے الٰہی سے وفات پا گئے ہیں۔

مرحوم کی نمازِ جنازہ آج بروز بدھ، صبح 11:00 بجے، چینگلئی عثمان خیل میں ادا کی جائے گی۔

تمام دوست احباب، رشتہ داروں اور اہلِ علاقہ سے نمازِ جنازہ میں شرکت اور مرحوم کے لیے دعائے مغفرت کی درخواست ہے۔

اللہ تعالیٰ مرحوم کی کامل مغفرت فرمائے، درجات بلند فرمائے اور پسماندگان کو صبرِ جمیل عطا فرمائے۔ آمین۔

26/08/2026

پشاور تعلیمی بورڈ امتحانات،وکیل کے بیٹے کے بیالوجی میں صفر نمبر
پشاور ہائیکورٹ نے تعلیمی بورڈ چیئرمین اور کنٹرولر کو طلب کرلیا
عدالت نے طالب علم کا اصل پرچہ اور مکمل ریکارڈ بھی پیش کرنے کا حکم دے دیا
جسٹس اعجاز انور اور جسٹس بابر ستار پر مشتمل بنچ نے سماعت کی
طالب علم کے والد نے عدالت کو بتایا کہ مسئلہ حل ہوگیا ہے
پشاور تعلیمی بورڈ کے وکیل نے عدالت کو بتایا غلطی سے طالبعلم کے پرچے کو دوسرا کمپیوٹر جنریٹڈ کوڈ دیدیا گیا

یہ تو وکیل کا بیٹا تھا عدالت آگیا تو پتہ چل گیا
کتنے اور طلباء ہوں گے جن کے ساتھ ایسا ہوا ہوگا
ہر کوئی تو عدالت نہیں آسکتا
آپ بورڈ والے بچوں کے مستقبل کے ساتھ کھیل رہے ہیں
ایسے کیسز آتے ہیں، بچوں کو نمبر کم دیتے ہیں اور پھر کہتے ہیں غلطی ہوگئی۔
آپ لوگوں نے روٹین بنا لیا ہے
اس کو ایسے نہیں چھوڑ سکتے
ذمہ داروں کے خلاف کارروائی ہوگی تو پھر کچھ بہتری آئے گی۔
ججز کے ریمارکس

خواتین مسافروں کے لیے اہم احتیاطی پیغاماگر رکشے میں بہت زیادہ شیشے لگے ہوں اور ڈرائیور انہی شیشوں کے ذریعے بار بار پیچھے...
21/08/2026

خواتین مسافروں کے لیے اہم احتیاطی پیغام

اگر رکشے میں بہت زیادہ شیشے لگے ہوں اور ڈرائیور انہی شیشوں کے ذریعے بار بار پیچھے بیٹھی خواتین کو دیکھ رہا ہو یا غیر ضروری ذاتی سوالات کر رہا ہو، تو خواتین واضح طور پر کہہ سکتی ہیں:

"بھائی، آپ اپنے کام سے کام رکھیں، ہمیں ہماری منزل تک پہنچا دیں۔ غیر ضروری سوالات اور بار بار پیچھے دیکھنے سے گریز کریں۔"

خواتین ڈرائیور سے یہ بھی کہہ سکتی ہیں کہ شیشے کا رخ اوپر کی جانب کر دیں تاکہ انہیں بار بار پیچھے دیکھنے کا موقع نہ ملے۔

اگر رویہ نامناسب ہو، ہراسانی محسوس ہو یا ڈرائیور بات نہ مانے تو خواتین اپنی حفاظت کو ترجیح دیتے ہوئے محفوظ مقام پر رکشہ رکوا کر متعلقہ حکام سے شکایت کر سکتی ہیں۔ ایمرجنسی کی صورت میں 15 پر پولیس سے رابطہ کیا جا سکتا ہے۔

مسافروں کی عزت، پرائیویسی اور تحفظ کا خیال رکھنا ہر ڈرائیور کی ذمہ داری ہے۔

03/08/2026

فرعون نے ایک بچے کو مارنے کےلئے ہزاروں بچوں کا خون بہایا،مگر قدرت نے اسی بچے کے ہاتھوں فرعون کا خاتمہ کیا۔
ہوتا وہی ہے جو منظور خدا ہوتاہے

*بدعنوانی کے خلاف زیرو ٹالرنس ۔ عوامی خدمت ہماری پہچان* ڈپٹی کمشنر بونیر جناب شہریار قمر صاحب کی خصوصی ہدایات پر ایڈیشنل...
02/08/2026

*بدعنوانی کے خلاف زیرو ٹالرنس ۔ عوامی خدمت ہماری پہچان*

ڈپٹی کمشنر بونیر جناب شہریار قمر صاحب کی خصوصی ہدایات پر ایڈیشنل اسسٹنٹ کمشنرخدوخیل نوید خسین عوام کو شفاف، بروقت اور باوقار سرکاری خدمات کی فراہمی کے لیے پرعزم ہے۔ رشوت، سفارش، اختیارات کے ناجائز استعمال اور ہر قسم کی بدعنوانی کسی صورت برداشت نہیں کی جائے گی۔اگر کسی بھی سرکاری اہلکار کی جانب سے رشوت طلب کی جائے، غیر قانونی مطالبہ کیا جائے یا سرکاری خدمات کی فراہمی میں بلاجواز تاخیر کی جائے تو فوری طور پر دفترایڈیشنل اسسٹنٹ کمشنر خدوخیل سے رابطہ کریں۔ ہر شکایت کو مکمل رازداری کے ساتھ قانون کے مطابق نمٹایا جائے گا۔
آئیں! بدعنوانی کے خلاف متحد ہوں اور شفاف، دیانتدار اور عوام دوست نظام کے قیام میں اپنا کردار ادا کریں۔

💔 ایک اور گھر اُجڑ گیا…انتہائی دکھ اور گہرے رنج کے ساتھ اطلاع موصول ہوئی ہے کہ ضلع بونیر کے علاقے چینگلئی سے تعلق رکھنے ...
30/07/2026

💔 ایک اور گھر اُجڑ گیا…

انتہائی دکھ اور گہرے رنج کے ساتھ اطلاع موصول ہوئی ہے کہ ضلع بونیر کے علاقے چینگلئی سے تعلق رکھنے والے نوجوان مزدور امجد علی ولد زریبان شاہ کو بلوچستان میں مبینہ طور پر اغوا کرنے کے بعد بے دردی سے شہید کر دیا گیا۔

امجد علی بھی اُن ہزاروں محنت کش نوجوانوں میں شامل تھے جو اپنے اہلِ خانہ کے بہتر مستقبل کی خاطر گھر سے دور رزقِ حلال کی تلاش میں نکلتے ہیں۔ مگر افسوس کہ اس سفر کا اختتام اُن کی واپسی پر نہیں، بلکہ ایک دردناک خبر پر ہوا، جس نے پورے علاقے کو سوگوار کر دیا۔

یہ صرف ایک خاندان کا المیہ نہیں، بلکہ ہر اُس ماں، باپ، بہن اور بھائی کے دل کا درد ہے جو اپنے پیاروں کو روزگار کی تلاش میں دور دراز علاقوں کی طرف رخصت کرتے ہیں۔

ہم اس المناک واقعے کی شدید مذمت کرتے ہیں اور متعلقہ حکام سے پُرزور مطالبہ کرتے ہیں کہ اس سانحے کی فوری، شفاف اور غیرجانبدارانہ تحقیقات کی جائیں، ذمہ دار عناصر کو قانون کے کٹہرے میں لا کر قرارِ واقعی سزا دی جائے، تاکہ متاثرہ خاندان کو انصاف مل سکے اور مستقبل میں ایسے افسوسناک واقعات کی روک تھام ممکن ہو۔

اللہ تعالیٰ مرحوم امجد علی کی کامل مغفرت فرمائے، اُن کے درجات بلند کرے، جنت الفردوس میں اعلیٰ مقام عطا فرمائے، اور تمام لواحقین کو صبرِ جمیل اور ہمت عطا فرمائے۔

آمین یا رب العالمین۔

25/07/2026

پاکستان میں وزیراعظم پاکستان کے عہدے ، کرکٹ ٹیم کے کپتان اور پٹرول کی قیمت کا کوئی بھروسہ نہیں ہیں ، جو بندہ رات کو وزیر اعظم کے منصب کے ساتھ سوتا ہے ، تو صبح وہ جیل میں قید نظر آتا ہے ، رات کو کھلاڑی کپتان ہوتا ہے ، لیکن صبح ٹی وی آن کرتا ہے ، تو کپتانی کسی اور کھلاڑی کے نام کے ساتھ لگائی گئی ہوتی ہے ، اس طرح رات کو پٹرول تین سو بیس روپے لیٹر تو صبح کو تین سو پینتیس روپے لیٹر پر نظر پڑتی ہے،
۔۔۔۔۔۔۔پاکستان ہمیشہ زندہ باد ۔۔۔۔۔۔

إِنَّا لِلّٰهِ وَإِنَّا إِلَيْهِ رَاجِعُونانتہائی افسوس اور رنج کے ساتھ اطلاع دی جاتی ہے کہ چینگلئی کے جعفرخیل خاندان سے...
25/07/2026

إِنَّا لِلّٰهِ وَإِنَّا إِلَيْهِ رَاجِعُون

انتہائی افسوس اور رنج کے ساتھ اطلاع دی جاتی ہے کہ چینگلئی کے جعفرخیل خاندان سے تعلق رکھنے والے سرتاج خان، امیر صاحب، گل ریز کپڑے والا، ناصر خان (حال مقیم دبئی) اور تجمل خان کی والدۂ ماجدہ رضائے الٰہی سے وفات پا گئی ہیں۔

مرحومہ کی نمازِ جنازہ آج بروز ہفتہ،بعد نماز عصر بوقت 6:30بجے ادا کی گئی۔

اللہ تعالیٰ مرحومہ کی کامل مغفرت فرمائے، ان کے درجات بلند فرمائے، انہیں جنت الفردوس میں اعلیٰ مقام عطا فرمائے اور تمام اہلِ خانہ و لواحقین کو اس عظیم صدمے پر صبرِ جمیل عطا فرمائے۔

آمین یا رب العالمین۔

02/07/2026

مالاکنڈ ڈویژن میں ٹیکس کے نفاذ پر اگر عوامی نمائندے خاموش ہیں، تو عوام سوال پوچھنے میں حق بجانب ہیں۔
اگر واقعی عوام کے مفادات کا دفاع نہیں کیا جا سکتا، تو کم از کم اپنے مؤقف کا واضح اظہار کریں۔ اور اگر عوام کے حقوق کے لیے کچھ بھی کرنے کی گنجائش نہیں، تو پھر اپنے عہدوں پر نظرِ ثانی کریں اور عوام کو یہ حق دیں کہ وہ اپنے مستقبل کا فیصلہ خود کریں۔
خاموشی کبھی کبھی رضامندی سمجھی جاتی ہے، جبکہ عوام اپنے نمائندوں سے آواز، مؤقف اور عملی کردار کی توقع رکھتے ہیں۔

02/07/2026

حکومت کی طرف سے گیس کا ریٹ 241 روپے مقرر پر خدوخیل میں اب بھی 406 روپے میں فروخت ہو رہی ہے۔
پوچھنے ولا کوئی نہیں
AC Khadukhel Buner

Address

Bunerwal

Website

Alerts

Be the first to know and let us send you an email when Khadukhail talks posts news and promotions. Your email address will not be used for any other purpose, and you can unsubscribe at any time.

Shortcuts

Share

Category