Govt.Boys High School Kalach

الحمدللہ!
گورنمنٹ بوائز ہائی سکول کالچھ میں مخیر حضرات کے مالی تعاون اور سکول سٹاف کی مسلسل محنت و دلچسپی سے ایک جدید ساؤنڈ سسٹم خریدا گیا ہے، جس کا مقصد طلبہ کی ہم نصابی اور غیر نصابی سرگرمیوں کو مزید مؤثر، منظم اور معیاری بنانا ہے۔
ساؤنڈ سسٹم تعلیمی اداروں کی اہم ضرورت ہے۔ اس کے ذریعے سکول کی تقریبات، صبح کی اسمبلی، تقریری مقابلے، ملی نغمے، کوئز پروگرامز، کھیلوں کی سرگرمیاں، سیمینارز اور دیگر تعلیمی پروگرام زیادہ مؤثر انداز میں منعقد کیے جا سکتے ہیں۔ واضح آواز طلبہ کی توجہ بڑھانے، ان کے اعتماد میں اضافہ کرنے اور ان کی پوشیدہ صلاحیتوں کو اجاگر کرنے میں اہم کردار ادا کرتی ہے۔
یہ کامیابی مخیر حضرات کے قابلِ قدر تعاون اور سکول کے تمام اساتذہ کرام و عملے کی مشترکہ کاوشوں کا نتیجہ ہے۔ ہم دل کی گہرائیوں سے ان تمام مخیر حضرات کا شکریہ ادا کرتے ہیں جنہوں نے اس کارِ خیر میں حصہ لیا، اور سکول سٹاف کو بھی خراجِ تحسین پیش کرتے ہیں جن کی محنت، منصوبہ بندی اور دلچسپی سے یہ اہم ضرورت پوری ہو سکی۔
اللہ تعالیٰ تمام معاونین اور سکول سٹاف کو ان کی خدمات کا بہترین اجر عطا فرمائے، ان کے رزق، صحت اور عزت میں برکت عطا فرمائے اور انہیں مزید نیکی کے کاموں کی توفیق عطا فرمائے۔ آمین۔
انتظامیہ گورنمنٹ بوائز ہائی سکول کالچھ

الحمداللہ❤️
وزیر حکومت چودھری علی شان سونی صاحب کی وساطت سے گورنمنٹ بوائز مڈل سکول کالچھ کو بطور ہائی سکول اپگریڈ کر دیا گیا۔
اور گورنمنٹ گرلز ہائر سیکنڈری سکول کالچھ اسٹاف کی کمی کے پیش نظر دو سبجیکٹ اسپیشلسٹ ایک کمپیوٹر انسٹرکٹر کی آسامیاں تخلیق کی گئی

ماشاءاللہ
بہت بہت مبارک

الحمدللہ
گورنمنٹ بوائز مڈل سکول کالچھ میں واٹر فلٹر کی تنصیب
الحمدللہ! گورنمنٹ بوائز مڈل سکول کالچھ میں طلباء کے لیے صاف اور محفوظ پینے کے پانی کی سہولت فراہم کرنے کے لیے واٹر فلٹر لگایا جا رہا ہے۔
اس اقدام کا مقصد بچوں کو صحت مند ماحول دینا اور آلودہ پانی سے پیدا ہونے والی بیماریوں سے بچانا ہے۔ اب طلباء کو صاف، ٹھنڈا اور محفوظ پانی دستیاب ہوگا۔

مورخہ 4 اپریل 2026ء بروز ہفتہ گورنمنٹ بوائز مڈل سکول کالچھ میں ادارہ ہذا سے رخصت ہونے والے سینئر سائنس مدرس محمد نعیم حنیف صاحب اور لیفٹیننٹ غلام رسول گورنمنٹ بوائز ہائی اسکول سنگڑھ کے سٹاف کے اعزاز میں ایک شاندار ظہرانہ دیا گیا۔ معزز مہمانوں صدر معلم لیفٹیننٹ غلام رسول گورنمنٹ بوائز ہائی اسکول سنگڑھ محمد جبار طاہر صاحب و سٹاف ، ریٹائرڈ اے ای او اور سابق صدر معلم ادارہ ہذا محترم عبدالسلام خیال صاحب، سینئر مدرس محترم محمد ریاض صاحب، محترم محمد رشید صاحب، محترم محمد فاروق صاحب،ممبر لوکل کونسل جنید جبار صاحب کا گورنمنٹ بوائز مڈل سکول کالچھ پہنچنے پر شاندر استقبال کیا گیا۔مہمانوں نے سکول کا تفصیلی وزٹ کیا اور صدر معلم و سٹاف گورنمنٹ بوائز مڈل سکول کالچھ کی کاوشوں کو سراہا، ادارہ سے رخصت ہونے والے سینئر سائنس مدرس محمد نعیم حنیف صاحب کو ادارہ کے لیے شاندار خدمات پر خراج تحسین پیش کیا گیا۔بعد ازاں مہمانوں کی پر تکلف کھانوں سے تواضع کی گئی ۔ صدر معلم و سٹاف گورنمنٹ بوائز مڈل سکول کالچھ تمام مہمانوں کی تشریف آوری اور قیمتی وقت دینے پر دل کی عمیق گہرائیوں سے شکریہ ادا کرتے ہیں۔

گورنمنٹ بوائز مڈل سکول کالچھ میں پاکستانی افواج کی جانب سے بھارتی جارحیت پر دندان شکن جواب اور تاریخی فتح پر یوم تشکر کی مناسبت سے ایک شاندار تقریب منعقد کی گئی۔