19/02/2026
ایسے عہد میں جب مذہبی بیانیہ یا تو شدت، جذبات اور تکفیر کی زبان میں ڈھل رہا ہو یا اپنی فکری شناخت کھو کر محض دفاعی معذرت نامہ بنتا جا رہا ہو، وہاں کسی ایسی علمی شخصیت کا مطالعہ ناگزیر ہو جاتا ہے جس نے نہ صرف روایت کو سنبھالا بلکہ اسے عصرِ حاضر سے ہم کلام بھی کیا۔ شیخ الاسلام ڈاکٹر محمد طاہر القادری دامت برکاتہم العالیہ کی علمی و فکری کاوشیں اسی تناظر میں ایک منظم، مربوط اور باوقار اسلامی بیانیے کی صورت میں سامنے آتی ہیں۔ عصرِ حاضر میں مسلم دنیا فکری بحران، شدت پسندی اور اخلاقی انتشار کا شکار ہے۔ ایسے میں شیخ الاسلام کا بیانیہ نہ صرف امت کو فکری اعتدال کی طرف متوجہ کرتا ہے بلکہ علمی معیار، تحقیق اور عملی تربیت کے ذریعے نوجوان نسل کے لیے ایک روشن راستہ بھی فراہم کرتا ہے۔ ان کی فکر اس بات کی دلیل ہے کہ علم، عمل اور اخلاق کی ہم آہنگی کے بغیر کوئی امت یا معاشرہ کامیاب نہیں ہو سکتا۔
پروفیسر ڈاکٹر حسن محی الدین قادری (چیئرمین سپریم کونسل منہاج القرآن انٹرنیشنل)
