Taleem Ul Islam High School Bhalwal "Fatima Campus"

Final Exams

“سکول قرآن کے سائے میں
— تعلیم نہیں، تشکیلِ انسان”

سکول اگر صرف عمارت، کتابیں، فیسیں
اور نتائج کا نام ہوتا تو شاید قرآن کی ضرورت نہ پڑتی، مگر چونکہ سکول انسان بناتا ہے،
اس لیے اس کا سایہ قرآن کے بغیر ادھورا ہے۔ قرآن کوئی اضافی مضمون نہیں، کوئی سائیڈ سبجیکٹ نہیں، بلکہ یہ ہمارا ایمان، ہماری سمت، ہمارا ضابطۂ حیات اور ہماری روحانیت ہے۔
جو کتاب عرشِ معلیٰ سے اتری ہو، جس کی حفاظت کی ذمہ داری خود اللہ نے لی ہو، کیسے بھول جایئں ہم۔

ہمارا سب سے بڑا المیہ یہ ہے
ہم نے قرآن کو سمجھنے، سوچنے، تدبر کرنے اور عمل میں لانے کے بجائے صرف پڑھنے اور ختم تک محدود کر دیا ہے، حالانکہ پڑھنا، سمجھنا اور عمل—تینوں لازم ہیں۔

یہ کوئی خواب نہیں، یہ ایک قابلِ عمل ماڈل ہے—بس نیت، سمت اور ہمت کی ضرورت ہے۔ اس لیے میرے سکول میں قرآن مجید کا ایک پریڈ ہے۔ دوسری تعلیم کے ہمیشہ رہے گی ۔
پرنسپل
تعلیم الاسلام ہائی سکول فاطمہ کیمپس بھلوال

جمعہ صرف "آدھی چھٹی" نہیں، بلکہ "تربیت اور انسانیت" کا دن ہے! 🌙✨
والدین کے نام ایک اہم پیغام!

ہم سب جانتے ہیں کہ عالمی نظام کے تحت اتوار کو ہفتہ وار چھٹی ہوتی ہے، لیکن ہم یہ بھولتے جا رہے ہیں کہ "سید الایام" (دنوں کا سردار) تو جمعہ ہے۔ وہ دن جس کی نسبت براہِ راست اللہ اور اس کے رسول ﷺ سے ہے۔ کیا ہم نے اپنے بچوں کے لیے اسے صرف ایک "جلدی چھٹی والے دن" تک محدود کر دیا ہے؟
آئیے! جمعہ کو ایک نئی روح دیں اور اسے اپنے سکولوں میں "یومِ تربیت و انسانیت" کے طور پر منائیں۔ میری آپ سے چند عملی گزارشات ہیں:
1. اسمبلی میں خصوصی اہتمام: 🎤
عام اسمبلی کے بجائے جمعہ کی اسمبلی کو "محفلِ درود و سلام" اور "نعتِ رسولِ مقبول ﷺ" کے لیے وقف کریں۔ بچوں کے درمیان درودِ پاک پڑھنے کے مقابلے کروائیں تاکہ ان کے دلوں میں عشقِ رسول ﷺ کی شمع روشن ہو۔

2. انسانیت اور ہمدردی کا سبق (Humanity Day): 🤝
اسلام سراسر انسانیت کا دین ہے۔ ہر جمعہ کو ایک "انسانیت ایکٹیویٹی" رکھیں۔ بچے گھر سے کوئی اضافی لنچ یا پھل لائیں اور آپس میں بانٹ کر کھائیں یا کسی ضرورت مند کی مدد کریں۔ اس سے ان میں "احساسِ ہمدردی" پیدا ہوگا۔
3. سنتوں کی عملی مشق: 📖
بچوں کو جمعہ کے آداب سکھائیں: غسل کرنا، خوشبو لگانا، ناخن کاٹنا اور سورۃ الکہف کی تلاوت کی اہمیت۔ یہ باتیں صرف کتابوں تک نہ رہیں، بلکہ سکول میں ان کا عملی تذکرہ ہو۔

5. ہر جمعہ، ایک نیا عنوان (Theme-based Friday): 🏷️
ہم پورے سال کے ہر جمعہ کو ایک خاص نام دے سکتے ہیں، مثلاً:
سلام کا جمعہ: (اس دن ہر ایک کو سلام کرنے کی خاص مہم)
اخلاق کا جمعہ: (اچھے اخلاق اور گفتگو پر بات چیت)
صفائی کا جمعہ: (اپنے اردگرد کو صاف رکھنے کی عملی تربیت)
والدین کا جمعہ: (والدین کی خدمت اور ادب کا سبق)
میرا مقصد صرف "واہ واہ" سمیٹنا نہیں، بلکہ ایک نظریہ پیش کرنا ہے۔ اگر ہم آج اپنے بچوں کو جمعہ کا پروٹوکول سکھائیں گے، تو کل ربِ کائنات ہمیں دنیا اور آخرت میں پروٹوکول عطا فرمائے گا۔

*پرنسپل: وہ دیوار جسے کوئی دیکھ نہیں پاتا!

لوگ اسکول کے پھولوں (بچوں) کی بات کرتے ہیں، مالی (اساتذہ) کی محنت بھی دیکھتے ہیں، لیکن اس "دیوار" کو بھول جاتے ہیں

جو ہر موسم کی سختی، آندھی اور طوفان کو اپنے سینے پر سہتی ہے تاکہ اندر کا چمن سلامت رہے!

ایک پرنسپل کا عہدہ "سزا" ہے ان لوگوں کے لیے جو بزدل ہیں، اور "معراج" ہے ان کے لیے جو فولادی اعصاب رکھتے ہیں۔ جب اسکول کی چھت سے پانی ٹپکتا ہے

، جب فیسیں نہیں آتیں لیکن تنخواہیں
بانٹنی ہوتی ہیں، جب حکومتی اہلکار دروازے پر کھڑے ہوتے ہیں اور جب بے جا تنقید کرنے والے والدین سامنے بیٹھے ہوتے ہیں—تب صرف ایک شخص کھڑا ہوتا ہے:

پرنسپل!
وہ اکیلا لڑتا ہے، اکیلا سوچتا ہے، اور اکیلا ہی اپنی ذات کو مار کر ادارے کو زندہ رکھتا ہے۔

یاد رکھیے! اساتذہ نسلیں بناتے ہیں، لیکن اساتذہ کو "محفوظ ماحول" صرف ایک مضبوط پرنسپل ہی فراہم کرتا ہے۔

اے ادارے کے سربراہ! تیری تھکن کو سلام، تیرے صبر کو سلام اور تیری اس خاموش جنگ کو سلام جو تو روز جیتتا ہے!*

بچوں کی حوصلہ افزائی کرتے رہیں گے تو وہ ایک دن ثابت کریں گے کہ وہ کسی سے کم نہیں ہیں۔