GACW Dullewala, Bhakkar

آج گورنمنٹ ایسوسی ایٹ کالج برائے خواتین دلے والا میں “چیف منسٹر پاپولیشن مینجمنٹ اینڈ فیملی پلاننگ پروگرام” کے تحت ایک آگاہی و تعلیمی سیشن کا انعقاد کیا گیا۔ یہ پروگرام محکمہ صحت و آبادی بہبود بھکر کے زیرِ اہتمام منعقد ہوا جس کا مقصد نوجوان نسل خصوصاً طالبات میں آبادی کے مسائل، خاندانی منصوبہ بندی، صحتِ عامہ اور سماجی شعور کے حوالے سے آگاہی پیدا کرنا تھا۔
اس موقع پر متعلقہ محکمے کے ضلعی عہدیداروں، ڈسٹرکٹ پاپولیشن ویلفیئر آفیسر مرید اصغر خان اور ڈپٹی ڈسٹرکٹ پاپولیشن ویلفیئر آفیسر محمد رمضان اعوان نے طالبات سے خطاب کرتے ہوئے آبادی میں تیزی سے اضافے کے سماجی، معاشی اور تعلیمی اثرات پر روشنی ڈالی۔ انہوں نے اس امر پر زور دیا کہ نوجوان نسل معاشرتی بہتری، صحت مند خاندان اور ایک روشن مستقبل کی تشکیل میں اہم کردار ادا کر سکتی ہے۔
پروگرام کے دوران ایک معلوماتی ڈاکومینٹری بھی دکھائی گئی جس میں آبادی کے مسائل، خاندانی منصوبہ بندی کی اہمیت اور معاشرے پر اس کے مثبت اثرات کو مؤثر انداز میں پیش کیا گیا۔ طالبات نے نہایت دلچسپی سے ڈاکومینٹری دیکھی اور بعد ازاں ہونے والے مختصر تعاملی سیشن میں سوالات بھی کیے۔
اس آگاہی سیشن میں ایسوسی ایٹ ڈگری پروگرام کی طالبات سمیت کالج کے تمام ٹیچنگ سٹاف نے بھرپور شرکت کی۔ شرکاء نے اس اقدام کو نہایت مفید قرار دیتے ہوئے کہا کہ ایسے پروگرام نوجوانوں میں شعور بیدار کرنے اور مثبت سماجی تبدیلی لانے میں اہم کردار ادا کرتے ہیں۔
ہم محکمہ صحت و آبادی بہبود بھکر کے شکر گزار ہیں کہ انہوں نے اس اہم موضوع پر ہماری طالبات کے لیے ایک معلوماتی اور مؤثر سیشن کا انعقاد کیا۔ امید ہے کہ اس قسم کی سرگرمیاں مستقبل میں بھی جاری رہیں گی تاکہ طلبہ و طالبات میں ذمہ دارانہ سوچ اور سماجی شعور کو مزید فروغ مل سکے۔

کالج ھذا کی تمام طالبات کو مطلع کیا جاتا ہے کہ رمضان المبارک میں کالج کے اوقاتِ کار صبح 8:00 بجے سے دوپہر 12:30 تک ہوں گے۔
جمعۃالمبارک کے روز 12:00 بجے چھٹی ہو جائے گی۔

الحمدللہ!
گورنمنٹ ایسوسی ایٹ کالج (برائے خواتین) دلے والا، بھکر
کو یہ اعلان کرتے ہوئے فخر محسوس ہو رہا ہے کہ کالج ھذا نے ایسوسی ایٹ ڈگری پروگرام سیکنڈ ٹرم کے تمام پروگرامز میں 100٪ نتیجہ حاصل کیا ہے۔
📚 ایسوسی ایٹ ڈگری اردوـ۔۔۔ 100٪
📚 ایسوسی ایٹ ڈگری انگلش ۔۔۔۔۔۔ 100٪
📚 ایسوسی ایٹ ڈگری سیاسیات۔۔۔۔۔100٪

یہ شاندار کامیابی اساتذہ کی محنت، طالبات کی لگن اور ادارے کے تعلیمی معیار کا منہ بولتا ثبوت ہے۔
ہم اپنے اساتذہ اور طالبات کو اس غیر معمولی کامیابی پر دل کی گہرائیوں سے مبارکباد پیش کرتے ہیں۔
تعلیم، نظم و ضبط اور محنت ہے ہماری پہچان

گورنمنٹ ایسوسی ایٹ کالج برائے خواتین دُلے والا کے ٹیچنگ سٹاف نے ایڈمیشن کیمپین کے سلسلے میں گورنمنٹ گرلز ہائیر سیکنڈری اسکول دلے والا کا دورہ کیا۔
میٹرک کی طالبات کو کالج میں موجود تدریسی عملے اور دیگر سہولیات سے آگاہ کیا گیا۔ انہیں بتایا گیا کہ کس طرح وہ بغیر کسی خرچ کے قابل و تجربہ کار اساتذہ سے معیاری اعلیٰ تعلیم حاصل کر سکتی ہیں اور والدین کی کمائی بچا سکتی ہیں۔
انہیں کالج ھذا کی تعلیمی ، نصابی و ہم نصابی سرگرمیوں میں نمایاں کارکردگی سے بھی آگاہ کیا گیا۔
طالبات نے بہت جوش و خروش کا مظاہرہ کیا ، مختلف سوالات کیے جن کے تسلی بخش جواب دئیے گئے۔
طالبات نے اس عزم کا اظہار کیا کہ وہ کالج کا حصہ بننے کا ارادہ رکھتی ہیں۔

پنک گیمز 2026 کے سلسلے میں منتخب ہونے والی گرلز کھلاڑیوں، آفیشل اسپورٹس ٹیچرز اور تعلیمی اداروں کی انتظامیہ کے اعزاز میں ڈپٹی کمشنر بھکر جناب احسان علی جمالی کی زیرِ صدارت ایک تقریب منعقد ہوئی، جس میں شرکاء کو سرٹیفکیٹس اور شیلڈز تقسیم کی گئیں اور انہیں مبارکباد پیش کی گئی۔
تقریب کے دوران خواتین کے لیے کھیلوں کے فروغ میں تعلیمی اداروں، اسپورٹس ٹیچرز اور بالخصوص پرنسپل صاحبان کے کردار کو بھرپور انداز میں سراہا گیا۔
اس موقع پر کئی معزز شخصیات نے شرکت کی۔ جس میں بہترین کارکردگی کا مظاہرہ کرنے والی طالبات کے ساتھ ساتھ مختلف کالجوں سے خواتین کے کھیلوں میں حصہ لینے کی حوصلہ افزائی کرنے والے اساتذہ و پرنسپلز کو شیلڈز دی گئیں۔
گورنمنٹ ایسوسی ایٹ کالج برائے خواتین دُلے والا کو یہ اعزاز حاصل ہے کہ سپورٹس انچارج کالج ھذا مس بے نظیر خان کو ان کی خدمات کے اعتراف میں اعزازی شیلڈ سے نوازا گیا۔

کل مورخہ 12 جنوری بروز سوموار سے گورنمنٹ ایسوسی ایٹ کالج برائے خواتین دُلے والا اپنے مقررہ وقت پر کھلے گا۔ تمام طالبات سے گذارش ہے کہ اپنی حاضری کو یقینی بنائیں۔

ATTENTION PLEASE

As per directions of higher authorities, colleges will be reopened from tomorrow , 12th January, after Winter Vacations.

آج گورنمنٹ ایسوسی ایٹ کالج برائے خواتین دُلے والا میں ریسکیو 1122 کی جانب سے ایک روزہ تربیتی ورکشاپ کا انعقاد کیا گیا۔
ریسکیو ماہر ٹیم نے طالبات کو ہنگامی حالات میں ابتدائی طبی امداد دینے کی تربیت دی۔ جس میں سی پی آر، آگ لگنے کی صورت میں فوری اقدامات، زخموں سے خون کا ضیاع روکنا، بے ہوشی کی حالت میں مریض کی دیکھ بھال کی تربیت دی گئی۔
اس ورکشاپ کا مقصد طالبات کو ایمرجنسی کی صورت میں اپنی اور دوسروں کی مدد کے قابل بنانا تھا، تاکہ وہ نہ صرف اپنے لیے بلکہ معاشرے کے لیے بھی مفید ثابت ہو سکیں۔