Shahjee information and online apply services

یونیورسٹی آف سائنس اینڈ ٹیکنالوجی بنوں میں فال 2026 کے تحت ایم ایس، ایم فل اور پی ایچ ڈی پروگرامز میں داخلہ لینے کے خواہشمند طلباء و طالبات کو مطلع کیا جاتا ہے کہ ہائر ایجوکیشن کمیشن (ایچ ای سی) نے ہائر ایجوکیشن ایپٹیٹیوڈ ٹیسٹ (HAT) کا اعلان کر دیا ہے۔ ہماری جامعہ میں مذکورہ اعلیٰ تعلیمی ڈگری پروگرامز میں داخلے کے امیدواروں کے لیے اس ٹیسٹ میں شرکت لازمی شرط ہے۔ رجسٹریشن کے لیے طلباء ایچ ای سی کے آن لائن پورٹل http://etc.hec.gov.pk کا وزٹ کر سکتے ہیں۔ اپلائی کرنے کی آخری تاریخ 7 جون 2026 مقرر کی گئی ہے، جبکہ یہ ٹیسٹ 5 جولائی 2026 کو منعقد ہوگا۔ کسی بھی قسم کی شکایت یا مزید رہنمائی کے لیے onlinehelp.hec.gov.pk پر رابطہ کیا جا سکتا ہے۔ امیدواروں کو ہدایت کی جاتی ہے کہ وہ داخلے کے عمل میں کسی بھی قسم کی دشواری سے بچنے کے لیے آخری تاریخ سے قبل اپنی آن لائن رجسٹریشن لازمی مکمل کر لیں۔

Jobs in Excise, Taxation & Narcotics Control Department, Government of Khyber Pakhtunkhwa.
Apply Start Date: 21 May 2026
Last Date: 20 June 2026

*Pakistan Railways Jobs*
پاکستان ریلوے میں مختلف آسامیوں پر بھرتیوں کیلئے امیدواروں سے درخواستیں طلب کرلی گئیں۔ خیبرپختونخوا سمیت تمام صوبوں کیلئے کوٹہ مختص کیا گیا ہے۔ امیدوار 10 جون تک ریلوے ویب سائٹ پر اپلائی کرسکتے ہیں۔
اپلائی لنک:
https://www.railways.gov.pk/Jobs

Careers in Healthcare KPK
شاہ جی انفارمیشن اینڈ آن لائن اپلائی سروسز بنوں۔

بخدمتِ جناب ٹیسٹنگ ڈائریکٹر صاحب،
ایجوکیشنل ٹیسٹنگ اینڈ ایویلیوایشن ایجنسی (ETEA)، خیبر پختونخوا۔
موضوع: امتحانی نصاب کی غیر معتبریت اور مشتہر شدہ آسامیوں سے عدم مطابقت کے حوالے سے درپیش تحفظات
جنابِ عالی،
نہایت ادب کے ساتھ آپ کی توجہ ایک انتہائی حساس اور سنگین معاملے کی جانب مبذول کروانا چاہتا ہوں، جس کا تعلق براہِ راست ہزاروں نوجوانوں کے مستقبل اور صوبے میں میرٹ کی بنیادوں پر ہونے والی تعیناتیوں سے ہے۔
مشاہدے میں آیا ہے کہ ETEA کے تحت منعقد ہونے والے حالیہ امتحانات کا مواد مشتہر شدہ آسامیوں کی پیشہ ورانہ ذمہ داریوں سے مکمل طور پر مطابقت نہیں رکھتا۔ ایک امیدوار جو آفس اسسٹنٹ یا کمپیوٹر آپریٹر جیسی آسامیوں کے لیے درخواست دیتا ہے، اس سے یہ توقع کی جاتی ہے کہ وہ دفتری امور، ڈرافٹنگ اور بنیادی کمپیوٹر سسٹم سے واقف ہو۔ لیکن افسوس کے ساتھ کہنا پڑتا ہے کہ پرچوں میں دوسرے ممالک کے بارڈرز کی لمبائی، غیر ملکی کرنسیوں، زبانوں اور دارالحکومتوں کے بارے میں سوالات پوچھے جاتے ہیں۔ یہ معلومات شاید سیاحت (Tourism) کے شعبے کے لیے اہم ہوں، مگر ایک کلرک یا اسسٹنٹ کے لیے ان کا کوئی عملی فائدہ نہیں۔
مزید برآں، ٹیکنیکل سوالات کی نوعیت پر بھی شدید تحفظات ہیں:
پیشہ ورانہ عدم مطابقت: کمپیوٹر آپریٹر کے لیے Python، C++ اور HTML جیسے پیچیدہ سوالات شامل کرنا سمجھ سے بالاتر ہے۔ یہ مہارتیں سافٹ ویئر انجینئرز یا ہیکرز کے لیے ہوتی ہیں، نہ کہ ان امیدواروں کے لیے جنہوں نے آفس مینجمنٹ یا عام آئی ٹی ڈپلومہ کر رکھا ہو۔
فریشرز کے ساتھ زیادتی: ان آسامیوں پر زیادہ تر "فریشرز" اپلائی کرتے ہیں نہ کہ ماہرین (Experts)۔ پیپر کی سختی اور غیر متعلقہ سوالات دیکھ کر ایسا لگتا ہے جیسے آپ ماہر سافٹ ویئر ڈویلپرز تلاش کر رہے ہوں۔
تاریخ کا غلط استعمال: تاریخ کے سوالات پاکستان کی انتظامی تاریخ یا متعلقہ محکمے سے وابستہ ہونے چاہئیں، نہ کہ غیر متعلقہ عالمی واقعات سے جن کا مقامی ملازمت سے کوئی تعلق نہیں۔
حرفِ آخر اور گزارش:
خدارا! اس نئی نسل پر رحم کریں۔ اس وقت جو امیدوار ایسے غیر متعلقہ پرچے پاس کر رہے ہیں، وہ اپنی قابلیت کی بنا پر نہیں بلکہ محض "تکے" (Guessing) کی بنیاد پر کامیاب ہو رہے ہیں۔ حقیقت یہ ہے کہ ان سوالات کے بارے میں کسی کے پاس درست یا مستند معلومات نہیں ہوتیں کیونکہ وہ جاب ڈسکرپشن کا حصہ ہی نہیں ہیں۔
آپ سے پرزور مطالبہ ہے کہ ہر آسامی کے لیے مخصوص اور متعلقہ "کورس مواد" (Syllabus Hints) پہلے سے فراہم کریں تاکہ میرٹ کا قتلِ عام بند ہو اور حقدار کو اس کی محنت کا صلہ مل سکے۔
امید ہے کہ آپ اس مسئلے پر سنجیدگی سے غور کریں گے۔
مخلص،
Sabir , bannu، خیبر پختونخوا

Ministry of Defence Jobs

ایل ایل بی پروگرام فال 2026 میں داخلہ لینے کے خواہشمند طلبہ کے لیے اہم اعلان
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

یونیورسٹی آف سائنس اینڈ ٹیکنالوجی بنوں میں ایل ایل بی پروگرام (فال 2026) میں داخلہ لینے کے خواہشمند تمام طلبہ کو مطلع کیا جاتا ہے کہ پاکستان کی تمام سرکاری و نجی جامعات اور لاء کالجز میں داخلے کے لیے ہائر ایجوکیشن کمیشن کے زیرِ اہتمام منعقد ہونے والا لا ایڈمیشن ٹیسٹ پاس کرنا لازمی ہے۔

ہائر ایجوکیشن کمیشن کے ایجوکیشن ٹیسٹنگ کونسل کی جانب سے جاری کردہ ٹیسٹ کیلنڈر 2026 کے مطابق لا ایڈمیشن ٹیسٹ سال کے مختلف اوقات میں منعقد کیا جائے گا۔ تمام طلبہ سے گزارش ہے کہ مقررہ تاریخوں کے اندر اپنی رجسٹریشن مکمل کریں اور بروقت تیاری کا آغاز کریں۔

یونیورسٹی آف سائنس اینڈ ٹیکنالوجی بنوں میں ایل ایل بی پروگرام میں داخلہ لینے کے خواہشمند امیدواروں کو ہدایت کی جاتی ہے کہ لا ایڈمیشن ٹیسٹ کے لیے بروقت درخواست جمع کروائیں اور آخری تاریخ کا انتظار نہ کریں۔

مزید معلومات، داخلہ شیڈول، اہلیت کے معیار، اور آن لائن درخواست سے متعلق اعلانات جلد جاری کیے جائیں گے۔