15/10/2025
*پی سی بی اسکول ٹیلنٹ ہنٹ پروگرام, لسبیلہ/حب 26-2025*
*(فائنل میچ و اختتامی تقریب)*
ڈسٹرکٹ حب/لسبیلہ میں جاری *ڈسٹرکٹ انٹر اسکول کرکٹ لیگ ٹورنامنٹ (پی سی بی اسکول ٹیلنٹ ہنٹ پروگرام)* کا فائنل میچ آج *میر جام غلام قادر اسٹیڈیم، حب* میں کھیلا گیا۔ یہ فیصلہ کن معرکہ *گورنمنٹ بوائز ہائی اسکول بیلہ* اور *گورنمنٹ بوائز ہائی اسکول حب* کی ٹیموں کے درمیان ہوا۔ دونوں ٹیموں نے پورے ٹورنامنٹ میں شاندار کھیل کا مظاہرہ کیا، تاہم فائنل میں بیلہ کی ٹیم نے غیر معمولی کارکردگی دکھاتے ہوئے فتح اپنے نام کر لی۔
پہلی اننگز میں گورنمنٹ بوائز ہائی اسکول بیلہ نے بیٹنگ کرتے ہوئے *88 رنز* بنائے۔ بیلہ کی جانب سے *عبدالرحمٰن* نے بہترین بلے بازی کا مظاہرہ کرتے ہوئے 18 قیمتی رنز اسکور کیے۔ حب کی جانب سے *احمد دین* نے شاندار باؤلنگ کی، ہیٹ ٹرک سمیت 5 وکٹیں حاصل کر کے شائقینِ کرکٹ سے خوب داد سمیٹی۔
جواب میں بیٹنگ کرتے ہوئے گورنمنٹ بوائز ہائی اسکول حب کی پوری ٹیم صرف *38 رنز* پر آؤٹ ہو گئی۔ بیلہ کے *محمد حسنین* نے تباہ کن باؤلنگ کرتے ہوئے 5 وکٹیں حاصل کیں اور اپنے شاندار کارکردگی پر *مین آف دی میچ* کا اعزاز حاصل کیا۔
یوں گورنمنٹ بوائز ہائی اسکول بیلہ نے شاندار انداز میں ٹورنامنٹ ٹائٹل اپنے نام کیا۔
میچ کے اختتام پر *ڈسٹرکٹ ایجوکیشن آفیسر، محمد رحیم بلیدی صاحب* مہمانِ خاص کے طور پر شریک ہوئے۔ انہوں نے بیلہ کی ٹیم کو شاندار کامیابی پر مبارکباد دی اور بطور انعام 10,000 روپے دینے کا اعلان کیا۔ ان کا کہنا تھا کہ “تعلیم اور کھیل کا امتزاج ہی طلباء کے ہمہ جہت ترقی کا ضامن ہے۔”
تقریب میں دیگر معزز شخصیات بھی شریک تھے.
*محمد ابراہیم مہر بلوچ (ڈی ڈی او ای گڈانی)*،
*عبدالمجید شیخ (اے ڈی ای او)*،
*محمد رفیق بلوچ (ہیڈماسٹر GBHS حب)*،
اور *عبدالعزیز رونجھا (صدر جی ٹی اے)* شامل تھے۔
اس موقع پر اساتذہ، میڈیا کوآرڈینیٹرز، اسپورٹس انچارجز اور طلباء کی بڑی تعداد نے شرکت کی۔
*خصوصی اعزازات:*
بہترین کھلاڑی:
*شکیل احمد (GBHS بیلہ)*
بہترین باؤلر:
*احمد دین (GBHS حب)*
بہترین وکٹ کیپر:
*طاہر حبیب (ماڈل اسکول اوتھل)*
یہ ٹورنامنٹ بلوچستان کے نوجوانوں کے لیے کرکٹ کے میدان میں اپنی صلاحیتیں دکھانے اور آگے بڑھنے کا ایک بہترین پلیٹ فارم ثابت ہوا۔
*محمد فہیم (جے ای ٹی)*
میڈیا کورڈینیٹر, *ڈسٹرکٹ انٹر اسکول کرکٹ ٹورنامنٹ, لسبیلہ/حب*
(پی سی بی ٹیلنٹ ہنٹ پروگرام 26-2025)
