GMS Darbano Nawagai Bajaur

گورنمنٹ مڈل سکول دربنوں ناواگئی میں سالانہ امتحانات کے نتائج کی تقریب منعقد ہوئی جس میں طلبہ کو ان کی محنت کا صلہ دیا گیا۔ اس موقع پر تمام کلاسوں کے اول، دوم اور سوم پوزیشن حاصل کرنے والے طلبہ کو انعامات دیے گئے، جس سے طلبہ کے حوصلے مزید بلند ہوئے۔
تقریب کا باقاعدہ آغاز تلاوتِ کلامِ پاک سے کیا گیا۔ ہیڈماسٹر جناب جنت گل صاحب اور معزز اساتذہ کرام نے اپنے خطابات میں وقت کی اہمیت، امتحانات میں کامیابی کے اصول اور جدید دور میں تعلیم کی افادیت پر زور دیا۔ مقررین نے طلبہ کو محنت، نظم و ضبط اور مسلسل جدوجہد کے ذریعے آگے بڑھنے کی تلقین کی۔
آخر میں مولانا ضابط اللہ صاحب کی دعا کے ساتھ پروگرام اختتام پذیر ہوا۔ یہ تقریب نہ صرف طلبہ کے لیے حوصلہ افزا ثابت ہوئی بلکہ والدین اور اساتذہ کے لیے بھی خوشی اور فخر کا باعث بنی۔

گورنمنٹ مڈل سکول دربنوں ناواگئ ضلع،باجوڑ میں ڈی وارمنگ مہم کا باقاعدہ آغاز کیا گیا، جس کا مقصد طلبہ میں صحت و صفائی کے شعور کو بیدار کرنا اور پیٹ کے کیڑوں سے بچاؤ کی اہمیت سمجھانا تھا۔ اس سلسلے میں مختلف کلاسوں میں معلوماتی سیشنز منعقد کیے گئے، جہاں بچوں کو ڈی وارمنگ دوا کے فوائد، استعمال کا صحیح طریقہ، اور صفائی کے بنیادی اصولوں سے آگاہ کیا گیا۔ صبح کی اسمبلی میں بھی اس مہم کی افادیت پر خصوصی روشنی ڈالی گئی، جس میں اساتذہ نے واضح کیا کہ صحت مند جسم ہی بہتر تعلیم کی ضمانت ہے۔ اس اقدام کو طلبہ، اساتذہ اور والدین کی جانب سے سراہا گیا اور اسے بچوں کی بہتر صحت کے لیے ایک اہم پیش رفت قرار دیا گیا۔

2nd paper 2nd semester 2025 at GMS Darbano nawagai

2nd semester 2025 examination in GMS Darbano is in progress

Awareness campaign regarding unexploded materials