Govt. Higher Secondary School 319/hr.

24/09/2026

21/09/2026

میٹرک کے کلاس فیلو، ظفر اقبال صاحب ❤️
جب بھی سعودی عرب سے پاکستان تشریف لاتے ہیں، اپنی بے حد مصروفیات اور قیمتی وقت میں سے وقت نکال کر اپنی مادرِ علمی GHSS 319/HR Marot ضرور تشریف لاتے ہیں۔ یہ صرف ایک سکول کا دورہ نہیں بلکہ اپنی یادوں، اپنے بچپن اور اپنے تعلیمی سفر سے محبت کا اظہار ہے۔
ایسے دوست جو برسوں اور میلوں کے فاصلے کے باوجود اپنی مادرِ علمی سے جڑے رہیں، یقیناً قابلِ قدر ہیں۔
ظفر اقبال صاحب! آپ کی یہ محبت اور وابستگی ہمارے لیے باعثِ فخر بھی ہے اور خوشی بھی۔
اللہ تعالیٰ آپ کو ہمیشہ خوش، سلامت اور کامیاب رکھے۔ آمین۔ ❤️

21/09/2026

🌟 وقت کی پابندی — ایک خوبصورت عادت 🌟
روزانہ صبح 7 بجے جب پرنسپل صاحب سکول پہنچتے ہیں تو سب سے پہلے یہی دو بچے سکول میں موجود ہوتے ہیں۔
ان کی یہ پابندیِ وقت اور سکول سے محبت واقعی قابلِ تحسین ہے۔ 👏
آج ان دونوں محنتی اور پابند طلبہ کے ساتھ پرنسپل صاحب کی خصوصی گروپ فوٹو 📸
شاباش بیٹا! اسی جذبے کے ساتھ آگے بڑھتے رہیں۔ آپ کی یہ عادت دوسرے طلبہ کے لیے بھی ایک خوبصورت مثال ہے۔ 🌹
GHSS 319/HR Marot

21/09/2026

ٹریفک وارڈن کی تعیناتی پر اظہارِ تشکر
الحمدللہ! سکول میں طلبہ کی بڑھتی ہوئی تعداد اور سکول کے اوقاتِ کار میں ٹریفک کے بڑھتے ہوئے مسائل کے پیشِ نظر ایک مستعد ٹریفک وارڈن سکول کھلنے اور چھٹی کے اوقات میں تعینات کیا جا رہا ہے، جو طلبہ کی سڑک عبور کرنے میں معاونت کے ساتھ ساتھ ٹریفک کو منظم رکھنے میں بھی اہم کردار ادا کر رہے ہیں۔
اس بہترین انتظام اور طلبہ کی حفاظت کے لیے ایس ایچ او تھانہ مروٹ، اسسٹنٹ کمشنر فورٹ عباس اور ڈی ایس پی فورٹ عباس کے تہہ دل سے مشکور ہیں۔ ضلعی انتظامیہ اور پولیس کی طرف سے طلبہ کی حفاظت اور ٹریفک کی روانی کے لیے یہ تعاون قابلِ تحسین ہے۔
انتظامیہ GHSS 319/HR Marot کی جانب سے آپ سب کا خصوصی شکریہ۔

20/09/2026

چودھری خالد اقبال مرحوم — ایک عہد ساز ماہرِ تعلیم کی یاد میں
آج ضلع بہاولنگر کے محکمۂ تعلیم کی ایک معروف اور قابلِ احترام شخصیت چودھری خالد اقبال مرحوم کا یومِ وفات ہے۔
مرحوم نے محکمۂ تعلیم میں ایک طویل عرصہ نہایت محنت، دیانت اور لگن کے ساتھ خدمات انجام دیں۔ وہ گورنمنٹ ہائر سیکنڈری سکول 319/HR مروٹ میں بھی طویل عرصے تک سینیئر ہیڈ ماسٹر گریڈ 18 کے طور پر تعینات رہے۔ بعد ازاں گریڈ 19 میں ترقی پا کر فورٹ عباس ماڈل ہائی سکول میں خدمات انجام دیں۔ مزید برآں، گریڈ 20 میں ترقی کے بعد کمپری ہینسو ہائی سکول بہاولنگر کے پرنسپل کے طور پر ایک طویل عرصے تک اپنی ذمہ داریاں نبھاتے رہے۔ اُس دور میں ضلع بہاولنگر میں گریڈ 20 کی یہ واحد پرنسپل نشست تھی۔
مرحوم کی تعلیمی خدمات، ادارہ سازی، انتظامی صلاحیتیں اور نسلِ نو کی تربیت کے لیے ان کی کاوشیں ہمیشہ یاد رکھی جائیں گی۔ انہوں نے اپنے طویل تعلیمی سفر کے دوران متعدد اداروں میں اپنی صلاحیتوں اور تجربے سے محکمۂ تعلیم کو مستفید کیا۔
اللہ تعالیٰ مرحوم چودھری خالد اقبال صاحب کی کامل مغفرت فرمائے، ان کے درجاتِ عالیہ بلند فرمائے، انہیں جنت الفردوس میں اعلیٰ مقام عطا فرمائے اور ان کے اہلِ خانہ، شاگردوں، ساتھی اساتذہ اور تمام متعلقین کو صبرِ جمیل عطا فرمائے۔
آمین یا رب العالمین۔

18/09/2026

اسکول میں تعلیمی سہولیات کی جانب ایک اور قدم
الحمدللہ! تعلیمی سہولیات کی جانب ایک اور اہم پیش رفت
الحمدللہ، ہمارے سکول GHSS 319/HR Marot میں طلبہ کے لیے 50 امتحانی کرسیاں بحفاظت پہنچا دی گئی ہیں، جو بورڈ آف انٹرمیڈیٹ اینڈ سیکنڈری ایجوکیشن بہاولپور کی جانب سے فراہم کی گئی ہیں۔ یہ کرسیاں ان شاء اللہ ہمارے طلبہ کے لیے امتحانات کے دوران نہایت مفید ثابت ہوں گی۔
اس اہم سہولت کی فراہمی پر ہم چیئرمین بورڈ، سیکرٹری بورڈ اور کنٹرولر امتحانات بورڈ بہاولپور کے تہہ دل سے مشکور ہیں، جنہوں نے ہمارے طلبہ کے لیے یہ تعاون فراہم کیا۔
ان شاء اللہ جلد ہی انٹرمیڈیٹ کے طلبہ کے لیے مزید 100 کرسیاں فراہم کرنے کا بھی انتظام کیا جا رہا ہے، تاکہ ہمارے کالج سیکشن کے طلبہ کو بہتر تعلیمی و امتحانی سہولیات میسر آ سکیں۔
اسی طرح ان شاء اللہ ہمارے طلبہ کے لیے جدید ترین STEM Lab بھی قائم کی جا رہی ہے، جو سکول ایجوکیشن ڈیپارٹمنٹ پنجاب کی جانب سے تیار کی جا رہی ہے۔ یہ جدید لیب ہمارے علاقے کے بچوں کو سائنس، ٹیکنالوجی، انجینئرنگ اور ریاضی کے شعبوں میں عملی تجربات اور جدید سائنسی بنیاد فراہم کرنے میں اہم کردار ادا کرے گی۔
الحمدللہ، GHSS 319/HR Marot میں ترقی اور بہتری کا سفر مسلسل جاری ہے۔
ہمارا عزم: بہتر سہولیات، معیاری تعلیم اور طلبہ کا روشن مستقبل۔ 🇵🇰