Azhar Hadis Writes

28/09/2026

اس فریم میں اردو ادب کی اک مشہور شاعرہ موجود ہیں۔ ان کے قلم سے نکلی ہوئی ایک لاجواب غزل کو جب استاد امانت علی خان نے اپنی مدھر آواز میں ڈھالا تو وہ غزل، کلاسیک گائیکی کی تاریخ بن گئی ۔
اک شعر دیکھئے
​"ہونٹوں پہ کبھی ان کے مرا نام ہی آئے
آئے تو سہی بر سرِ الزام ہی آئے"
​ آپ بتا سکتے ہیں کہ وہ شاعرہ کون تھیں؟
​ #اردو #اردوادب #اردوکیخواتینشاعرہ #پوئٹری #پوئٹریلور #فیمسپوئٹری #استادامانتعلی #اردوشاعری #خواتینشاعرہ #عظیمشخصیات

28/09/2026

ہم گرم علاقوں کے باسیوں کے لیے سردی کسی نعمت سے کم نہیں ہوتی۔ آٹھ ماہ ہم لوگ ایڑیاں اٹھا اٹھا کر سردی کی راہ تکتے ہیں، اور جب موسم کی پہلی بارش کے ساتھ ہلکی خنکی اترتی ہے تو اس کا لطف ہی الگ ہے۔ بہاولنگر میں تو گویا سردی کی پہلی شہادت موصول ہو گئی ہے؛ ہمارے عزیز سٹوڈنٹ حافظ طلحہ زمان نے آج صبح صبح جرسی پہن لی اور کالج تشریف لے آئے، یوں سردی کی پہلی آمد کا باقاعدہ اعلان انہوں نے ہی کر دیا ہے!​

27/09/2026

تیکھے نقش والی اس حسین عورت کو آپ جانتے ہیں؟ جس کوملکہ ترنم نورجہاں نے ملک چھوڑنے پر مجبور کیا تھا یا یہ خود ملک چھوڑ کے چلی گئی تھیں؟؟

25/09/2026

دلیپ کمار کے ساتھ لڑکی کون ہے۔ مزید پڑھیے
جب کبھی پاکستانی سینما کی شاہکار فلم "ہیر رانجھا" کا وہ منظر نگاہوں کے سامنے آتا ہے جہاں رانجھا کی بانسری کی تان پر ہیر کسی ناگن کی طرح سرشار ہو کر رقص کرتی ہے، تو فلمی تاریخ کے اوراق خود بخود ایک اور ایسے ہی سحر انگیز اور لازوال منظر کی طرف پلٹ جاتے ہیں۔ "ہیر رانجھا" کے اس منظر سے بہت پہلے، ہندوستانی سینما میں لیجنڈری اداکارہ وجنتی مالا نے کچھ ایسا ہی جادو جگایا تھا۔ 1954 کی سپرہٹ فلم "ناگن" میں جب بین کی مدہم اور مسحور کن آواز گونجتی تو ساتھ یہ گیت ہمارے کانوں میں رس گھولنے لگا:
من ڈولے مرا تن ڈولے
مرے دل کا گیا قرار رے
یہ کون بجائے بانسریا
مدھر مدھر سپنوں میں دیکھی میں نے راہ نویلی
توڑ چلی میں لاج کا پہرہ جانے کہاں اکیلی
چلی میں جانے کہاں اکیلی
رس گھولے دھن یوں بولے جیسے ٹھنڈی پڑے پھوار رے
یہ کون بجائے بانسریا
من ڈولے مرا تن ڈولے۔(شاعر: راجیندر کرشن)
وجنتی مالا کا یہ رقص اور گیت دیکھیں کر ناظرین پر سحر طاری ہو جاتا ہے۔ اس گیت میں بھارتی فلمی تاریخ کی وہ ساحرانہ دھن تھی جو وقت کی گرد میں کبھی ماند نہیں پڑی، بلکہ اس کے بعد بننے والی کتنی ہی فلموں نے اسی موسیقی سے روشنی حاصل کی۔ بالی ووڈ کی تاریخ کا سب سے پہلا اور مقبول ترین یہ ناگن ڈانس وجنتی مالا نے کیا تھا، جس نے بھارتی سینما میں سانپ کے رقص کے رجحان کی بنیاد رکھی اور انہیں پورے ہندوستان میں شہرت کی بلندیوں پر پہنچا دیا۔ اس فلم میں وجنتی مالا نے شہرہ آفاق گانوں پر رقص کیا جنہیں لتا منگیشکر نے اپنی آواز سے امر کیا؛ پہلا "من ڈولے میرا تن ڈولے" بہت مشہور ہوا جس کی بین کی دھن پر انہوں نے اپنے ہاتھوں اور لچکدار حرکات سے سانپ کے انداز کا مسحور کن رقص کیا، اور دوسرا "میرا دل یہ پکارے آجا" جو فلم کا ایک اور ماسٹر پیس مانا جاتا ہے۔( یہ گیت بعد میں ایک پاکستانی ٹک ٹاکر نے خود پر پکچرائز کیا اور مقبولیت کی بلندی پر پہنچی) اس فلم کی لازوال موسیقی اور بین کی مشہور دھن معروف میوزک ڈائریکٹر ہیمنت کمار نے تیار کی تھی جس پر انہیں فلم فیئر ایوارڈ سے بھی نوازا گیا، جبکہ اس سحر انگیز رقص کو مشہور کوریوگرافر سچین شنکر نے ترتیب دیا تھا۔ اس رقص کی سب سے بڑی خوبی یہ تھی کہ یہ روایتی ڈراؤنے یا وحشیانہ انداز کے بجائے انتہائی معصومانہ، خوبصورت اور کلاسیکی انداز یعنی "بھرت ناٹیم" کی مہارت کے ساتھ پیش کیا گیا تھا جس نے دیکھنے والوں کو ہمیشہ کے لیے اپنا دیوانہ بنا دیا۔
تحریرو ترتیب: پروفیسر اظہر حادث
اگر ایسی مزید تحاریر پڑھنا چاہتے ہیں تو میرا پیج
Azhar Hadis Writes
کو فالو کیجئے اور سٹار کا آپشن بھی یوز کیجئے۔

​ #موسیقی #वैजयंतीमाला #नागिनडांस #क्लासिकसिनेमा #हीररांझा #पुरानीयादें #फिल्मइतिहास #बॉलीवुडक्लासिक #संगीत

23/09/2026

23/09/2026