درسگاہ استاذ العلماء جامعہ علمیہ دارالہدیٰ محمدیہ اثناء عشریہ علی پور

بسمہ تعالی
📆 27 مئ 2026
🕋 خطبۃ و نماز عیدالاضحی
📌 باقتداء : مولانا قبلہ ظہور عباس مہدوی صاحب

موضوع خطبہ : فلسفہ قربانی و حالات مدرسہ سے آگاہی اور شہادت جناب مسلم علیہ السلام


🕌 بمقام: مسجد ابوالفضل العباس علیہ السلام مدرسہ دارالھدی محمدیہ اثنا عشریہ علی پور

مدرسہ کے کلاس روم میں آگ لگنے کے سبب کمرہ کی یہ حالت ہے آج الحمد اللہ خداوند کریم کی کرم نوازی سے رنگ کاری کا کام شروع کر دیا ہے باقی شیشہ جوکہ ٹوٹ چکا وہ بھی نیا لگے گا
خدا کریم کی توفیق سے اور آپ کے تعاون سے ان شاءاللہ

محمد حسنین قمی
مہتمم اعلی مدرسہ ھذا

03003312147

دینی درسگاہ استاذ العلماء حضرت آیت اللہ علامہ سید محمد یار شاہ النجفی رح

تحسین قرائت وترجمہ قرآن کریم کی کلاس خداوند متعال ہمیں قرآن کریم کے ساتھ متمسک رہنے کی توفیق عطا فرمائے آمین

*استاذ العلماء حضرت آیت اللہ علامہ سید محمد یار شاہ النجفیؒ کی تبلیغ کا اثر*
ماسٹر رحیم بخش سیٹھاری کی زبانی
ماسٹر رحیم بخش سیٹھاری بیان کرتے ہیں:
“یہ ہمارے طالب علمی کے ایام تھے۔ ہم میٹرک کی تعلیم کے سلسلے میں مظفر گڑھ میں مقیم تھے۔ ایک دن خبر ملی کہ شیعوں کی مجلس منعقد ہو رہی ہے اور علی پور سے ایک عالمِ دین خطاب کے لیے تشریف لائے ہیں۔ تجسس کے عالم میں ہم اپنی پوری کلاس سمیت مجلس میں چلے گئے۔ ہم تقریباً بیاسی (82) لڑکے تھے اور سب کا تعلق اہلِ سنت مکتبِ فکر سے تھا۔
جب ہم مجلس میں پہنچے تو ایک باوقار، نورانی اور پُرہیبت شخصیت منبر پر جلوہ افروز تھی۔ یہ استاذ العلماء حضرت آیت اللہ علامہ سید محمد یار شاہ النجفیؒ تھے۔ قبلہ صاحب حضرت صدیقۂ کائنات بی بی فاطمہ زہراؑ کے مصائب اور حقانیت پر گفتگو فرما رہے تھے۔
عجیب روحانی کیفیت تھی…
منبر سے اٹھنے والے الفاظ سیدھے دلوں میں اتر رہے تھے۔
جوں جوں خطاب آگے بڑھتا گیا، ہماری آنکھوں سے آنسو جاری ہوتے گئے۔ حالانکہ ہم سب اہلِ سنت تھے، مگر دل گواہی دے رہا تھا کہ یہ آواز سچائی کی آواز ہے۔
مجلس ختم ہوئی تو ہم اندر سے بدل چکے تھے۔ دل بے چین تھا، ذہن سوالوں میں گھرا ہوا تھا کہ آخر رسولِ خداؐ کی بیٹیؑ کو ان کا حق کیوں نہ دیا گیا؟
اسی اضطراب اور جستجو میں ہم سب نے آپس میں گفتگو کی، غور و فکر کیا، اور بالآخر ایک ہی نتیجے پر پہنچے کہ حق، سیدہ کائنات حضرت فاطمہ زہراؑ کے ساتھ تھا۔
پھر ہم نے اسی حقِ سیدہؑ کو گواہ بنا کر مکتبِ اہل بیت علیہم السلام اختیار کر لیا۔
آج جب ماضی کو یاد کرتا ہوں تو بارگاہِ خداوندی میں سجدۂ شکر ادا کرتا ہوں کہ اُس دن مجھے اس مجلس میں جانے کی توفیق ملی، اور خدا نے مجھے حق کے قافلے سے ملا دیا۔”

`تحریر: محمد حسنین قمی`