Govt Boys Middle School Battle

17/05/2026

کل دن 11 بجے بوائز مڈل سکول بٹل کو بوائز ہائی سکول بٹل کا نوٹیفکیشن ملنے کے سلسلہ میں دعائیہ تقریب کا انعقاد کیا گیا ہے اہل علاقہ کو ان حسین لمحات میں شرکت کی دعوت دی جاتی ہے۔۔۔
منجانب صدر معلم و جملہ سٹاف

11/05/2026

وائس چیئرمین یونین کونسل بٹل منڈھول جناب ذوالقرنین صاحب نے اپنے بچے ،ریٹائرڈ صوبیدار راجہ کمال نے اپنے پوتوں اور راجہ اظہر صاحب نے اپنے بچوں کی تعلیم کے لیے گورنمنٹ بوائز مڈل سکول بٹل کا انتخاب کیا ہے اور یہ میسج دیا ہے کہ وسائل ہونے کے باوجود ہم اتنی دور سے اپنے بچوں کو گورنمنٹ سکولز میں داخل کروا رہے ہیں تو گردونواح کے لوگوں کو بھی چاہیے کہ وہ اپنے بچوں کے لیے گورنمنٹ سکولز کا انتخاب کریں۔۔۔

08/05/2026

السلام علیکم
آج مورخہ 8 مئی 2026 بروز جمعہ، عالمی یومِ تھیلیسیمیا کے موقع پر لائف لائن فاؤنڈیشن (رجسٹرڈ) کی جانب سے گورنمنٹ پرائمری سکول بٹل پونچھ تھیلیسیمیا آگاہی سیمینارز کا انعقاد کیا گیا۔
ان سیمینارز کا مقصد نوجوان نسل میں تھیلیسیمیا کے بارے میں شعور اجاگر کرنا، بروقت ٹیسٹ کی اہمیت بتانا اور اس مرض سے بچاؤ کے حوالے سے آگاہی فراہم کرنا تھا۔
اس موقع پر طلباء و طالبات کو تھیلیسیمیا کی وجوہات، احتیاطی تدابیر، اور خون کے عطیات کی اہمیت کے بارے میں تفصیلی آگاہی دی گئی۔ شرکاء نے اس کاوش کو سراہتے ہوئے اس عزم کا اظہار کیا کہ وہ معاشرے میں تھیلیسیمیا سے متعلق شعور بیدار کرنے میں اپنا کردار ادا کریں گے۔
لائف لائن فاؤنڈیشن (رجسٹرڈ) ہمیشہ کی طرح انسانیت کی خدمت اور تھیلیسیمیا سے متاثرہ بچوں کی مدد کے لیے اپنی کاوشیں جاری رکھے گی۔

08/05/2026

08/05/2026

*بوائز مڈل سکول بٹل : ترقی کا ایک اور سنگِ میل*
آج _بوائز مڈل سکول بٹل_ کے لیے *ڈبل سٹوری عمارت* کے *پہلے چھت کے لینٹر* کی تکمیل کا تاریخی موقع تھا۔
سردار صاحب کے اس عمل سے اس ادارے سے فارغ التحصیل بےشمار ڈاکٹرز انجینئرز واعلی عہدے پہ فائز( اندرون ملک و بیرون ملک )لوگوں کو یہ پیغام جاتا ہے کہ جب بھی آپ سیاست کریں ،یا کوئی فلاح کا کام کریں یا انقلاب برپا کرنے کی کوشش کریں تو اپنے علاقے اپنے اداروں کے لیے کچھ ضرور کر کے جائیں آج غلام زکریا صاحب نے پہل کرتے ہوئے سب کو پیچھے چھوڑا اور خود مثال بنتے ہوئے دوسروں کے لیے راہ ہموار کی ۔۔۔۔۔۔۔مت دیکھیں سب کام آپ کو گورنمنٹ ہی کر کے دے گی۔۔۔۔اپنا رول پلے کریں ۔۔۔۔۔جیسے باقی علاقوں میں لوگ اپنی مدد آپ کے تحت اپنے آپ کو ڈیولپ کر رہے ہیں ۔۔۔
اس یادگار دن نامور سماجی شخصیت و *ڈونر بلڈنگ ھذا سردار غلام ذکریا صاحب* نے خصوصی طور پر شرکت فرما کر اس لمحے کو مزید باوقار بنا دیا۔
جیسے ہی موصوف سکول میں تشریف لائے، *تمام سٹاف ممبران اور طلباء* نے جوش و خروش سے ان کا استقبال کیا۔ *اسکاؤٹس ٹیم* نے سلامی پیش کر کے اپنے جذبات کا اظہار کیا۔
سردار غلام ذکریا صاحب نے انتظامیہ اور طلباء کے پرجوش استقبال پر شکریہ ادا کرتے ہوئے کہا کہ *"خدمتِ خلق ہی اصل عبادت ہے اور یہ مشن جاری رہے گا"*۔
ان کا یہ عزم علم کے اس چراغ کو مزید روشن کرنے کی ضمانت ہے۔یہ عمارت صرف اینٹ و سیمنٹ کا ڈھانچہ نہیں بلکہ بٹل کے مستقبل کے معماروں کے لیے علم و تربیت کا وہ سنگ بنیاد ہے جس پر آنے والا کل کھڑا ہوگا۔
اللہ تعالیٰ ان کے اس نیک عمل کو قبول فرمائے اور اسے صدقہ جاریہ بنائے۔ آمین 🤲

06/05/2026

*بوائز مڈل سکول بٹل : تاریخ کا سنہری ورق*
*_"دھرتی کا قرض جو چکا دے، وہی ہے سچا فرزند
غلام ذکریا صاحب، آپ کا یہ عمل ہے زندہ جاوید"__
*آج بروز بدھ، 06 مئی 2026* کو _بوائز مڈل سکول بٹل_ کی تاریخ میں ایک ایسا باب رقم ہوا جسے وقت بھی مٹا نہ سکے گا۔
سکول کی *پہلی چھت کا لینٹر* کامیابی سے مکمل کر کے علم کے اس چراغ کو نئی روشنی عطا کر دی گئی۔
*قاسم علی شاہ* فرماتے ہیں:
_"بندہ جس سرزمین پر جنم لے، اگر اللہ اسے نوازے تو اسے اپنی دھرتی کا قرض ضرور چکانا چاہیے۔"*
آج یہ قول *سردار غلام ذکریا صاحب* کی ذات میں مجسم نظر آتا ہے۔
آپ نے اپنی *مادرِ علمی* کو *چھ کمروں پر مشتمل ڈبل سٹوری بلڈنگ* کا انمول تحفہ دے کر نہ صرف علم کی شمع کو فروزاں کیا، بلکہ خدمتِ خلق کی ایک لازوال مثال قائم کر دی۔
سنگل سٹوری کے پہلے تین کمروں کا لینٹر ڈال کر آپ نے یہ پیغام دیا کہ *"خدمتِ خلق ہی اصل عبادت ہے"*۔
*صدر معلم ادارہ ھذا، سردار عامر نسیم* اور تمام سٹاف ممبران *عامر خان، ذوالفقار احمد، ریاض حسین، نبیل احمد، عاطف نصیر، سید اکرام علی شاہ، شوکت حسین* کی جانب سے ہم آپ کے احسان مند ہیں۔
آپ نے علم دوستی کا جو جذبہ دکھایا ہے، وہ آنے والی نسلوں کے لیے مشعلِ راہ بنے گا۔
اللہ تعالیٰ آپ کے *جان، مال، عزت اور کاروبار میں بے پناہ برکت* عطا فرمائے، اور آپ کو مزید خدمت کی توفیق دے۔ آمین 🤲
آج آپ نے *اہلیانِ بٹل، منڈہول اور پورے آزاد کشمیر* کے لیے تاریخ کے اوراق پر اپنا نام سنہری حروف میں لکھ دیا۔
بقول شاعر
نہ دولت مانگ، نہ شہرت کی تمنا کر
بس کسی کے کام آ، یہی زندگی کا حق ادا کر