آواز نملی میرا

آواز نملی میرا Contact information, map and directions, contact form, opening hours, services, ratings, photos, videos and announcements from آواز نملی میرا, Tutor/Teacher, Hill Namli maira Abbottabad, Abbottabad.

نملی میرا کے تمام گورنمنٹ، پرائیویٹ اساتذہ، آئمہ مساجد اور اہلِ علم کو ایک پلیٹ فارم پر اکٹھا کرنا، معیاری تعلیم، اسکل بیسڈ لرننگ، کیریئر کونسلنگ، والدین و اساتذہ کی تربیت اور نئی نسل کی کردار سازی کے لیے مل کر کام کرنا ہے۔

23/08/2026

*خیبرپختونخوا کے سرکاری سکولوں میں 'انٹر ٹیک' پروگرام شروع کرنے کا فیصلہ، مراسلہ جاری*

پشاور : حکومت خیبرپختونخوا کے محکمہ ایلیمنٹری اینڈ سیکنڈری ایجوکیشن نے صوبے کے پبلک سکولوں میں جدید 'انٹر ٹیک' (Inter-Tech) پروگرام متعارف کرانے کا اہم فیصلہ کیا ہے۔

جاری کردہ سرکاری مراسلے کے مطابق، یہ پروگرام ابتدائی طور پر خیبرپختونخوا کے 10 اضلاع کے 20 سرکاری ہائیر سیکنڈری سکولوں میں شروع کیا جائے گا، جن میں 10 لڑکوں (GHSSs) اور 10 لڑکیوں (GGHSSs) کے ہائیر سیکنڈری سکول شامل ہوں گے۔ اس مقصد کے لیے اہل ٹیکنیکل ایجوکیشن پرووائیڈرز (TEPs) کی خدمات اوپن اور مسابقتی آؤٹ سورسنگ کے ذریعے حاصل کی جائیں گی۔

اس ضمن میں سیکشن آفیسر (ریفارمز) کی جانب سے ڈسٹرکٹ ایجوکیشن آفیسر (مردانہ) ضلع بنوں کو ایک باضابطہ خط جاری کیا گیا ہے۔ خط میں انہیں ہدایت کی گئی ہے کہ وہ ضلع بنوں کے دو سرکاری سکولوں گورنمنٹ ہائیر سیکنڈری سکول لالوزئی اور گورنمنٹ ہائیر سیکنڈری سکول اسماعیل خیل کے حوالے سے جاری کردہ سوالنامے پر مطلوبہ ڈیٹا اکٹھا کریں۔

متعلقہ افسران کو ہدایت کی گئی ہے کہ وہ متعلقہ پرنسپلز اور اپنے دفتر سے دستخط شدہ اور تصدیق شدہ سوالنامے کی سکین کاپی پیر، 24 اگست 2026 تک محکمے کو واٹس ایپ کے ذریعے ارسال کریں۔

21/08/2026

نملی میرا اساتذہ تنظیم کی نئی کابینہ 2026-27 بلا مقابلہ منتخب

نملی میرا: نملی میرا اساتذہ تنظیم نے سال 2026-2027ء کے لیے اپنی نئی ایگزیکٹو کابینہ کا اعلان کر دیا ہے۔ نئی کابینہ کے تمام عہدیداران بلا مقابلہ منتخب ہوئے، جو اساتذہ برادری کے باہمی اعتماد، اتحاد اور اتفاقِ رائے کی عکاسی کرتا ہے۔

تنظیم کی نئی کابینہ میں:

1. صدر: مسز ثوبیہ شوکت
2. سینئر نائب صدر: میڈم روبینہ نجیب
3. نائب صدر: مسٹر گلزار احمد
4. جنرل سیکرٹری: مس نائلہ مستجاب
5. جوائنٹ سیکرٹری: مسٹر جواد رحمان ملک
6. فنانس سیکرٹری: مسٹر مرزا توقیر احمد
7. انفارمیشن و میڈیا سیکرٹری: مسٹر سردار زبیر
8. کوآرڈینیٹر: مسٹر فیضان اختر

نملی میرا اساتذہ تنظیم نے نومنتخب صدر اور تمام کابینہ اراکین کو دلی مبارکباد پیش کرتے ہوئے اس امید کا اظہار کیا ہے کہ نئی قیادت اساتذہ کی فلاح و بہبود، طلبہ کے بہتر مستقبل، تعلیمی معیار کی بہتری اور نملی میرا میں تعلیم کے فروغ کے لیے بھرپور کردار ادا کرے گی۔

نئی کابینہ کے اراکین نے باہمی مشاورت، اتحاد اور اجتماعی جدوجہد کے ذریعے علاقے میں تعلیمی ترقی کے سفر کو مزید آگے بڑھانے کے عزم کا اظہار کیا۔

جاری کردہ: نملی میرا اساتذہ تنظیم کی کابینہ
تاریخ: 21 اگست 2026ء

20/08/2026

نملی میرا اساتذہ تنظیم کے تیسرے اجلاس میں اہم امور پر تبادلہ خیال
نملی میرا اساتذہ تنظیم کے تیسرے اجلاس کے موقع پر صدر ثوبیہ شوکت نے اجلاس کے حوالے سے گفتگو کرتے ہوئے تنظیم کے اغراض و مقاصد، اساتذہ کو درپیش مسائل، تعلیمی معیار کی بہتری اور آئندہ کے لائحہ عمل سمیت مختلف اہم امور پر تفصیلی تبادلہ خیال کیا۔
انہوں نے اساتذہ کے باہمی اتحاد، تعاون اور مثبت کردار کو معاشرے کی تعلیمی ترقی کے لیے ناگزیر قرار دیا۔

#اساتذہ #تعلیم

14/08/2026

نملی میرا اساتذہ تنظیم ایک پلیٹ فارم پر اپنے گاوں کی بہتری کے لیے

🇵🇰 نملی میرا اساتذہ تنظیم — جشنِ آزادی 🇵🇰نملی میرا اساتذہ تنظیم کے اساتذہ کرام کی جشنِ آزادی کے موقع پر یادگار گروپ فوٹو...
14/08/2026

🇵🇰 نملی میرا اساتذہ تنظیم — جشنِ آزادی 🇵🇰
نملی میرا اساتذہ تنظیم کے اساتذہ کرام کی جشنِ آزادی کے موقع پر یادگار گروپ فوٹو۔۔۔ایک پرچم، ایک وطن، ایک جذبہ —
پاکستان ہماری پہچان، ہماری شان اور ہماری ذمہ داری ہے۔ 🇵🇰
14 اگست مبارک! 🇵🇰💚

📢 نملی میرا اساتذہ تنظیم کا تیسرا اجلاس — اہم تعلیمی امور پر گفتگوالحمدللہ! نملی میرا اساتذہ تنظیم کا تیسرا اجلاس ایبٹ ک...
14/08/2026

📢 نملی میرا اساتذہ تنظیم کا تیسرا اجلاس — اہم تعلیمی امور پر گفتگو
الحمدللہ! نملی میرا اساتذہ تنظیم کا تیسرا اجلاس ایبٹ کلب ایبٹ آباد میں منعقد ہوا، جس میں نملی میرا کے تعلیمی معاملات اور اساتذہ کو درپیش مختلف امور پر تفصیلی گفتگو کی گئی۔
📸 اجلاس کی تصویری جھلکیاں
اجلاس میں بالخصوص درج ذیل اہم موضوعات زیرِ بحث آئے:
🔹 نملی میرا ہائی سکول میں Co-Education کے حوالے سے گفتگو
🔹 سکولوں میں امتحانات کے دوران نقل کے رجحان کی روک تھام
🔹 تعلیمی عمل میں والدین کی مؤثر شمولیت
🔹 گورنمنٹ پرائمری ہائی سکول ہل کے ختم کیے جانے کے معاملے پر گفتگو
🔹 طلبہ کی تعلیمی و اخلاقی تربیت
🔹 اساتذہ کو درپیش دیگر اہم تعلیمی امور
نملی میرا اساتذہ تنظیم کا مقصد کسی ایک ادارے یا فرد تک محدود نہیں، بلکہ نملی میرا میں معیاری تعلیم، بہتر تعلیمی ماحول اور ہماری آنے والی نسلوں کے روشن مستقبل کے لیے مل کر کام کرنا ہے۔
آئیں، مل کر اپنی مٹی کا حق ادا کریں۔ 🌱
نملی میرا اساتذہ تنظیم
"متحد اساتذہ، روشن نسلیں، مضبوط معاشرہ"



#تعلیم
#اساتذہ


🌟 فخرِ نملی میرا — ایک یادگار کامیابی 🌟نملی میرا کی بیٹی یسریٰ ضیاء ولد ضیاء الدین نے 2017ء میں کنگسٹن اسکول کی طالبہ کی...
08/08/2026

🌟 فخرِ نملی میرا — ایک یادگار کامیابی 🌟
نملی میرا کی بیٹی یسریٰ ضیاء ولد ضیاء الدین نے 2017ء میں کنگسٹن اسکول کی طالبہ کی حیثیت سے ایبٹ آباد بورڈ کے نویں جماعت کے امتحان میں 550 میں سے 277 نمبر حاصل کیے۔
بصارت اور جسمانی معذوری کے باوجود یہ کامیابی اس کے حوصلے، محنت اور عزم کی روشن مثال ہے۔ ❤️
آج برسوں بعد بھی یہ کامیابی نملی میرا اور کنگسٹن اسکول دونوں کے لیے باعثِ فخر ہے۔
یہ بھی قابلِ فخر بات ہے کہ کنگسٹن اسکول کا تعلق بھی نملی میرا سے ہے۔
خصوصی بچے کمزور نہیں، انہیں صرف ایک موقع اور یقین کی ضرورت ہوتی ہے۔ 🌹

یہ رپورٹ ایبٹ آباد کے محکمہ صحت (PHE) کی ہے۔ اس رپورٹ میں نملی میرا کے علاقے کے پانی کو چیک کیا گیا ہے۔اس رپورٹ کا نتیجہ...
07/08/2026

یہ رپورٹ ایبٹ آباد کے محکمہ صحت (PHE) کی ہے۔ اس رپورٹ میں نملی میرا کے علاقے کے پانی کو چیک کیا گیا ہے۔

اس رپورٹ کا نتیجہ بہت خطرناک ہے:

پانی پینے کے قابل نہیں: رپورٹ میں لکھا ہے کہ یہ پانی پینے کے لیے بالکل ٹھیک نہیں ہے۔

پانی میں گندگی ملی ہوئی ہے: اس پانی میں ایسے جراثیم پائے گئے ہیں جو صرف ٹوائلٹ اور گندے نالوں میں پائے جاتے ہیں۔

سیوریج کا پانی مکس ہو رہا ہے: اس کا مطلب یہ ہے کہ گندے نالوں کا پانی اور پینے والا پانی آپس میں مل رہا ہے۔ ایسا شاید پائپ ٹوٹنے یا لیک ہونے کی وجہ سے ہوا ہے۔

بیماریوں کا ڈر: اگر آپ نے یہ پانی پیا تو آپ کو پیٹ کی شدید بیماری، ٹائیفائیڈ اور یرقان (Hepatitis) جیسی خطرناک بیماریاں ہو سکتی ہیں۔

اب آپ کو فوری طور پر کیا کرنا چاہیے؟

یہ پانی ہرگز نہ پئیں: اس پانی کو پینا، اس سے کھانا پکانا، یا سبزیاں دھونا بالکل بند کر دیں۔

مارکیٹ کا صاف پانی استعمال کریں: جب تک مسئلہ حل نہ ہو، آپ کو مارکیٹ سے بوتل بند (Bottled) صاف پانی خرید کر پینا چاہیے۔

اگر بہت مجبوری ہو تو اُبال کر پئیں: کوئی اور راستہ نہ ہو تو اس پانی کو کم از کم 15 منٹ تک اچھی طرح اُبالیں (پھر بھی یہ 100% محفوظ نہیں ہے)۔

فوراً شکایت کریں: آپ اور آپ کے پڑوسی مل کر محکمہ صحت (PHE) یا ڈسٹرکٹ کونسل میں فوراً شکایت کریں تاکہ وہ پائپ ٹھیک کرنے آئیں۔

نوٹ: اپنی اور اپنے بچوں/بزرگوں کی جان بچانے کے لیے یہ پانی پینے سے گریز کریں۔ یہ بہت خطرناک ہے

🌹 فخرِ گلیات، فخرِ نملی میرا 🌹نملی میرا اساتذہ تنظیم کی جانب سے اپنے ہر دلعزیز بھائی راجہ ممتاز ترک صاحب کو ڈی ایس پی (D...
06/08/2026

🌹 فخرِ گلیات، فخرِ نملی میرا 🌹
نملی میرا اساتذہ تنظیم کی جانب سے اپنے ہر دلعزیز بھائی راجہ ممتاز ترک صاحب کو ڈی ایس پی (DSP) کے عہدے پر ترقی پانے پر دل کی اتھاہ گہرائیوں سے مبارکباد پیش کرتے ہیں۔
یہ کامیابی آپ کی محنت، دیانت، قابلیت اور لگن کا ثمر ہے۔ آپ کی یہ ترقی نہ صرف آپ اور آپ کے خاندان بلکہ پورے نملی میرا کے لیے باعثِ فخر اور اعزاز ہے۔
اللہ تعالیٰ آپ کو مزید عزت، کامیابیاں، صحت اور اپنے فرائض منصبی بہترین انداز میں انجام دینے کی توفیق عطا فرمائے، اور آپ کو ہمیشہ حق و انصاف کے ساتھ عوام کی خدمت کرنے کی توفیق دے۔
آمین یا رب العالمین۔ 🌹
نملی میرا اساتذہ تنظیم
"اپنی مٹی، اپنی پہچان، اپنے لوگ"







04/08/2026

🎉 میٹرک بورڈ 2026 کے شاندار نتائج پر نملی میرا کو مبارک ہو 🎉
الحمدللہ! ایبٹ آباد بورڈ کے میٹرک امتحان 2026 کے نتائج کا اعلان ہو چکا ہے، اور انتہائی محدود وسائل کے باوجود نملی میرا کے مستقبل کے معماروں نے قابلِ فخر کارکردگی کا مظاہرہ کیا ہے۔
📚 گورنمنٹ ہائی سکول نملی میرا نے 84.09% جبکہ
📚 گورنمنٹ گرلز ہائی سکول نملی میرا (جلاء) نے 83.72% نتائج حاصل کر کے اپنے اساتذہ، والدین اور پورے گاؤں کا سر فخر سے بلند کر دیا ہے۔
یہ کامیابی صرف اعداد و شمار نہیں، بلکہ اساتذہ کی محنت، طلبہ کی لگن اور والدین کی دعاؤں کا حسین امتزاج ہے۔ ہمیں یقین ہے کہ نملی میرا کے یہی ہونہار طلبہ و طالبات مستقبل میں بھی اس شاندار روایت کو برقرار رکھتے ہوئے تعلیم، کردار اور کامیابی کی نئی مثالیں قائم کریں گے۔
اس خوشی کے موقع پر نملی میرا اساتذہ تنظیم کی جانب سے نملی میرا کے تمام محنتی اساتذہ کرام، ہونہار طلبہ و طالبات، معزز والدین اور دونوں اداروں کی انتظامیہ کو دل کی گہرائیوں سے مبارکباد پیش کرتے ہیں۔

اللہ تعالیٰ ہمارے بچوں کو علمِ نافع، بہترین اخلاق اور مزید کامیابیاں عطا فرمائے، اور آئندہ برسوں میں اس سے بھی بہتر نتائج نصیب فرمائے۔ آمین۔

🌹 نملی میرا اساتذہ تنظیم
"متحد اساتذہ، روشن نسلیں، مضبوط معاشرہ"







Address

Hill Namli Maira Abbottabad
Abbottabad
22010

Telephone

+923145000600

Website

Alerts

Be the first to know and let us send you an email when آواز نملی میرا posts news and promotions. Your email address will not be used for any other purpose, and you can unsubscribe at any time.

Contact The School

Send a message to آواز نملی میرا:

Shortcuts

Share

Category