Teacher Ishtaiq Abbasi and natural heritage

28/08/2026

🌳 قدرتی ورثے کی حفاظت، ہماری ذمہ داری

آئیں! اپنے گھروں کے اردگرد، صحنوں اور گلیوں کو صاف ستھرا رکھیں اور دستیاب خالی جگہوں پر خوبصورت، سایہ دار اور ماحول دوست پودے لگائیں۔ درخت صرف خوبصورتی نہیں بلکہ ہماری صحت، صاف ہوا، ٹھنڈک، پرندوں اور آنے والی نسلوں کے لیے ایک قیمتی سرمایہ ہیں۔

ہمیں صرف پودے لگانے تک محدود نہیں رہنا چاہیے بلکہ درختوں اور اپنے تمام قدرتی ورثے کی حفاظت بھی کرنی چاہیے۔ ایسے مقامی اور ماحول سے مطابقت رکھنے والے پودوں کا انتخاب کریں جو ہمارے علاقے میں اچھی طرح نشوونما پائیں اور مستقبل میں فائدہ دیں۔

**آئیں مل کر ایک بھرپور شجرکاری و صفائی مہم شروع کریں—
ایک پودا آج، ایک بہتر ماحول کل۔
اپنا گھر، اپنا گاؤں اور اپنی سرزمین سرسبز بنائیں۔ 🌱🌳**
the tree

24/08/2026

22/08/2026

🌱 ابھی سب سے بہتر انتخاب
ہمارے علاقے میں اگست کے اخر میں اور ستمبر کے پہلے 15 دن سبزیوں کے لیے بہت اہم ہے سبزیوں کا بیج اچھے قسم کا لیں ہو سکے تو ہائی بریڈ بھی لیں تاکہ اپ کی پیداوار اچھی ہو سکے

مولی، شلجم، پالک، دھنیا، گاجر، مٹر، سلاد، پھول گوبھی، بند گوبھی، بروکلی، لہسن اور ہرا پیاز۔

🌿 کاشت کا طریقہ

1۔ زمین کی تیاری:
زمین کو اچھی طرح کھود کر نرم کریں۔ تقریباً 2–3 انچ گلی سڑی گوبر کی کھاد یا کمپوسٹ فی مربع میٹر ملانا مفید ہے۔

2۔ بیج:
مولی، شلجم، گاجر، پالک، دھنیا اور مٹر کی براہِ راست بوائی کریں۔ گوبھی، بروکلی اور پھول گوبھی کے لیے صحت مند پنیری لگا سکتے ہیں۔

3۔ پانی:
بیج لگانے کے فوراً بعد ہلکا پانی دیں۔ زمین کو نم رکھیں لیکن پانی کھڑا نہ ہونے دیں۔

4۔ دھوپ:
زیادہ تر سبزیوں کے لیے روزانہ کم از کم 5–6 گھنٹے دھوپ بہتر ہے۔

5۔ کیڑوں سے بچاؤ:
گوبھی، بروکلی اور سرسوں کے پودوں کو خاص طور پر سنڈی اور دوسرے کیڑوں سے بچائیں۔ ابتدا میں ہاتھ سے کیڑے/انڈے ختم کرنا اور جالی استعمال کرنا اچھا طریقہ ہے۔

22/08/2026

🌸🌿 ڈپٹی کمشنر ایبٹ آباد کا گورنمنٹ گرلز سیکنڈری سکول اینڈ کالج دلولہ کا دورہ 🌿🌸

ڈپٹی کمشنر ایبٹ آباد سرمد سلیم صاحب نے ڈی ای او فیمیل عائشہ سعید صاحبہ، ڈپٹی ڈی او میل نصیر احمد صاحب اور ایس ٹی او سرکل بوئی راشدہ بی بی کے ہمراہ گورنمنٹ گرلز سیکنڈری سکول اینڈ کالج دلولہ کا دورہ کیا۔ اس موقع پر محمد مبارک عباسی نے معزز مہمانوں کو ادارے کی عمارت اور دیگر امور کے حوالے سے تفصیلی بریفنگ دی۔

ڈپٹی کمشنر نے عمارت کا تفصیلی جائزہ لیتے ہوئے اس کے اعلیٰ معیار کو سراہا اور دلولہ کے عوام کو اس شاندار تعلیمی ادارے کی تعمیر پر خوش نصیب قرار دیا۔ انہوں نے کہا کہ یہ عمارت اعلیٰ معیار کے مطابق تعمیر کی گئی ہے، اب اس ادارے کو کامیابی سے چلانے اور زیادہ سے زیادہ بچیوں کو اس سے مستفید کرنے میں اہلِ علاقہ کو اپنا بھرپور کردار ادا کرنا ہوگا۔

اس موقع پر ڈپٹی کمشنر نے علاقے کے معززین کو خراجِ تحسین پیش کیا اور بالخصوص خورشید احمد عباسی، محمد زید عباسی اور شیراز عباسی کا شکریہ ادا کیا جن کے خاندان نے ادارے کے لیے قیمتی زمین فراہم کی۔ انہوں نے کہا کہ اللہ تعالیٰ انہیں دنیا و آخرت میں اس عظیم نیکی کا اجر عطا فرمائے۔

ڈپٹی کمشنر نے محمد مبارک عباسی کی کاوشوں کو بھی سراہتے ہوئے کہا کہ مختصر عرصے میں علاقے کے لیے اس قدر خوبصورت اور معیاری تعلیمی ادارہ قائم ہونا ایک قابلِ تحسین کارنامہ ہے۔

انہوں نے سٹار ہائیڈرو کمپنی کی خدمات کو بھی خراجِ تحسین پیش کیا اور کہا کہ اداروں اور علاقے کے عوام کے لیے کمپنی کی یہ ایک بڑی خدمت ہے، جسے ہمیشہ قدر کی نگاہ سے دیکھا جائے گا۔ انہوں نے کالج سے ملحقہ سڑک، لنک روڈز، پانی اور دیگر ترقیاتی منصوبوں میں کمپنی کے تعاون کو بھی سراہا۔

اس موقع پر مبارک عباسی، شرافت عباسی، ذاکر اعوان، تنویر احمد عباسی، شیراز احمد عباسی، اعجاز احمد کیانی، مجید صاحب، اسرار صاحب، سردار محمد عارف، جابر صاحب، ظہیر احمد عباسی سمیت دیگر معززین علاقہ بھی موجود تھے۔

ملک اشتیاق حسین عباسی نے اس موقع پر ادارے کے مستقبل کے حوالے سے بریفنگ دیتے ہوئے کہا کہ ان شاء اللہ جیسے ہی کالج میں باقاعدہ تعلیمی سرگرمیوں کا آغاز ہوگا، بہت کم عرصے میں بڑی تعداد میں بچیوں کے داخلے ہوں گے۔ انہوں نے بتایا کہ گردونواح میں 17 پرائمری سکول، ایک سرکاری ہائی سکول اور تین نجی ہائی سکول موجود ہیں، جہاں سے فارغ التحصیل ہونے والی بچیوں کے لیے یہ ادارہ اعلیٰ تعلیم کے حصول کا بہترین مرکز ثابت ہوگا۔

ملک اشتیاق حسین عباسی نے اپنے گورنمنٹ ماڈل پرائمری انگلش میڈیم سکول پلڑوائی دلولہ کے حوالے سے بھی ڈپٹی کمشنر کو بریفنگ دی اور بتایا کہ ادارہ حالیہ انرولمنٹ مہم میں ضلع ایبٹ آباد میں دوسری پوزیشن حاصل کر چکا ہے۔ انہوں نے ڈپٹی کمشنر ایبٹ آباد کو اپنے سکول کا دورہ کرنے اور ایک دن بچوں کے ساتھ گزارنے کی دعوت بھی دی۔

دورے کے اختتام پر شجرکاری کی اہمیت کو اجاگر کرتے ہوئے ڈپٹی کمشنر ایبٹ آباد اور دیگر معززین نے مل کر پودا بھی لگایا۔ اس موقع پر اس عزم کا اظہار کیا گیا کہ تعلیمی اداروں کے ساتھ ساتھ علاقے کو سرسبز و شاداب بنانے کے لیے بھی اجتماعی طور پر اپنا کردار ادا کیا جائے گا۔

گورنمنٹ گرلز سیکنڈری سکول اینڈ کالج دلولہ کی یہ خوبصورت عمارت نہ صرف علاقے کی بچیوں کے لیے معیاری تعلیم کے نئے دروازے کھولے گی بلکہ پورے علاقے کی تعلیمی، سماجی اور معاشرتی ترقی میں ایک اہم سنگِ میل ثابت ہوگی۔