Allama Ateeq ur Rahman Alazhari Sab

Quran e pak ki sub sa pehli surah kon se hai
علامہ عتیق الرحمن الازہری
مسجد حضری نواں شہر ایبٹ آباد

مشکوٰۃ شریف
کتاب: دعاؤں کا بیان
باب: تسبیح ، تحمید ، تہلیل اور تکبیر کے ثواب کا بیان
حدیث نمبر: 2303

ترجمہ:
ابوموسیٰ اشعری ؓ بیان کرتے ہیں ، ہم رسول اللہ ﷺ کے ساتھ سفر کر رہے تھے کہ لوگ بلند آواز سے اللہ اکبر پڑھنے لگے ، جس پر رسول اللہ ﷺ نے فرمایا :’’ لوگو ! اپنے آپ پر آسانی کرو ، کیونکہ تم کسی بہرے یا غائب کو نہیں پکار رہے بلکہ تم تو سننے دیکھنے والی ذات کو پکار رہے ہو اور وہ تمہارے ساتھ ہے ، اور جس ذات کو تم پکارتے ہو وہ تو تمہاری سواری کی گردن سے بھی تمہارے زیادہ قریب ہے ۔‘‘ ابوموسیٰ ؓ بیان کرتے ہیں ، میں آپ کے پیچھے اپنے دل میں ((لَا حَوْلَ وَلَا قُوَّۃَ اِلَّا بِاللہِ )) پڑھ رہا تھا تو آپ ﷺ نے فرمایا :’’ عبداللہ بن قیس ! کیا میں تمہیں جنت کے خزانے کے متعلق بتاؤں ؟‘‘ میں نےعرض کیا ، کیوں نہیں ، اللہ کے رسول ! ضرور بتائیں ، آپ ﷺ نے فرمایا :’’ ((لَا حَوْلَ وَلَا قُوَّۃَ اِلَّا بِاللہِ )) ’’ گناہ سے بچنا اورنیکی کرنا محض اللہ کی توفیق سے ہے ۔‘‘ متفق علیہ ، رواہ البخاری (۶۳۸۴) و مسلم

اپ صلی اللہ علیہ وسلم نے فرمایا لوگوں کے لیے اسانی کا اور سختی نہ کرو
علامہ عتیق الرحمن الازہری

مشکوٰۃ شریف
کتاب: دعاؤں کا بیان
باب: تسبیح ، تحمید ، تہلیل اور تکبیر کے ثواب کا بیان
حدیث نمبر: 2300

ترجمہ:
ابوذر ؓ بیان کرتے ہیں ، رسول اللہ ﷺ سے دریافت کیا گیا ، کون سا کلام افضل ہے ؟ آپ ﷺ نے فرمایا :’’ جو اللہ نے اپنے فرشتوں کے لئے منتخب کیا ((سُبْحَان اللہِ وَبِحَمْدِہِ)) ۔‘‘ رواہ مسلم ۔

مشکوٰۃ شریف
کتاب: نماز کا بیان
باب: نماز کا بیان
حدیث نمبر: 568

ترجمہ:
ابن مسعود ؓ بیان کرتے ہیں ، میں نے نبی ﷺ سے دریافت کیا کہ اللہ کو کون سا عمل سب سے زیادہ محبوب ہے ؟ آپ ﷺ نے فرمایا :’’ وقت پر نماز ادا کرنا ۔‘‘ میں نے عرض کیا ، پھر کون سا ؟ آپ ﷺ نے فرمایا :’’ والدین سے اچھا سلوک کرنا ۔‘‘ میں نے عرض کیا ، پھر کون سا ؟ آپ ﷺ نے فرمایا :’’ اللہ کی راہ میں جہاد کرنا ۔‘‘ ابن مسعود ؓ بیان کرتے ہیں ، آپ نے مجھے یہ باتیں بتائیں ، اگر میں مزید دریافت کرتا تو آپ مجھے اور زیادہ بتاتے ۔ متفق علیہ ۔

مشکوٰۃ شریف
کتاب: دعاؤں کا بیان
باب: اللہ عزوجل کے ذکر اور اس کے تقرب کا بیان
حدیث نمبر: 2276

ترجمہ:
ابن عمر ؓ بیان کرتے ہیں ، رسول اللہ ﷺ نے فرمایا :’’ اللہ کے ذکر کے سوا زیادہ باتیں نہ کیا کرو ، کیونکہ اللہ کے ذکر کے سوا زیادہ باتیں کرنا دل کی قسادت (سختی) کا باعث ہیں ۔ اور سخت دل شخص اللہ سے کوسوں دور ہے ۔‘‘ اسنادہ حسن ، رواہ الترمذی (۲۴۱۱)

پریشان حال شخص کی دعا یہ ہے
علامہ عتیق الرحمن الازہری

رسول اللہ ﷺ نے ارشاد فرمایا:"أَكْمَلُ الْمُؤْمِنِينَ إِيمَانًا أَحْسَنُهُمْ خُلُقًا" (مومنوں میں سے ایمان کے اعتبار سے سب سے کامل وہ شخص ہے جس کے اخلاق سب سے اچھے ہوں)۔— (جامع ترمذی: 1162
@ #الازھری #الازھری