GMS Riyala Abbottabad

⚠️ اہم نوٹس برائے تعطیلات
تمام طلبہ و طالبات اور معزز والدین کو مطلع کیا جاتا ہے کہ موجودہ بین الاقوامی حالات اور امریکہ، اسرائیل اور ایران کے درمیان جاری کشیدگی کے باعث ایندھن کی بچت کے پیش نظر جمعہ اور ہفتہ کو تعطیلات کا اعلان کیا جاتا ہے۔
لہٰذا گورنمنٹ مڈل سکول ریالہ ایبٹ آباد میں جمعہ اور ہفتہ کو چھٹی ہوگی۔
تمام طلبہ و طالبات سے گزارش ہے کہ وہ پیر کے روز حسبِ معمول سکول حاضر ہوں۔
شکریہ
انچارج
گورنمنٹ مڈل سکول ریالہ ایبٹ آباد

📢 اہم اعلان برائے انٹری ٹیسٹ
تمام طلباء و طالبات اور معزز والدین کو مطلع کیا جاتا ہے کہ گورنمنٹ سکولوں میں کلاس ششم (6th) اور کلاس نہم (9th) میں داخلے کے لیے ایسے طلباء جن کے کلاس پنجم (5th) اور کلاس ہشتم (8th) کے امتحان میں 60 فیصد سے کم نمبر ہیں، ان کے لیے انٹری ٹیسٹ منعقد کیا جا رہا ہے۔
یہ انٹری ٹیسٹ 11 مارچ 2026 کو ڈائریکٹوریٹ آف کریکولم اینڈ ٹیچرز ایجوکیشن ایبٹ آباد کے زیرِ اہتمام لیا جائے گا۔
📍 ٹیسٹ سینٹر کا اعلان بعد میں کیا جائے گا۔
لہٰذا تمام متعلقہ طلباء سے گزارش ہے کہ وہ ابھی سے انٹری ٹیسٹ کی تیاری شروع کریں۔
کسی بھی قسم کی معلومات یا رہنمائی کے لیے رابطہ کریں:
انچارج
گورنمنٹ مڈل سکول ریالہ ایبٹ آباد

📢 اہم اطلاع برائے والدین
محترم والدین!
موسمِ سرما کی تعطیلات کے اختتام اور سکول کھلنے کے بعد یہ مشاہدہ کیا گیا ہے کہ بعض طلباء کی حاضری توقع سے کم ہے۔ تعطیلات کے بعد تعلیمی سلسلہ باقاعدگی سے شروع ہو چکا ہے اور نصاب کی تدریس جاری ہے۔ کم حاضری کی وجہ سے بچے سبق میں پیچھے رہ سکتے ہیں۔
آپ سے مؤدبانہ گزارش ہے کہ اپنے بچوں کو روزانہ بروقت سکول بھیجیں اور ان کی باقاعدہ حاضری کو یقینی بنائیں تاکہ وہ اپنی تعلیم میں تسلسل برقرار رکھ سکیں اور بہترین نتائج حاصل کریں۔
آئیے ہم سب مل کر اپنے بچوں کے روشن مستقبل کے لیے تعاون کریں۔
انتظامیہ
Government Middle School Riyala Abbottabad

📢 اہم اعلان
🏫 گورنمنٹ مڈل سکول ریالہ
👨‍🎓👩‍🎓 تمام طلباء و طالبات اور معزز والدین کو مطلع کیا جاتا ہے کہ موسم سرما کی تعطیلات کے اختتام کے بعد سکول بروز پیر 2 مارچ 2026 سے دوبارہ کھولا جا رہا ہے۔
📌 تمام طلبہ کو ہدایت کی جاتی ہے کہ وہ مذکورہ تاریخ کو بروقت سکول حاضر ہوں اور اپنی حاضری یقینی بنائیں۔
سکول کے اوقات کار درج ذیل ہوں گے:
🕢 سکول کھلنے کا وقت: صبح 7:45 بجے
🕛 سکول چھٹی کا وقت: دوپہر 12:10 بجے
👔🎒 براہِ کرم مکمل یونیفارم میں آئیں اور اپنی کتابیں و کاپیاں ساتھ لائیں۔
🙏 شکریہ
✍️ انچارج
گورنمنٹ مڈل سکول ریالہ ایبٹ آباد

ضدی بچوں کو کنٹرول کرنے کا بہترین طریقہ
ضد ہر بچے میں ہوتی ہے، لیکن اسے صحیح انداز سے سنبھالنا والدین کی ذمہ داری ہے۔ ڈانٹ اور مار سے نہیں، بلکہ سمجھداری سے بچے بدلتے ہیں۔ ❤️
🔹 بچے کی بات پوری توجہ سے سنیں
اکثر بچے توجہ حاصل کرنے کے لیے ضد کرتے ہیں۔ پہلے اس کی بات سنیں، پھر نرمی سے سمجھائیں۔
🔹 غصے میں فیصلہ نہ کریں
اگر بچہ چیخ رہا ہے تو آپ پرسکون رہیں۔ آپ کا سکون ہی اسے سکون سکھائے گا۔
🔹 صاف اور سادہ اصول بنائیں
گھر کے چند اصول طے کریں اور سب کے لیے ایک جیسے رکھیں۔
🔹 اچھے رویے کی تعریف کریں
جب بچہ بات مانے تو اس کی حوصلہ افزائی کریں، تاکہ وہ مثبت رویہ اپنائے۔
🔹 ہر ضد پوری نہ کریں
ہر بات مان لینا بھی درست نہیں۔ بچے کو “نہ” سننے کی عادت ڈالیں، لیکن محبت کے ساتھ۔
یاد رکھیں!
ضدی بچہ دراصل مضبوط ارادے والا ہوتا ہے۔ اگر آپ صبر اور محبت سے رہنمائی کریں گے تو یہی ضد اس کی کامیابی کی طاقت بن سکتی ہے۔ 🌸

گورنمنٹ مڈل سکول ریالہ ایبٹ آباد میں نئے سال کے داخلے یکم مارچ سےشروع ہوں گئے

والدین اور طلباء متوجہ ہو
یہ نوٹیفکیشن حکومتِ خیبر پختونخوا، محکمہ ابتدائی و ثانوی تعلیم کی طرف سے جاری کیا گیا ہے جس میں جماعت پنجم اور ہشتم کی پروموشن اور سبجیکٹ گروپنگ کا نیا طریقہ کار بتایا گیا ہے۔:

📌 جماعت ہشتم (8th) سے نہم (9th) میں داخلہ:
1️⃣ جن طلبہ کے مجموعی امتحان (سائنس، ریاضی، انگلش اور آئی ٹی) میں 60٪ یا اس سے زیادہ نمبر ہوں گے، وہ براہِ راست سائنس/کمپیوٹر سائنس گروپ میں داخلہ لے سکیں گے۔

2️⃣ جن کے 33٪ سے 59٪ تک نمبر ہوں گے، وہ انٹری ٹیسٹ دیں گے۔
اگر انٹری ٹیسٹ میں 60٪ یا اس سے زیادہ نمبر لے لیں تو سائنس/کمپیوٹر سائنس گروپ میں داخلہ ملے گا۔

3️⃣ جو طلبہ انٹری ٹیسٹ میں 60٪ سے کم نمبر لیں گے، انہیں آرٹس/ہیومینیٹیز گروپ میں داخلہ دیا جائے گا۔

4️⃣ اگر کسی سکول میں سائنس گروپ کی نشستیں خالی رہ جائیں تو میرٹ میں کچھ نرمی کی جا سکتی ہے (50٪ تک)۔
📌 جماعت پنجم (5th) سے ششم (6th) میں پروموشن:

1️⃣ جن طلبہ کے 60٪ یا اس سے زیادہ نمبر ہوں گے، وہ براہِ راست جماعت ششم میں پروموٹ ہوں گے۔

2️⃣ جن کے 33٪ سے 59٪ نمبر ہوں گے، وہ انٹری ٹیسٹ دیں گے۔
اگر ٹیسٹ میں کم از کم 60٪ نمبر حاصل کرلیں تو ششم میں داخلہ ملے گا۔

3️⃣ جو طلبہ ٹیسٹ میں 60٪ نمبر حاصل نہ کر سکیں، انہیں مشروط طور پر ششم میں داخلہ دیا جائے گا، لیکن شرط ہوگی کہ وہ ششم کے دونوں سمسٹرز میں کم از کم 60٪ نمبر حاصل کریں، ورنہ کلاس دوبارہ پڑھنی ہوگی۔

📌 اہم نکات:
✔️ انٹری ٹیسٹ ونٹر زون میں مارچ کے پہلے ہفتے اور سمر زون میں ستمبر کے پہلے ہفتے ہوگا۔
✔️ ٹیسٹ ایم سی کیو (MCQs) پر مشتمل ہوگا۔
✔️ ٹیسٹ کی نگرانی ASDEOs، سکول لیڈرز اور ایجوکیشن مانیٹرنگ اتھارٹی کریں گے۔
✔️ اہل طلبہ کو میرٹ پر سائنس گروپ میں داخلہ، انعامات اور تعلیمی معاونت دی جائے گی۔

یہ پالیسی میرٹ، شفافیت اور بہتر تعلیمی معیار کو یقینی بنانے کے لیے نافذ کی گئی ہے۔