CATSU-Sentro ng Wika at Kulturang Filipino

19/08/2026

𝑲𝒂𝒕𝒂𝒂𝒔-𝒕𝒂𝒂𝒔𝒂𝒏𝒈 𝑯𝒖𝒌𝒖𝒎𝒂𝒏 𝒏𝒈 𝑷𝒊𝒍𝒊𝒑𝒊𝒏𝒂𝒔, 𝑮𝒂𝒈𝒂𝒘𝒂𝒓𝒂𝒏 𝒏𝒈 𝑲𝑾𝑭 𝑫𝒂𝒏𝒈𝒂𝒍 𝒏𝒈 𝑾𝒊𝒌𝒂 𝟐𝟎𝟐𝟔

Gagawaran ang Kataas-taasang Hukuman ng Pilipinas ng KWF Dangal ng Wika 2026 sa Kategoryang Indibidwal ngayong pagdiriwang ng Buwan ng Wikang Pambansa 2026.

Ang Kataas-taasang Hukuman ng Pilipinas ay nanguna sa paggamit ng sariling wika sa mga kapasiyahang nagmumulat sa kamalayang bayan, mga usaping panghukuman, mga katawagang legal, mga pahayag sa publiko, at mga diskursong pangkatarungan, at matagumpay nitong nailapit ang wika ng batas sa sambayanang Pilipino.

Ang Gawad Dangal ng Wika ang pinakamataas na pagkilála sa mga indibidwal, samahán, tanggápan, institusyon, o ahensiyang pampamahalaán o pribadong sektor na may natatanging ambag o nagawa túngo sa pagsusulong, pagpapalaganap, pagpapayabong, at preserbasyon ng wikang Filipino at/o iba pang wika sa Pilipinas. Ang gagawaran ay makatatanggap ng tropeo, plake, at medalya.

Ang KWF Gabi ng Parangal 2026 ay gaganapin sa 27 Agosto 2026.

𝑲𝒂𝒕𝒂𝒂𝒔-𝒕𝒂𝒂𝒔𝒂𝒏𝒈 𝑯𝒖𝒌𝒖𝒎𝒂𝒏 𝒏𝒈 𝑷𝒊𝒍𝒊𝒑𝒊𝒏𝒂𝒔, 𝑮𝒂𝒈𝒂𝒘𝒂𝒓𝒂𝒏 𝒏𝒈 𝑲𝑾𝑭 𝑫𝒂𝒏𝒈𝒂𝒍 𝒏𝒈 𝑾𝒊𝒌𝒂 𝟐𝟎𝟐𝟔

Gagawaran ang Kataas-taasang Hukuman ng Pilipinas ng KWF Dangal ng Wika 2026 sa Kategoryang Samahan/Institusyon ngayong pagdiriwang ng Buwan ng Wikang Pambansa 2026.

Ang Kataas-taasang Hukuman ng Pilipinas ay nanguna sa paggamit ng sariling wika sa mga kapasiyahang nagmumulat sa kamalayang bayan, mga usaping panghukuman, mga katawagang legal, mga pahayag sa publiko, at mga diskursong pangkatarungan, at matagumpay nitong nailapit ang wika ng batas sa sambayanang Pilipino.

Ang Gawad Dangal ng Wika ang pinakamataas na pagkilála sa mga indibidwal, samahán, tanggápan, institusyon, o ahensiyang pampamahalaán o pribadong sektor na may natatanging ambag o nagawa túngo sa pagsusulong, pagpapalaganap, pagpapayabong, at preserbasyon ng wikang Filipino at/o iba pang wika sa Pilipinas. Ang gagawaran ay makatatanggap ng tropeo, plake, at medalya.

Ang KWF Gabi ng Parangal 2026 ay gaganapin sa 27 Agosto 2026.

19/08/2026

Sa mga nais malaman kung paano ginagamit ang wikang Bikol at kung paano ito nakaugat sa buhay, kultura, at pagkakakilanlan ng mga pamayanang gumagamit nito, nakapaloob ang mga sagot sa bagong aklat na 'Lingguwistikong Etnograpiya ng Bikol', na pinagsasanib ang mga pananaw ng lingguwistika at etnograpiya.

Isinulat ito ng mga g**ong-mananaliksik ng Pampamahalaang Unibersidad ng Catanduanes (CatSU) na sina Dr. Jovert R. Balunsay, Dr. Rosana S. Abundo, Dr. Susan M. Tindugan, Dr. Maria Charlene A. Cantar, at Dr. Ramon Felipe A. Sarmiento, at inilathala ng Komisyon sa Wikang Filipino (KWF) noong 2025.

Ayon kay Dr. Balunsay, higit sa paglalarawan sa wika, inilalahad ng aklat ang malalim na ugnayan ng wika, kultura, at pamayanan.

Para naman kay Prop. Dr. Nestor T. Castro ng Departamento ng Antropolohiya ng Unibersidad ng Pilipinas, mahalaga ang ganitong pagdulog sa mas komprehensibong pag-unawa sa mga wika ng iba’t ibang etnolingguwistikong grupo sa Pilipinas.

“Sa publikasyong ito, inilalarawan ang ugnayan ng pamayanan, kultura, at wikang Bikol. Naniniwala akong isang importanteng kontribusyon ang pag-aaral na ito para mas komprehensibo nating maunawaan ang mga wika ng iba’t ibang etnolingguwistikong grupo sa Pilipinas,” saad ni Dr. Castro.

Natatangi aniya ang pag-aaral sapagkat pinag-uugnay nito ang pananaw ng lingguwistika at antropolohiya—dalawang larangang karaniwang magkahiwalay sa pagsusuri sa wika at kultura. Sa ganitong paraan, mas malawak na nailalarawan ang gamit at kahulugan ng wika sa aktuwal na konteksto ng pamumuhay ng mga Bikolano.

Sinusuri din sa aklat ang paggamit ng wika sa iba’t ibang dominyo ng kultura, kabilang ang ekonomiya, politika, lipunan, at ideolohiya, na nagpapakita sa papel ng wika bilang bahagi ng pagkakakilanlan, karanasan, at kultura ng isang pamayanan.

Bukod dito, maaari itong magsilbing sanggunian para sa mga mananaliksik, g**o, mag-aaral, at iba pang nagsasagawa ng pag-aaral hinggil sa wika at kultura. Sa gitna ng kakulangan ng mga pag-aaral tungkol sa wikang Bikol, nag-aambag ito ng masusing dokumentasyon at mga bagong pananaw para sa mga susunod pang pananaliksik.

Ipinakikita rin ng aklat ang puwang ng Filipino sa kuwalitatibong pananaliksik, partikular sa masusing pagsusuri ng wika, kultura, at karanasan ng mga pamayanan.

Nabuo ang aklat mula sa pananaliksik na “Isang Lingguwistikong Etnograpiyang Pag-aaral para sa Wikang Bikol,” na isinagawa noong 2018. Bahagi ito ng mas malawak na Lingguwistikong Etnograpiya ng mga Wika ng Pilipinas, isang inisyatiba ng KWF na isinulong sa tulong ng tanggapan ni Senadora Loren Legarda at sinuportahan ng ₱550,000 pondo para sa pagdodokumento at pangangalaga ng mga pangunahing wika at katutubong wika sa bansa.

Ang suportang ito ay nagbigay-daan sa mas sistematikong pagdodokumento ng mga wika at kulturang Pilipino, kabilang ang wikang Bikol.

Abangan ang paglulunsad ng 'Lingguwistikong Etnograpiya ng Bikol' at ang pamamahagi ng mga komplimentaryong kopya mula sa KWF, ayon kay Dr. Balunsay, na kasalukuyang direktor din ng Sentro ng Wika at Kulturang Filipino ng unibersidad.

19/08/2026

𝑱𝒖𝒔𝒕𝒊𝒄𝒆 𝑱𝒂𝒑𝒂𝒓 𝑩. 𝑫𝒊𝒎𝒂𝒂𝒎𝒑𝒂𝒐, 𝑮𝒂𝒈𝒂𝒘𝒂𝒓𝒂𝒏 𝒏𝒈 𝑲𝑾𝑭 𝑫𝒂𝒏𝒈𝒂𝒍 𝒏𝒈 𝑾𝒊𝒌𝒂 𝟐𝟎𝟐𝟔

Gagawaran si Justice Japar B. Dimaampao ng KWF Dangal ng Wika 2026 sa Kategoryang Indibidwal ngayong pagdiriwang ng Buwan ng Wikang Pambansa 2026.

Si Justice Dimaampao ng Kataas-taasang Hukuman ng Pilipinas ay ang Tagapangulo ng Technical Working Group (TWG) sa pagbuo ng Rules on Filipino Sign Language (FSL) Interpreting sa Sistemang Panghudikatura. Ipinamalas niya ang isang pambihirang pamumuno na may sigasig sa pagtitiyak na ang mga Bingi ang maging sentro sa pagbibigay at katuwang sa pagbalangkas ng mga naturang alituntunin.

Ang Gawad Dangal ng Wika ang pinakamataas na pagkilála sa mga indibidwal, samahán, tanggápan, institusyon, o ahensiyang pampamahalaán o pribadong sektor na may natatanging ambag o nagawa túngo sa pagsusulong, pagpapalaganap, pagpapayabong, at preserbasyon ng wikang Filipino at/o iba pang wika sa Pilipinas. Ang gagawaran ay makatatanggap ng tropeo, plake, at medalya.

Ang KWF Gabi ng Parangal 2026 ay gaganapin sa 27 Agosto 2026.

18/08/2026

𝐌𝐠𝐚 𝐊𝐨𝐦𝐢𝐬𝐲𝐨𝐧𝐞𝐫 𝐧𝐠 𝐊𝐖𝐅, 𝐆𝐚𝐠𝐚𝐰𝐚𝐫𝐚𝐧 𝐧𝐠 𝐊𝐚𝐦𝐩𝐞𝐨𝐧 𝐧𝐠 𝐖𝐢𝐤𝐚 𝟐𝟎𝟐𝟔

Gagawaran sina Kom. Carmelita C. Abdurahman, Kom. Benjamin M. Mendillo Jr., Kom. Alain Russ G. Dimzon, Kom. Christian T.N. Aguado, Kom. Reggie O. Cruz, at Kom. Evelyn C. Oliquino ng KWF Kampeon ng Wika 2026 ngayong pagdiriwang ng Buwan ng Wikang Pambansa 2026.

Ang Kampeon ng Wika ay ang taunang parangal na ibinibigay ng KWF sa mga natatanging indibidwal, institusyon, o samahán na patuloy na bumubúhay at aktibong lumalahok sa pagtataguyod at preserbasyon ng ng mga katutubong wika ng Pilipinas o ng wikang Filipino sa iba’t ibang larangan o disiplina. Ngayong 2026, ang naturang gawad ay ipinagkakaloob sa mga Fultaym Komisyoner ng Lupong Tagapagpaganap at mga kasapi ng Kalupunan bilang pagkilala sa dakilang ambag sa pagpapaunlad, pagpapalaganap, at preserbasyon ng Filipino at iba pang mga wika sa Pilipinas.

Ang KWF Gabi ng Parangal 2026 ay gaganapin sa 27 Agosto 2026.

18/08/2026

18/08/2026

𝐈𝐊𝐀𝐋𝐀𝐖𝐀𝐍𝐆 𝐒𝐄𝐑𝐘𝐄 𝐍𝐆 𝐖𝐄𝐁𝐈𝐍𝐀𝐑

Sa 𝐈𝐊𝐀𝐋𝐀𝐖𝐀𝐍𝐆 𝐒𝐄𝐑𝐘𝐄 𝐍𝐆 𝐖𝐄𝐁𝐈𝐍𝐀𝐑, ang Tagapanayam sa paksang “𝐄𝐝𝐮𝐤𝐚𝐬𝐲𝐨𝐧 𝐚𝐭 𝐄𝐭𝐢𝐤𝐚 𝐬𝐚 𝐀𝐈” ay ibabahagi ni 𝐏𝐫𝐨𝐩. 𝐑𝐚𝐜𝐡𝐞𝐥 𝐄𝐝𝐢𝐭𝐚 𝐎. 𝐑𝐨𝐱𝐚𝐬, 𝐏𝐡𝐃 ng Unibersidad ng Pilipinas-Los Baños.

17/08/2026

Karangalan ng KWF ang magkaroon ng dalawang pinuno na National Artist!

17/08/2026

𝐏𝐨𝐫𝐦𝐚𝐥 𝐧𝐚 𝐏𝐚𝐠𝐛𝐮𝐛𝐮𝐤𝐚𝐬 𝐧𝐠 𝐁𝐮𝐰𝐚𝐧 𝐧𝐠 𝐖𝐢𝐤𝐚𝐧𝐠 𝐏𝐚𝐦𝐛𝐚𝐧𝐬𝐚 𝟐𝟎𝟐𝟔

Ginunita ngayong 1 Agosto 2026 sa Pambansang Pang-alaalang Dambana ni Quezon, Lungsod Quezon, ang ika-82 anibersaryo ng kamatayan ng Ama ng Wikang Pambansa na si Pangulong Manuel L. Quezon, kasabay ng pormal na pagbubukas ng Buwan ng Wikang Pambansa 2026.

May temang “Wikang Filipino at AI: Kasangkapan sa Pananaliksik at Tulay sa Yaman ng Impormasyon,” nakapokus ang pagdiriwang ngayong taon sa mahalagang papel ng wikang pambansa at mga katutubong wika sa panahon ng Artificial Intelligence (AI) sa digital na panahon.

Sa kaniyang mensahe, binigyang-diin ni KWF Tagapangulo Atty. Marites A. Barrios-Taran na hindi makina ang pumapatay sa wika, kundi ang mga Pilipinong nahihiya sa paggamit ng sariling wika. Aniya, isinusulong ng KWF ang responsable, angkop, at etikal na paggamit ng teknolohiya.

Binigyang-diin ni Barrios-Taran na tungkulin ng KWF na itaguyod ang wikang Filipino tungo sa tumpak na impormasyon, katotohanan, integridad, at inklusibong pag-unlad ng mamamayan at bayan.

Nagsimula ang programa sa isang Misa na pinangunahan ni Rev. Fr. Rey Hector Paglinawan, na sinundan ng bating pagtanggap ni Kgg. Rosario Sapitan, Deputy Executive Director for Administration ng National Historical Commission of the Philippines (NHCP).

Nagpaabot din ng mensahe si G. Benjamin Avanceña bilang kinatawan ng Pamilya Quezon at si Kon. Tany Joe L. Calalay ng Lungsod Quezon. Nagsilbing tagapagdaloy ng programa si G. Arman Ople, Librarian II ng KWF. Dumalo rin si Bise-Alkalde Gian Sotto at mga kasapi ng konseho ng Lungsod Quezon.

17/08/2026

Alam mo ba ang salitang-ugat ng huwaran?

17/08/2026

𝐖𝐢𝐤𝐚𝐧𝐠 𝐅𝐢𝐥𝐢𝐩𝐢𝐧𝐨 𝐬𝐚 𝐔𝐬𝐚𝐩𝐢𝐧𝐠 𝐋𝐞𝐠𝐚𝐥, 𝐁𝐢𝐧𝐢𝐛𝐢𝐠𝐲𝐚𝐧𝐠-𝐝𝐢𝐢𝐧 𝐧𝐠 𝐊𝐖𝐅
Binigyang-diin ni Atty. Marites A. Barrios-Taran, Tagapangulo ng Komisyon sa Wikang Filipino (KWF), ang mahalagang papel ng wikang Filipino sa mga usaping legal at proseso sa hukuman sa kaniyang panayam kay Bb. Jaemie Quinto sa programang Juan Trabaho noong 16 Hulyo 2026.
Ipinaliwanag ni Barrios-Taran na ang paggamit ng sariling wika ay nagbibigay ng tunay na kapangyarihan sa publiko upang makasubaybay at makilahok sa mahahalagang usapin ng bansa, gaya ng mga pagdinig sa Senado at mga impeachment hearing.
Tinalakay rin niya ang malalim na epekto ng language barrier o hadlang sa komunikasyon dahil sa wika sa karapatang pantao, lalo na sa karapatan sa mabilis at patas na paglilitis. Aniya, maraming ordinaryong mamamayan ang nakararamdam ng takot at kawalan ng pag-asa kapag pawang Ingles ang ginagamit sa mga korte at ahensiya ng pamahalaan.
Upang matugunan ang ganitong hadlang, nakatuon ang mga inisyatiba ng KWF sa Salin-Wika, isa sa limang serbisyong pangwika ng Komisyon na nakasentro sa pagsasalin.
Ang Salin-Wika ay nagsisilbing pangunahing haligi ng serbisyong ito, katuwang ang apat pang serbisyo ng KWF: Saliksik-Wika, Sagip-Wika, Sulong-Wika, at Sinop-Wika.