Ang Luntian

Masusing Bantay, Mas Ligtas na Paaralan: LNHS Tumanggap ng Dalawang Metal Detector

Bilang bahagi ng pinaigting na programa ng Pamahalaang Lungsod ng Tuguegarao para sa kaligtasan at seguridad sa mga paaralan, ipinagkaloob ng LGU sa pangunguna ni Mayor Maila Ting-Que ang mga metal detector sa mga pampublikong paaralan sa lungsod. Kabilang sa mga benepisyaryo ang Linao NHS na tumanggap ng dalawang (2) metal detector.
Nagbunga agad ang hakbang ng Pamahalaang Lungsod upang palakasin ang seguridad sa mga paaralan matapos makumpiska ang isang v**e sa isinagawang inspeksyon gamit ang mga bagong metal detector.
Kabilang sa mga tumanggap metal detector ang Linao NHS. Ang mga kagamitang ito ay inilaan upang higit na mapahusay ang pagpapatupad ng mga hakbang pangseguridad at maiwasan ang pagpasok ng mga ipinagbabawal o mapanganib na kagamitan sa loob ng paaralan.
Sa mga unang araw ng paggamit ng metal detector sa LNHS, natukoy ng mga tagapagpatupad ng seguridad ang isang mag-aaral ng Senior High School na may dalang v**e, na agad na nakumpiska alinsunod sa umiiral na mga patakaran ng paaralan. Ipinakita ng insidenteng ito ang kahalagahan ng paggamit ng makabagong kagamitang pangseguridad sa pagpapanatili ng kaayusan at disiplina sa loob ng kampus.
“Malaking tulong ang dalawang metal detector sa pagpapanatili ng kaligtasan at disiplina sa aming paaralan. Sa mga unang araw pa lamang ng paggamit nito ay napatunayan na ang kahalagahan nito sa pagpapatupad ng aming mga patakaran. Taos-puso kaming nagpapasalamat kay Mayor Que sa kanyang patuloy na suporta sa kapakanan ng aming mga mag-aaral at kawani.” Pahayag ni Redemptor Lauigan, Head Teacher
Patunay ang inisyatibong ito na ang pamumuhunan sa mga kagamitang pangseguridad ay may mahalagang papel sa paglikha ng isang ligtas at kaaya-ayang kapaligiran sa pagkatuto. Sa patuloy na pagtutulungan ng Pamahalaang Lungsod ng Tuguegarao at ng mga paaralan, higit na napagtitibay ang pangangalaga sa kapakanan ng bawat mag-aaral at ang pagpapatupad ng mga programang nagtataguyod ng disiplina, kaligtasan, at kalidad ng edukasyon.

Please read the Official Statement of the School!

Maligayang Kaarawan sa aming minamahal na Punong-G**o, Ma’am Eloisa! 🎉🌸

Ngayong espesyal na araw, gusto naming iparating ang aming taos-pusong pasasalamat sa inyo. Hindi lang po kayo isang punong-g**o, kundi isang tunay na inspirasyon. Sa bawat araw, ramdam namin ang inyong malasakit, ang inyong pag-unawa, at ang inyong pag-gabay na puno ng puso at kabutihan.

Salamat po sa walang sawang pagtitiwala, sa paghubog sa amin, at sa pagpapakita ng halimbawa ng isang lider na may malasakit sa lahat. Dahil sa inyo, mas nagiging masaya, mas maayos, at mas puno ng pag-asa ang bawat araw sa aming paaralan.

Nawa’y pagpalain po kayo ng kaligayahan, kalusugan, at lakas upang patuloy ninyong magampanan ang inyong layunin at pangarap para sa aming paaralan. Maligayang kaarawan po, Ma’am Eloisa! 💖✨

𝗔𝗕𝗔𝗡𝗧𝗘 | 𝙋𝙖𝙣𝙪𝙡𝙖𝙩 𝙣𝙖 𝙇𝙪𝙢𝙖𝙡𝙖𝙜𝙖𝙗𝙡𝙖𝙗 𝙨𝙖 𝙏𝙖𝙜𝙪𝙢𝙥𝙖𝙮

Muling umani ng tagumpay ang 𝙇𝙞𝙣𝙖𝙤 𝙉𝙖𝙩𝙞𝙤𝙣𝙖𝙡 𝙃𝙞𝙜𝙝 𝙎𝙘𝙝𝙤𝙤𝙡 matapos makakuha ng 𝙖𝙥𝙖𝙩 𝙣𝙖 𝙍𝙎𝙋𝘾 𝙦𝙪𝙖𝙡𝙞𝙛𝙞𝙚𝙧𝙨 𝘿𝙞𝙫𝙞𝙨𝙞𝙤𝙣 𝙎𝙘𝙝𝙤𝙤𝙡 𝙋𝙧𝙚𝙨𝙨 𝘾𝙤𝙣𝙛𝙚𝙧𝙚𝙣𝙘𝙚 𝘿𝙎𝙋𝘾 2025 na ginanap sa 𝙏𝙪𝙜𝙪𝙚𝙜𝙖𝙧𝙖𝙤 𝘾𝙞𝙩𝙮 𝙎𝙘𝙞𝙚𝙣𝙘𝙚 𝙃𝙞𝙜𝙝 𝙎𝙘𝙝𝙤𝙤𝙡 noong 𝘿𝙞𝙨𝙮𝙚𝙢𝙗𝙧𝙚 11-13.

Sa likod ng panalong ito ay ang walang sawang paggabay at matatag na pamumuno ni 𝙎𝙘𝙝𝙤𝙤𝙡 𝙋𝙧𝙞𝙣𝙘𝙞𝙥𝙖𝙡 𝙈𝙖’𝙖𝙢 𝙀𝙡𝙤𝙞𝙨𝙖 𝙈𝙖𝙣𝙜𝙪𝙡𝙖𝙙 𝙈𝙖𝙗𝙗𝙤𝙧𝙖𝙣𝙜, na patuloy na nagtutulak sa mga campus journalists na mangarap, magsulat, at manalo.

Buong pusong nagpapasalamat ang LNHS sa mga coaches at SPAs na sina 𝙎𝙞𝙧 𝘼𝙡𝙫𝙞𝙣 𝘿𝙖𝙧𝙖𝙪𝙖𝙮, 𝙈𝙖’𝙖𝙢 𝙈𝙖𝙧𝙞𝙩𝙚𝙨 𝙎𝙖𝙥𝙚𝙙𝙖, at 𝙈𝙖’𝙖𝙢 𝙎𝙝𝙞𝙧𝙡𝙚𝙮 𝙂𝙪𝙞𝙢𝙗𝙖𝙣𝙜𝙪𝙣𝙖𝙣 na walang sawang humulma sa galing at tapang ng mga batang mamamahayag.

Palakpakan at pagpupugay sa mga campus journalists ng 𝙏𝙝𝙚 𝙂𝙧𝙚𝙚𝙣𝙢𝙚𝙖𝙙𝙤𝙬 at 𝘼𝙣𝙜 𝙇𝙪𝙣𝙩𝙞𝙖𝙣, mga tinig ng kabataan na patuloy na sumusulat para sa katotohanan at kahusayan.

𝙏𝙞𝙣𝙩𝙖 𝙣𝙜 𝙆𝙖𝙗𝙖𝙩𝙖𝙖𝙣, 𝙏𝙖𝙜𝙪𝙢𝙥𝙖𝙮 𝙣𝙜 𝙇𝙪𝙣𝙩𝙞𝙖𝙣.
𝙋𝙖𝙙𝙖𝙮𝙤𝙣, 𝙇𝙉𝙃𝙎!

Pagbati sa mga sumusunod na Mamamahayag sa Paaralan ng Ang Luntian, ang opisyal na pahayagan ng Linao NHS, na nakapasa sa Division School Press Conference 2025 na gaganapin sa Tuguegarao City Science High School mula Disyembre 11 hanggang 13.

Ang mga mamamahayag ay sumailalim sa eliminasyon noong Disyembre 1 sa Tuguegarao East Central School.

Pinapasalamatan namin ang Aming Punong G**o, Ma’am Eloisa Mangulad-Mabborang, sa kanyang walang sawang suporta at paggabay.

Project Uniform ng Linao NHS, Tagumpay sa Tulong ng mga Donors

Matagumpay na naisakatuparan ang "Project Uniform" ng Linao NHS, na naglalayong magbigay ng uniporme sa mga mag-aaral na may limitadong kakayahang pinansyal. Ang proyektong ito ay naging posible dahil sa suporta at donasyon mula sa iba't ibang indibidwal at grupo. Mahigit 20 na estudyante ang nabiyayaan ng mga bagong uniporme.

Kabilang sa mga nagbigay ng tulong ay ang mga retiradong g**o ng CNHS, na kinabibilangan nina Vivien Fronda, Zenaida Ricamora, Jesusa Miguel, at Nympha Ulep, si Doktor Raul Ting at ilang g**o ng LNHS.

Ayon kay Bb. Eloisa Mangulad, punong g**o, "Malaking tulong ito sa mga mag-aaral . Ang pagsusuot ng uniporme ay para sa seguridad at pagkakakilanlan ng mga mag-aaral”. Lubos kaming nagpapasalamat sa lahat ng donors na sumuporta sa aming proyekto," pahayag niya.

Nagpahayag naman ng kanilang pasasalamat ang mga mag-aaral na nakatanggap ng uniporme. "Salamat po sa lahat ng tumulong. Malaking bagay po ito sa amin at sa aming mga pamilya," sabi ng isa sa mga mag-aaral.

Sa tagumpay ng "Project Uniform," inaasahan na mas marami pang mag-aaral ang mahihikayat na magpatuloy sa kanilang pag-aaral at maging aktibong bahagi ng komunidad.

🔥🏆 HISTORYA NG TAGUMPAY! 🏆🔥
LINAO NHS, HARI NG SEPAK TAKRAW SA MAKASAYSAYANG CHAMPIONSHIP GAME! 💪✨
MGA BATANG LINAO, PUSO AT GALING ANG NAGBANDILA NG TAGUMPAY! 👏
Sa epikong laro kontra Cagayan NHS Senior High, ipinakita ninyo ang tibay ng dibdib at husay ng pagtutulungan! 💛💙
ISA KANG KARANGALAN, LINAOIAN! 🇵🇭🎉


✨ MABUHAY, MGA KAMPEON! ✨ 🏅🔥

Nakapag-uwi ng 12 gintong medalya, dalawang pilak, at isang tanso ang koponan ng wrestling ng Linao National High School (LNHS) sa katatapos lamang na Tuguegarao City Athletic Meet ngayong araw Nobyembre 29.

Labis na ipinagmamalaki ng buong pamilya ng LNHS ang mga karangalang ito.

Congratulations, koponan ng wrestling!

LNHS, Nag-abot ng Tulong sa mga Estudyanteng Biktima ng Baha

Nagsagawa ng isang simpleng Donation Drive ang pamunuan ng Linao NHS sa pangunguna ni Bb . Eloisa Mangulad, School Principal bilang tulong sa mga piling mag- aaral na nasalanta ng bagyong Uwan nitong buwan.

Ayon kay Bb. Mangulad, ang inisyatibong ito ay naglalayong iparamdam sa mga estudyante na hindi sila nag-iisa sa kanilang pagbangon. "Ang bawat munting bagay na aming inihandog ay may malaking halaga para sa kanila. Ito ay representasyon ng ating pagkakaisa at sama-samang pagbangon bilang isang komunidad," pahayag ni Bb. Mangulad.

Ang Munting Handog ay naglalaman ng mga pagkain, gamit pang-eskwela, hygiene kits, at iba pang pangunahing pangangailangan na inaasahang makakatulong sa mga estudyante upang muling makapagsimula. Ayon sa mga magulang at g**o, malaki ang naging epekto ng pagbaha hindi lamang sa pag-aaral kundi pati na rin sa kabuhayan ng mga mag-aaral. Kaya naman, ang tulong na ito ay nagbibigay ng dagdag na lakas ng loob at pag-asa.

Sa kabila ng pagsubok, ipinamalas ng LNHS ang diwa ng bayanihan at pagmamalasakit sa kapwa. Ang kanilang aksyon ay nagpapatunay na sa gitna ng anumang unos, ang pagkakaisa at pagdadamayan ay nananatiling matatag.