Pamilyang Filipino - Sangay ng Tabaco

06/09/2026

📚🛜💻Patuloy na Matuto, Patuloy na Mahusay!
Mga kuhang larawan mula sa Isinagawang PAGSASANAY SA PAGPAPAUNLAD NG PROPESYONAL NA KAALAMAN at KASANAYAN SA PAGTUTURO NG FILIPINO.
3-5 Setyembre 2026
Taos-pusong pasasalamat sa mga sumusunod:
SDS Fatima D. Buen
ASDS Alvin T. Rosare
Chief Dioleta Borais
HRD- Maricel Mondragon
M.E. - Tito Marco
Mga Tagapagsalita:
Dr. Neth Penetrante
PSDS Alvin Borromeo
Dr. Melodie Bueno
Dr. Vasil Victoria
TWG:
Agnes Bernal, Asuncio Bola, Daisy Bornilla, Malou Brutas, Mae Bueno
105 kalahok na g**o
Sama-sama para sa mas mahusay na pagtuturo ng Filipino! ❤️🇵🇭📚

31/08/2026

30/08/2026

𝗔𝗡𝗚 𝗠𝗔𝗡𝗚𝗔 𝗨𝗧𝗢𝗦 𝗡𝗔𝗡𝗚 𝗙𝗥𝗔𝗜𝗟𝗘

Noong 1888, isinulat ni G*t Marcelo H. del Pilar ang kaniyang akdang 'Dasalan at Tocsohan' (Dasalan at Tuksuhan) na naglalaman ng pang-uuyam o sarkastikong tema laban sa mga prayle at Simbahang Katolika. Ipinapakita nito ang kabaliktarang ipinapakita ng mga prayle at ng ilang alagad ng Simbahan, taliwas sa mga pangaral nito. Kabilang sa akdang nakapagloob sa 'Dasalan at Tocsohan' ay ang 'Ang Amain Namin', 'Ang Aba Ginoong Barya', 'Ang Kabobohang Asal', 'Ang Ako'y Makasalanan', at 'Ang mga Biyaya ng Prayle'.

Isa pa sa akda nito ay ang 'Ang Mga Utos ng Prayle' na naglalaman ng nakatatawang mensahe upang mailabas ng mg Filipino ang kanilang galit sa mga prayle. Laman ng 'utos' ang pagbabayad upang mabendisyunan ng prayle ang katawan ng yumao at mabigyan ng maringal na libing, kanilang pakikiapid, pagnanakaw at pagkamkam ng yaman.

Ms. Anne. (November 4, 2015). Ang Sampung Utos ng Prayle. Retrieved from https://www.philstar.com/pang-masa/punto-mo/2015/11/04/1518559/ang-sampung-utos-ng-prayle)

30/08/2026

Isinagawa noong Agosto 27, 2026 sa TNHS Alumni Hall, ang Division Orientation of ARAL External Tutors upang ihanda at gabayan ang mga katuwang sa pagpapatupad ng ARAL Program para sa mas epektibong pagtugon sa pangangailangan ng mga mag-aaral.
Sama-sama para sa pagbasa , pagkatuto, at pagbangon!

29/08/2026

𝗥𝗘𝗠𝗘𝗠𝗕𝗘𝗥𝗜𝗡𝗚 𝗡𝗘𝗜𝗟 𝗔𝗥𝗠𝗦𝗧𝗥𝗢𝗡𝗚

Ngayong araw ginugunita ang anibersaryo ng kamatayan ng American astronaut at aeronautical engineer na si Neil Armstrong. Si Armstrong ay ang kauna-unahang tao na nakatapak sa Buwan.

Isinilang noong August 5, 1930 sa Wapakoneta, Ohio sa U.S., naging lisensyadong piloto si Armstrong sa edad na 16. Pumasok siya sa Purdue University sa Indiana sa kursong aeronautical engineering ngunit naudlot ang kaniyang pag-aaral dahil sa kaniyang paglilingkod sa Korean War noong 1950. Muling ipinagpatuloy ni Armstrong ang pag-aaral hanggang sa makuha niya ang kaniyang digri sa engineering noong 1955. Mula sa pagiging naval aviator (1949-1952), sumali sa National Advisory Committee for Aeronautics (NACA) si Armstrong noong 1955. Una siyang itinalaga sa NACA Lewis Research Center sa Cleveland. Sa loob ng 17 taon, nagsilbi siya bilang engineer, test pilot, astronaut, at administrator ng NACA bago ito naging National Aeronautics and Space Administration (NASA). Taong 1962 nang siya'y maging ganap na astronaut. Itinalaga siya bilang command pilot ng Gemini 8 mission na inilunsad noong March 1966.

Higit na nakilala si Armstrong nang siya ay mapili sa mga taong ipapadala sa Buwan. Naging space commander siya ng Apollo 11, ang ekspedisyon na maghahatid sa mga tao sa Buwan sa kauna-unahang pagkakataon noong July 20, 1969. Sa kanyang pagtapak sa Buwan, kaniyang sinabi ang “That’s one small step for [a] man, one giant leap for mankind.”

Noong 1971 nang siya ay magretiro sa NASA. Naging g**o si Armstrong sa University of Cincinnati (Ohio) mula 1971 hanggang 1979 at naging chairman at direktor ng iba’t ibang kumpanya gaya ng Computing Technologies for Aviation at AIL Systems (kalauna’y EDO Corporation). Nagsilbi rin siya sa National Commission on Space (NCOS) at Presidential Commission on the Space Shuttle Challenger Accident.

Umani ng iba't ibang parangal at pagkilala si Armstrong sa ilang dekada niyang serbisyo. Kabilang dito ang Presidential Medal of Freedom; Congressional Gold Medal; Congressional Space Medal of Honor; NASA Distinguished Service Medal; at Royal Geographic Society's Gold medal.

Pumanaw si Armstrong sa edad na 82 noong August 25, 2012 sanhi ng kumplikasyon dulot ng cardiovascular procedures. Noong September 14, 2012, inilagak ng barkong USS Philippine Sea ang kaniyang mga abo sa Atlantic Ocean.

Encyclopedia Britannica. Neil Armstrong. Retrieved from https://www.britannica.com/biography/Neil-Armstrong

National Aeronautics and Space Administration. Biography of Neil Armstrong. Retrieved from https://www.nasa.gov/centers/glenn/about/bios/neilabio.html

29/08/2026

HULING LUNES, HULING KISLAP NG KASUOTANG FILIPINO! 🇵🇭❤️
Sa huling Lunes ng Pagdiriwang ng Buwan ng Wikang Pambansa, muling nasilayan ang kagandahan at kariktan ng kasuotang Filipino sa mga kawani ng SDO Lungsod Tabaco sa Seremonya ng Pagtaas ng Watawat.
Isang makulay na pagtatapos ng ating pagsusuot ng kasuotang Filipino ngayong Buwan ng Wika-ngunit ang pagmamahal sa sariling wika at kultura ay hindi nagtatapos sa buwan ng Agosto.

29/08/2026

Sa tinatayang 135 katutubong wika sa buong bansa, 40 sa mga ito ang nanganganib nang maglaho sa hinaharap, ayon sa Komisyon sa Wikang Filipino.

28/08/2026

Pagbati sa ating mga nagwagi sa Panrehiyong Paligsahan sa Pagsulat ng Sanaysay para sa Buwan ng Wikang Pambansa 2026! Ang inyong husay at talento sa pagsulat ay tunay na nagbibigay-pugay sa wikang Filipino. Mabuhay kayo!
🏅Ikalawang Puwesto -Christian Dave Borbe, SHS-TNHS
Tagasanay:Jonas Baliwas
Prinsipal: Salve Estrella
🏅 Ikalawang Puwesto -Marie Ann Galicia- G**o (Elem.)
Prinsipal: Michael Carullo

22/08/2026

Maligayang kaarawan sa ating Ama ng Wikang Pambansa!





Mababása ang buong talumpati ni Pangulong Quezon na nasa Ingles dito: https://www.officialgazette.gov.ph/1937/11/07/speech-of-president-quezon-at-the-san-juan-de-letran-alumni-annual-banquet-november-7-1937

21/08/2026

𝗣𝗔𝗔𝗡𝗢 𝗡𝗔𝗚𝗦𝗜𝗠𝗨𝗟𝗔 𝗔𝗡𝗚 '𝗔𝗣𝗜𝗥'?

Ang ‘up here’ o ‘apir’ sa Pilipinas, ay isang uri ng hand gestures kung saan inilalapat ng dalawang tao ang kanilang mga palad. Bukod sa pagsasabi ng ‘apir’, ginagamit din ang ‘give me five’ o ‘high five’.

Bagama’t maraming bersyon ukol sa kasaysayan ng ‘apir’, tinatanggap ng nakararami na nagsimula ang ‘high five’ sa isang baseball game noong 1977. Naganap ito nang mag-‘apir’ sina Dusty Baker at Glenn Burke ng Los Angeles Dodgers matapos ang kanilang pagkapanalo noong October 1977. Mula noon, naging simbolo ang pag-apir ng tagumpay o kagalakan. Katunayan, ipinagdiriwang ang National High Five Day tuwing April 18.

Abadi, Mark (April 18, 2019). Today is National High Five Day — this photo from 1977 shows the first ever high five. Retrieved from https://www.businessinsider.com/where-does-the-high-five-come-from-origin-2017-4

---
Muling nagbabalik ang , kung saan tayo ay nagtatampok ng ilang mga 'trivia' ukol sa ating wikang pambansa. Alinsunod sa Proclamation No. 1041, ang buwan ng Agosto ay ang 'Buwan ng Wikang Pambansa'.