13/04/2022
Maayong Adlaw sa Tanan! Ang mga Maestra sa Payasan ES nanghinaut nga matabangan ang among estudyante nga si Lowen John Teves Manzano. Ang iyahang ginikanan si Ailyn ug Danny. Grade 1 na kini siya karon nga tuig. Kini siya nga bata nasakit. Nagdula uban sa iyang mga kauban nga bata ug sa wala gituyo nabira sa iyaha kauban si Lowen John ug disgrasya kini. Nahulog sa bike unya nabagok ang ulo atong Disyembre 2021. Nasamad ug nidugo kini pero wala siyay gibati. Giaplayan lamang kini ug first aid. After 2 months mga Pebrero 2022, nahilantan siya, maong gidala sa Lianga Hospital. Gi oxygen ang bata ug gi refer sa Tandag Sa Adela Sierra Ty Memorial Hospital nga conscious pa kini. Pipila ka adlaw ang milabay wala na siya nakamata. Na Comatose na ang bata. Ug niabot na ang 1 ka bulan nga walay alibyo. Nag decide na ang doktor ug miingon sa ginikanan nga dili na kini siya maayo. Busa sila mismo ang nagkuha sa maong oxygen kay ug unsay mahitabo ug nipauli na sila sa ila balay diri sa Payasan. Niuli sila dala ang bata nga wala kini naunsa, pero wala gihapon siya nakamata nag Comatose gihapon. Nilapas ng 2 ka bulan mao lang gihapon iyaha kahimtang. Nanghinaut ang iyahang pamilya nga mapatambalan ug madala ang bata sa dako nga hospital. Nakita namo ang sitwasyon kay niadto mi karon nga adlaw April 13, 2022 nga gusto pa nya nga mabuhi. Kami nagatuktok sa inyong malumong kasing kasing nga matabangan siya. Ug nagkinahanglan mo sa detalye sa iyahang kahimtang anaa siya nagpuyo sa Purok 3, Payasan, Lianga, Surigao del Sur.
Sa mga willing nga motabang gikan sa ilahang malumong kasing kasing Mao ni ang iyahang Adviser sa Grade 1, Ritchel M. Huyo ug ang contact number 09157529067. Mao pud ni ang GCash Account ni Maam. FB Account Ryle Raine. Daghang Salamat.
