Talas Productions

𝗛𝗲𝘆𝗮! 𝗛𝗲𝘆𝗮!

Sa bawat simoy ng hangin sa Lunsina ay nananatili ang mga bakas ng mga taong nagbigay-buhay sa aming kuwento. Sa bawat eksenang kinunan, at sa bawat sandaling hinubog sa harap at likod ng kamera, ay naroon ang mga pusong nagtiyaga, mga kamay na walang sawang kumilos, at mga pangarap na sama-samang pinagtagpi upang maisilang ang 𝐒𝐚 𝐋𝐢𝐥𝐢𝐦 𝐧𝐠 𝐦𝐠𝐚 𝐏𝐚𝐥𝐚𝐬𝐨. Ang Lunsina ay hindi lamang naging tagpuan ng aming salaysay; ito rin ay naging saksi sa pagod, puyat, tawanan, at mga alaalang sabay-sabay naming naranasan bilang isang pamilya sa likod ng pelikulang ito.

“𝗜𝘀𝗮𝗻𝗴 𝗯𝘂𝗹𝗮𝗸𝗹𝗮𝗸 𝗻𝗮 𝗶𝘁𝗶𝗻𝗮𝗻𝗶𝗺 𝘀𝗮 𝗹𝘂𝗽𝗮𝗶𝗻𝗴 𝗵𝗶𝗻𝗱𝗶 ‘𝗮𝗸𝗶𝗻’.”
Isang sipi mula sa aming pelikula na sumasalamin sa mga damdaming ipinunla kahit sa pusong hindi maaaring angkinin. Tulad ng bulaklak na piniling mamukadkad sa lupaing hindi nito pag-aari, ganoon din ang aming pelikula. Isang kuwentong itinanim sa paniniwala, pagtitiyaga, at dedikasyon ng mga taong naglaan ng kanilang oras, lakas, at talento upang mabuo ang mundong tinawag naming Lunsina.

Ang parangal na ito ay hindi lamang para sa iilan. Ito ay para sa 12 Acuity, sa aming mga aktor na nagbigay-buhay sa bawat karakter, at sa aming production team na walang sawang kumilos sa likod ng bawat eksena. Sa bawat pagod, sa lamig ng gabi, sa mga maagang call time, at sa mga gabing halos ayaw nang matapos, ay unti-unting nabuo ang isang pelikulang hindi lamang ginawa, kundi buong pusong pinaniwalaan ng bawat isa sa atin. Ang tagumpay na ito ay bunga ng ating sama-samang pagsisikap, at isang paalala na ang bawat sakripisyong ating dinaanan ay may patutunguhan.

Imahe 𝑺𝒂 𝑳𝒊𝒍𝒊𝒎 𝒏𝒈 𝒎𝒈𝒂 𝑷𝒂𝒍𝒂𝒔𝒐 🏹✨ [2]

Maraming salamat sa paglikha ng mga alaalang mananatili sa lilim ng bawat pana’t palaso🤎

Imahe 𝑺𝒂 𝑳𝒊𝒍𝒊𝒎 𝒏𝒈 𝒎𝒈𝒂 𝑷𝒂𝒍𝒂𝒔𝒐 🏹✨ [1]

Taos-puso ang aming pasasalamat sa huling dalawang araw ng inyong pagkilala at patuloy na pagtangkilik sa paglalakbay ng aming pelikula.

Mga larawang sulyap ang mga sandaling nabuo—mga tagpong nagpapahiwatig ng suporta, kagalakan at palakpak mula sa bawat manonood na naging bahagi ng aming kwento.

Maraming salamat sa paglikha ng mga alaalang mananatili sa lilim ng bawat pana’t palaso🤎

Anong kabaliwan ito?! 😜😡
-Babaylan 2026

Isang kabaliwang nagluwal ng napakaraming alaala sa Lunsina. Sa paglalakbay na ito ay hindi nawala ang mga hamon, mga suliranin, at mga sandaling tila sinusubok ang aming tiyaga. May mga pagkakataong napagod, nalito, at muntik nang panghinaan ng loob. Ngunit sa kabila ng lahat, napawi ang pagod sa saya, tawanan, at kasiyahang sabay-sabay naming naranasan. ✨

Mga larawang hinubog mula sa konseptong bumabalot sa Sa Lilim ng mga Palaso.

Sa bawat imaheng ito ay nakapaloob ang mga ideya at simbolismong nagbibigay-buhay at lalim sa aming kuwento. Ibinabahagi namin ang mga konseptong larawang ito upang higit pang maipahayag at mapalalim ang diwa ng pelikula. 🤎