Ang Iwag

Ang Iwag Ang Opisyal na Pahayagan ng Filipino sa Pambansang Mataas na Paaralan ng Mianay

Medalya ng Tagumpay, Sertipiko ng Pagkilala‎Bilang bahagi ng pagdiriwang ng Buwan ng Wika 2026, ‎ipinagkaloob ng pamunua...
25/08/2026

Medalya ng Tagumpay, Sertipiko ng Pagkilala
‎
Bilang bahagi ng pagdiriwang ng Buwan ng Wika 2026, ‎ipinagkaloob ng pamunuan ng Mianay ang pagkilala sa mga mag-aaral mula Baitang 7 hanggang 12 na nagpakita ng kanilang natatanging talento, talino, at pagkamalikhain sa iba’t ibang patimpalak na isinagawa.
‎
‎Nagningning ang kanilang husay sa Sining ng Pagkukuwento, Pagtatalumpati, Pasalitang Tula, Tagisan ng Talino, at Paggawa ng Poster-Slogan. Ang mga medalya at sertipikong natanggap ay nagsilbing pagkilala sa kanilang natatanging husay sa iba't ibang larangan, gayundin sa kanilang pagpapahalaga sa wikang Filipino at kulturang Pilipino.
‎
‎Higit pa sa mga parangal at pagkapanalo, naging mahalagang pagkakataon ang mga isinagawang patimpalak upang mahasa ang talento, mapalawak ang kaalaman, at mapalakas ang kumpiyansa ng mga mag-aaral. Sa kanilang husay at pagsisikap, pinatunayan nilang ang bawat talento ay may kakayahang magbigay-inspirasyon at mag-iwan ng makabuluhang marka.

✍️: Trisha Diaz
🖼️: Ajay De Pablo
📸: Mark Ethan Canilang

Spoken Poetry, Tampok sa Pagdiriwang ng Buwan ng Wika sa Mianay NHSAgosto 24,2026-Ginanap ang patimpalak sa Spoken Poetr...
25/08/2026

Spoken Poetry, Tampok sa Pagdiriwang ng Buwan ng Wika sa Mianay NHS

Agosto 24,2026-Ginanap ang patimpalak sa Spoken Poetry sa Mataas na Paaralan ng Mianay bilang bahagi ng pagdiriwang ng Buwan ng Wika.

Ang patimpalak ay nilahukan ng mga mag-aaral mula sa Ika-11 at Ika-12 baitang, na may pitong kalahok sa kabuuan. Bawat isa ay nagbigkas ng mga tula na nagpapakita ng kanilang pananaw sa wastong paggamit ng Wikang Filipino at Artificial Intelligence (AI).

Binigyang-diin sa mga pagtatanghal na ang AI ay hindi kalaban ng Wikang Filipino. Sa halip, ito ay nagsisilbing kasangkapan upang higit na mapayaman ang ating kaalaman at makapagbigay ng mga panibagong ideya sa bawat pananaliksik.
Kitang-kita sa bawat kalahok ang galing sa pagpapadama ng emosyon, kalinawan sa pagbigkas, at angkop na ekspresyon ng mukha at kilos ng katawan upang higit na mabuhay ang mensahe ng kanilang mga tula.

Sa pagdiriwang ng Buwan ng Wika, pinatunayan na ang teknolohiya at wika ay maaaring magsabay. Ang AI ay maaaring maging kaagapay sa paglinang ng kaisipan, ngunit ang Wikang Filipino pa rin ang siyang puso ng ating pagkakakilanlan bilang Pilipino.

✍️: Ronalyn Buday
🖼️: Jeffry Palioc
📸: Mea Marie Marcelino

25/08/2026

Sa bawat salitang binigkas, sa bawat ngiting ibinahagi, at sa bawat pusong nakiisa—naroon ang mga g**ong patuloy na nagbibigay-buhay sa wika at kultura. 🌾🇵🇭

Mianay NHS teachers, nakikiisa sa pagdiriwang ng Buwan ng Wika 2026.
Sapagkat ang wika ay hindi lamang salita—ito ay puso, pagkakakilanlan, at pagkakaisa. ✨

🎥 : Mark Ethan D. Canilang

Salita at Paninindigan, Namayani sa Talumpatian!MIANAY NHS- Namayani ang husay sa pagsasalita at paninindigan ng anim na...
17/08/2026

Salita at Paninindigan, Namayani sa Talumpatian!

MIANAY NHS- Namayani ang husay sa pagsasalita at paninindigan ng anim na mga kalahok mula sa baitang 9 at 10, sa patimpalak sa pagbigkas ng talumpati bilang bahagi ng pagdiriwang ng Buwan ng Wika 2026.

Sa kanilang talumpati, binigyang diin ng mga kalahok ang kahalagahan ng paggamit ng Wikang Filipino at Artificial Intelligence (AI) bilang kasangkapan sa pananaliksik at tulay sa yaman ng impormasyon.

Binigyang diin din ng mga kalahok na hindi hadlang ang teknolohiya sa pagkatuto, bagkus ay nagiging kaagapay tungo sa mas malawak na kaalaman at mas maraming impormasyon. Ibinahagi rin nila sa kanilang talumpati ang kahalagahan ng wasto, responsable, at mapanuring paggamit ng AI.

Sa huli, ipinamalas ng mga kalahok na ang tunay na kaalaman ay hindi lamang nakukuha sa teknolohiya, kundi sa wastong paggamit nito at sa pagpapahalaga sa sariling wika.

✍️: Ronalyn Buday
🖼️: Jeffry Palioc
📸: Ajay De Pablo at Trisha Diaz

Matalinong Pagtatagisan, Tampok sa Buwan ng WikaNaging makabuluhan ang isinagawang Tagisan ng Talino sa Mataas na Paaral...
14/08/2026

Matalinong Pagtatagisan, Tampok sa Buwan ng Wika

Naging makabuluhan ang isinagawang Tagisan ng Talino sa Mataas na Paaralan ng Mianay ngayong araw, Agosto 14, 2026. Ang nasabing patimpalak ay isinagawa bilang bahagi ng pagdiriwang ng Buwan ng Wika 2026 na may temang: Wikang Filipino at AI: Kasangkapan sa Pananaliksik at Tulay sa Yaman ng Impormasyon.

Ipinamalas ng mga kalahok mula baitang 7 hanggang 10 ang kanilang talino, kaalaman, at husay sa larangan ng wika at AI.

Sa bawat tanong, kitang-kita ang determinasyon ng bawat isa na makasagot ng tama at maiuwi ang panalo. Nagpapahiwatig na ang mga mag-aaral ng nasabing paaralan ay hitik sa kaalaman at impormasyon.

Kanilang pinatunayan na sa makabagong panahon, ang Wikang Filipino at AI ay maaring magsanib upang maging daan tungo sa mas malawak na kaalaman at pagkatuto.

🖼️: Jeffry Palioc
💻: Trisha Diaz

11/08/2026

🇵🇭🎶 KAMAGFIL CLUB: TINIG NG PAGKA-PINOY! 🎶🇵🇭

Buong sigla at pagmamalaking handog ng KaMagFil Club ang isang presentasyon bilang bahagi ng pagdiriwang ng Buwan ng Wikang Pambansa 2026 sa saliw ng awiting "Ako'y Isang Pinoy"🎶.

ang Wikang Filipino!
ang Kabataang Pilipino!

📹 : Mark Ethan Canilang

MASINING NA PAGKUKWENTO, MASIGLANG ITINAMPOK BILANG BAHAGI SA PAGDIRIWANG NG BUWAN NG WIKAGinanap ngayong araw—Agosto 10...
10/08/2026

MASINING NA PAGKUKWENTO, MASIGLANG ITINAMPOK BILANG BAHAGI SA PAGDIRIWANG NG BUWAN NG WIKA

Ginanap ngayong araw—Agosto 10, 2026 ang patimpalak sa Masining na Pagkukuwento sa Mataas na Paaralan ng Mianay bilang bahagi ng pagdiriwang ng Buwan ng Wika pagkatapos ng seremonya ng pagtataas ng watawat.

Ang patimpalak ay nilahukan ng mga mag-aaral mula sa Ika-7 at Ika-8 na baitang, na may kabuuang anim na kalahok. Bawat isa ay nagtanghal ng mga kuwentong nagpapakita ng mayamang kultura ng bawat pilipino. Kitang-kita sa kanilang pagtatanghal ang husay sa paggamit ng kanilang wika, ekspresyon ng mukha, at tamang kumpas ng mga kamay upang mas maging buhay ang bawat tauhan sa kuwento.

Hindi lamang galing sa pagsasalaysay ang hinusgahan, kundi pati na rin ang pagpapadama ng emosyon, kalinawan sa pagbigkas, at angkop na kasuotan na naaayon sa kanilang napiling kuwento.

Sa pagdiriwang ng Buwan ng Wika, mahalagang maunawaan ng lahat kung paano naipapasa ang kultura at tradisyon na siyang nagpapatibay ng pagka-pilipino. Hindi dapat malimot sa sariling kinagisnan. Ang wika ang tulay mula sa nakaraan patungo sa kasalukuyan, kaya’t nararapat itong pangalagaan, pahalagahan, at ipasa sa susunod pang mga henerasyon.

🖼️: Ajay De Pablo
💻: Maria Crisabeth Omiten

Laban, Laro, Pagkakaisa: Intramurals 2026, Bukas na!MIANAY, CAPIZ — Sumiklab ang sigla at palakasan sa Mianay National H...
08/08/2026

Laban, Laro, Pagkakaisa: Intramurals 2026, Bukas na!

MIANAY, CAPIZ — Sumiklab ang sigla at palakasan sa Mianay National High School sa pormal na pagbubukas ng Intramural Meet 2026 ngayong araw.

Pinangunahan ni Sir Buddy E. Alvarez Jr., Principal I, ang pagbubukas ng palaro na tampok ang makulay na parada, masiglang Mass Dance, at iba’t ibang paligsahan sa palakasan.

Nagpakitang-gilas ang mga mag-aaral mula sa iba’t ibang pangkat sa kanilang husay, disiplina, at pagtutulungan sa mga laro.

Higit sa kompetisyon, binigyang-diin ng Intramurals ang sportsmanship, pagkakaisa, at pagtutulungan ng mga mag-aaral ng Mataas na Paaralan ng Mianay.

📸: Mea Marie Marcelino
💻: Ajay De Pablo
🖼️: Ajay De Pablo

Grade 11 Boys, Kumamada ng 2–0 kontra Grade 12Ipinamalas ng Grade 11 ang kanilang husay at pagtutulungan matapos na pat...
05/08/2026

Grade 11 Boys, Kumamada ng 2–0 kontra Grade 12

Ipinamalas ng Grade 11 ang kanilang husay at pagtutulungan matapos na pataubin ang Grade 12 sa elimination round na ginanap sa Mataas na Paaralan ng Mianay.

Nakuha ng Grade 11 ang unang set sa iskor na 15–9, bago muling mangibabaw sa ikalawang set sa 15–7, dahilan upang maitala ang 2–0 na panalo. Ang kanilang matatag na depensa, mahusay na serbisyo, at magkakasunod na matagumpay na opensa ang naging susi sa kanilang tagumpay.

Sa kabila ng pagkatalo, ipinakita ng Grade 12 ang kanilang determinasyon at sportsmanship. Patuloy silang lumaban hanggang sa huling puntos, na nagpapatunay na ang tunay na diwa ng palakasan ay hindi lamang nasusukat sa pagkapanalo, kundi maging sa tapang, disiplina, at tiyagang ipinapakita sa bawat laban.

Sa pagtatapos ng laban, itinala ng Grade 11 ang kanilang 2–0 panalo at ipinakita ang bisa ng kanilang koordinasyon, disiplina, at estratehiya sa laro.

💻Ronalyn Buday
🖼️ Jeffry Palioc
📸 Mark Ethan Canilang

Pagpupugay sa Natamong Karangalan!Isang malugod na pagbati kay Mary Faith B. Esteban sa pagkamit ng Ikatlong Lugal sa Pa...
15/02/2026

Pagpupugay sa Natamong Karangalan!

Isang malugod na pagbati kay Mary Faith B. Esteban sa pagkamit ng Ikatlong Lugal sa Pagsulat ng Lathalain sa katatapos lamang na Regional Schools Press Conference (RSPC) 2026! 🏆✍️

Ang iyong tagumpay ay bunga ng iyong dedikasyon sa larangan ng pamamahayag. Patuloy kang magningning at magbigay inspirasyon sa kapwa mo mag-aaral.

Lubos ang pasasalamat sa lahat ng sumuporta at naniwala—sa mga g**o, tagapagsanay, mga magulang at higit sa lahat kay Sir Buddy E. Alvarez, aming punong-g**o, sa walang sawang paggabay at pagsuporta sa mga programa ng paaralan.

Ang tagumpay na ito ay tagumpay ng buong paaralan! 🎉



Address

Mianay National High School
Sigma
5816

Website

Alerts

Be the first to know and let us send you an email when Ang Iwag posts news and promotions. Your email address will not be used for any other purpose, and you can unsubscribe at any time.

Shortcuts

Share

Category