01/09/2025
Mga Senior High ng LINHS, Nakiisa sa Makulay na Pagdiriwang ng Buwan ng Wika
โ๏ธ Hannah Sophia Cazy Valverde
Nakiisa sa pagdiriwang ng Buwan ng Wika ang mga Senior High School student ng Lutucan Integrated National High School (LINHS) noong Agosto 29 sa gymnasium ng Campus B, kung saan ipinamalas nila ang kanilang galing, talento, at pagpapahalaga sa kulturang Filipino.
Pinasimulan ang programa sa pamamagitan ng taimtim na panalangin at pag-awit ng Lupang Hinirang. Sinundan ito ng pambungad na pananalita ni G. Mario Benitez, OIC ng Departamento ng Filipino, gayundin ng mga mensahe mula sa mga panauhin. Pagkatapos ay inilahad ni Gng. Mary Rose Villanueva, tagapayo ng KaFil, ang layunin ng pagdiriwang na sinundan ng pampasiglang bilang mula sa mga miyembro ng PADAC, gayundin ng pagpapaliwanag ng mga mekaniks ng paligsahan at pagpapakilala sa mga hurado.
Lumabas ang husay at likha ng mga mag-aaral mula sa ibaโt ibang strandโSTEM, ABM, HUMSS, IA, at ICTโsa ibaโt ibang patimpalak gaya ng Proyektong Wika, Tanghal, Balagtasan, Tinig ng KaFil, at Proyektong SIKAP. Isa sa mga tampok na pagtatanghal ang inihandog ng grupong STEMazers na nagbigay ng masiglang awitin na lalo pang nagpasaya sa mga manonood.
Matapos ang mga paligsahan, ginawaran ng sertipiko ang mga hurado, nagwagi, at lahat ng kalahok bilang pagkilala sa kanilang partisipasyon. Binigyang-diin ni Gng. Kristine Joy Galeon-Lontoc, Koordineytor sa Filipino, ang kahalagahan ng patuloy na paggamit at paglinang sa wikang Filipino sa kanyang pangwakas na pananalita. Nagtapos ang programa sa pangwakas na panalangin na pinangunahan ni Kate Manalaysay, opisyal ng KaFil.
