https://www.facebook.com/710699482132106/

Mag-aaral na Sibol ng Dakilang Lahing Kayumanggi

Home
Philippines
Santiago
Mag-aaral na Sibol ng Dakilang Lahing Kayumanggi

FILIPINO CLUB MASIDLAK- RoNHS

29/08/2025

MATAGUMPAY NA IPINAGDIRIWANG ANG BUWAN NG WIKA 2025 🇵🇭🎉

Noong Agosto 28, 2025, matagumpay na isinagawa sa Rosario National High School ang Culminating Activity ng Buwan ng Wika na nagbigay-diin sa tema:
✨ “Paglinang sa Filipino at Katutubong Wika: Makasaysayan sa Pagkakaisa ng Bansa.”

Pinangunahan ang programa sa pamamagitan ng Makabayan Song na inawit ni Bb. Samantha G. Batulayan mula sa 11-John Dewey. Sinundan ito ng isang taimtim na pambungad na panalangin na pinamunuan ni Bb. Love Joy L. Corpuz, Masidlak Bise Presidente.

Nagbigay naman ng isang masiglang pambungad na pananalita si Bb. Lyka Jane L. Ordanza, Masidlak Presidente, upang buksan ang diwa ng selebrasyon. Pagkaraan ay tumindig si G. Constantino T. Agpalo, Punong G**o, at naghandog ng isang makabuluhang mensahe ng inspirasyon para sa lahat ng mag-aaral at g**o.

Bumida rin ng mga mag-aaral mula sa kampeon ng Baitang 7 at 8 sa kanilang sabayang pag-awit at pagtula na nagsilbing pamukaw-sigla ng programa. Pagkatapos nito, ipinakilala ni Gng. Fredelyn Joy A. Lucas, Filipino Club Tagapayo, ang mga hurado, at binasa ni Bb. Cyrel U. Yarcia, Masidlak Kalihim, ang mekaniks at kraytirya ng mga patimpalak.

Sinimulan ang paligsahan sa mga mag aaral mula sa baitang 10 upang magbigay gilas sa Interpretatibong Pagsayaw, sinundan ng isa pang pamukaw-sigla sa pamamagitan ng katutubong sayaw mula sa mga kampeon ng Baitang 9. Kasunod nito ay isinagawa ang mga paligsahan sa Sabayang Pagbigkas at Spoken Poetry na nilahukan ng mga piling mag-aaral mula Baitang 11–12.

Sa huli, ipinahayag ang mga nanalo sa iba’t ibang patimpalak at iginawad ang kanilang mga sertipiko bilang pagkilala sa kanilang galing at husay.

Bilang pagtatapos, nagbigay ng makabuluhang pangwakas na pananalita si Gng. Marjorie P. Mendoza, Filipino Kab Koordineytor, na nag-iwan ng paalala tungkol sa kahalagahan ng wika at kultura sa pagkakaisa ng sambayanang Pilipino.

Ang buong programa ay tunay na nagpatunay na ang Wikang Filipino ay buhay, makasaysayan, at patuloy na nagbubuklod sa ating lahat. Mabuhay ang Wikang Filipino! 🇵🇭✨

📷- IYA GARCIA
🖋️- LOVE JOY CORPUZ

27/08/2025

BUWAN NG WIKA 2025 🇵🇭🎉

Matagumpay na isinagawa ngayong araw ang unang bahagi ng Culminating Activity ng Buwan ng Wika sa Rosario National High School! ✨
Ipinamalas ng mga mag-aaral mula Grade 7–9 ang kanilang husay sa iba’t ibang pagtatanghal na puno ng kulay at pagmamahal sa sariling wika at kultura.

Ang tema ngayong taon:
“Paglinang sa Filipino at Katutubong Wika: Makasaysayan sa Pagkakaisa ng Bansa.”

Sa bawat awit, bigkas, at sayaw, buhay na buhay ang diwa ng ating pagkakaisa bilang Pilipino. 🙌
Atin pong abangan bukas ang pagpapatuloy ng selebrasyon kung saan mas marami pang pagtatanghal at programang tiyak na magpapasigla sa ating Buwan ng Wika 2025! 🎭✨

📷- IYA GARCIA
🖋️- LOVE JOY CORPUZ

25/08/2025

Maligayang Araw ng mga Bayani! 🇵🇭

Ngayon, ating ginugunita ang Araw ng mga Bayani bilang pagpupugay sa lahat ng nag-alay ng kanilang talino, lakas, at buhay para sa kalayaan at dangal ng ating bansa. Hindi lamang sila ang mga kilalang pangalan sa ating kasaysayan, kundi pati na rin ang mga karaniwang Pilipino na patuloy na nagsasakripisyo para sa pamilya, komunidad, at bayan.

“Ang pagiging bayani ay hindi lamang nasusukat sa espada o sa labanan—ito’y nakikita rin sa mga simpleng gawaing puno ng malasakit at pagmamahal.”

👩‍🏫 𝑩𝒂𝒘𝒂𝒕 𝒈𝒖𝒓𝒐 na nagtuturo ng may puso,
👷 𝒃𝒂𝒘𝒂𝒕 𝒎𝒂𝒏𝒈𝒈𝒂𝒈𝒂𝒘𝒂 na nagsusumikap,
🎓 𝒃𝒂𝒘𝒂𝒕 𝒌𝒂𝒃𝒂𝒕𝒂𝒂𝒏 na nangangarap para sa kinabukasan—
sila ay tunay na mga bayani ng ating panahon.

Sa pagdiriwang na ito, nawa’y maging inspirasyon sa ating lahat ang kanilang kwento upang patuloy nating paigtingin ang ating pagmamahal sa Pilipinas. Sama-sama nating ipagpatuloy ang adhikain ng ating mga ninuno: isang bayan na may pagkakaisa, katarungan, at pag-ibig sa kapwa.

Saludo kami sa lahat ng mga bayani—noon, ngayon, at bukas! 🇵🇭

🖼️🖋️- LOVE JOY CORPUZ (M.A.S.I.D.L.A.K-Bise Presidente)

13/08/2025

"Gamit ko ang wika, pero ‘di kita nakuha."
May mga salitang kay dali bigkasin, ngunit kay hirap maunawaan.
Hindi lahat ng mensahe ay nadadaan sa alpabeto—minsan, puso lang ang nakakaintindi.

🖼️- LOVE JOY CORPUZ

08/08/2025

"Wikang pambansa, ikaw ang sakit ng aking diwa."
Sa bawat salitang iniwan ng panahon, dama ang pangungulila.
Sa paglimot sa sariling wika, unti-unti ring nawawala ang ating pagkatao.
Panahon na upang muling balikan, mahalin, at itaguyod ang wikang atin—kahit masakit, kahit mahirap.
Dahil sa puso ng bayan, ikaw ang tinig.

🖼️- LOVE JOY CORPUZ

07/08/2025

Wikang kay lalim, gaya ng ‘di mo pagtingin."
May mga salitang hindi madaling unawain—tulad ng pananahimik mong kay bigat basahin.
Sa bawat kataga, may kasaysayan. Sa bawat taludtod, may damdaming Pilipino.
Ang wika’y hindi lamang ginagamit—ito’y nadarama, isinusulat, at isinisigaw ng puso.

🖼️- LOVE JOY CORPUZ

05/08/2025

Sa bawat titik at taludtod, sumasalamin ang ating pagkakakilanlan bilang Pilipino.
Ipinagdiriwang natin ang Buwan ng Wika 2025 bilang pagpupugay sa yaman ng ating wika at kultura.
Magsulat, magmahal, at magmalasakit sa wikang atin.
🇵🇭✍️

🖼️- LOVE JOY CORPUZ

04/08/2025

Matagumpay na naglunsad ang Rosario National High School ng pagdiriwang ng Buwan ng Wika 2025 ngayong ika-4 ng Agosto.

Pinangunahan ni Gng. Fredelyn Joy B. Lucas ang pormal na pagbubukas ng programa, kasama sina Bb. Lyka Jane L. Ordanza at Bb. Love Joy L. Corpuz, na kapwa aktibong nakibahagi sa seremonya.

Sa temang "Paglinang sa Filipino at Katutubong Wika: Makasaysayan sa Pagkakaisa ng Bansa," inilunsad ang iba’t ibang lingguhang aktibidad tulad ng paggawa ng sanaysay, tula, poster at islogan, sabayang pag-awit, pagtula, pagbigkas, at katutubo at interpretatibong pagsayaw.

Isa sa mga tampok na bahagi ng selebrasyon ay ang pagtatanghal ng Rosario NHS Dance Troupe ng tradisyunal na sayaw na "A La Fota Isabela," na nagmula sa Barangay Nabbuan, Santiago City, Isabela.

Hindi magiging posible ang tagumpay ng okasyong ito kung wala ang buong suporta ng mga g**o sa pamumuno ng punong-g**o na si G. Constantino T. Agpalo II.

Maliwanag na naipadama ng bawat Rosarian ang diwa ng pagkakaisa — isang bagay na inaasahang magpapatuloy sa mga darating pang araw ng pagdiriwang.

01/08/2025

📚 Buwan ng Wika 2025: “Paglinang sa Filipino at Katutubong Wika: Makasaysayan sa Pagkakaisa ng Bansa” 🇵🇭

Sa taong ito, ipagmamalaki natin ang wikang Filipino at iba pang katutubong wika bilang saligan ng pagkakaisa, kasaysayan, at pambansang pag-unlad. Hitik sa kultura, identidad, at makabuluhang komunikasyon—ito ang diwa ng ating pagdiriwang.

✨ Halina’t magsama-sama sa paglinang ng wika—para sa sariling pagkakakilanlan, para sa bayan, para sa kinabukasan!

🖼️- LOVE JOY CORPUZ

Address

Rosario National High School
Santiago

Website

facebook.com

Alerts

Be the first to know and let us send you an email when Mag-aaral na Sibol ng Dakilang Lahing Kayumanggi posts news and promotions. Your email address will not be used for any other purpose, and you can unsubscribe at any time.

Want your school to be the top-listed school/college in Santiago?