BSED Filipino

Dalawang taon na ang lumipas, ngunit bawat alaala ay nananatiling buhay sa ating mga puso. Nawa’y muling magtagpo ang ating mga landas.

Matahom ✨🤍

Sa loob ng apat na taon natin bilang magkakamag-aral, masayang masaksihan kung paano humalakhak at mag-ingay ang pinaka mayumi sa atin. Kung paano naging magiliw at maiparamdam ang pagtanggap ng bawat pangkat ng magkakaibigan sa iilang hindi natin masasabing kaulayaw. Nakatutuwa at nakatataba ng puso kung paano natin maipakita ang nagpapa-totoo sa atin bilang kaklase, kaibigan, tao. Sa diwa ng pagiging pamilya ng isang pangkat, maituturing na moog ang pakikisama, pagbabahagian, at pagtutulungan. Hindi pinabayaan ang isa't isa, may ilan mang mas ninais na tumigil upang tugunan ang kasalukuyang pangangailangan labas sa pag-aaral.

Sa wakas, ang hitik na prutas ng pinunla nating dedikasyon, sakripisyo, at pagpupunyagi sa pag-aaral ay naani na natin. Ngayon, haharap na tayo sa mas malawak na aspekto—ang pagtuklas ng ating layunin sa buhay. May iilang tinawag na ng tungkulin, may ibang nangangapa, natatakot. Gayon pa man, mananatili sa ating alaala bilang mag-aaral ang inspirasyon at pangarap na naibahagi natin sa isa't isa. Kaniya-kaniyang oras at panahon ang tagumpay, mahalin ang proseso at pagnilay-nilayan ang mga kahaharaping kabiguan upang matuto at yumabong ang karunungan. Hindi mamadaliin, magiging hinay-hinay. Magtatagumpay tayo. PUHON 🤞🏽🙏🏼.

Tanguhan at pagkaway na lang sa tuwing magkakasalubong, at sa simpleng pagkurba ng mga labi sa ating muling pagkikita, ay tiyak na narito ang pagkagalak ng isang pusong-bata na nagugunita ang mga sandaling magkakasama tayo sa mga panahong kapwa tayo nangangarap.

Kami ang mga magsisipagtapos mula sa Batsilyer ng Sekondaryang Edukasyon na nagpapakadalubhasa sa Filipino. Pagbati sa lahat!

BATSILYER NG SEKONDARYA MEDYOR SA FILIPINO 👩🏻‍🏫

Nakatapos na ng panghuling semestre. Tunay ngang ang mga nakamit ninyong layunin ay nilakipan ng pagtitiyaga, dedikasyon at tatag ng kalooban.

Ilang araw na lang, road to PICC na. 🎓Pagbati sa mga G**o sa hinaharap! 🎉

Pagbati po sa inyo! Padayon! ❤✨

Huling araw na ng Buwan ng Wika, Ngunit hindi pa huli upang pag-aralan pa nang lubos ang wikang sariling atin!

Maligayang kaarawan, Binibining Jhersey Frilles!💛

Mahal ka ng BSEDFilipinoFam.

Mga mananagumpay! 🎉

©

With more than 180 languages in the Philippines, Buwan ng *mga* Wika shouldn’t just be centered on one 🇵🇭

🎨: Yel Sayo

Alam kong iniisip mo ngayon wala ka nang silbi. Na failure ka at isang malaking pagkakamali na nandito ka pa sa mundo. Walang saysay kung itutuloy mo pa ang lahat. Wala ka namang ginagawang tama, parang wala namang umaayon sa iyo. Pero maniwala ka man o hindi, meron pa ring parte sa pagkatao mo na hindi sumusuko sa paniniwala na may patutunguhan ang mga pangarap. Hindi ka niya susukuan. Kahit pa sobrang hirap, kahit pa hindi ka na makatayo at kahit na pagod na pagod ka na. Isang mahigpit na yakap na iyo at sa sarili mong patuloy na kumakapit at hindi bumibitaw. Kung mabigat na ang lahat, bitawan mo’t magpahinga ka. Pagkatapos magpahinga, bumangon at lumaban muli. Kasama mo ako.