DepEd Tayo SFC Nagyubuyuban Integrated School

03-30-2026 || Matagumpay na naisagawa ang State of the School Address (SOSA) na pinangunahan ng ating butihing punong-g**o, Ma’am Laila Leonen- Datuin.

Sa kanyang komprehensibong ulat, naibahagi ang mahahalagang tagumpay ng paaralan, mga programang matagumpay na naisakatuparan, at mga proyektong patuloy na isinusulong upang higit pang mapabuti ang kalidad ng edukasyon para sa bawat mag-aaral.

Ipinakita rin dito ang sama-samang pagsisikap ng mga g**o, magulang, at ng buong komunidad na naging daan sa mga makabuluhang tagumpay ng ating paaralan.

Higit pa rito, nagsilbi itong inspirasyon sa lahat upang ipagpatuloy ang pagbibigay ng dekalidad, inklusibo, at makabuluhang edukasyon para sa kabataan.

Ang SOSA ay hindi lamang isang ulat, kundi isang malinaw na patunay ng dedikasyon, mahusay na pamumuno, at tunay na malasakit ng ating butihing Principal sa kapakanan ng buong paaralan. 💙

Patuloy tayong magkaisa at makiisa sa paghubog ng kinabukasan ng ating mga mag-aaral ng NIS! 📚

03-30-2026 || Isinagawa ang Baccalaureate Mass ng Nagyubuyuban Integrated School na puno ng pananampalataya, pasasalamat, at pag-asa para sa mga magsisipagtapos. 🙏🎓

Buong pusong pasasalamat ang aming ipinaaabot sa Saint Gabriel the Archangel Parish Church, sa pangunguna ni Rev. Fr. Crispin N. Reyes, sa mainit na pagtanggap at sa makabuluhang pagdaraos ng banal na misa.

Ang inyong mga mensahe at paggabay ay nagsilbing inspirasyon sa aming mga mag-aaral—isang paalala na ang bawat tagumpay ay biyaya mula sa Diyos at hindi lamang bunga ng sariling pagsisikap.

Nawa’y patuloy na maging gabay ang pananampalataya sa bawat hakbang ng aming mga magsisipagtapos tungo sa kanilang mga pangarap.

Sa Diyos ang lahat ng papuri at pasasalamat! 🙌

03-23-2026 || Patuloy na pinagyayaman ang Gulayan sa Paaralan bilang hakbang tungo sa mas malusog at masustansyang kinabukasan ng ating mga mag-aaral ng NIS.

📢Inaanyayahan po ang lahat na makiisa sa gaganaping State of the School Address para sa SY 2025–2026.

Ito ay pangungunahan ng ating butihing punong-g**o, Ma’am Laila Leonen-Datuin, kung saan ibabahagi ang mahahalagang ulat, tagumpay, at mga plano ng ating paaralan para sa patuloy na pag-unlad ng edukasyon.

📅 Marso 30, 2026
🕥 10:30 ng umaga

Makiisa at maging bahagi ng ating sama-samang adhikain para sa mas maunlad na paaralan. Sama-sama nating pakinggan, alamin, at suportahan ang kinabukasan ng ating mga mag-aaral ng NIS. 📚

✨ Halina’t Makibahagi sa Baccalaureate Mass!

Malugod na iniimbitahan ng Nagbubuyuban Integrated School ang lahat ng magulang, mag-aaral, at stakeholders sa isang espesyal na pagtitipon ng pasasalamat at pagdiriwang.

📅 Marso 30, 2026
⏰ 9:00 AM
📍 Nagbubuyuban Integrated School

Sama-sama nating ipagdiwang ang bawat tagumpay at pinagdaanang aral ng ating mga estudyante.
Magkakapit-bisig tayo sa panalangin, pasasalamat, at pag-asa, habang humihiling ng gabay at biyaya ng Diyos para sa kanilang mga bagong simula.

Huwag palampasin—kitakits po tayo!

📢 PAANYAYA

Inaanyayahan ang lahat na makiisa sa gaganaping State of the Division Address (SODA–EOSY) na pangungunahan ni Sheila Marie A. Primicias, Schools Division Superintendent.

🗓 Petsa: Abril 1, 2026
⏰ Oras: 8:00 ng umaga
📍 Lugar: Division Training Center

Alamin ang mahahalagang ulat, tagumpay, at mga susunod na hakbang ng ating dibisyon para sa patuloy na pag-unlad ng edukasyon.

✨ Sama-sama nating ipagdiwang ang ating mga nakamit at harapin ang mas maliwanag na kinabukasan.

Online Flipbook Created with the Heyzine flipbook maker

03-19-2026 || Matagumpay na naisagawa ang Safe School Monitoring sa ating paaralan sa pangunguna ni Sir Daryll Barrera, School DRRM Focal Person.

Sa pamamagitan ng gawaing ito, muling pinagtibay ang kahandaan, kaligtasan, at katatagan ng ating paaralan laban sa anumang sakuna. Ipinapakita nito ang ating sama-samang pagkilos upang matiyak na ang bawat mag-aaral ay ligtas at handa sa anumang hamon.