15/09/2025
ARAL Program Kick-Off: Isang Hakbang Tungo sa Mas Malawak na Pagkatuto
Sa temang “Bawat Bata, may gabay, Bawat pangarap, abot-kamay,” matagumpay na isinagawa ang kick-off ceremony para sa Academic Recovery and Accessible Learning (ARAL) Program noong Setyembre 15, 2025 sa Rang-ayan Elementary School, Brgy. Pag-asa, Sablayan, Occidental Mindoro.
Ang programa ay pinangunahan ng punongg**o, Ma’am Marjorie Ann Banite, katuwang ang mga g**o, magulang, barangay officials, at community partners. Layunin ng ARAL Program na tugunan ang learning gaps ng mga mag-aaral sa pamamagitan ng mas inklusibo at mas epektibong pamamaraan ng pagtuturo.
Sinimulan ang araw sa isang Flag Raising Ceremony na sinundan ng parada kung saan tampok ang mga ARAL-themed props at color-coded groups na kumatawan sa iba't ibang sektor ng paaralan—mga mag-aaral, g**o, magulang, opisyal ng barangay, at mga katuwang mula sa komunidad.
Binigyang-diin ni Ma’am Marjorie Ann N. Banite ang kahalagahan ng ARAL Program sa kanyang welcome message at overview. Sinundan ito ng Pledge of Support mula kay Oliver B. Viernes, Presidente ng PTA, na nagpahayag ng buong suporta ng mga magulang sa adhikain ng programa.
Nagkaroon din ng mga aktibidad na nakatuon sa pagpapalalim ng kaalaman ng mga mag-aaral tulad ng Spelling at Pronunciation Drill, Storytelling at Comprehension Activities, at ang ARAL Wall of Hope kung saan ipinahayag ng mga mag-aaral ang kanilang mga pangarap at layunin sa pag-aaral.
Isa sa mga tampok ng programa ang ARAL Jingle, na sabay-sabay na inawit ng lahat ng mag-aaral bilang simbolo ng pagkakaisa at inspirasyon.
Binigyang-pugay naman ni Hon. Ephil Emperador, Committee on Education, ang pagsisikap ng paaralan at komunidad sa pagtutulungan para sa edukasyon. Ang programa ay pinamunuan ni Randy Alcantara bilang tagapagpadaloy.
Ang isinagawang kick-off ceremony ay hindi lamang isang selebrasyon kundi isang panimula ng mas malalim na commitment sa pagbibigay ng dekalidad at abot-kayang edukasyon para sa bawat mag-aaral sa Rang-ayan Elementary School. Sa pamamagitan ng ARAL Program, muling binibigyang pag-asa ang mga mag-aaral na maabot ang kanilang mga pangarap sa tulong ng isang komunidad na handang gumabay.
