DepEd Tayo Quezon Hondagua Elementary School

ARAL Kick-Off sa Hondagua Elementary!

Isang bagong yugto ng pagkatuto ang ating sinimulan ngayong araw sa paglulunsad ng DepEd ARAL Program (Academic Recovery and Accessible Learning)!

Sa pagtutulungan ng ating mga g**o, magulang, at buong komunidad, handa na tayong tulungan ang bawat mag-aaral na mapaunlad ang kanilang kasanayan sa pagbasa, matematika, at agham.

Sama-sama nating isara ang mga puwang sa pagkatuto at buksan ang mas maliwanag na kinabukasan para sa ating mga kabataan. 💡

Maligayang Kaarawan po, Kap Arnel Laydia! 🎉 Mula sa mga mag-aaral, magulang, g**o at kawani ng Hondagua Elementary School kami po ay bumabati ng mabuting kalusugan, kaligayahan, at patuloy na patnubay sa inyong pamumuno sa ating barangay. Maraming salamat po sa suporta ninyo sa aming paaralan at sa buong komunidad. Pagpalain po kayo ng Diyos.

Sa patuloy na pagpapahalaga at pagtataguyod ng ating wika at kultura, ipinagdiriwang ng Hondagua Elementary School ang Buwan ng Wika ngayong taon na may temang: “Paglinang sa Pilipino at Katutubong Wika: Makasaysayan sa Pagkakaisa ng Bansa.”

Ang pagdiriwang ay naglalayong ipakita ang kahalagahan ng wikang Filipino at mga katutubong wika bilang haligi ng ating pagkakakilanlan at sandigan ng pambansang pagkakaisa. Sa pamamagitan ng iba’t ibang aktibidad tulad ng tula, talumpati, sabayang pagbigkas, sayaw, at pagtatanghal, muling ipinapamalas ng ating mga mag-aaral ang kanilang talento, galing, at pagmamahal sa ating sariling wika.

Sa pagpapatuloy ng ganitong mga selebrasyon, naipapasa sa susunod na henerasyon ang diwa ng pagmamahal sa bayan at wagas na pagkilala sa ating kultura at kasaysayan.

Basta batang HES, the best! 🎉

Sining na may saysay, kulay na may kabuluhan! Isa sa mga tampok na aktibidad ng Buwan ng Nutrisyon 2025 ang isinagawang Art Contest na nilahukan ng mga piling mag-aaral mula Kinder hanggang Baitang 6.

Ipinamalas ng mga bata ang kanilang galing at pagkamalikhain sa iba’t ibang kategorya: Coloring Contest para sa Kinder hanggang Baitang 2, Drawing Contest para sa Baitang 3 at 4, at Poster Making para sa Baitang 5 at 6.

Sa bawat guhit at kulay, isinalarawan nila ang temang 'Food and Nutrition Security, Maging Priority! Sapat na Pagkain, Karapatan Natin!' Isang patunay na kahit sa murang edad, kayang ipahayag ng kabataan ang mahahalagang mensahe sa pamamagitan ng sining!

Masarap na pagkain, masayang samahan! Bilang panghuling gawain sa pagdiriwang ng Buwan ng Nutrisyon 2025, isang masaganang tanghalian ang isinagawa kasama ang buong klase.

Sa simpleng salu-salo na puno ng tawanan, kwentuhan, at pagkakaibigan, mas lalong napagtibay ang diwa ng pagkakaisa at kahalagahan ng masustansyang pagkain.

Isang makabuluhang pagtatapos na tunay na nagpaalala sa lahat: ang kalusugan ay kayamanang dapat pinagsasaluhan, pinahahalagahan, at pinagsasama-samahan!

Gulay, prutas, at pagkaing masustansya: isinabuhay sa makukulay at malikhaing kasuotan ng mga kalahok sa Nutriware 2025!

Sa pamamagitan ng kanilang mga ‘creative attire’, ipinamalas ng mga mag-aaral ang kahalagahan ng wastong nutrisyon sa isang masaya at makabuluhang paraan.

Bawat disenyo ay sumasalamin sa temang 'Food and Nutrition Security, Maging Priority! Sapat na Pagkain, Karapatan Natin!', isang paalala na ang kalusugan ay kayamanang dapat ipagmalaki at isuot nang may dangal at galak!

Sayaw, awit, at talento ang nagsilbing pampalakas at pampasigla sa ginanap na Buwan ng Nutrisyon 2025!

Sa bawat intermission number, ipinamalas ng mga mag-aaral ang kanilang husay sa pag-awit, pagsayaw, at pagtula, mga pagtatanghal na hindi lamang aliw kundi may layuning isulong ang kahalagahan ng wastong nutrisyon.

Tunay na ang musika at sining ay epektibong daan upang iparating ang mensaheng: Sapat na pagkain, karapatan ng bawat isa!

Makulay na ideya, makabuluhang mensahe! Noong Hulyo 30, 2025, matagumpay na isinagawa ang Slogan Contest bilang bahagi ng pagdiriwang ng Buwan ng Nutrisyon 2025 na may temang "Food and Nutrition Security, Maging Priority! Sapat na Pagkain, Karapatan Natin!"

Sa pamamagitan ng malikhaing pananalita at makapangyarihang mga kataga, ipinahayag ng mga kalahok ang kahalagahan ng masustansyang pagkain at karapatang makamit ito ng bawat Pilipino. Tunay ngang sa simpleng mga salita, nabubuo ang malalaking adhikain para sa mas malusog na kinabukasan.

Kalabasa ang naging tunay na bida sa kusina! Sa isinagawang Cooking Contest noong umaga ng Hulyo 31, 2025, ipinamalas ng mga mag-aaral mula Baitang 4 hanggang 6 ang kanilang galing sa pagluluto ng masustansyang Pinakbet. Kung saan namukod-tangi ang kalabasa bilang pangunahing sangkap at isa pang putaheng sariling likha.

Bukod sa lasa, pinatunayan ng mga kalahok na ang pagkaing may gulay ay maaaring maging malinamnam, makulay, at kaaya-ayang kainin.

Isang makabuluhang aktibidad na nagtaguyod sa temang "Food and Nutrition Security, Maging Priority! Sapat na Pagkain, Karapatan Natin!" habang pinapalalim ang kaalaman ng kabataan sa wastong nutrisyon.

Sa ilalim ng temang 'Food and Nutrition Security, Maging Priority! Sapat na Pagkain, Karapatan Natin!', matagumpay na isinara noong Hulyo 31, 2025 ang makabuluhang pagdiriwang ng Buwan ng Nutrisyon sa aming paaralan.

Isang araw ng pagbabalik-tanaw sa mga aktibidad na nagbigay-diin sa kahalagahan ng masustansyang pagkain at malusog na pamumuhay para sa bawat batang Pilipino.

Tampok din ang panunumpa ng mga bagong halal na opisyal ng SELG at YES-O — mga kabataang handang maging tinig at huwaran sa pagtataguyod ng kalusugan, disiplina, at pangangalaga sa kapaligiran.

Sa pagtatapos ng buwang ito, dalangin naming hindi matapos ang adhikaing ito, kundi mas lalo pa itong maging bahagi ng ating araw-araw na pamumuhay.

📣 PTA General Assembly and Election
📅 Hulyo 28, 2025
📍 Hondagua Elementary School

Isang makabuluhang pagtitipon ang isinagawa ngayong araw sa ating paaralan para sa Pangkalahatang Pulong at Halalan ng mga Opisyal ng Parent-Teacher Association (PTA) para sa Taong Panuruan 2025–2026.

Ang layunin ng pagtitipon ay ang pagtutulungan ng mga g**o, magulang, at pamunuan ng paaralan upang higit pang mapaunlad ang kalidad ng edukasyon at kapakanan ng mga mag-aaral ng Hondagua Elementary School.

Lubos naming pinasasalamatan ang lahat ng mga magulang at tagapangalaga na dumalo at aktibong nakiisa sa halalan.

Narito po ang mga nahalal na PTA Officers para sa SY 2025–2026:

Pangulo: BYRON L. DESEMBRANA
Pangalawang Pangulo: MARINA PAILANDE
Kalihim: GRACE MAHINQUE
Ingat-Yaman: JANICA DE CASTRO
Auditor: SONNY ENCONADO

Board of Directors:
1. IMEE CABILDO - PEPITO
2. EUGENE DE JESUS
3. IRENE RAPOSO
4. PEACHY SAN JUAN
5. EPIFANIO ALANO
6. CHONA RACOMA
7. JENNIFER ASUNCION
8. HENRY FUNTALLA
9. MARICAR ALIPIO-PADUA
10. KIMBERLY MAALE
11. JUDITH TAGLAY
12. PRINCESS ANN TAGALA
13. LUIZ LOZARA
14. ARNOLD DIZON
15. HAZEL ODOÑO

Sama-sama nating itaguyod ang , !

June 16, 2025 — Hondagua Elementary School welcomed the start of School Year 2025–2026 with a flag-raising ceremony. Teachers and learners gathered to mark the first day with unity and excitement. 🇵🇭📚