SaMaRiFil SHS

Ihanda ang pinggan, baso, kutsara, at tinidor- dahil matutunghayan natin ang programang Patikim na Patimpalak sa Pagluluto. 🍽️

Syempre, hindi lang basta lulutuin ang bida- kundi ang puso ng bawat isa sa kusina!🤎🧑🏿‍🍳
Bawat sangkap, bawat pagluto, bawat lasa-ay mayroong malikhaing sarap.✨

Handa naba ang lahat sa pinakamasarap at pinakakreatibong putahe? 👀Abangan ang talento, sarap, at saya sa Agosto 26, 2025.🍲🧂

Mga Kapwa Mag-aaral, Halina’t Dumalo sa Lektura 2025! 📚✨

Isang hapon ng pagkatuto at pagbabalik-tanaw sa yaman ng ating wika at kultura! Sama-sama nating tuklasin ang kahalagahan ng ating sariling wika sa makabagong panahon.

🤔 Nais mo bang madagdagan ang iyong kaalaman at mas mapalalim ang iyong pag-unawa sa wikang Filipino?

Kung “Oo!” ang iyong sagot, aba’y huwag kang mawawala! Magkita-kita tayo sa Lektura 2025 kasama ang mga piling mag-aaral mula sa iba’t ibang strand.

🗓 Petsa: Agosto 15, 2025
⏰ Oras: 2:00 ng hapon
📍 Lugar: Ikatlong Palapag, Gusaling MAE

Tara na at makibahagi sa talakayan—para sa wika, para sa bayan! 🇵🇭

✍️: Arpas, Lance Tristan G.
🎨: Arpas, Lance Tristan G.

Bitaw ng Salita, Bagsak ng Palakpakan!

📣 Mga Rizaleño, ngayon ang pagkakataon para patunayan na ang talino at galing ay hindi lamang nakikita sa sulat, kundi naririnig din sa lakas ng ating tinig.

🎤 Sa entablado ng Talumpatian, hindi lang salita ang iyong ibibigay—kundi damdamin ❤️, ideya 💡, at apoy 🔥 ng pagiging tunay na Pilipino.

Kung ika’y may talento sa pagsasalita, may pusong maghatid ng inspirasyon 🌟, at tapang 💪 na maglahad ng katotohanan—ito na ang iyong sandali.

Ipakita na ang wikang ating minamahal ay buhay, makulay 🎨, at makapangyarihan ⚡ sa bawat titik at himig ng iyong tinig.

✍️: Mariz Mae Nicole Dionisio
🎨: Krizha Marie O. Saltarin

Mga Kapwa Rizaleño, Halina't Ipagdiwang ang Buwan ng Wika! 🇵🇭✨

Isang buong buwan ng kasiyahan, kaalaman, at pagmamahal sa ating sariling wika! Sama-sama nating abangan ang mga sorpresa at galing na naghihintay sa atin.

🤔 Nais mo bang ipakita ang iyong talento at pagkamalikhain?

Kung "Oo!" ang iyong sagot, aba'y huwag nang magpahuli! Maghanda na para sa "Buhay na Museo"! Isang patimpalak kung saan ang ating kasaysayan at kultura ay nabubuhay sa pamamagitan ng ating mga talento.

Ito ay mangyayari sa agosto 11, 2025 at gaganapin sa ikatlong palapag, amphitheater

Ano pang hinihintay natin? Ipakita natin ang galing ng mga Rizaleño! 🤩

Tara na, mga kaibigan! Ipagmalaki natin ang ating wika!🎉

✍️:G. Justin Jaymar F. Felipe/G. Nash Daniel F. Guande Miyembro ng SaMaRiFil

🎨:G. Justin Jaymar F. Felipe Miyembro ng SaMaRiFil

BUWAN NG WIKANG PAMBANSA 2025🇵🇭

Mapagpalang Araw, Rizalians!

Ngayong ika-4 ng Agosto, nagsimula na ang pagbubukas ng pagdiriwang para sa Buwan ng Wika. Ang SaMaRiFil ay malugod na inaanyayahan ang bawat mag-aaral ng Rizal High upang makibahagi para sa Buwan ng Wika ngayong taon na may temang "Paglinang sa Filipino at Katutubong Wika: Makasaysayan sa Pagkakaisa ng Bansa."

Sa pagbubukas ng panibagong buwan, ipinakilala ng SaMaRiFil ang bagong opisyales para sa taong 2025-2026, tinalakay at ibinahagi rin ang mangyayaring mga patimpalak para sa pagdaraos ng Buwan ng Wika.

Kaya naman sama-sama nating tunghayan ang mga patimpalak na inihanda para sa Buwan ng Wika. 📜

✨️ Handa na ba ang lahat? Pwes huwag nang magpatumpik-tumpik pa, halina't sumama at makiisa, ipakita ang inyong mga makakaya. ✨️

✍️: Krizha Marie O. Saltarin
📷: Mariz Mae Nicole Dionisio

🇵🇭 Isang buwan ng pagdiriwang, pagmamahal, at pagpapahalaga sa ating wika... Malapit na! 🇵🇭

🤔 Handa ka na bang tuklasin ang mga bagong salita, kasaysayan, at kultura ng ating bansa? 🤔

🤫 May sorpresa kaming inihanda... Kaya't manatiling nakatutok! 🤫

✨Apat na araw na lang✨

Kaya ano pang hinihintay mo? Magsimula nang maghanda para sa Buwan ng Wika!
Ipakita ang ating pagmamahal sa sariling atin. Mabuhay ang Wikang Filipino! 🇵🇭

𝑲𝑨𝑻𝑨-𝑲𝑨𝑻𝑯𝑨: “May Pag-asa sa Pagbasa” 📚

Datapwat natapos na ang taong panuruan, may nais pa ring iregalo ang mga miyembro ng SaMaRiFil - SHS sa inyo, Rizalians! 🎁

Alam niyo bang 𝓶𝓪𝔂 𝓹𝓪𝓰-𝓪𝓼𝓪 𝓼𝓪 𝓹𝓪𝓰𝓫𝓪𝓼𝓪? Kaya sama-sama nating buksan ang mga pahina ng 𝑲𝑨𝑻𝑨-𝑲𝑨𝑻𝑯𝑨, isang 𝐚𝐧𝐭𝐨𝐥𝐨𝐡𝐢𝐲𝐚 ng mga tulang tumatalakay sa sari-saring damdamin at karanasang Pilipino— 𝘮𝘶𝘭𝘢 𝘴𝘢 𝘬𝘪𝘭𝘪𝘨 𝘯𝘨 𝘱𝘢𝘨-𝘪𝘣𝘪𝘨 𝘢𝘵 𝘱𝘢𝘪𝘵 𝘯𝘨 𝘱𝘢𝘨𝘬𝘢𝘴𝘢𝘸𝘪, 𝘩𝘢𝘯𝘨𝘨𝘢𝘯𝘨 𝘴𝘢 𝘴𝘪𝘨𝘢𝘸 𝘯𝘨 𝘣𝘢𝘺𝘢𝘯, 𝘵𝘪𝘣𝘰𝘬 𝘯𝘨 𝘱𝘰𝘭𝘪𝘵𝘪𝘬𝘢, 𝘢𝘵 𝘮𝘢𝘳𝘢𝘮𝘪 𝘱𝘢𝘯𝘨 𝘪𝘣𝘢. 📖

Ang aklat na ito ay nagmula sa malawak na kaisipan ng mga batang makata ng ating henerasyong bahagi ng ating sintang paaralan, bilang munting handog ng mga miyembro ng SaMaRiFil S.Y. 2023-2025. 📇

Ngunit, 𝒂𝒏𝒈 𝑲𝑨𝑻𝑨-𝑲𝑨𝑻𝑯𝑨 𝒂𝒚 𝒉𝒊𝒏𝒅𝒊 𝒍𝒂𝒎𝒂𝒏𝒈 𝒃𝒂𝒔𝒕𝒂-𝒃𝒂𝒔𝒕𝒂 𝒌𝒐𝒍𝒆𝒌𝒔𝒚𝒐𝒏 𝒏𝒈 𝒎𝒈𝒂 𝒕𝒖𝒍𝒂. 🧏🏽‍♀️ Ito ay isang panibagong pintig ng dugong makata sa panahong tila nalimot na ng mga kabataan ang bukod-tanging sining ng salita. ✍🏽

H’wag magpapahuli, Rizalians! Sa tulong ng 𝑲𝑨𝑻𝑨-𝑲𝑨𝑻𝑯𝑨, halina’t dalumatin natin ang bawat salita na nakakubli sa isip at puso ng bawat isa. 🪶🌟

Isinulat ni: Bb. Hannahzel B. Abelido, Tagapangasiwa ng Pahina (Panloob) ng SaMaRiFil SHS (2024-2025)

Layout ni: Bb. Michaela T. Benito, Tagadisenyo ng SaMaRiFil SHS (2024-2025)

Sa 𝗯𝗮𝘄𝗮𝘁 𝘁𝗶𝘁𝗶𝗸 ✍️ na binubuo ng ating 𝗽𝘂𝘀𝗼, sa bawat salitang isinilang sa ating guniguni’t pagsuyo— doon sumisibol ang himig ng kaluluwa, doon naglalagos ang damdaming kay tagal nang itinatago’t dinadala.
Ang pagsusulat ay hindi lamang galaw ng kamay, kundi pagluwal ng damdaming sabik nang magsaysay. Ito’y pagsisid sa lalim ng katahimikan, paghugot sa pusong bihag ng kasaysayan.

Ang paglikha’t pagsulat ay ‘di basta akda— 𝐢𝐭𝐨’𝐲 𝐝𝐚𝐢𝐧𝐠 𝐧𝐠 𝐩𝐮𝐬𝐨, 𝐬𝐢𝐠𝐚𝐰 𝐧𝐠 𝐤𝐚𝐥𝐮𝐥𝐮𝐰𝐚.
Bawat tuldok ay patak ng luha,
bawat kudlit ay bakas ng sigwa.
Bawat pangungusap ay salin ng damdaming ‘di masambit—
tila panaginip na sa papel ay humahagitgit.

Ito ang silungan ng lungkot na ‘di maipinta, tagpuan ng pag-asa ☀️, tahanan ng pag-ibig na kay tagal nang kinimkim ng damdamin at diwa.

Ayon kay Tolentino (2007),
sa panitikang mapagpalaya, nahuhubog ang kultural na kamalayang totoo’t makata.
Kaya’t ang malikhaing pagsulat ay ‘di lang sining ng salita— ito’y ehersisyo ng paglaya sa bugso ng nadarama.

Sa pag-aaral ni Nuncio (2005),
‘di rin matatawaran ang papel ng panulat sa tinig ng laylayan.
Ang tula’y naging tabak ng mga salitang tahimik— kapangyarihang tangan ng damdaming nilimlim ng lipunan.

Ang pagsusulat ay pagninilay sa gabi ng katahimikan, paglaya sa tanikala ng kaisipan.
Ito’y pagbangon sa gitna ng unos ⛈️, pagsilang ng pag-asa sa damdaming halos malunos.

Huwag mong maliitin ang isang titik na tila payak, dahil minsan, sa sulat—ang tapang ay sumisiklab.
Ang pinakamatapang na tinig ay ‘di kailangang isigaw, minsan ay hinagpis lang na sa papel ay marahang bumubukal.

Sa bawat akdang isinulat ng damdamin, naroroon ang tinig sa panahong tayo’y nilimlim.
Naroroon ang laban sa oras ng pagtalikod, ang kapangyarihan sa panahong tayo’y pinagpipi at pinangungulila ng lungkot.

Mga Sanggunian:

Nuncio, E. (2005). Mga talinghaga sa laylayan: Ang mapagpalayang pedagohiya ng malikhaing pagsulat at antolohiya ng mga tula ng Bukalsining. UST Publishing House.

Tolentino, R. B. (2007). Sipat kultura: Tungo sa mapagpalayang pagbabasa, pag-aaral at pagtuturo ng panitikan. Ateneo de Manila University Press.

Isinulat ni: Bb. Ma. Tiffanie San Juan, Miyembro ng SaMaRiFil SHS

Layout ni: Bb. Michaela Turla Benito, Tagadisenyo ng SaMaRiFil SHS (2024-2025)