DepEd - Julio R. Hernandez Integrated School

DepEd - Julio R. Hernandez Integrated School The Official page of JRHIS (Sta. Rosa I, Baco, Oriental Mindoro)

READY TO LEAD, EMPOWERED TO SERVE! đź“ŁToday, August 5, 2026, our newly elected Faculty, SPTA, SSLG, SELG and Club Officers...
05/08/2026

READY TO LEAD, EMPOWERED TO SERVE! đź“Ł

Today, August 5, 2026, our newly elected Faculty, SPTA, SSLG, SELG and Club Officers officially took their oath of commitment at the Induction and Oath-Taking Ceremony!

We were deeply honored to have Sir Clemente E. Politico EPS I/ Parent Supervisor who serve as our Inducting Officer and Keynote Speaker. His words inspired our student leaders and educators to lead with passion, integrity and excellence.

Here's to a bigger and brighter school year ahead!
Congratulations to all our new officers! 🫡

Safe Spaces, Strong Voices Lecture para sa Proteksiyon ng mga Mag-aaral, isinagawa Ng JRHISNagsagawa ng programang “Safe...
25/07/2026

Safe Spaces, Strong Voices Lecture para sa Proteksiyon ng mga Mag-aaral, isinagawa Ng JRHIS

Nagsagawa ng programang “Safe Spaces, Strong Voices: Protecting Every Child” Ang Julio R. Hernandez Integrated School (JRHIS) noong Hulyo 17, 2026, mula 2:00 hanggang 4:00 ng hapon sa unang palapag ng New Building, na nilahukan ng mga mag-aaral mula Baitang 7 hanggang 10.

Layunin ng aktibidad na palawakin ang kamalayan ng mga mag-aaral hinggil sa mahahalagang usapin sa proteksiyon ng mga bata, anti-bullying, Safe Spaces Act, at pag-iwas sa pang-aabuso sa mga bata.

Bilang tagapagsalita, inimbitahan si Mr. Joseph Norman D. Centeno, SWO II, na nagbahagi ng kaniyang kaalaman at karanasan bilang Social Welfare Officer upang gabayan at bigyang-kapangyarihan ang mga mag-aaral na maging mas mulat sa kanilang mga karapatan, responsibilidad, at kaligtasan.

Isinagawa ang lecture bilang bahagi ng patuloy na pangako ng JRHIS na tiyakin ang kaligtasan, kapakanan, at proteksiyon ng bawat mag-aaral, lalo na sa harap ng mga isyung may kaugnayan sa bullying.

Sa pamamagitan ng nasabing programa, hinikayat ang mga mag-aaral na makiisa sa pagbuo ng isang ligtas, magalang, inklusibo, at mapagkalingang kapaligiran sa paaralan kung saan ang bawat bata ay may malayang boses, naririnig, at pinoprotektahan.

Bagong Gusali, Bagong Pag-asa para sa Kabataang JRHIS! Isang makasaysayang yugto ang muling naitala Julio R. Hernandez I...
17/07/2026

Bagong Gusali, Bagong Pag-asa para sa Kabataang JRHIS!

Isang makasaysayang yugto ang muling naitala Julio R. Hernandez Integrated School (JRHIS) nang matagumpay na idaos ang Blessing at Inauguration ng bagong gusali ng Junior High School, na sumisimbolo ng panibagong pag-asa at mas maayos na kinabukasan para sa ating mga mag-aaral.

Taos-puso ang pasasalamat ng paaralan sa mga panauhing pandangal na nagbigay ng kanilang oras at suporta sa mahalagang okasyong ito haong-higit sa Kongresman ng Unang Distrito ng Lalawigan na si Kgg. Arnan C. Panaligan, Vice - Mayor Kgg. Eric Castillo kasama ang mga miyembro ng Sangguniang Bayan ng Baco, Punong Barangay Kgg. Jerry Villaruel kasama ang mga miyembro ng Sangguniang Barangay ng Sta. Rosa I, G. Rogelio C. Rico Jr., Pangulo ng General PTA ng paaralan, Rev. Fr. James Manalo na nanguna ng pagbabasbas ng gusali, gayundin ang mga opisyal ng Homeroom PTA na naging kabahagi ng pagdiriwang.

Higit sa lahat, taos-puso ang pasasalamat ng paaralan sa lahat ng mga magulang ng JRHIS na patuloy na nagkakaloob ng kanilang walang sawang suporta, pagtutulungan, at malasakit sa bawat adhikain ng paaralan.

Naniniwala ang paaraan na ang tagumpay na ito ay bunga ng pagkakaisa ng pamahalaan, paaralan, at komunidad.

Dahil dito, patuloy ang pagnanais ng paraalan at ng komunidad ang ipagpatuloy ang sama-samang pagtatayo ng isang ligtas, makabago, at de-kalidad na kapaligiran para sa edukasyon ng bawat JRHISians.

BAGONG MUKHA, BAGONG PAG-ASA! "Sa bagong simula, tagumpay ang bunga;Sama-sama sa adhika, paaralan ay sisigla!"Malugod na...
07/07/2026

BAGONG MUKHA, BAGONG PAG-ASA!

"Sa bagong simula, tagumpay ang bunga;
Sama-sama sa adhika, paaralan ay sisigla!"

Malugod na tinatanggap ng pamunuan ng Julio R. Hernandez Integrated School (JRHIS) ang mga bagong g**ong magiging kabahagi ng institusyon ngayong panuruan 2026.

Ang inyong pagdating ay hindi lamang pagdaragdag ng bilang ng mga tagapagturo, kundi pagdadala rin ng panibagong sigla, sariwang kaalaman, at inspirasyong huhubog sa kinabukasan ng ating mga JRHians

Nawa'y maging makabuluhan ang bawat aralin, matatag ang bawat ugnayan, at matagumpay ang bawat hakbang sa inyong panunungkulan. Sama-sama nating isabuhay ang dedikasyon, kahusayan, at malasakit para sa dekalidad na edukasyon.

Kalusugang Pangkaisipan, Pinatatag ng JRHIS sa Pamamagitan ng Psychosocial Activity para sa mga G**oSta. Rosa I, Orienta...
24/06/2026

Kalusugang Pangkaisipan, Pinatatag ng JRHIS sa Pamamagitan ng Psychosocial Activity para sa mga G**o

Sta. Rosa I, Oriental Mindoro | Hunyo 22, 2026 – Naging makabuluhan at puno ng positibong karanasan ang isinagawang Psychosocial Activity para sa mga g**o ng Julio R. Hernandez Integrated School (JRHIS) noong Hunyo 22, 2026, na pinangunahan ni Madam Liza.

Layunin ng gawain na mapangalagaan ang kalusugang pangkaisipan at emosyonal ng mga g**o sa pamamagitan ng iba't ibang interaktibong aktibidad, pagbabahaginan ng karanasan, at mga pagninilay na nagbigay-daan upang mapawi ang pagod at stress dulot ng kanilang propesyon.

Sa pangunguna ni Madam Liza, naging masigla ang programa sa pamamagitan ng mga icebreaker, group activities, at reflective exercises na nagpatibay sa samahan, tiwala, at kooperasyon ng bawat kalahok.

Binigyang-diin din niya ang kahalagahan ng pangangalaga sa sarili, positibong pananaw sa buhay, at pagpapanatili ng balanse sa pagitan ng trabaho at personal na buhay.

Naging daan ang nasabing gawain upang higit pang mapalalim ang ugnayan ng mga g**o bilang iisang pamilya ng JRHIS.

Naging makahulugan rin ito sa pagbibigay ng inspirasyon at panibagong sigla sa kanilang patuloy na pagtupad sa misyong makapaghatid ng de-kalidad na edukasyon sa mga mag-aaral.

Sa pagtatapos ng programa, nagpahayag ng taos-pusong pasasalamat ang mga g**o kay Madam Liza sa kanyang mahusay na pangangasiwa at pagbabahagi ng kaalaman tungkol sa kahalagahan ng psychosocial well-being.

Patunay ang matagumpay na gawaing ito sa patuloy na adhikain ng JRHIS na pangalagaan hindi lamang ang pagkatuto ng mga mag-aaral kundi maging ang kabuuang kapakanan ng mga g**ong nagsisilbing haligi ng edukasyon.

Bagong Pamunuan ng GPTA ng JRHIS, Opisyal nang Naiproklama Sa diwa ng pagkakaisa at aktibong pakikilahok ng mg...
15/06/2026

Bagong Pamunuan ng GPTA ng JRHIS, Opisyal nang Naiproklama

Sa diwa ng pagkakaisa at aktibong pakikilahok ng mga magulang sa pagpapaunlad ng edukasyon, matagumpay na isinagawa ang General Parents-Teachers Association (GPTA) Meeting ng Julio R. Hernandez Integrated School noong Hunyo 15, 2026 sa pangunguna ng School Principal at ng pamunuan ng paaralan.
Dinaluhan ang pagpupulong ng mga nahalal na Homeroom PTA Presidents mula sa iba’t ibang baitang upang bumuo ng bagong hanay ng mga opisyal ng GPTA na magsisilbing katuwang ng paaralan sa pagpapatupad ng mga programa at proyektong makatutulong sa kapakanan ng mga mag-aaral at ng buong komunidad ng paaralan.
Sa isinagawang halalan, nahalal bilang GPTA President si Danny Mark D. Macaraig, katuwang si Rogelio C. Rico Jr. bilang Vice President. Itinalaga naman sina Delia A. Larios bilang Secretary at Baby Jane L. Rico bilang Treasurer.
Nahalal din bilang mga Auditors sina Alma P. Villamor at Christian G. Capit; bilang Business Managers sina Marylou A. Alba at Dondon Morales; bilang Public Information Officers (PIOs) sina Clarence Palermo at Melanie T. Morales; habang sina Maribel P. Andal at Rene C. Tejoso ang magsisilbing Project Managers. Bilang simbolo ng samahan, nahalal din si Zarah M. Tanauan bilang Muse ng GPTA.
Bukod sa halalan, tinalakay rin sa pagpupulong ang mga posibleng programa at proyektong maaaring isulong ng GPTA upang higit na masuportahan ang mga pangangailangan ng paaralan, kabilang ang pagpapaganda ng mga pasilidad, suporta sa mga gawaing pang-akademiko, pagpapalakas ng mga programang pangkalinisan at pangkalusugan, at iba pang inisyatibong magpapalawak ng partisipasyon ng mga magulang sa pagpapaunlad ng paaralan.
Sa kanyang mensahe, binigyang-diin ng School Principal ang kahalagahan ng matibay na ugnayan ng paaralan at tahanan upang makamit ang de-kalidad na edukasyon.
Hinikayat din niya ang bagong pamunuan ng GPTA na maging aktibo at bukas sa pakikipagtulungan para sa ikabubuti ng lahat ng mag-aaral.
Sa pagtatapos ng pagpupulong, nanaig ang diwa ng bayanihan at pagkakaisa, hudyat ng mas matatag na samahan ng paaralan at mga magulang tungo sa isang mas maunlad at matagumpay na taong panuruan 2026–2027.

“Sa nagkakaisang PTA at paaralan, tagumpay ng kabataan ay ating patutunguhan!” Isinagawa ang General PTA Orient...
13/06/2026

“Sa nagkakaisang PTA at paaralan, tagumpay ng kabataan ay ating patutunguhan!”

Isinagawa ang General PTA Orientation sa Julio R. Hernandez Integrated School (JRHIS) noong Hunyo 10, 2026 (Miyerkules) na dinaluhan ng mga magulang, g**o, at pamunuan ng paaralan.

Layunin ng nasabing pagtitipon na palakasin ang ugnayan ng paaralan at pamilya upang mas mapabuti ang pagpapatupad ng mga programa at proyekto para sa mga mag-aaral sa taong panuruan 2026–2027.

Sa orientation, tinalakay ang mahahalagang alituntunin ng paaralan, mga inaasahang tungkulin ng mga magulang sa school activities, mga proyekto para sa pagpapaunlad ng pasilidad, at mga programang nakatuon sa akademikong pag-unlad at disiplina ng mga mag-aaral.

Nagkaroon din ng bukas na talakayan kung saan naipahayag ng mga magulang ang kanilang mga suhestiyon at suporta para sa mas epektibong pagpapatakbo ng paaralan.

Ipinakita ng mga dumalo ang diwa ng bayanihan at malasakit sa edukasyon, na siyang nagsisilbing pundasyon ng mas matatag na komunidad ng JRHIS.

Ang naturang orientation ay nagsilbing daan upang pagtibayin ang iisang layunin—ang pagbibigay ng dekalidad at makabuluhang edukasyon para sa bawat mag-aaral.

20 TUPAD Beneficiaries, Nagtapos sa Programang DOLE Matapos ang Matagumpay na Pakikilahok sa Brigada Eskwela ng JRHISPag...
11/06/2026

20 TUPAD Beneficiaries, Nagtapos sa Programang DOLE Matapos ang Matagumpay na Pakikilahok sa Brigada Eskwela ng JRHIS

Pagkakaisa at pagtutulungan ay namayani, tagumpay at serbisyo'y sabay na inani!

STA. ROSA 1, Oriental Mindoro — Nagtapos ngayong Hunyo 11, 2026 ang dalawampung (20) benepisyaryo ng TUPAD (Tulong Panghanapbuhay sa Ating Disadvantaged/Displaced Workers) ng DOLE mula sa Barangay Sta. Rosa 1 matapos ang kanilang matagumpay na paglilingkod sa isinagawang Brigada Eskwela 2026 ng Julio R. Hernandez Integrated School (JRHIS).

Sa loob ng programa, buong pusong nakibahagi ang mga benepisyaryo sa iba't ibang gawaing pangpaaralan tulad ng paglilinis, pagkukumpuni, at pagpapaganda ng kapaligiran ng paaralan bilang paghahanda sa pagbubukas ng Taong Panuruan 2026–2027.

Naging katuwang nila ang mga kawani ng paaralan, mga magulang, at iba pang stakeholders upang matiyak ang isang ligtas, maayos, at kaaya-ayang kapaligiran para sa mga mag-aaral.

Bilang pagkilala sa kanilang mahalagang ambag, isinagawa ang graduation ceremony bilang hudyat ng matagumpay na pagtatapos ng kanilang TUPAD engagement.

Pinasalamatan ng pamunuan ng JRHIS ang mga benepisyaryo sa kanilang sipag, dedikasyon, at malasakit sa edukasyon at komunidad sa pangunguna Ng kanilang butihing punong-g**o, Gemma A. Antenor, PhD

Ang pagtatapos ng 20 TUPAD beneficiaries ay nagsisilbing patunay na sa pamamagitan ng sama-samang pagkilos at bayanihan, higit na napagtitibay ang ugnayan ng paaralan at komunidad tungo sa mas maunlad na edukasyon para sa lahat.

JRHIS proudly joins the celebration of Independence Day. Through creating Philippine flags and meaningful slogans, our l...
11/06/2026

JRHIS proudly joins the celebration of Independence Day. Through creating Philippine flags and meaningful slogans, our learners expressed their patriotism and appreciation for the nation's freedom.

Happy Independence Day!

08/06/2026

Welcome back to school!

Julio R. Hernandez Integrated School

Address

Sta. Rosa I, Baco
Oriental Mindoro
5201

Website

Alerts

Be the first to know and let us send you an email when DepEd - Julio R. Hernandez Integrated School posts news and promotions. Your email address will not be used for any other purpose, and you can unsubscribe at any time.

Shortcuts

Share

Category