Samahang Filipino - Kampus sa Calapan

23/05/2026

"𝐀𝐧𝐠 𝐒𝐢𝐦𝐮𝐥𝐚 𝐧𝐠 𝐏𝐚𝐠𝐭𝐚𝐭𝐚𝐩𝐨𝐬 𝐚𝐭 𝐚𝐧𝐠 𝐏𝐚𝐠𝐬𝐢𝐬𝐢𝐦𝐮𝐥𝐚 𝐏𝐚𝐠𝐤𝐚𝐭𝐚𝐩𝐨𝐬"

Part 2: Isang sandali ng pagbabalik-tanaw, pasasalamat, at pagdiriwang ng mga alaala at tagumpay na nabuo sa loob ng apat na taon bilang bahagi ng Samahang Filipino.

Mula sa mga unang hakbang ng pangarap hanggang sa nalalapit na pagtatapos, pinatunayan ng bawat isa na ang tiyaga, pagkakaisa, at pagmamahal ay daan tungo sa tagumpay.

Sa pagtatapos ng isang kabanata, dala namin ang mga aral, karanasan, at pagkakaibigang mananatili habambuhay. 🌻📚

PADAYON, MGA KABANWA! 🎉🎓

#𝐁𝐀𝐋𝐈𝐊𝐓𝐀𝐍𝐀𝐖

23/05/2026

"𝐀𝐧𝐠 𝐒𝐢𝐦𝐮𝐥𝐚 𝐧𝐠 𝐏𝐚𝐠𝐭𝐚𝐭𝐚𝐩𝐨𝐬 𝐚𝐭 𝐚𝐧𝐠 𝐏𝐚𝐠𝐬𝐢𝐬𝐢𝐦𝐮𝐥𝐚 𝐏𝐚𝐠𝐤𝐚𝐭𝐚𝐩𝐨𝐬"

Part 1: Isang sandali ng pagbabalik-tanaw, pasasalamat, at pagdiriwang ng mga alaala at tagumpay na nabuo sa loob ng apat na taon bilang bahagi ng Samahang Filipino.

Mula sa mga unang hakbang ng pangarap hanggang sa nalalapit na pagtatapos, pinatunayan ng bawat isa na ang tiyaga, pagkakaisa, at pagmamahal ay daan tungo sa tagumpay.

Sa pagtatapos ng isang kabanata, dala namin ang mga aral, karanasan, at pagkakaibigang mananatili habambuhay. 🌻📚

PADAYON, MGA KABANWA! 🎉🎓

#𝐁𝐀𝐋𝐈𝐊𝐓𝐀𝐍𝐀𝐖

12/05/2026

𝐏𝐚𝐠𝐛𝐚𝐭𝐢 𝐦𝐠𝐚 𝐊𝐚𝐛𝐚𝐧𝐰𝐚!👏

Sa wakas, ang mga pangarap na minsang binuo sa gitna ng pangamba at sakripisyo ay matagumpay nang naisakatuparan. Sa bawat gabing nagpuyat, panahong nag-alinlangan, at pagkakataong pinili ninyong bumangon at magpatuloy, tunay na karapat-dapat lamang na parangalan ang inyong dedikasyon at pagsisikap.

Ang inyong tagumpay ay patunay ng tibay ng loob at lalim ng pagmamahal sa propesyong inyong tatahakin. Dalangin namin na magsilbi kayong inspirasyon sa bawat kabataang inyong mahuhubog at magagabayan.

Muli, taos-pusong pagbati sa lahat ng bagong lisensyadong propesyunal na g**o. Nawa’y magsilbi itong simula ng mas makahulugan at makabuluhang paglalakbay bilang mga g**o ng bayan.

25/04/2026

Muling pinatunayan ng Kabanwa ng Samahang Filipino ang husay sa sining ng pagtula! Sa patimpalak na inorganisa ng Komisyon sa Wikang Filipino, nagwagi ang ating Kabanwa na si Christine Lamboloto dahil sa kanyang natatanging diyona.

Isang tagumpay na hindi lamang para sa kanya, kundi para sa buong Samahang Filipino—patunay na ang panitikang Filipino ay patuloy na umuusbong sa kamay ng kabataang manlilikha.

Muli, pagbati sa iyo Bb. Christine Lamboloto!

🎉📜

𝐏𝐚𝐠𝐛𝐚𝐭𝐢 𝐬𝐚 𝐦𝐠𝐚 𝐍𝐚𝐠𝐰𝐚𝐠𝐢 𝐬𝐚 𝐀𝐧𝐲𝐨𝐧𝐠 𝐃𝐢𝐲ó𝐧𝐚 𝐧𝐠 𝐓𝐮𝐥𝐚 𝐓𝐚𝐲𝐨 2026!

𝐖𝐚𝐥𝐚𝐧𝐠 𝐏𝐚𝐦𝐛𝐮𝐫𝐚 𝐋𝐚𝐩𝐢𝐬 𝐧𝐚 𝐌𝐚𝐠𝐤𝐚𝐛𝐢𝐥𝐚𝐧𝐠 𝐓𝐚𝐬𝐚
Chrisniel B. Radana

Gamit lapis isulat,
Galit, tangis at sugat,
Wika'y labis magmulat,

---

𝐒𝐚 𝐍𝐠𝐚𝐥𝐚𝐧 𝐧𝐠 𝐊𝐚𝐭𝐰𝐢𝐫𝐚𝐧 𝐚𝐭 𝐊𝐚𝐥𝐢𝐤𝐚𝐬𝐚𝐧
Allan A. Rodavia

Bungkos ng waling-waling,
Mas marikit malasin
Sa palad ni Makiling.

---

𝐁𝐢𝐧𝐡𝐢𝐧𝐠 𝐏𝐚𝐧𝐢𝐭𝐢𝐤𝐚𝐧
Dexter B. Gragasin

Nagpunla ang ninuno,
Sa isip ay tumubo,
At namunga sa puso.

---

𝐖𝐚𝐥𝐚𝐧𝐠 𝐏𝐚𝐦𝐚𝐠𝐚𝐭
Cejay B. Cabrasawan

Sa damdamin ng bayan
Ang bawat wikang lulan
Ay budhi ng lipunan

---

𝐒𝐚 𝐊𝐚𝐬𝐭𝐢𝐥𝐲𝐨 𝐧𝐠 𝐍𝐮𝐧ò
Darwin S. Magbanua

May aklatán sa punsó,
Ritwál, Kartilyá’t sugò,
Wika’y "tabí-tabí pô.

𝐏𝐚𝐧𝐚𝐭𝐚
James M. Fajarito

Naglakbay pa-Luneta
Sakay ng bisikleta.
Alay ko sa planeta.

---

𝐓𝐚𝐧𝐠𝐢𝐬 𝐧𝐠 𝐊𝐚𝐡𝐨𝐲
Rey Andrew M. Dalwampo

Dinig mo ga ang taghoy -
nahintong buhay-daloy
sa pinutol na kahoy.

---

𝐀𝐥𝐚𝐦𝐚𝐭 𝐧𝐠 𝐓𝐚𝐥𝐨𝐧
Jesan Antinero

Ang batis ay nangarap
Malampasan ang ulap—
Bumagsak ang pangarap!

---

𝐃𝐚𝐦𝐛𝐚𝐧à
Ma. Christine Meamo Lamboloto

Sa Halcón nagmúmulâ
Mangyán ang púnong diwà
Dúnong ay isátulâ

---

𝐓𝐚𝐥â
Ronalyn G. Total

Sandáta ng makatà
‎Tagláy bawat talatà
‎Dugo't pawis panatà.

Ang Tulâ Táyo ay isang onlayn na timpalak sa pagsulat ng katutubong tulâ. Pangunahing layunin nito na palaganapin ang talino sa pamamagitan ng paglikha ng tulâ na nakasulat sa wikang Filipino na nagpapamalas ng maiglang partisipasyon ng makakata sa ibang rehiyon ng bansa. Bukás ang timpalak sa mga dalít, diyóna, at tanagà na nakasulat sa wikang Filipino na pumapaksa tungkol sa tema ng Buwan ng Panitikan 2026 na Bekët (Bigkis) Panitikan sa Katwiran at Kalikasan.

22/04/2026

Sa unang araw ng Org Fair ng Students’ Week 2026, tunay na sumibol ang saya sa booth ng Samahang Filipino! Sa temang Flores de Mayo, itinampok ang kulturang Pinoy sa pamamagitan ng “Paradang Panlasa”—mga pagkaing hindi lang masarap, kundi hitik sa kwento at tradisyon. 🇵🇭

Naging makulay ang bawat sandali sa tawanan, kwentuhan, at sama-samang pagdiriwang ng bawat Kabanwa. 💛

Tunay ngang sa SamFil, hindi lang samahan ang nabubuo, kundi alaala at pagkakaisa!

21/04/2026

𝓕𝓵𝓸𝓻𝓮𝓼 𝓭𝓮 𝓜𝓪𝔂𝓸 𝓼𝓪 𝓑𝓪𝓵𝓪𝔂!🌸

Bulaklak ay mamumukadkad, tradisyon ay mabubuhay! Makisalo sa Floresan sa Balay at sama-samang ipagdiwang ang ganda ng kulturang Pilipino kasama ang Samahang Filipino!

Bumisita sa aming booth, damhin ang saya ng Flores de Mayo, at huwag palampasin ang pagkakataong magpa-member upang maging isang certified Kabanwa! Kita-kits sa pinakamasayang pamumukadkad ng taon!

14/02/2026

𝐌𝐚𝐥𝐢𝐠𝐚𝐲𝐚𝐧𝐠 𝐊𝐚𝐚𝐫𝐚𝐰𝐚𝐧, 𝐌𝐚’𝐚𝐦 𝐒𝐮𝐢𝐳𝐨!🥳

Taos-puso po kaming nagpapasalamat sa inyong patuloy na dedikasyon, paggabay, at hindi matatawarang malasakit sa pagsusulong ng mga layunin ng ating samahan.

Ang inyong pamumuno ay nagsisilbing huwaran na nagbibigay sa amin ng direksiyon, inspirasyon, at disiplina sa bawat gawain. Nawa’y patuloy kayong pagpalain ng maayos na kalusugan, karunungan, at lakas upang maipagpatuloy ang inyong mga adhikain. Maligayang kaarawan po!

02/02/2026

𝐁𝐞𝐫𝐭𝐝𝐞𝐲 𝐧𝐢 𝐌𝐚𝐦 𝐘𝐞𝐬𝐡𝐢𝐚!🥳

Hindi ka lang maganda, isa ka ring mahusay at dedikadong lider ng Samahang Filipino. Ang iyong busilak na puso ay patuloy na nagbibigay-inspirasyon at lakas sa bawat kasapi ng samahan.

Hangad namin ang kalakasan ng katawan at kasiyahan ng iyong puso sa espesyal na araw na ito. 🥰

31/12/2025

Isang bagong simula ang hatid ng bagong taon. Taglay ang tapang at determinasyon, sama-sama nating salubungin ang 2026 nang may saya, pagkakaisa, at positibong pananaw.

Manigong Bagong Taon Kabanwa!

24/12/2025

Higit pa sa materyal na bagay ang biyaya ng buhay; ang makasama kayo’y sapat nang regalo ngayong Pasko.

Nawa’y mamuhay sa bawat isa ang diwa ng pagpapatawad at pagpapasalamat. Maghatid nawa ang Kapaskuhan ng saya, pag-asa, at pagpapala sa inyong mga puso at pamilya. Muli, maligayang Pasko sa inyong lahat!