17/05/2025
BASS 2-3 OFFICIALLY ENDORSES JOSE RAJEE C. RAMISCAL AND ELIJHA L. ROQUE FOR THE CASSSG ELECTIONS 2025!
Sa nalalapit na halalang pangkolehiyo, ang BASS 2-3 ay tumitindig kasama sina jose Rajee C. Ramiscal, tumatakbo bilang External Vice Governor, at Elijha L. Roque, tumatakbo bilang opisyal ng Finance and Audit. Naniniwala kami na isusulong nila ang karapatan at kapakanan ng mga estudyante ng CASS gaya ng kanilang paggabay, pagkalinga, at pagtindig para sa aming mga kaklase nila sa 2-3.
Sila ay mga mabubuting mag-aaral na nananatiling nasa University Scholars at College Scholars. Higit pa rito, kailanman ay hindi nag-atubili sina Rajee at Elijha sa pagtulong sa aming mga kaklase. Maagap silang sumasagot sa aming mga katanungan laluna patungkol sa academics, mga memo, anunsyo, at iba pang usapin ng konseho.
Sila rin ang ilan sa mga nananatiling naninindigan para maging boses naming mga karaniwang estudyante ng CASS! Isa sila sa mga unang rumeresponde sa tuwing may kailangan ang aming block, at sa tuwing kailangan namin ng mas malakas na boses para maipanawagan ang aming mga hinaing.
Nakita rin namin kung paano sila maging lider. Mapa-group project man o sa departamento, nakita namin kung paano tutukan nila Rajee at Elijha ang kanilang mga tungkulin bilang estudyante at lider. Walang pagkakataon na isinantabi nila ang aming mga mungkahi at puna. Malugod silang tumanggap ng kritisismo at nagtitiyak na nadidinig ang boses ng lahat—isang katangian na dapat taglay ng isang student representative na nagtataguyod at nagsusulong ng demokrasya at karapatang mamahayag!
Kaya naman, sa nararating na halalan para sa susunod na magiging representatibo natin, ating iboto, Jose Rajee C. Ramiscal at Elijha L. Roque! Para sa estudyante, sining, at masa!
