Ang Sanrok

07/04/2024

PABATID PUBLIKO!

Ngayong araw, ika-7 ng Abril, ay nagdeklara ang Kagawaran ng Edukasyon ng Asynchronous Classes sa mga pampublikong paaralan, bukas, araw ng Lunes, ika-8 ng Abril.

Ito'y upang matyagan ang nagbabantang init ng panahon at bigyang oras ang mga estudyante pati na rin ang mga teaching and non-teaching personnels na tapusin ang kanilang mga gawain.

Patuloy na mag-ingat sa matinding init ng panahon, mga ka-Sanrok!

06/04/2024

Isang maligayang kaarawan po sa aming Punong G**o na si Dr. Lyndel R. David. Ang inyong pagtayo bilang isang Ina at Lider ng ating paaralan ay aming buong pusong ikinagagalak at pinagpapasalamat. Nawa'y ang taong ito'y mapuno ng katuwaa't kasiyahan.

Muli, mula sa publikasyon ng Ang Sanrok, kami ay taos pusong bumabati at nagpapa-abot ng pagmamahal!

22/03/2024

Pagsuporta sa mga Kababaihan, Idinaan sa Masiglang Sayawan!

Isinagawa sa Mataas na Paaralang Nasyunal ng Morong ang isang zumba upang ipakita ang pagsuporta sa Buwan ng Kababaihan at gunitain ang buwan ng MAPEH sa pamumuno ng MAPEH Club, nito lamang Ika-22 ng Marso, taong kasalukuyan.

Ang nasabing zumba ay naganap sa gusaling pampalakasan ng paaralan at dinaluhan ng mga mag-aaral ng baitang pito hanggang sampu.

21/03/2024

21/03/2024

K*K: Kagandahan, Katatagan, at Katapangan tungo sa Ekwalidad sa Kasarian

Kagandahan, Katatagan, Katapangan, ang tatlong salitang magpapatunay ng isang rebolusyong pinangunahan ng kababaihan sa pakikipaglaban para sa kanilang karapatan, at sa pakikipaglaban sa karahasan.

Ngayong Buwan ng Marso 2024 ay ipinagdidiwang ang Buwan ng Kababaihan na mayroong temang “WE for gender equality and inclusive society,” at kasabay nito ay ang pakikiisa ng Ang Sanrok sa laban ng kababaihan.

Kung kaya't ating saksihan ang maikling video para sa pagkilala sa mga kababaihan sa ating lipunan, sapagkat sila ay BABAE, at hindi BABAE lang.

Happy Women's Month, Ka-Sanrok! 💜💪🏻






DepEd Tayo Blue Rizal - Morong National High School

21/03/2024

Tradisyonal na sayaw ng bayan, ipinagmalaki't inihataw!

Matagumpay na naisagawa sa Gusaling Pampalakasan ng Mataas na Paaralang Nasyunal ng Morong ang kompetisyon sa Festival Dance na kay tagal nang pinaghahandaan ng mga mag-aaral mula sa ika-9 na baitang. Nagsimula ang nasabing kompetisyon sa ganap na ika-9:00 ng umaga hanggang ika-1:00 ng tanghali.

Ang Mga Nagwagi:

🏆: G8-Bandura × G9-Helios
🥈: G9-Atom
🥉: G9- Hydrogen
4th: G9- Kinetics
5th: G9-Joule
6th: G9-Energy
7th: G9- Gravity

Mga Nagwaging Festival Queens:

G9- Lithosphere 👑
G9- Helios
G9- Molecules
G9- Gravity
G9- Energy

Best in Creative Costume: G9-Atom

Binabati namin kayo sa inyong tagumpay!

15/03/2024

PAGBATI AT PAGKILALA!

Mga Bagong Miyembro ng Ang Sanrok!

Mga bagong Manunulat ng Balita
1. Gladys Rein R. Cervantes
2. Alteya Miel A. Garrovillas
3. Rain Shanel O. Balunsay
4. Paul Pierce Estanislao
5.Joana Christine R. Borja
6.Ayesha Pauline Francisco
7. Zyreene A. Serrera

Mga bagong Miyembro ng Radyong Pangsahimpapawid
Female Anchor: Zyrene Serrara
Male Anchor: Brandon Jacob
News Presenter:
1.Audri Joy Fernandez
2.Jhodelyn Campo

Isang maligayang pagbati sa matagumpay na nakapasok sa listahan ng mga nakapasa sa isinagawang screening para sa pagsulat ng balita at radyong panghimpapawid.

12/03/2024

Mapagpalang gabi sa lahat!

Ang opisyal na pahayagan sa Filipino ng Mataas na Paaralang Nasyunal ng Morong - Ang Sanrok ay inaanyayahan kayong makilahok sa gaganaping screening, bukas, ika-13 ng Marso. Isasagawa ito sa Social Hall ng MNHS sa ganap na 12:30 hanggang 2:00 ng hapon.
Kami po ay naglalayon na maghanap ng mga bagong miyembro na bubuo sa Radio Broadcasting team ng aming Publikasyon.

📌 Ang mga hinahanap ay ang mga sumusunod:

✨ 2 Anchor na siyang mamamahala sa buong grupo ng Radio Broad.

✨ 2 Reporter na mangunguna sa paglalahad ng mga balita katulad ng balitang sports.

✨ 1 Technical na siyang magsisilbing director at mamamahala sa mga sound effects.

Kung nais sumali, mag-message lamang dito sa page ng Ang Sanrok.

Save the date, mga ka-Sanrok!

07/03/2024

Talbugan sa sayawan, kanilang ipinag-hiyawan!

Tagumpay na isinagawa sa Gusaling Pampalakasan ng Mataas na Paaralang Nasyunal ng Morong ang Cheerdance na matagal nang pinaghahandaan ng mga mag-aaral mula sa ika-10 baitang. Ito'y nag-umpisa sa ganap na 1:00 ng hapon, sa pangunguna ng mga G**o at Opisyales ng MAPEH.

14/02/2024

DIVISION CLINIQUING 2024
Pagyabong ng Kaalaman sa Larangan ng Pamamahayag; Kabataang Manunulat Sumabak sa Unang Araw ng Pagsasanay

Mga Kinatawan ng Rizal sa nalalapit na Regional Press Coference, sinimulan nang isalang sa pagsasanay.
Ngayong araw, ika-14 ng Pebrero ay kasalukuyang idinadaos ang Division Cliniquing sa Gusaling Pampalakasan ng Casimiro A. Ynares Sr. Memorial National High School sa bayan ng Taytay na may layuning paigtingin at linangin ang mga batang kalahok para sa nasabing kumpetisyon.



artikulo ni: Elaine Joy R. San Juan
Larawan ni: Chezka Adarne

07/02/2024

𝐏𝐚𝐦𝐩𝐚𝐚𝐫𝐚𝐥𝐚𝐧𝐠 𝐏𝐚𝐡𝐚𝐲𝐚𝐧𝐠𝐚𝐧: 𝐏𝐚𝐠𝐚𝐬𝐩𝐚𝐬 𝐬𝐚 𝐁𝐮𝐨𝐧𝐠 𝐋𝐚𝐥𝐚𝐰𝐢𝐠𝐚𝐧, 𝐊𝐚𝐫𝐚𝐧𝐠𝐚𝐥𝐚𝐧 𝐚𝐧𝐠 𝐊𝐚𝐭𝐚𝐠𝐮𝐦𝐩𝐚𝐲𝐚𝐧

Sipag, Tiyaga, Pursigi, tatlong salita subalit ito ang naging puhunan ng Publikasyon ng Ang Sanrok opisyal na publikasyon sa Filipino ng Mataas na Paaralang Nasyunal ng Morong sa ginanap na Division School Press Conference na kung saan nilahukan ng iba't-ibang mga publikasyon buhat sa buong lalawigan ng Rizal, na siyang nakasungkit ang adhikaing makapasok muli sa mga nagpakita ng natatanging galing sa Pampaaralang Pahayagan at isa ang Ang Sanrok sa pinalad na makapasok sa Top 15.

Sa kabilang dako'y, bukod sa pagkamit ng karangalang ito ay nakatanggap ito ng karangalan sa lahat ng kategorya sa pampaaralang pahayagan na binubuo ng Pahina ng Balita, Lathalain, Pangulong Tudling, Agham at Teknolohiya, at sa Balitang Pampalakasan. Kaya naman masasabing ang pagod mula sa mga manunulat, taga anyo at disenyo, debuhista, tagakuha ng larawan, maging ang g**ong tagapayo na si Bb. Shenalyn L. Pacheo at suporta ng punong g**ong si Dr. Lyndel R. David ay nasuklian ng kamangha-manghang karangalan, kaya't ang pagpupursigi na makikita sa mga mata ng bumubuo ng publilasyon ay makikita at siyang patuloy pang mamamayagpag.

Kaya naman ang iisang mithiin ay patuloy na lumalayon upang maghatid ng kalidad na balita, makukulay na istorya, saksing salita, hiwaga ng teknolohiya, at katagumpayan sa bawat bola. Simula sa unang araw ito ang naging patnubay upang maiwagayway ang bandera ng paaralan hindi lang sa ibang bayan bagkus sa buong lalawigan.

Ang katagumpayan ng publikasyon ay katagumpayan ng lahat ng taong naniniwala at mga nasa likod ng karangalang ito.

Muli isang malaking pagbati, padayon Ang Sanrok sa paninindigan bilang Pluma ng kalayaan, Ulat ng katotohanan, Boses ng kabataan! ✒️✊

Anyo at Disenyo ni: Allana Nei C. Razon
Kapsyon ni: Brandon Jacob Celestino

01/02/2024

DepEd Night 2024: Estudyante’t G**o nagpakita ng kani-kanilang talento!

Muling nagpakita ng gilas at galing ang mga estudyante’t g**o na nag mula sa mga pampublikong eskwelahan, sa Gusaling Pampalakasan ng Bayan ng Morong o mas kilala bilang Morong Town Plaza, ngayong ika-1 ng Pebrero, taong kasalukuyan. Matutunghayan ang husay ng iba’t-ibang g**o at mag-aaral na s’yang nagbibigay kulay at sigla ngayong gabi.