Letran Kamalayang Pilipino Club

08/05/2025

Tunghayan ang mga bituin sa entablado ng sining!

Matapos ang matagumpay na pagtatanghal ng “𝑻𝑰𝑵𝑻𝑨, 𝑻𝑰𝑵𝑰𝑮 𝒂𝒕 𝑻𝑨𝑵𝑮𝑯𝑨𝑳𝑨𝑵,” buong puso naming ipinagmamalaki ang mga natatanging mag-aaral na kinilala dahil sa kanilang husay, dedikasyon, at pagmamahal sa sining.

Mga Gantimpala ng Karangalan:

🎬 Direktor ng Taon
Para sa malikhaing pamumuno at matalinong pagsasakatuparan ng bisyon sa entablado.

🎭 Aktor at Aktres ng Taon
Para sa makapangyarihan at makatotohanang pagganap na tumagos sa damdamin ng bawat manonood.

🗣️ Mambibigkas ng Taon
Para sa mapanlikhang tinig na naghatid ng emosyon at lalim sa bawat salita’t taludtod.

✍️ Manunulat ng Taon
Para sa kahusayan sa paggamit ng panitikan bilang salamin ng lipunan at instrumento ng damdamin.

⭐ Natatanging Miyembro ng Taon
Para sa walang sawang suporta, sipag, at ambag sa pagtatagumpay ng bawat pagtatanghal.

Maraming salamat at pagbati sa lahat ng gumanap, tumulong, at sumuporta!
Ang tagumpay na ito ay patunay na ang sining ay buhay na diwa ng kabataang Pilipino—malikhain, matatag, at may layunin.

Sumulat para sa sarili, bumigkas para sa kapwa, at magtanghal para sa bayan!

22/02/2025

22/02/2025

Binasa mo ba ang kanilang mga tula gamit ang kanilang TINTA? Narinig mo ba ang kanilang TINIG? Eh ang kanilang pag-arte sa TANGHALAN? Pinanood mo ba? Aba dapat lang! 😁

𝑰𝒔𝒂𝒏𝒈 𝒎𝒂𝒔𝒊𝒏𝒊𝒏𝒈 𝒏𝒂 𝒑𝒂𝒈𝒃𝒂𝒕𝒊!✨️

Bigyan ng masigabong palakpakan ang Kamalayang Pilipino Club (KAMPIL) para sa matagumpay at masayang kulminasyon! 👏👏👏

Ang inyong pagdalo ay tulad ng isang bituing nagbigay inspirasyon upang makita ang "Malikhaing Pagpapahayag ng Sining ng Kamalayang Pilipino Club".

Lubos ang aming pasasalamat sa inyong magandang komento at pagkilala sa aming munting pagtatanghal. Patunay ito na marapat ipagpatuloy ang pagpapahalaga sa sining bilang instrumento ng pag-unlad ng pagkatao. 💪

Ang KAMPIL Club ay patuloy na magtatanghal upang magmulat para sa sarili, kapwa at bayan.️ ✊️

𝐿𝑎𝑔𝑖’𝑡 𝑙𝑎𝑔𝑖𝑛𝑔 𝑝𝑎𝑟𝑎 𝑠𝑎 𝑏𝑎𝑦𝑎𝑛 𝑎𝑡 𝑠𝑖𝑛𝑖𝑛𝑔! ✍️🎙️🎭

19/02/2025

"𝑯𝒆𝒕𝒐 𝒏𝒂, 𝒉𝒆𝒕𝒐 𝒏𝒂, 𝒉𝒆𝒕𝒐 𝒏𝒂, 𝒉𝒂𝒂𝒂"

Halina’t sabay-sabay nating saksihan ang isang makulay at kahanga-hangang pagdiriwang ng sining sa “𝑻𝑰𝑵𝑻𝑨, 𝑻𝑰𝑵𝑰𝑮 𝒂𝒕 𝑻𝑨𝑵𝑮𝑯𝑨𝑳𝑨𝑵: Malikhaing Pagpapahayag ng Sining ng Kamalayang Pilipino Club” mula sa baitang 7 at 8. Magaganap ito sa darating na Huwebes, Pebrero 20, 2025, mula 10:00AM hanggang 12:00NN, at ang baitang 9 at 10 mula 1:00PM hanggang 3:00PM. Huwag palampasin ang pagkakataong ito!

🎞️ Mga Sangay ng Pagtatanghal 🎞️

**𝑺𝒂𝒏𝒈𝒂𝒚 𝑷𝒊𝒍𝒂𝒏𝒕𝒊𝒌 ✍️**
Pinamumunuan nina: 𝑽𝒂𝒏𝒏𝒆𝒔𝒂 𝑳𝒊𝒎𝒑𝒊𝒐 𝒏𝒈 𝑮𝒓𝒂𝒅𝒆 10 𝒂𝒕 𝑮𝒊𝒂𝒏 𝑴𝒐𝒓𝒕𝒆𝒍 𝒏𝒈 𝑮𝒓𝒂𝒅𝒆 8
Sa kanilang malikhaing pagsulat, ang mga salita ay magiging tulay sa ating damdamin, dadalhin tayo sa mundo ng imahinasyon at pagninilay.

**𝑺𝒂𝒏𝒈𝒂𝒚 𝑩𝒊𝒈𝒌𝒂𝒔𝒂𝒏 🗣️**
Pinamumunuan nina: 𝑺𝒉𝒂𝒅𝒆𝒆𝒏𝒂 𝑨𝒌𝒃𝒂𝒓 𝒏𝒈 𝑮𝒓𝒂𝒅𝒆 10 𝒂𝒕 𝑨𝒍𝒕𝒉𝒆𝒂 𝑳𝒂𝒏𝒈𝒂𝒎𝒂𝒏 𝒏𝒈 𝑮𝒓𝒂𝒅𝒆 8
Sama-sama nating pakinggan ang bawat salin ng damdamin sa mga makabagbag-damdaming pagbigkas at pagtula. Ang kanilang tinig ay magiging himig sa ating mga puso.

**𝑺𝒂𝒏𝒈𝒂𝒚 𝑺𝒂𝒍𝒂𝒎𝒊𝒏 🎭**
Pinamumunuan nina: 𝑯𝒂𝒊𝒍𝒆𝒚 𝑫𝒂𝒊𝒛 𝒏𝒈 𝑮𝒓𝒂𝒅𝒆 10 𝒂𝒕 𝑱𝒐𝒉𝒂𝒏 𝑮𝒂𝒓𝒄𝒊𝒂 𝒏𝒈 𝑮𝒓𝒂𝒅𝒆 8
Sa kanilang mga pagtatanghal, ang entablado ay magiging salamin ng ating mga kwento. Mula sa mga nakakaantig na eksena hanggang sa mga nakatutuwang palabas, hatid nila ang buhay at kulay ng sining.

✍️🗣️🎭

Huwag palampasin ang pagkakataong ito upang masilayan ang husay at talino ng mga kabataan sa larangan ng sining. Tara na at magkaisa! Ang bawat pagtatanghal ay naglalaman ng mga pangarap at pag-asa, kaya’t dumalo at damhin ang ganda ng sining na bunga ng kanilang dedikasyon at paglikha! 🎞️

Sumulat para sa sarili, bumigkas para sa kapwa, at magtanghal para sa bayan! ✊🏻

16/02/2025

𝑯𝒆𝒍𝒍𝒐, 𝒉𝒆𝒍𝒍𝒐 𝒔𝒂 𝒎𝒈𝒂 𝒌𝒂𝒃𝒂𝒕𝒂𝒂𝒏 𝒅𝒊𝒚𝒂𝒏! 𝑺𝒉𝒐𝒖𝒕𝒐𝒖𝒕 𝒔𝒂 𝒊𝒏𝒚𝒐📣🎨🎶‼️

Halina't samahan kami sa isang di malilimutang kulminasyon ng Kamalayang Pilipino Club ngayong Pebrero 20, 2025, sa Quezon Hall 😱. Ang "𝗧𝗜𝗡𝗧𝗔, 𝗧𝗜𝗡𝗜𝗚, 𝗔𝗧 𝗧𝗔𝗡𝗚𝗛𝗔𝗟𝗔𝗡: Malikhaing Pagpapahayag ng Sining ng Kamalayang Pilipino Club" ay magpapakilala ng husay at galing ng ating mga miyembro mula sa sining ng pagsusulat, pagbigkas, at pagtatanghal.

Unang batch ( Grades 7 at 8 ) mula 10:00 AM hanggang 12:00 NN, at pangalawang batch ( Grades 9 at 10 ) mula 1:00 PM hanggang 3:00 PM.

Huwag palampasin ang pagkakataong ito para masaksihan ang mga obra at tinig ng ating kabataan! Kaya ano pang hinihintay niyo? Galaw-galaw din!

𝑲𝒊𝒕𝒂 𝒌𝒊𝒕𝒔! 🌟🎤🎭

27/09/2024

Ipinakikilala ang mga bagong PAMUNUAN ng KAMALAYANG PILIPINO CLUB (Baitang 8 at 7) para sa taong panuruan 2024-2025.

Sa mundo ng entablado, gaano man kabata ay may kakayahan ring magpamalas ng isang natatanging pagtatanghal. Sa pamamagitan ng tamang gabay, tiyaga at pagsasanay, maipapakita ang natatagong husay.

Tara na't tunghayan ang talino't galing na binuo ng pagsisikap at determinasyon!

Sumulat para sa sarili, bumigkas para sa kapwa, at magtanghal para sa bayan! ✊✨

PUBMAT at KAPSYON | Sir Towie

27/09/2024

Ipinakikilala ang mga bagong PAMUNUAN ng KAMALAYANG PILIPINO CLUB (Baitang 10 at 9) para sa taong panuruan 2024-2025.

Handa na ba kayo sa mga bagong proyekto ng aming club? Aming itatanghal ang mga proyektong ito sa isang kakaiba at kamangha-manghang palabas kaya Letranites, panahon na para makilala ang mga mukha sa likod ng sining ng pagsulat, pagbigkas at pagtatanghal!

Handa na ang KAMPIL upang muling magtanim ng bagong mga ideya at lumikha ng mga hindi malilimutang karanasan para sa mga mag-aaral. Ang buong pamunuan ay handang bumuo ng isang espasyo kung saan ang bawat kasapi ay magniningning, uunlad at magbabahagi ng bagong kaisipan at kamalayan para sa lahat.

Sumulat para sa sarili, bumigkas para sa kapwa, at magtanghal para sa bayan! ✊✨

KUHANG LARAWAN | Viktor Andrei Villacorte
PUBMAT | Sir Towie

04/09/2024

Inihahandog ng Kamalayang Pilipino Club ang unang mga proyektong isasagawa ng mga kasapi ng samahan para sa taong panuruan 2024-2025. Ito ay pamumunuan ng kanilang tagapayo na si G. Towie katuwang ang mga pamunuan ng KAMPIL.

Ang mga gawaing ito ay nakatuon sa paghubog ng kanilang mga kasanayan sa pagsulat, pagbigkas at pagtatanghal. Ating tunghayan ang kanilang pinagsamang husay at talento upang makalikha ng mga makabagong sining mula sa kanilang henerasyon.

Tingnan ang iba pang mga detalyeng nakapaloob sa bawat paskil (poster).

"Sumulat para sa sarili, bumigkas para sa kapwa, at magtanghal para sa bayan upang magmulat."

Arriba KAMPIL!

LIKHANG PASKIL | G. Towie

03/09/2024

BUWAN NG WIKANG PAMBANSA 🇵🇭

Nakiisa ang Kamalayang Pilipino Club sa isinagawang pagdiriwang ng Elementary and Junior High School Department para sa Buwan ng Wika 2024. Ang pagdiriwang ay ginanap noong ika-29 ng Agosto sa Student Center Auditorium.

Isang malikhaing pagtula ang itinanghal ng mga kasapi ng KAMPIL Club mula sa ika-10 Baitang ng Junior High School.

Ang pagdiriwang ng Buwan ng Wika ay sumisimbolo sa ating pagkakakilanlan bilang Pilipino. Ito ay behikulo upang palaganapin ang ating pagmamahal sa ating wika, — ang Filipino.

Hindi lamang sa Buwan ng Wika nagtatapos ang aming pagtatanghal bagkus, ito ay simula ng aming paunang gawain para sa taong ito.

Arriba KAMPIL! Arriba Letran!

LITRATO | Bb. Aileen Angeles

🔵🔴

07/03/2024

“Ngumiti ka Muna”