What are the opening hours?

Monday 9am - 5pm Tuesday 9am - 5pm Wednesday 9am - 5pm Thursday 9am - 5pm Friday 9am - 5pm Saturday 9am - 5pm

https://www.facebook.com/480249535167770/

Ang Gintong Toro, Masbate Sports Academy, Masbate (2026)

02/02/2026

𝗔𝗚𝗧 𝗠𝗨𝗟𝗜𝗡𝗚 𝗦𝗨𝗠𝗜𝗣𝗔 𝗦𝗔 𝗥𝗦𝗣𝗖, 𝗟𝗔𝗟𝗔𝗥𝗚𝗔 𝗣𝗔𝗣𝗨𝗡𝗧𝗔𝗡𝗚 𝗡𝗦𝗣𝗖

Muling sumipa ang opisyal na publikasyon ng Masbate Sports Academy. Ang Gintong Toro ay pumasok sa Top 8 Best School Paper of Bicol Region sa Regional Schools Press Conference 2026.

Aabante ang AGT papapuntang Ormoc para sa National Schools Press Conference School Paper Competition.

Mga parangal na nakamit:
1st Place Pahinang Lathalain
4th Place Pahinang Pampalakasan
10th Place Pahinang Agham at Teknolohiya
10th Place Pag aanyo at Disenyo

Pagbati sa patnugutan at mga tagapayo. Pagbati sa buong MSA community. Ipinakita ninyo na kayang makipagsabayan ang Masbate sa rehiyon. Padayon.

23/04/2025

NAILATHALA NA!
Handog ng Masbate Sports Academy, ang Tomo 2 ng Ang Gintong Toro — ang opisyal na pahayagang pampaaralan at pangkomunidad ng MSA — ay maaari nang mabasa online!

Tampok dito ang mga kwento ng tagumpay, talento, at dedikasyon ng ating mga estudyante, g**o, at komunidad.

Basahin ang buong isyu dito:

https://issuu.com/anggintongtoro/docs/ang_gintong_toro

Tuloy-tuloy ang paglalathala ng ginto, dito sa Ang Gintong Toro!

01/02/2025

𝗔𝗻𝗴 𝗚𝗶𝗻𝘁𝗼𝗻𝗴 𝗧𝗼𝗿𝗼 𝗻𝗴 𝗠𝗮𝘀𝗯𝗮𝘁𝗲 𝗦𝗽𝗼𝗿𝘁𝘀 𝗔𝗰𝗮𝗱𝗲𝗺𝘆, 𝗣𝘂𝗺𝗮𝗻𝗴𝗮𝘁𝗹𝗼 𝘀𝗮 𝗣𝗶𝗻𝗮𝗸𝗮𝗺𝗮𝗵𝘂𝘀𝗮𝘆 𝗻𝗮 𝗣𝗮𝗵𝗮𝘆𝗮𝗴𝗮𝗻𝗴 𝗣𝗮𝗺𝗽𝗮𝗮𝗿𝗮𝗹𝗮𝗻 𝘀𝗮 𝗕𝗶𝗰𝗼𝗹

Muling pinatunayan ng Ang Gintong Toro, ang opisyal na pahayagang pampaaralan ng Masbate Sports Academy, ang husay nito sa larangan ng campus journalism matapos itong hirangin bilang Over-all 3rd Best School Paper sa buong Bicol Region sa katatapos lamang na Regional Schools Press Conference (RSPC) na ginanap sa Sorsogon City.

Bukod sa pangkalahatang parangal, nagwagi rin ang pahayagan ng iba’t ibang pagkilala sa iba’t ibang kategorya:
• Ikalawang Puwesto – Pinakamahusay na Pahinang Agham at Teknolohiya
• Ikatlong Puwesto– Pinakamahusay na Pahinang Editoryal
• Ikatlong Puwesto – Pinakamahusay na Pahinang Lathalain
• Ikapitong Puwesto – Pinakamahusay na Anyo at Disenyo

Dahil sa tagumpay na ito, kakatawanin ngayon ng Ang Gintong Toro ang rehiyon sa nalalapit na National Schools Press Conference (NSPC) na gaganapin sa Ilocos Norte.

Ipinahayag ng pamunuan ng pahayagan ang kanilang pasasalamat sa mga g**o, mag-aaral, at tagasuporta ng Masbate Sports Academy na naging bahagi ng kanilang tagumpay. Inaasahan nilang lalo pang mapapahusay ang kanilang pahayagan bilang isang plataporma ng makabuluhang pagbabalita at malikhaing pagpapahayag ng mga estudyante.

“Ito ay isang tagumpay hindi lang para sa aming publikasyon kundi para sa buong Masbate. Patuloy naming pagsusumikapan ang pagiging boses ng kabataan sa pamamagitan ng makabuluhang pamamahayag,” ani Alexander Ramirez, punong patnugot ng pahayagan.

14/12/2024

𝗝𝗨𝗦𝗧 𝗜𝗡: 𝗠𝗮𝘀𝗯𝗮𝘁𝗲 𝗦𝗽𝗼𝗿𝘁𝘀 𝗔𝗰𝗮𝗱𝗲𝗺𝘆 𝗔𝘁𝗵𝗹𝗲𝘁𝗶𝗰𝘀 𝗧𝗲𝗮𝗺 𝗖𝗹𝗮𝗶𝗺𝘀 𝗛𝗮𝗹𝗹 𝗼𝗳 𝗙𝗮𝗺𝗲 𝗮𝗻𝗱 𝗢𝘃𝗲𝗿𝗮𝗹𝗹 𝗖𝗵𝗮𝗺𝗽𝗶𝗼𝗻𝘀𝗵𝗶𝗽 𝗧𝗶𝘁𝗹𝗲 𝗮𝘁 𝟮𝟬𝟮𝟰 𝗖𝗼𝗻𝗴𝗿𝗲𝘀𝘀𝗶𝗼𝗻𝗮𝗹 𝗠𝗲𝗲𝘁

The Masbate Sports Academy Athletics team was crowned Hall of Famer and Overall Champion in Athletics during the 2024 Congressional Meet held at Cataingan National High School Oval, Cataingan, Masbate. The team achieved this milestone by securing the championship for three consecutive years, amassing an impressive medal tally of 21 golds, 6 silvers, and 4 bronzes.

Their continued dominance in the Congressional Meet underscores their consistent excellence and dedication to the sport. The victory solidified their reputation as the premier athletics team in the region, inspiring younger athletes to follow in their footsteps.

“This achievement reflects the hard work and discipline of our athletes and coaches. Winning three consecutive championships is no easy feat, but we did it together as a team,” said Head Coach John Rey Mendoza in an interview. He emphasized the sacrifices made by the athletes and their unwavering commitment to their training.

Coach Mendoza also highlighted the significance of the title, stating that it not only boosts the morale of the team but also sets a high standard for aspiring athletes in the province. The recognition as Hall of Famer is a testament to the team’s unparalleled consistency and passion for athletics.

Athlete Realyn Lanuza, who won three gold medals in the sprint events, shared her thoughts on the victory. “It’s an honor to contribute to the team’s success. We trained tirelessly for months, and seeing our hard work pay off is an unforgettable experience,” she said. Lanuza also acknowledged the support of the local government and school officials for providing resources that helped them reach their peak performance.

With their Hall of Fame status secured, the Masbate Sports Academy Athletics team looks forward to competing in the provincial, regional and national meets, aiming to continue their streak of excellence.

14/12/2024

𝐁𝐀𝐒𝐀𝐇𝐈𝐍: 𝐌𝐒𝐀 𝐋𝐚𝐝𝐲 𝐁𝐚𝐥𝐥𝐞𝐫𝐬 𝐍𝐚𝐦𝐚𝐲𝐚𝐠𝐩𝐚𝐠, 𝐊𝐚𝐦𝐩𝐞𝐨𝐧 𝐬𝐚 𝟐𝟎𝟐𝟒 𝐂𝐨𝐧𝐠𝐫𝐞𝐬𝐬𝐢𝐨𝐧𝐚𝐥 𝐅𝐮𝐭𝐬𝐚𝐥 𝐂𝐨𝐦𝐩𝐞𝐭𝐢𝐭𝐢𝐨𝐧

Muling pinatunayan ng Masbate Sports Academy (MSA) Lady Ballers ang kanilang husay matapos dominahin ang Del Carmen Futsal Team sa iskor na 6-0 sa championship match ng 2024 Congressional Futsal Competition na ginanap sa Badiang Sports Complex niyong Disyembre 14.

Sa nasabing torneo, dinomina ng MSA ang bawat laro. Sa unang laban, tinambakan nila ang Palanas Futsal Team sa iskor na 14-0, na nagpapakita ng kanilang malupit na depensa at walang humpay na opensa. Sa championship game naman, pinangunahan ng Lady Ballers ang bawat segundo ng laban, sinigurado ang kanilang tagumpay sa pamamagitan ng maayos na teamwork at determinasyon.

Aktibo at organisado ang laro ng MSA mula simula hanggang wakas. Sa pangunguna ni Rihanna Susin, na nagtala ng 4 na goal sa championship game, hindi nagkaroon ng pagkakataon ang Del Carmen Futsal Team na makabawi. Ang depensa ni Alyssa Alvarez ay walang kapantay, na nagresulta sa zero goals mula sa kanilang kalaban.

“Nakakatuwang makita ang ganitong resulta lalo na’t ang team na ito ay nabuo lang limang buwan ang nakalilipas. Ang dedikasyon ng mga batang ito ang naging susi sa tagumpay.”Ayon kay Coach Felix Rivera.

Ang Del Carmen Futsal Team, sa kabila ng pagkatalo, ay nagpakita ng lakas sa unang kalahati ng laro. Gayunpaman, hindi nila naipakita ang sapat na depensa upang pigilan ang mabilis at organisadong atake ng Lady Ballers.

Sa kanilang pagkapanalo, sasabak ang MSA Lady Ballers sa Provincial Meet upang ipagpatuloy ang kanilang kampanya. Bukod dito, lilipad din ang koponan patungong Clark Freeport Zone, Pampanga upang lumaban sa prestihiyosong Philippines Cup Maxcom Football Competition.

“Handa kaming harapin ang mas malalakas na kalaban. Ang aming layunin ay hindi lang manalo kundi ipakita ang husay ng Masbate sa larangan ng futsal,” dagdag ni Coach Rivera.

26/10/2024

𝐓𝐀𝐌𝐏𝐎𝐊 I Nabakunahan ang mga mag-aaral sa Grade 7 ng Masbate Sports Academy (MSA) kontra tetano, dipterya, tigdas, at rubella sa ilalim ng Bakuna Eskwela program ng DOH at DepEd.

Layunin ng programa na protektahan ang kabataan mula sa mga sakit na maaring maiwasan sa pamamagitan ng bakuna.

Ang MSA ay isa sa mga paaralang sumusuporta sa kampanyang ito na layong ipatupad sa buong bansa hanggang Nobyembre.

26/10/2024

𝙇𝙖𝙩𝙝𝙖𝙡𝙖𝙞𝙣 | 𝐌𝐆𝐈: 𝐁𝐢𝐭𝐮𝐢𝐧𝐠 𝐖𝐚𝐥𝐚𝐧𝐠 𝐍𝐢𝐧𝐠𝐢𝐧𝐠?
Sinulat ni Paris Fergie Saldivar
Ilustrasyon ni Clyde Dexter Rapsing

Walang sikreto: ang Pilipinas ang pinakatunay na fan ng beauty pageants. Kung ibang bansa ay todo ang sigaw sa soccer, ang mga Pinoy naman ay naghihiyawan sa evening gown at Q&A, saksi sa bawat pag-indak at pag-ngiti ng kanilang mga reyna. Kaya’t pagdating sa Miss Grand International (MGI), isang patimpalak na puno ng kislap, twist, at eksena, akala mo’y nakaisa na rin tayo ng korona, ‘di ba? Pero—plot twist—hindi.

MGI Madness: Welcome to the Pinaka-Extra Pageant!

Ang Miss Grand International ay parang teleseryeng handang magbigay ng sampal sa screen — glamoroso, medyo maligalig, at sobrang extra. Mayroon silang gown at swimsuit competitions, pero pinalalabas nila ito na parang isang action movie na may “Stop the War and Violence” na theme. Hindi lang basta-basta beauty queen ang hinahanap ng MGI; para kang sumali sa audition para maging superhero na may suot na shimmery gown!

Philippines: The Ultimate Pageant Stan!

Kung may bansang marunong humanga sa reyna, walang iba kundi ang Pilipinas! Sa bawat pageant, abot-langit ang sigaw natin, memorize natin ang bawat answer, at may viewing party pa tayong may handa, score sheet, at pangarap na hashtag . Kapag nanalo ang international queens, alam natin ang kanilang life story, zodiac sign, at skincare routine!

Ngunit sa MGI, unrequited love ang kwento natin. Taon-taon, ipinapadala natin ang ating pinakamagagaling na kandidata, humahawak ng kamay, nagdadasal, at nagpapakaway-kaway, pero tila may Philippine Defense Mechanism ang MGI crown—isang invisible barrier na laging “better luck next time” ang sinasabi.

CJ Opeña: Pangatlong “Almost” Crown

Ngayong taon, si CJ Opiaza ang pinadala nating pambato. Galing niyang sumagot, ang lakas ng stage presence, at mala-CGI ang aura sa stage. At nang in-announce ang top spot… pangatlong 1st runner-up ulit tayo. Pangatlo na, besh! Yung feeling na halos andiyan na, nakahawak ka na sa korona, pero bigla kang sinabihan na, “Oops, wait lang, hindi pa rin para sa’yo ‘yan.”

Ano pa bang Kulang? Jeepney at Extra Rice na ba ang Sagot?

So, ano pa ba ang kulang? Napagdaanan na natin ang mga fierce na sagot na parang TED Talk, ang mga gown na mala-crystal ball, at ang pagsayaw ng todo na parang barangay fiesta. Baka next year, ipanlaban na natin ang full-on Pinoy na representasyon: jeepney-inspired na gown, may bitbit na adobo recipe, at Tagalog na sagot na may “world peace na may extra rice.” Walang masama sa pag-try!

Ngunit hanggang wala pa ring korona, andito lang kami, nakangiti’t naniniwala. Kasi, sa huli, walang makakapigil sa ultimate pageant fans ng mundo—walang iba kundi ang Pilipinas!

Ang Gintong Toro

02/02/2026

23/04/2025

01/02/2025

14/12/2024

14/12/2024

26/10/2024

26/10/2024

Address

Opening Hours

Website

Alerts

Shortcuts

Share

Category

Listing takedown request

Monday	9am - 5pm
Tuesday	9am - 5pm
Wednesday	9am - 5pm
Thursday	9am - 5pm
Friday	9am - 5pm
Saturday	9am - 5pm