10/06/2026
Isang linggo ng makabuluhang pagtutulungan, pagkakaisa, at malasakit ang naging tampok sa matagumpay na pagsasagawa ng Brigada Eskwela 2026! 💙✨
Mula Day 1 hanggang Day 5, sama-samang nakiisa ang mga g**o, magulang, mag-aaral, at iba’t ibang katuwang ng paaralan sa paglilinis, pagsasaayos, at pagpapaganda ng ating mga pasilidad bilang paghahanda sa panibagong taong panuruan. Ang bawat ambag na oras, lakas, at suporta ay naging mahalagang bahagi ng tagumpay ng programang ito.
Ang Nangka High School ay taos-pusong nagpapasalamat sa lahat ng mga boluntaryo na naglaan ng kanilang panahon, kakayahan, at dedikasyon para sa ikabubuti ng ating paaralan. Ang inyong pakikiisa at malasakit ay tunay na nagpapakita ng diwa ng bayanihan at pagmamahal sa edukasyon.
Lubos din ang aming pasasalamat sa mga indibidwal at organisasyong nagkaloob ng donasyon at suporta. Malaki ang inyong naging ambag upang mas maging handa, ligtas, at kaaya-aya ang ating paaralan para sa ating mga g**o at mag-aaral.
Isang espesyal na pagkilala rin sa mga indibidwal na nanguna sa pagpaplano, koordinasyon, at matagumpay na pagsasakatuparan ng programang ito. Ang inyong sipag, dedikasyon, at pamumuno ay naging mahalagang bahagi ng tagumpay ng Brigada Eskwela 2026!
Sa pamamagitan ng sama-samang pagkilos ng komunidad, muli nating napatunayan na mas marami tayong magagawa kapag nagkakaisa para sa kapakanan ng kabataan.
Patuloy nating isabuhay ang diwa ng bayanihan tungo sa mas maunlad na edukasyon at mas maliwanag na kinabukasan para sa ating mga mag-aaral!! ♥️♥️♥️
🎶 Audio Credit:
BRIGADA ESKWELA 2026 JINGLE | “Sama-Sama sa Brigada” 🇵🇭 by Louie Johnson Bastasa
No copyright infringement intended. All rights belong to the rightful owner.
