𝗞𝗔𝗠𝗙𝗜𝗟 - 𝐊apisanan ng mga 𝐌ag-aaral sa 𝐅ilipino

22/04/2026

Maligayang Kaarawan sa aming Tagapag-ugnay ng Impormasyon (P.I.O) ng KAMFIL CLUB, Robert James Vincent Serona!
‎
‎Nawa’y patuloy ka na pagpalain ng lakas, karunungan, at kaligtasan sa araw-araw.
‎
‎Ang Pamilya ng KAMFIL ay nagpapasalamat sa pagkakaroon namin sa iyo bilang aming Tagapag-ugnay ng Impormasyon. Hangad namin ang mas marami pang biyaya at tagumpay sa inyong buhay.
‎
‎Nagmamahal,
‎Ang Pamilya ng KAMFIL🤎

21/03/2026

Maligayang Kaarawan sa aming Pangalawang Pangulo (Vice President) ng KAMFIL CLUB, Marty James L. Enerio!🥳
‎
‎Hangad namin ang iyong kalusugan, kasiyahan sa buhay, at tagumpay sa lahat ng iyong gawain. Nawa'y pagpalain ka ng Diyos.
‎
‎Ang Pamilya ng KAMFIL ay nagpapasalamat sa pagkakaroon namin sa iyo bilang aming Pangalawang Pangulo. Inaasahan namin ang mas marami pang masasayang alaala at tagumpay na ating pagsasaluhan.
‎
‎Nagmamahal,
‎Ang Pamilya ng KAMFIL🤎

04/03/2026

‎Maligayang Kaarawan, Pres. Christie Jean 🎂🎉
‎
‎Ang Kapisanan ng mga Mag-aaral sa Filipino (KAMFIL) ay buong-pusong nagpapaabot ng aming pagbati sa ating kagalang-galang na Pangulo ng Kolehiyo, Dr. Christie Jean Villanueva Ganiera, sa kanyang espesyal na araw.
‎
‎Ang inyong dedikasyon sa pagpapaunlad ng ating paaralan at ang inyong malasakit sa bawat mag-aaral ng NBSC ay nagsisilbing liwanag at inspirasyon sa amin upang higit pang mahalin ang ating wika at kultura. Dalangin namin ang inyong patuloy na kalusugan, kagalakan, at karunungan habang pinamumunuan niyo kami tungo sa mas maliwanag na bukas.
‎
‎Creating Futures, Transforming Lives, Guided by God.

Warmest birthday wishes to an exceptional leader whose passion and vision continue to strengthen and uplift Northern Bukidnon State College!

𝙼𝚊𝚢 𝚢𝚘𝚞 𝚋𝚎 𝚠𝚎𝚕𝚕,
𝚖𝚊𝚢 𝚢𝚘𝚞 𝚋𝚎 𝚑𝚊𝚙𝚙𝚢,
𝚖𝚊𝚢 𝚢𝚘𝚞 𝚋𝚎 𝚕𝚘𝚟𝚎𝚍, 𝚊𝚗𝚍
𝚖𝚊𝚢 𝚢𝚘𝚞 𝚋𝚎 𝚊𝚝 𝚙𝚎𝚊𝚌𝚎!

𝐇𝐚𝐩𝐩𝐲 𝐁𝐢𝐫𝐭𝐡𝐝𝐚𝐲, 𝐃𝐫. 𝐂𝐡𝐫𝐢𝐬𝐭𝐢𝐞 𝐉𝐞𝐚𝐧 𝐕𝐢𝐥𝐥𝐚𝐧𝐮𝐞𝐯𝐚-𝐆𝐚𝐧𝐢𝐞𝐫𝐚, 𝐂𝐄𝐒𝐄!
🎉

With highest respect and appreciation,
Your NBSC Family

25/12/2025

‎𝐌𝐀𝐋𝐈𝐆𝐀𝐘𝐀𝐍𝐆 𝐏𝐀𝐒𝐊𝐎 𝐀𝐓 𝐌𝐀𝐍𝐈𝐆𝐎𝐍𝐆 𝐁𝐀𝐆𝐎𝐍𝐆 𝐓𝐀𝐎𝐍
‎
‎Sa pagdiriwang natin ng mahalagang panahong ito, ang Pamilya ng KAMFIL ay nagpapaabot ng aming pinakamainit na pagbati sa bawat isa. Nawa ang oras na ito ng kagalakan at pagninilay ay maghatid ng kapayapaan sa inyong mga puso, pagkakaisa sa inyong mga tahanan, at panibagong pag-asa sa inyong mga buhay. 🎄🤎
‎
‎Nawa ang diwa ng Pasko ay magsilbing inspirasyon sa atin upang patuloy na isabuhay ang katapatan, malasakit, at kahusayan sa lahat ng ating ginagawa bilang isang samahan. Sa pagsalubong natin sa darating na taon, dalangin namin na ito ay mapuno ng kasaganaan, pag-unlad, at walang sawang pagkakataon na matuto, magsilbi, at magtagumpay nang sama-sama bilang isang komunidad.
‎
‎Isang mapagpala, masaya, at masaganang Pasko ang aming hiling para sa inyong lahat, at isang mabungang bagong taon na parating! 🎄
‎
‎Mula sa Pamilya ng KAMFIL
‎
‎
‎
‎
‎
‎
‎Layout ni Jhonissa Leigh Saut

12/11/2025

‎𝗡𝗕𝗦𝗖 𝗞𝗔𝗣𝗜𝗦𝗔𝗡𝗔𝗡 𝗡𝗚 𝗠𝗚𝗔 𝗠𝗔𝗚-𝗔𝗔𝗥𝗔𝗟 𝗦𝗔 𝗙𝗜𝗟𝗜𝗣𝗜𝗡𝗢 (𝗞𝗔𝗠𝗙𝗜𝗟) 𝗡𝗔𝗞𝗜𝗟𝗔𝗛𝗢𝗞 𝗦𝗔 𝗦𝗜𝗠𝗨𝗟𝗧𝗔𝗡𝗘𝗢𝗨𝗦 𝗖𝗟𝗘𝗔𝗡-𝗨𝗣 𝗗𝗥𝗜𝗩𝗘.
‎
‎Buong sigla at diwa ng bayanihan, ang KAMFIL ay nakilahok sa ginanap na NBSC Simultaneous Clean-Up Drive bilang suporta sa adhikain ng paaralan na pangalagaan ang kalinisan ng kapaligiran.
‎
‎Ang gawaing ito ay patunay ng pagkakaisa at malasakit ng mga mag-aaral sa kalikasan—isang simpleng hakbang tungo sa mas malinis at mas maayos na komunidad.
‎
‎Sa bawat kilos at pagtutulungan, naipapakita natin ang tunay na diwa ng pagiging makabayan at mapagmahal sa ating kapaligiran.
‎
‎

25/10/2025

‎Mabuhay KA-KAMFIL!
‎
‎Habang ang ating mga atleta mula sa Northern Bukidnon State College ay lumalaban sa Mindanao Association of State Tertiary Schools (MASTS) Games 2025 sa Lungsod ng Oroquieta, buong puso naming ipinapaabot ang aming supporta at paghanga sa buong Delegasyon ng NBSC, lalo na sa tatlong atleta mula sa KAMFIL Club na buong tapang na nagdadala ng ating pangalan at dangal.
‎
‎Dalhin ninyo sa bawat laban ang tapang, disiplina, at kababaang-loob na siyang tatak ng isang tunay na KAMFIL. Higit pa sa tropeo o medalya, ang inyong pagsisikap, determinasyon, at magandang asal ang tunay na tagumpay na dapat ipagmalaki ng ating pamayanan.
‎
‎Ang buong pamilya ng KAMFIL ay nasa likod ninyo, taimtim na sumusuporta, nananalig, at labis na humahanga sa inyong bawat hakbang. 🤎♥️
‎
‎Laban, KAMFIL! Lipad nang mataas, mga Blue Hawks!
‎
‎

23/09/2025

Maligayang Kaarawan sa aming Taga-Pag-Ugnay ng Impormasyon(P.I.O) ng KAMFIL CLUB, Ashlyn Grace Lingcoran! 🎉

Hangad namin ang iyong mabuting kalusugan, kaligayahan, at tagumpay sa lahat ng iyong gawain. Nawa'y pagpalain ka ng Diyos.

Ang Pamilya ng KAMFIL ay nagpapasalamat sa pagkakaroon namin sa iyo. Inaasahan namin ang mas marami pang masasayang alaala at tagumpay na ating pagsasaluhan.

Nagmamahal,
Ang Pamilya ng KAMFIL 🤎💛

18/09/2025

Mabuhay KamFil! 🇵🇭

👕🎨 Ipakita ang iyong talento! Maghanda, lumikha, at magdisenyo! Ang KamFil ay naghahanap ng pinakamagaling na T-shirt designer! Sumali sa aming gagawing patimpalak sa pagdisenyo at mag-uwi ng libreng T-shirt Ang mananalo! Tingnan ang litrato para sa inspirasyon at mga kulay.

Mga Mekaniks:

✅ Para lamang sa mga miyembro ng KamFil.
🎨 Ang kulay ay dapat Tan Beige.
📩 Isumite ang iyong disenyo kai Franklin Serona Damasco -https://www.facebook.com/franklin.serona.5
⏰ Deadline- Setyembre 26, 2025


-shirtdesigncontest2025

06/09/2025

MABUHAY KA-KAMFIL‼️

Malugod naming ipinakikilala ang mga bagong halal na opisyal ng KAMFIL sa taong panuruan 2025-2026.

MGA OPISYAL:

JUAN CARLOS MACAS
Pangulo

MARTY JAMES ENERIO
Pangalawang Pangulo

AIVAN LERUFF REGARDE
Kalihim

FRANKLIN DAMASCO
Katiwala sa Pananalapi

JANNIEN APERDO
Tagasuri ng Pananalapi

Tagapag-ugnay ng Impormasyon:
1. ROBERT SERONA
2. ASHLYN GRACE LINGCORAN

Tagapangasiwa ng Social Media:
1. REYJIE LABITAD
2. JHONISSA SAUT

Sa inyong pamumuno, kami ay umaasa na ang lahat ng gawain ng ating organisasyon ay magiging matagumpay na may kasamang integridad at dedikasyon. Nawa’y matuto kayo mula sa mga karanasang ito upang makapagbahagi ng mahahalagang aral at magamit ang mga ito sa mabuting paraan. Higit sa lahat, nawa’y magsilbi kayong huwarang ehemplo sa kapwa kabataan upang mahikayat silang maging mahusay at responsable ring mga pinuno sa hinaharap.

29/08/2025

MABUHAY KA-KAMFIL! 🇵🇭

Ilang araw na ang lumipas matapos ang pagdaraos ng kulminasyon ng Buwan ng Wika, ngunit nanatili pa ring nakatatak sa puso at isipan ng lahat ang diwa at kahalagahan nito nang buong-buo.

Isang malugod na pagbati ng makabuluhang Buwan ng Wika 2025. Sa temang "Paglinang sa Filipino at Katutubong Wika: Makasaysayan sa Pagkakaisa ng Bansa”, ipinagdiriwang natin ang diwa ng ating pagkakakilanlan at pagpapayaman ng ating sariling wika at kultura.

Sa pangunguna ng ating club (KAMFIL), matagumpay na naisagawa noong Agosto 27, 2025 ang mga makabuluhang patimpalak na nagbigay-daan upang maipamalas ng ating mga mag-aaral ang kanilang husay, talino, at malikhaing kakayahan:

🎙️ Dagliang Talumpati
📝 Pagsulat ng Sanaysay
🧠 Tagisan ng Talino
🏃 Laro ng Lahi

Ang mga nagwagi ay nagkamit ng karangalang tunay na ipinagmamalaki ng lahat. Ang kanilang husay at ipinakitang galing ay hindi matutumbasan ng anumang bagay. Patunay ito na ang dugong Pilipino ay nag-uumapaw sa talino, determinasyon, at pagkamalikhain.

Higit pa sa kasiyahan ng mga paligsahan, ang pagdiriwang ng Buwan ng Wika ay paalala ng kahalagahan ng ating sariling wika bilang sandigan ng pagkakaisa at kasaysayan ng sambayanang Pilipino. Sa bawat salita at pagpapahayag, naipadama ng ating mga kalahok ang pagmamahal at pagpapahalaga sa Wikang Filipino at mga katutubong wika.

Lubos na nagpapasalamat ang KAMFIL sa lahat ng mga mag-aaral at g**o na naging bahagi ng matagumpay na selebrasyon. Patuloy nating ipagdiwang ang ating wika, hindi lamang tuwing Agosto, kundi sa bawat araw bilang mapagmalaking Pilipino.

Mabuhay ang Wikang Filipino! 🇵🇭

📸 Mga larawan mula sa: Ballpoint Publication