Islamic Charitable Foundation of the Philippines Inc.

ANG BABENG SALIHAH NA MASUNURIN SA KANYANG ASAWA

Ang babaeng salihah ay isang dakilang biyaya mula kay Allah SWT, siya ay masunurin sa kanyang asawa sa kabutihan, nagbibigay ng kapanatagan at kagalakan sa kanyang pamilya, at inaalagaan ang kanyang dangal at karapatan ng kanyang asawa kahit sa kanyang pagkawala. Ang kanyang pagsunod ay hindi tanda ng kahinaan kundi bunga ng taqwa (takot sa Allah), sapagkat nauunawaan niyang ang maayos na pakikitungo at pagsunod sa asawa sa tama ay bahagi ng pagsunod niya kay Allah SWT. Dahil sa kanyang pananampalataya, pagsasagawa ng Salah, pag-aayuno, at pag-iingat sa sarili, ipinangako sa kanya ang dakilang gantimpala ang Jannah bilang kapalit ng kanyang katapatan at kabanalan.

Sinbi ni Allh SWT:

{فَالصَّالِحَاتُ قَانِتَاتٌ حَافِظَاتٌ لِّلْغَيْبِ بِمَا حَفِظَ اللَّهُ}

“Kaya ang mga matutuwid na babae ay masunurin (sa Allah at sa kanilang asawa) at iniingatan ang (karapatan, dangal,at ari-aian) sa panahon ng pagliban (ng kanilang asawa), dahil sa pag-iingat na itinakda ni Allah SWT." [Surah An-Nisa: 34]

Sinabi ng Propeta SAWS:

"الدُّنْيَا مَتَاعٌ، وَخَيْرُ مَتَاعِهَا الْمَرْأَةُ الصَّالِحَةُ"

“Ang mundo ay isang pakinabang, at ang pinakamainam na pakinabang sa mundong ito ay ang babaeng ṣaliḥah (matuwid na asawa).”

Ang babaeng salihah ay relihyosa (nasa kanya ang Deen) nagbibigay ng kapanatagan, nag-iingat ng dangal, tahanan, at kanyang awrah, may takot, pananampalataya at katuwang sa pagsunod kay Allah SWT.

Sinabi ng Propeta SAWS:

إِذَا صَلَّتِ الْمَرْأَةُ خَمْسَهَا، وَصَامَتْ شَهْرَهَا، وَحَفِظَتْ فَرْجَهَا، وَأَطَاعَتْ زَوْجَهَا، دَخَلَتِ الْجَنَّةَ مِنْ أَيِّ أَبْوَابِ الْجَنَّةِ شَاءَتْ»

"Kapag ang babae ay nagdasal ng limang Salah(5X a day) nag-ayuno ng Ramadan, iningatan ang kanyang dangal, at sumunod sa kanyang asawa, siya ay papapasukin sa Jannah (paraiso) sa alinmang pintuan na kanyang naisin.”
(Ahmad at Ibn Hibban)

Akh. Salim Zailon

ANG LAYUNIN NG PAGSUSUOT NG NIQAB O HIJAB SHAR‘EY

Ang Islam ay nagbibigay ng malaking pagpapahalaga sa haya (kahinhinan) at proteksiyon laban sa fitnah. Kaya’t ipinagbabawal (haram) sa isang babae na ipakita ang kanyang kagandahan o hugis ng katawan sa mga hindi niya mahram, sapagkat ang ganitong gawain ay nagiging sanhi ng tukso (fitnah), hindi lamang sa tumitingin kundi pati sa sarili niya.

Hindi sapat ang niqab kung ang pananamit ay hindi rin sumusunod sa hangganan ng kahinhinan. Ang tunay na layunin ng pagsusuot ng niqab o hijab shar‘ey ay ang ganap na pagsunod sa utos ng Allah, sapagkat ito ay obligado (wajib) sa isang babae. Kabilang dito ang maluwag, hindi bakat, at disenteng kasuotan.

Ang pagsusuot ng niqab ay hindi lamang half niqab kundi ito ay dapat nakabalot sa buong mukha o katawan, na tinitiyak na ang babae ay ganap na natatakpan at napoprotektahan laban sa anumang hindi nararapat na tingin o pang-aakit. Kapag ang pananamit ay hapit o nagpapakita ng hugis ng katawan, nawawala ang tunay na layunin ng pagsusuot ng niqab o hijab shar‘ey, at nalalagay sa panganib ang dangal, pananampalataya, at kapayapaan ng lipunan.

Ang tunay na kagandahan ng isang babae sa Islam ay nasa kanyang taqwa, asal, at tapat na pagsunod sa batas ng Allah, hindi sa pagpapakita ng anyo.

Akh. Salim Zailon

ANG LALAKING MALUPIT SA KANYANG ASAWA

Ang lalaking malupit sa kanyang asawa sa salita man o sa gawa ay lumalabag sa layunin ng kasal sa Islam na itinayo sa kapayapaan, pagmamahal, at awa. Kapag ang isang lalaki ay bungangero, mapanigaw, mapanlait, mapanakit ng damdamin ng kanyang asawa, at anumang uri ng pang-aapi ay hindi tanda ng pagkalalaki kundi kakulangan sa takot kay Allah at mabuting asal. Ang ganitong ugali ay sumisira sa dangal ng babae at nagiging sanhi ng kawalan ng sakinah sa tahanan; kaya’t ito ay malinaw na kasalanan at zulm na may pananagutan ang lalaki sa harap ni Allah SWT kung hindi siya magsisisi at magbabago.

Ang kalupitan ay hindi lamang sa pisikal, kabilang dito ang paninigaw, pagmumura, pananakot, panlalait, pananakit ng damdamin, at pag-abuso sa kapangyarihan bilang asawa.

Sinbi ni Allah SWT:

وَعَاشِرُوهُنَّ بِالْمَعْرُوفِ

"At makisama/makitungo kayo sa kanila (mga asawa) nang may kabutihan". [An-Nisah: 19]

" وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً "

“At kabilang sa Kanyang mga tanda ay nilikha Niya para sa inyo, mula sa inyong mga sarili, ang mga asawa upang kayo ay makatagpo ng kapanatagan sa kanila, at naglagay Siya (Allah) sa pagitan ninyo ng pagmamahal at awa.” [Ar-Rum: 21]

Sinabi ng Propeta SAWS:

«خَيْرُكُمْ خَيْرُكُمْ لِأَهْلِهِ»

"Ang pinakamabuti sa inyo ay ang pinakamabuti sa kanyang pamilya.” [At-Tirmidhi]

At sinabi rin ng Propeta ﷺ:

“Ang pinakamabubuti sa inyo ay hindi nananakit.” [Abu Dawud]

Haram (ipinagbawal) ng Islam ang pagiging malupit sa asawa pisikal man o emosyonal. Ang paninigaw, pang-iinsulto, at pananakit ay kasalanan at zulm (pang-aapi).

Ang lalaking patuloy na malupit at ayaw magbago ay may pananagutan sa harap ni Allah at maaaring magbigay-daan sa karapatan ng asawa na humingi ng tulong, paghihiwalay, o annulment (khul‘/fasakh) ayon sa Shari‘ah.

Ang tunay na lalaki ay natatakot sa Allah SWT, hindi ang kanyang asawa. Ang tunay na lalaki ay hindi sinusukat sa lakas ng sigaw, kundi sa lawak ng pasensya at awa sa kanyang asawa.
At ang lakas ng isang lalaki ay nasusukat sa kanyang awa, hindi sa kanyang galit.

Akh. Salim Zailon

ANG BABAENG BUNGANGERA, SUWAIL, AT WALANG RESPETO SA KANYANG ASAWA

Sa Islam, ang pagiging bungangera, walang respito, walang pasasalamat, palasagot, at pagsuway ng isang babae sa kanyang asawa na walang makatarungang dahilan ay hindi itinuturing na maliit na kasalanan sapagkat ito ay mabigat na paglabag sa akhlaq at sa kaayusang itinakda ni Allah SWT sapag-aasawa , sapagkat ang ganitong pag-uugali ay sinisira nito ang layunin ng pag-aasawa na itinayo sa kapayapaan, respeto, at awa; ang palagiang pagsagot nang masakit, pagmamataas, at hindi pagsunod sa mabuting utos ng asawa ay nag-aalis ng barakah sa tahanan at nagiging dahilan ng galit ni Allah SWT, lalo na kung ang asawa ay gumagampan ng kanyang tungkulin at ang babae ay patuloy na umaasa sa kanya ngunit walang pagpapahalaga at respeto, kaya’t ang babaeng walang pasasalamat at walang paggalang sa kanyang asawa ay inilalagay ang sarili sa kapahamakan sa Araw ng Paghuhukom, at siya ay may pananagutan sa Kabilang-Buhay.

Sinabi ng Propeta SAWS:

«لا يَنْظُرُ اللَّهُ إِلَى امْرَأَةٍ لَا تَشْكُرُ لِزَوْجِهَا وَهِيَ لَا تَسْتَغْنِي عَنْهُ

“Hindi lilingunin ni Allah ang babaeng hindi marunong magpasalamat sa kanyang asawa samantalang siya ay umaasa sa kanya.” [Ahmad]

Sinabi ng Propeta SAWS:

«إِذَا دَعَا الرَّجُلُ امْرَأَتَهُ إِلَى فِرَاشِهِ فَلَمْ تَأْتِهِ، فَبَاتَ غَضْبَانَ عَلَيْهَا؛ لَعَنَتْهَا الْمَلَائِكَةُ حَتَّى تُصْبِحَ»

"Kapag inanyayahan ng lalaki ang kanyang asawa sa kanyang higaan (sa ugnayang mag-asawa) at tumanggi ang babae (nang walang makatarungang dahilan), at natulog ang lalaki na galit sa kanya, susumpain siya ng mga anghel hanggang sa mag-umaga.” (Mutaffaqun 'Alayhi)

Sinabi ng Propeta SAWS:

لَوْ كُنْتُ آمِرًا أحَدًا أَنْ يَسْجُدَ لأَحدٍ لأَمَرْتُ المرْأَةَ أَنْ تَسْجُدَ لِزَوْجِهَا

“Kung ako ay mag-uutos lamang sa isang tao na magpatirapa (mag-sujud) sa iba (liban pa kay Allah), ay tiyak na uutusan ko ang babae na magpatirapa sa kanyang asawa (dahil sa laki ng karapatan ng lalaki sa babae).” [At-Tirmidhi]

Sa hadith ng Propeta SAWS ay ipinapakita rito kung gaano kalaki ang karapatan ng asawang lalaki sa Islam, hindi upang pahintulutan ang pang-aabuso o pagsamba, kundi upang ipaalala ang kahalagahan ng respeto, pagsunod sa mabuti, at pagpapanatili ng kaayusan sa pamilya, sapagkat kapag ang bawat isa ay ginampanan ang kanyang tungkulin ayon sa takot sa Allah, doon nagmumula ang tunay na kapayapaan ng mag-asawa.

Akh. Salim Zailon

Alhamdulillah isa tayo naman na pinili ni Allah SWT na makapagbigay ng payo sa pananampalatayang Islam sa ating mga kapatiran. Sa Masjid, University of the Philippines, Diliman naman tayo magkukhutbah bukas inshaallah...

Assalamu 'Alaykum Warahmatullah

I am pleased to announce that the Islamic Education & Learning Institute Inc. is offering a free online seminar for everyone who wishes to learn more about Islam. This program is open to all seekers of knowledge whether beginners or those who want to deepen their understanding of the Deen (Islam).

Schedule:
Every Thursday and Friday

For inquiries and registration, you may contact our dedicated institute secretaries/coordinators:

• Ustādhah Aira Edris
• Ustādhah Normina Abdulkarem

We warmly invite you to join us in this beneficial journey of knowledge and spiritual growth.

May Allah bless our efforts and grant us beneficial knowledge.

Jazakumullāhu khayran.

Ang bawat pagsubok ay paalala mula kay Allah, hindi upang wasakin ka, kundi upang palakasin ka.
Sa bawat paghihirap, may nakatagong awa at kabutihan.

Akh. Salim Zailon

Maraming salamat po sa pag-imbita sa akin upang maiparating sa inyo ang kahalagahan ng mag-asawa sa Islam. Sa 18 na participants, maraming salamat sa inyong lahat, mga sisters sa Islam. Nawa’y manatili sa atin ang pagmamahalan, pagpapakumbaba, at paggalang at respeto sa ating mga asawa. Magmahalan tayo habambuhay.

Topic: "Ang Asawa Bilang Kasama sa Habambuhay, Pag-ibig, Paggalang, at Katapatan sa Islam"
Sec: Female only
Lecturer: Ustadh. Salim Zailon

QEALIS REVIEW 2025
Simulan na ang QEALIS Review 2025!
Nais mo bang mapabilang sa mga Registered Islamic Teachers?
Ano pa ang hinihintay mo? Simulan mo na ang iyong pagrerebyu at manalangin kay Allāh (SWT) na pagaanin at madaliin Niya para sa atin ang darating na examination, Ameen 🙏

ANG HUKOM SA PAGHINGI NG TULONG SA IBA PAMBAYAD NG TUITION FEE O GRADUATUON FEE

Ito ay paalala sa bawat isa, lalo na sa panahon ngayon gaya ng nakasanayan ng pagpopost sa social media upang humingi ng tulong para sa tuition fee o graduation fee. Alalahanin natin mga kapatid, ang paghingi ng tulong para sa tuition fee ay hindi pinapahintulutan kung ang tao ay may kakayahang kitain ito sa sarili o may sapat na mapagkukunan, sapagkat ito ay kabilang sa sūḥt (haram na yaman) na nag-aalis ng biyaya. Pinapahintulutan lamang ito sa oras ng tunay na matinding pangangailangan, at kinakailangang may tatlong taong matino mula sa kanyang komunidad ang magpatunay ng kanyang kahirapan. Ang Islam ay mahigpit na nagbabala laban sa paghingi nang walang karapatan, kaya’t dapat itong gawin lamang kung wala talagang ibang paraan, upang maiwasan ang panlilinlang, mapangalagaan ang dangal ng tao, at mapanatili ang respeto sa pinaghirapang yaman ng iba.

Sinabi ng Sugo ni Allah SWT (ﷺ):

وَمَن يَسْتَعْفِفْ يُعِفَّهُ اللَّهُ ۖ وَمَن يَسْتَغْنِ يُغْنِهِ اللَّهُ

“Ang sinumang magpipigil sa sarili (sa paghingi), si Allah ang magpapanatili sa kanyang dangal. At ang sinumang nagsikap maging kuntento, si Allah ang magpapayaman sa kanya.” [Mutafaqqun 'Alayhi]

Sinabi ng Propeta ﷺ:

قَالَ النَّبِيُّ ﷺ: «مَا يَزَالُ الرَّجُلُ يَسْأَلُ النَّاسَ، حَتَّى يَأْتِيَ يَوْمَ الْقِيَامَةِ وَلَيْسَ فِي وَجْهِهِ مُزْعَةُ لَحْمٍ»

“Ang taong laging humihingi sa mga tao ay darating sa Araw ng Paghuhukom na walang laman ang kanyang mukha.” [Bukhari at Muslim]

Sinabi ng Sugo ni Allah (ﷺ):
قَالَ رَسُولُ اللَّهِ ﷺ: «مَن سَأَلَ النَّاسَ أَمْوَالَهُمْ تَكَثُّرًا، فَإِنَّمَا يَسْأَلُ جَمْرًا، فَلْيَسْتَقِلَّ أَوْ لِيَسْتَكْثِرْ»

“Ang sinumang humihingi sa mga tao upang dumami lamang ang kanyang yaman, tunay na siya ay humihingi ng apoy (ng Impiyerno), piliin niya kung kakaunti o marami.” [Muslim]

Sinabi ng Propeta (ﷺ):
«لَا تَحِلُّ المَسْأَلَةُ إِلَّا لِأَحَدِ ثَلَاثَةٍ: لِذِي فَقْرٍ مُدْقِعٍ، أَوْ لِذِي غُرْمٍ مُفْظِعٍ، أَوْ لِذِي دَمٍ مُوجِعٍ»

“Hindi ipinahihintulot ang paghingi ng tulong maliban sa isa sa tatlong ito:
(1) yaong nagdurusa sa matinding kahirapan,
(2) yaong may mabigat na pagkakautang,
(3) yaong kailangang magbayad ng diyah (halagang pambayad sa dugo).”

Ang paghingi-hingi sa kapwa nang walang tunay na pangangailangan, at para lamang dumami ang yaman, ay isang gawain na magdadala sa tao ng kaparusahan sa Kabilang Buhay. Kaya mas mainam na iwasan ito upang hindi mapabilang sa mga taong pagdating sa Araw ng Paghuhukom ay walang laman ang kanilang mga mukha, tanda ng kahihiyan at kaparusahan. Ang isang mananampalataya ay nararapat na umasa at magtiwala kay Allah ﷻ, at hindi maging palaasa sa mga tao.

Allahu A'lam

ᴀᴋʜ: sᴀʟɪᴍ ᴢᴀɪʟᴏɴ ✍