The PUP Social Studies Guild

𝐈𝐋𝐀𝐖 𝐍𝐆 𝐓𝐀𝐇𝐀𝐍𝐀𝐍, 𝐇𝐀𝐋𝐈𝐆𝐈 𝐍𝐆 𝐋𝐈𝐏𝐔𝐍𝐀𝐍! 🌸

Sa bawat tagumpay na ating nakakamit, sa bawat laban na ating napagtatagumpayan, at sa bawat pangarap na ating tinatahak—may isang taong tahimik ngunit matatag na laging nasa likod natin: ang ating mga ina.

Hindi matatawaran ang pagmamahal ng isang ina. Sila ang unang g**o ng tahanan, unang tagapayo, at unang kakampi sa gitna ng hirap at pagod. Sa simpleng pag-aaruga, pagpupuyat, pag-aalala, at pagsasakripisyo, naipapakita nila ang uri ng pagmamahal na walang hinihinging kapalit.

Ngayong Araw ng mga Ina, nawa’y hindi lamang tayo magpasalamat sa kanila sa pamamagitan ng salita, kundi sa pamamagitan din ng pagpapahalaga, pagrespeto, at pagmamahal na tunay nilang nararapat.

Mula sa PUP Social Studies Guild, isang pagpupugay sa lahat ng ina—ang tunay na mga bayani ng bawat tahanan at pundasyon ng ating lipunan. 🤍🌷

𝑺𝑼𝑴𝑼𝑺𝑼𝑳𝑶𝑵𝑮, 𝑺𝑼𝑴𝑰𝑺𝑰𝑩𝑶𝑳, 𝑨𝑹𝑨𝑳𝑰𝑵𝑮 𝑷𝑨𝑵𝑳𝑰𝑷𝑼𝑵𝑨𝑵!

🖼️: Alyanna Romina Santos
✍️: Kurt Morales

"𝑨𝒍𝒊𝒏𝒈 𝒑𝒂𝒈-𝒊𝒃𝒊𝒈 𝒑𝒂 𝒂𝒏𝒈 𝒉𝒊𝒉𝒊𝒈𝒊𝒕 𝒌𝒂𝒚𝒂 𝒔𝒂 𝒑𝒂𝒈𝒌𝒂𝒅𝒂𝒍𝒊𝒔𝒂𝒚 𝒂𝒕 𝒑𝒂𝒈𝒌𝒂𝒅𝒂𝒌𝒊𝒍𝒂. 𝑮𝒂𝒚𝒂 𝒏𝒈 𝒑𝒂𝒈-𝒊𝒃𝒊𝒈 𝒔𝒂 𝒕𝒊𝒏𝒖𝒃𝒖𝒂𝒏𝒈 𝒍𝒖𝒑𝒂. 𝑨𝒍𝒊𝒏𝒈 𝒑𝒂𝒈-𝒊𝒃𝒊𝒈 𝒑𝒂? 𝑾𝒂𝒍𝒂 𝒏𝒂 𝒏𝒈𝒂 𝒘𝒂𝒍𝒂." - 𝑨𝒏𝒅𝒓𝒆𝒔 𝑩𝒐𝒏𝒊𝒇𝒂𝒄𝒊𝒐

Ngayong araw, Mayo 10, ating balikan ang paghatol kay G*t Andres Bonifacio sa kasong pagtataksil sa bayan sa ilalim ng pamahalaang Emilio Aguinaldo. Ang Ama ng Rebolusyong Pilipino, kasama ang kanyang kapatid, ay binaril sa bundok ng Maragondon, Cavite.

Ngunit paano nga ba humantong sa ganitong trahedya?

Noong Marso 22, 1897, naganap ang Kumbensyong Tejeros, ang unang halalan sa kasaysayan ng bansa. Sa halalang ito, nahalal ang mga bagong pinuno ng pamahalaang rebolusyonaryo. Si Andres Bonifacio ay nanalo bilang Direktor Interyor, ngunit tumutol si Daniel Tirona, na nagsabing hindi karapat-dapat si Bonifacio sa posisyon dahil wala siyang diploma sa abogasya. Lubhang nainsulto si Bonifacio at idineklara niyang walang bisa ang naturang kumbensyon.

Dahil sa hidwaan, si Bonifacio at ang kanyang mga tapat na kasamahan ay lumagda sa Naik Military Agreement, isang kasunduang nagsasaad ng pagtutol sa resulta ng Tejeros Convention at ng pagtatatag ng hiwalay at malayang pamahalaan mula sa pamumuno ni Aguinaldo. Ang hakbang na ito ang naging dahilan ng kanyang pag-aresto.

Inaresto si Bonifacio habang sugatan, kasama ang kanyang kapatid na Procorpio, at sa engkuwentro ay napatay ang isa pa niyang kapatid, si Ciriaco. Kalaunan, sila ay hinatulan ng kamatayan, na nagbunsod sa malungkot na wakas ng buhay ng Supremo ng Katipunan.

𝑺𝑼𝑴𝑼𝑺𝑼𝑳𝑶𝑵𝑮, 𝑺𝑼𝑴𝑰𝑺𝑰𝑩𝑶𝑳, 𝑨𝑹𝑨𝑳𝑰𝑵𝑮 𝑷𝑨𝑵𝑳𝑰𝑷𝑼𝑵𝑨𝑵!

🖼️: Mary Anthonytte Ignacio
✍️: Angelo A. Albao

𝙈𝙖𝙡𝙞𝙜𝙖𝙮𝙖𝙣𝙜 𝙠𝙖𝙖𝙧𝙖𝙬𝙖𝙣 𝙨𝙖 𝙢𝙖𝙜𝙞𝙩𝙞𝙣𝙜 𝙣𝙖 𝙗𝙖𝙗𝙖𝙚𝙣𝙜 𝙗𝙖𝙮𝙖𝙣𝙞 𝙣𝙜 𝙖𝙩𝙞𝙣𝙜 𝙗𝙖𝙣𝙨𝙖, 𝙆𝙖 𝙊𝙧𝙮𝙖𝙣𝙜!🥳❤️

Mula sa isang dalagang nangarap makawala sa hagupit ng kasamaan ng mga banyagang Espanyol sa ating bansa. Namulat ang kaniyang isipan at nakiisa’t sumapi sa mga kasamang rebolusyunaryong Pilipino; sumapi upang magmulat at tumulong sa pagkamit ng kasarinlang nais makamtan mula sa mapang-abusong mga Espanyol. Si Gregoria De Jesus ang binansagang “Lakambini ng Katipunan”, isang babaeng tumindig, sumapi, at nakipaglaban para sa bayan.

Sa araw na ito ay ating ginugunita ang araw ng kapanganakan ng isang dalagang matalino at kabisa ang estratehiya sa pag-oorganisa, pagtago ng mga bolo at kagamitang pangdigma, at isa sa nangunang umalalay sa mga sugatang kasamahang rebolusyonaryo. Ngayong araw natin ipinagdiriwang ang pagsilang niya, isang magandang araw na biyaya ng Maykapal para sa kaniyang mga magulang at mga kapatid.

Kami bilang tagapag-taguyod ng nakaraan at naghuhulma ng isipan ng mga kabataan, ang The PUP Social Studies Guild ay nagagalak na binabati’t ginugunita ang ika-150th Kaarawan ng nag-iisang “Lakambini” sa buhay ni Ka Andres—muli, Maligayang Kaarawan Ka Gregoria Alvarez “Ka Oryang” de Jesus!🥳❤️

𝑺𝑼𝑴𝑼𝑺𝑼𝑳𝑶𝑵𝑮, 𝑺𝑼𝑴𝑰𝑺𝑰𝑩𝑶𝑳, 𝑨𝑹𝑨𝑳𝑰𝑵𝑮 𝑷𝑨𝑵𝑳𝑰𝑷𝑼𝑵𝑨𝑵!

🖼️: Mary Anthonytte Ignacio & Ron Gabriel Garrovillo
✍️: Arnela Mallari

𝗛𝗲𝘆 𝗙𝗲𝗿𝗯, 𝗜 𝗸𝗻𝗼𝘄 𝘄𝗵𝗮𝘁 𝘄𝗲’𝗿𝗲 𝗴𝗼𝗶𝗻𝗴 𝘁𝗼 𝗱𝗼 𝘁𝗼𝗱𝗮𝘆! ✨🛠️

The summer of our lives is just beginning! Whether you’re a fresh face or a transferee, it’s time to step out of the backyard and into the halls of the 𝗣𝗨𝗣 𝗖𝗼𝗹𝗹𝗲𝗴𝗲 𝗼𝗳 𝗘𝗱𝘂𝗰𝗮𝘁𝗶𝗼𝗻.☀️

𝗣𝗿𝗼𝗷𝗲𝗰𝘁 𝗔𝗱𝘃𝗲𝗻𝘁𝘂𝗿𝗲: 𝗝𝘂𝗺𝗽𝘀𝘁𝗮𝗿𝘁𝗶𝗻𝗴 𝘁𝗵𝗲 𝗖𝗢𝗘𝗗 𝗙𝗿𝗼𝗻𝘁𝗶𝗲𝗿 !! This isn't just an orientation, it’s our grandest invention yet! We’re bringing together the brightest minds to help you navigate the university culture, master your academic programs, and discover the "secret agents" of our college who will be your constant support system.

There’s a world of possibilities to explore, and with the right community, none of the challenges will be "busted." So, grab your blueprints and your school spirit, let’s make this journey extraordinary! 📝🧰⚒️

𝘽𝘼𝙆𝘼𝙎: 𝘽𝙖𝙮𝙖𝙣, 𝘼𝙧𝙖𝙡, 𝙆𝙖𝙨𝙖𝙮𝙨𝙖𝙮𝙖𝙣, 𝘼𝙩 𝙎𝙖𝙡𝙖𝙮𝙨𝙖𝙮 — 𝙋𝙖𝙜𝙡𝙖𝙡𝙖𝙠𝙗𝙖𝙮 𝙨𝙖 𝘼𝙩𝙞𝙣𝙜 𝙉𝙖𝙠𝙖𝙧𝙖𝙖𝙣

𝐊𝐚𝐛𝐚𝐧𝐚𝐭𝐚 𝟒𝟎: 𝐈𝐧𝐢𝐥𝐢𝐩𝐚𝐭 𝐧𝐢 𝐋𝐨𝐮𝐢𝐬 𝐗𝐈𝐕 𝐧𝐠 𝐏𝐫𝐚𝐧𝐬𝐢𝐲𝐚 𝐚𝐧𝐠 𝐊𝐚𝐧𝐲𝐚𝐧𝐠 𝐇𝐮𝐤𝐮𝐦𝐚𝐧 𝐬𝐚 𝐏𝐚𝐥𝐚𝐬𝐲𝐨 𝐧𝐠 𝐕𝐞𝐫𝐬𝐚𝐢𝐥𝐥𝐞𝐬

Nang pumanaw si Cardinal Mazarin noong 1661, ang buong kapangyarihan ay napunta kay Louis XIV. Pinabilis niya ang paghina ng impluwensiya ng maharlika at dinala ang konsepto ng absolute na monarkiya sa pinakamataas nitong antas sa Pransya. Dahil hindi niya nakamit sa Paris ang nais niyang pagiging malayo at kontrolado, ipinagawa niya ang marangyang Palace of Versailles, na matatagpuan mga labing-isang milya sa timog-kanluran ng kabisera, sa dating latian na may paboritong pook-pangangaso ng hari. Sa pagpapatayo nito, kinuha ang pinakamahusay na mga arkitekto, inhinyero, artista, at hardinero, kasama ang libo-libong manggagawa. Nagsimula ang konstruksyon noong 1661 at umabot sa napakalaking halaga ang gastos.

Noong ika-6 ng Mayo 1682, opisyal na inilipat ni Louis XIV ang kanyang buong korte—kabilang ang mga ministro, pamilya, mga kinakasama, at mga anak sa labas—sa Versailles. Inatasan din niya ang mga maharlika at maliliit na dugong bughaw na manirahan doon sa mga itinalagang tirahan. Layunin nitong bawasan ang kapangyarihan ng maharlika, at nagtagumpay naman ito. Gayunpaman, nagdulot din ito ng kapaligirang puno ng pagkabagot at labis na karangyaan, kung saan maraming aristokrata ang walang ibang ginagawa kundi mag-usap-usap, gumastos, at maglibang. Naging paraan din ito para makaiwas ang hari sa magulong populasyon ng Paris at magpatuloy sa kaniyang paboritong libangan—ang pangangaso. Hango ito sa halimbawa ng mga monarko ng Espanya noong ika-16 na siglo na nanirahan sa El Escorial. Gayunpaman, higit pa rito ang layunin ni Louis sa Versailles: ito ay itinayo bilang simbolo ng kanyang kapangyarihan bilang “Hari ng Araw,” pati na rin ng dominasyon ng Pransya sa politika at kultura sa Europa. Dahil sa engrandeng pagtanggap sa mga panauhin at natatanging kultura ng korte, naging huwaran ang Versailles para sa iba pang monarkiya sa Europa.

𝑺𝑼𝑴𝑼𝑺𝑼𝑳𝑶𝑵𝑮, 𝑺𝑼𝑴𝑰𝑺𝑰𝑩𝑶𝑳, 𝑨𝑹𝑨𝑳𝑰𝑵𝑮 𝑷𝑨𝑵𝑳𝑰𝑷𝑼𝑵𝑨𝑵!

🖼️: Kyla Mariz De Rama & Kefu Reign Dacutanan
✍️: Alvin Barios

𝐏𝐀𝐀𝐍𝐎 𝐍𝐆𝐀 𝐁𝐀 𝐍𝐀𝐆𝐒𝐈𝐌𝐔𝐋𝐀 𝐀𝐍𝐆 𝐏𝐔𝐍𝐃𝐀𝐒𝐘𝐎𝐍 𝐍𝐆 𝐀𝐓𝐈𝐍𝐆 𝐏𝐀𝐍𝐀𝐍𝐀𝐋𝐀𝐏𝐈? 𝐇𝐀𝐋𝐈𝐊𝐀’𝐓 𝐀𝐓𝐈𝐍𝐆 𝐀𝐋𝐀𝐌𝐈𝐍! 🤔🪙

Noong ika-2 ng Mayo, 1903, isang makasaysayang hakbang ang isinagawa ng Kongreso ng Estados Unidos nang ipasa nila ang batas na nagtatatag ng opisyal na sistema ng pananalapi sa Pilipinas, ito ay ang “𝐏𝐡𝐢𝐥𝐢𝐩𝐩𝐢𝐧𝐞 𝐂𝐨𝐢𝐧𝐚𝐠𝐞 𝐒𝐲𝐬𝐭𝐞𝐦”. Ang layunin ng batas na ito ay ayusin ang magulong sistema ng palitan ng pera sa bansa at ipakilala ang "Philippine Peso" bilang opisyal na yunit ng salapi. Bago ito, iba’t ibang uri ng salapi ang umiikot sa bansa kaya nagdudulot ito ng kalituhan sa kalakalan at pang-araw-araw na transaksyon.

Sa bisa ng batas na ito, ipinakilala ang pamantayang Philippine peso na may tiyak na halaga at maaaring ipalit sa salaping Amerikano. Sa ilalim nito, ang isang piso ay itinakdang may halagang katumbas ng limampung sentimo ng dolyar ng Amerika ($0.50), na nagbigay ng katatagan sa ating ekonomiya at naging madali ang pakikipagkalakalan sa ibang bansa.

Ang sining at pagkakakilanlan ng bagong salapi ay ipinagkatiwala sa mahusay na Pilipinong iskultor at ukit na si 𝐆. 𝐌𝐞𝐥𝐞𝐜𝐢𝐨 𝐅𝐢𝐠𝐮𝐞𝐫𝐨𝐚. Siya ang nagdisenyo ng serye ng mga barya, ang piso, kalahat-piso, peseta, at centavo na naging tanyag dahil sa kanilang ganda at simbolismo. Noong taong 1903, mahigit 17 milyong dolyar ang halaga ng mga kaakit-akit na baryang ito ang dinala sa Pilipinas. Hindi lamang ito nanatili sa mga barya; ipinakilala rin ang mga "paper certificates" o papel na pera upang mas maging magaan at kumbinyente ang pagdadala ng malalaking halaga. Ang pinakagamiting papel na pera noon ay ang dalawang-piso, kung saan unang itinampok ang mukha ng ating pambansang bayani na si 𝐃𝐫. 𝐉𝐨𝐬𝐞 𝐑𝐢𝐳𝐚𝐥, isang pagkilala sa kanyang kadakilaan sa gitna ng bagong sistema ng pamamahala.

Itinuturing ang pagtatatag ng sistemang ito bilang isa sa mga pinakamalaking tagumpay ng gobyerno noong panahong iyon. Ang pangyayaring ito ay nagsilbing mahalagang hakbang sa paghubog ng sistemang pinansyal ng bansa. Mula sa mga barya at perang papel noon, nananatiling buhay hanggang ngayon ang piso bilang sagisag ng ating kasaysayan, pagkakakilanlan, at patuloy na pag-unlad bilang isang bansa

𝑺𝑼𝑴𝑼𝑺𝑼𝑳𝑶𝑵𝑮, 𝑺𝑼𝑴𝑰𝑺𝑰𝑩𝑶𝑳, 𝑨𝑹𝑨𝑳𝑰𝑵𝑮 𝑷𝑨𝑵𝑳𝑰𝑷𝑼𝑵𝑨𝑵!

🖼️: Mary Anthonytte Ignacio & Mary Lauren Abella
✍️: Ryza Jezel Dio

𝗨𝗥𝗜𝗡𝗚 𝗠𝗔𝗡𝗚𝗚𝗔𝗚𝗔𝗪𝗔, 𝗛𝗨𝗞𝗕𝗢𝗡𝗚 𝗠𝗔𝗣𝗔𝗚𝗣𝗔𝗟𝗔𝗬𝗔! 💼🔨

Sama-sama tayong humayo ngayong 𝐌𝐚𝐲𝐨 𝐔𝐧𝐨 at buong pusong gunitain ang 𝐀𝐫𝐚𝐰 𝐧𝐠 𝐦𝐠𝐚 𝐌𝐚𝐧𝐠𝐠𝐚𝐠𝐚𝐰𝐚𝐧𝐠 𝐏𝐢𝐥𝐢𝐩𝐢𝐧𝐨. Mula sa kalsada, sa mga pabrika, at sa iba’t ibang industriya—ating kasama at kahanay ang mga tunay na bayani ng masa. 🦸

Pagpupugay sa ating mga tsuper, nars, titser, sekyu, at sa lahat ng uring manggagawa—sila ang tunay na buhay at kaluluwa ng ating ekonomiya. Saludo kami sa inyong tapat na serbisyo! 💯

Kaya’t bilang mga susunod na G**o ng Araling Panlipunan, tungkulin nating maunawaan at maipaglaban ang karapatan ng ating uring manggagawa. Halina’t magkaisa sa pakikibaka para sa kanilang pantay-pantay na kalayaan, laban sa mapanupil na sistemang burukrata at kapitalista na patuloy na yumuyurak sa dignidad ng kanilang paggawa. 🔥

Sumulong at sumibol sa isang lipunang tunay na mapagpalaya at makatarungan para sa uring manggagawa! 🕊️

𝑺𝑼𝑴𝑼𝑺𝑼𝑳𝑶𝑵𝑮, 𝑺𝑼𝑴𝑰𝑺𝑰𝑩𝑶𝑳, 𝑨𝑹𝑨𝑳𝑰𝑵𝑮 𝑷𝑨𝑵𝑳𝑰𝑷𝑼𝑵𝑨𝑵!

🖼️: Alyanna Romina Santos
✍️: Stacey Kimberly Adriano

𝐂𝐀𝐋𝐋 𝐅𝐎𝐑 𝐌𝐎𝐍𝐄𝐓𝐀𝐑𝐘 𝐃𝐎𝐍𝐀𝐓𝐈𝐎𝐍𝐒 👐🏻

In light of a recent house fire that deeply affected one of our fellow students from the program, Ms. Arnela Mallari, we humbly appeal to your generosity for financial assistance to help them and their family begin rebuilding what was lost. 🤲

Any amount, no matter how small, will go a long way in providing immediate support during this difficult time. Your kindness, compassion, and solidarity as a community can make a meaningful difference. 😇

For those who wish to extend help, kindly send your donations through the channel indicated below. We also ask everyone to keep our fellow student and their family in your thoughts. 🙏

GCASH
Arnel Jr. M.
09266279094

MARIBANK
Arnel Jr. M.
15011680358

𝘽𝘼𝙆𝘼𝙎: 𝘽𝙖𝙮𝙖𝙣, 𝘼𝙧𝙖𝙡, 𝙆𝙖𝙨𝙖𝙮𝙨𝙖𝙮𝙖𝙣, 𝘼𝙩 𝙎𝙖𝙡𝙖𝙮𝙨𝙖𝙮 — 𝙋𝙖𝙜𝙡𝙖𝙡𝙖𝙠𝙗𝙖𝙮 𝙨𝙖 𝘼𝙩𝙞𝙣𝙜 𝙉𝙖𝙠𝙖𝙧𝙖𝙖𝙣

𝐊𝐚𝐛𝐚𝐧𝐚𝐭𝐚 𝟑𝟗: 𝐀𝐧𝐠 𝐏𝐚𝐠𝐝𝐚𝐭𝐢𝐧𝐠 𝐧𝐢 𝐉𝐨𝐚𝐧 𝐨𝐟 𝐀𝐫𝐜 ✝️⛪

Ipinanganak bandang 1412, tinawag ni Joan ang kanyang sarili bilang “Joan the Maiden” (Jehanne la Pucelle), at kalaunan ay nakilala bilang “The Maid of Orléans.” Sa panahon ng Lancastrian phase ng Hundred Years’ War, ang kanyang pambihirang tapang at matibay na paniniwala ay nagluklok sa kanya bilang isang bayaning pambansa ng France. Nagmula si Joan sa isang pamilyang magsasaka, anak nina Jacques d’Arc at Isabelle Romée, sa maliit na nayon ng Domrémy sa hilagang-silangang France. Nagmula ang kaniyang paglalakbay mula sa malalim na pananampalataya at payak na pamumuhay. Noong 1428, sa edad na humigit-kumulang 17, nagtungo siya sa Vaucouleurs upang humiling ng armadong eskorta patungo kay Charles VII, ang dauphin at hindi pa nakokoronahang hari ng France. Ang kanyang paninindigan ay nakaugat sa mga diumano’y pangitain at tinig na banal, na ayon sa kanya ay nagmula kina San Miguel Arkanghel, Santa Margarita, at Santa Catalina, na nag-atas sa kanyang tulungan si Charles VII at palayain ang France mula sa pamamayani ng England. Bagama’t dalawang beses siyang tinanggihan, sa huli ay napapayag niya si Robert de Baudricourt, ang kumandante ng garison, na bigyan siya ng eskorta patungong Chinon.

Ang kanyang pagdating sa Orléans ay nagbunga ng agarang pagbabago. Sa loob lamang ng siyam na araw, napukaw ni Joan ang diwa ng mga sundalong Pranses at napawi ang pagkubkob — isang tagumpay na lubhang nagbago sa direksiyon ng digmaan. Sinundan ito ng kanyang mahalagang papel sa Loire Campaign, na nagwakas sa tagumpay ng France laban sa England sa Battle of Patay. Dahil sa mga tagumpay na ito, nagmartsa ang hukbong Pranses patungong Reims, kung saan noong Hulyo 17, 1429, pormal na kinoronahan si Charles VII bilang Hari ng France sa Reims Cathedral, kasama si Joan sa kanyang tabi. Gayundin, ang Siege of Orléans, na tumagal mula Oktubre 12, 1428 hanggang Mayo 8, 1429, ay itinuturing na isang mahalagang punto ng pagbabago sa Hundred Years’ War. Ito ang unang malaking tagumpay ng hukbong Pranses matapos ang mapaminsalang pagkatalo sa Battle of Agincourt. Naniniwala ang marami noong panahong iyon na kung bumagsak ang Orléans, matutupad sana ni John of Lancaster ang ambisyon ng kanyang kapatid na si Henry V na sakupin ang buong France. Subalit sa pagdating ni Joan, ang tila tiyak na tagumpay ng England ay biglang gumuho.

Gayunpaman, noong Mayo 1430, muling humawak ng armas si Joan upang tulungan ang Compiègne, ngunit siya ay nabihag ng mga Burgundian noong Mayo 23 at kalauna’y ibinigay sa mga Ingles. Upang pahinain ang lehitimasyon ni Charles VII, isinailalim siya sa isang pulitikal na paglilitis sa pamumuno ni Pierre Cauchon, at inakusahan ng erehiya. Sa kabila ng malinaw na mga iregularidad sa proseso, siya ay hinatulan at sinunog sa tulos sa Rouen noong Mayo 30, 1431, sa edad na humigit-kumulang 19. Noong 1456, sa pahintulot ni Pope Callixtus III, muling sinuri ang kaso ni Joan. Natuklasan ang pandaraya at maling pamamaraan sa unang paglilitis, kaya’t pinawalang-bisa ang hatol at nilinis ang kanyang pangalan. Mula noon, siya ay pinarangalan bilang martir, at pagkaraan ng Rebolusyong Pranses ay naging makapangyarihang simbolo ng nasyonalismo at pananampalataya ng France. Siya ay beatified noong 1909, canonized noong 1920, at idineklarang ikalawang patrona ng France noong 1922.

𝑺𝑼𝑴𝑼𝑺𝑼𝑳𝑶𝑵𝑮, 𝑺𝑼𝑴𝑰𝑺𝑰𝑩𝑶𝑳, 𝑨𝑹𝑨𝑳𝑰𝑵𝑮 𝑷𝑨𝑵𝑳𝑰𝑷𝑼𝑵𝑨𝑵!

🖼️: Kyla Mariz De Rama & Raniel Manansala
✍️: Asher Jade Baroja

𝗠𝗔𝗟𝗜𝗚𝗔𝗬𝗔𝗡𝗚 𝗞𝗔𝗔𝗥𝗔𝗪𝗔𝗡 𝗦𝗔 𝗔𝗧𝗜𝗡𝗚 𝗗𝗦𝗘𝗗 𝗖𝗛𝗔𝗜𝗥𝗣𝗘𝗥𝗦𝗢𝗡, 𝗗𝗥. 𝗗𝗔𝗜𝗭𝗬𝗟𝗬𝗡 𝗣𝗔𝗟𝗜𝗟𝗟𝗢! 🎂🎉

Ngayong araw, ipinagdiriwang namin hindi lamang ang inyong kaarawan, kundi pati na rin ang inyong walang sawang dedikasyon at makabuluhang pamumuno bilang Chairperson ng Department of Secondary Education.

Ang PUP Social Studies Guild ay taos-pusong nagpapasalamat sa inyong gabay, suporta, at patuloy na paninindigan para sa kahusayan sa edukasyon. Maraming salamat sa pagiging inspirasyon sa amin—sa paniniwala sa kakayahan ng bawat estudyante at sa patuloy ninyong paghubog sa amin bilang mga magiging g**o sa hinaharap.

Nawa’y mapuno ang araw na ito ng kagalakan, pasasalamat, at pagkilala sa inyong mga kontribusyon. Hinihiling namin ang inyong patuloy na kalusugan, tagumpay, at mas marami pang taon ng makabuluhang paglilingkod sa larangan ng edukasyon.

Muli, maligayang kaarawan po, Ma’am! 💙✨

𝑺𝑼𝑴𝑼𝑺𝑼𝑳𝑶𝑵𝑮, 𝑺𝑼𝑴𝑰𝑺𝑰𝑩𝑶𝑳, 𝑨𝑹𝑨𝑳𝑰𝑵𝑮 𝑷𝑨𝑵𝑳𝑰𝑷𝑼𝑵𝑨𝑵!

🖼️: Mary Lauren Abella
✍️: Kurt Morales

𝗣𝗔𝗚-𝗔𝗟𝗔𝗟𝗔 𝗦𝗔 𝗞𝗥𝗨𝗦 𝗡𝗚 𝗞𝗔𝗦𝗔𝗬𝗦𝗔𝗬𝗔𝗡: 𝗠𝗔𝗚𝗘𝗟𝗟𝗔𝗡’𝗦 𝗖𝗥𝗢𝗦𝗦 𝗔𝗧 𝗔𝗡𝗚 𝗣𝗔𝗚𝗛𝗨𝗕𝗢𝗚 𝗡𝗚 𝗣𝗔𝗚𝗞𝗔𝗞𝗔𝗞𝗜𝗟𝗔𝗡𝗟𝗔𝗡𝗚 𝗣𝗜𝗟𝗜𝗣𝗜𝗡𝗢 🇵🇭

Ang kasaysayan ay hindi lamang binabasa—ito ay inaalala, inuunawa, at pinahahalagahan. Isa sa mga pinakamahalagang sagisag ng ating nakaraan ay ang 𝗠𝗮𝗴𝗲𝗹𝗹𝗮𝗻’𝘀 𝗖𝗿𝗼𝘀𝘀—isang tahimik ngunit makapangyarihang saksi sa pag-usbong ng bagong yugto sa kasaysayan ng Pilipinas. Sa bawat paggunita rito, nabibigyang-buhay ang mga pangyayaring humubog sa ating pambansang pagkakakilanlan.

Itinayo noong 1521 sa pangunguna ni Ferdinand Magellan, ang krus ay nagsisilbing tanda ng pagdating ng Kristiyanismo sa kapuluan. Para sa ilan, ito ay sumisimbolo ng pananampalataya at espiritwal na pagbabagong nagbigay direksyon sa buhay ng maraming Pilipino. Gayunpaman, hindi rin maikakaila na ito ay konektado sa pagsisimula ng kolonyal na impluwensiya na nagdulot ng malalim na pagbabago sa ating kultura at lipunan.

Sa pag-alala nito, mahalagang lampasan ang simpleng pagtingin dito bilang isang makasaysayang landmark. Ito ay nagsisilbing paanyaya upang suriin ang masalimuot na ugnayan ng relihiyon, kapangyarihan, at kolonyalismo. Sa ganitong paraan, mas nagiging makabuluhan ang pag-unawa sa ating kasaysayan hindi lamang bilang tala ng nakaraan kundi bilang aral na patuloy na humuhubog sa kasalukuyan.

𝑺𝑼𝑴𝑼𝑺𝑼𝑳𝑶𝑵𝑮, 𝑺𝑼𝑴𝑰𝑺𝑰𝑩𝑶𝑳, 𝑨𝑹𝑨𝑳𝑰𝑵𝑮 𝑷𝑨𝑵𝑳𝑰𝑷𝑼𝑵𝑨𝑵!

🖼️: Poga Tenorio Reyes
✍️: Kurt Morales