19/01/2026
๐๐๐๐๐๐๐๐๐ ๐๐๐๐ ๐๐ ๐๐๐๐๐๐๐ ๐๐๐
Ang Sentro para sa Malikhaing Pagsulat at Opisina para sa Publikasyong Pampananaliksik ng Politeknikong Unibersidad ng Pilipinas ay kasalukuyan nang tumatanggap ng mga malikhaing akda at mga pananaliksik pampanitikan para sa ika-12 isang bolyum ng ENTRADA para sa taong 2026.
Ang ENTRADA ay ang natatanging pampanitikang journal ng Politeknikong Unibersidad ng Pilipinas na nagsimulang makapaglathala noong 2014. Lunan at tagpuan ang ito para sa mga bago at batikang manunulat at mananaliksik upang hamunin ang mga posibilidad ng kaalaman, pagkatha at pagkamalikhain. Dumadaan ang mga akdang isinumite sa paunang pagtatasa ng lupon ng mga editor at sa masusing proseso ng โdouble blind refereeingโ na kinabibilangan ng mga respetadong iskolar at manunulat sa loob at labas ng bansa.
Walang kaukulang tema ang bolyum na ilalabas ng ENTRADA ngayong taon. Bukas ito sa anumang mga paksain at usapin. Gayunman, tinatanganan ng ENTRADA ang pagpapasulpot ng mga akda at pananaliksik na may matalas na kamalayang panlipunan kasabay ng makabuluhan at masining na pamamaraan ng pag-aakda.
Sa pagkakataon na maisama ang mga malikhaing akda/pananaliksik para sa kasalukuyang bolyum, may karapatan ang mga editor na i-edit ang lahat ng materyales na tinatanggap para sa publikasyon. Upang mapaghusay ang nilalaman ng dyornal, ang mga editor ay maaari ring manghingi o magkomisyon ng mga espesyal, non-refereed na mga malikhaing akda/pananaliksik para sa publikasyon sa labas ng mga nabanggit na genre at kategorya.
MGA PANUNTUNAN
1. Tumatanggap ang ENTRADA ng mga akda na nakasulat sa Filipino at Ingles, gayundin ng mga akdang nakasulat sa mga rehiyunal na wika na may kalakip na salin sa Filipino o Ingles.
2. Ang mga sumusunod na genre ay tinatanggap ng ENTRADA bagamat hindi nakakulong o limitado lamang sa mga ito. Maaaring magpasa ng mga akdang sumusubok o lumalampas sa kategorisasyon ng mga sumusunod:
โข ๐๐ข๐ช๐ฌ๐ญ๐ช๐ฏ๐จ ๐๐ถ๐ธ๐ฆ๐ฏ๐ต๐ฐ
โข ๐๐ข๐จ๐ญ๐ช (๐ต๐ข๐ต๐ญ๐ฐ ๐ฉ๐ข๐ฏ๐จ๐จ๐ข๐ฏ๐จ ๐ญ๐ช๐ฎ๐ข)
โข ๐๐ข๐ญ๐ช๐ฌ๐ฉ๐ข๐ช๐ฏ๐จ ๐ด๐ข๐ฏ๐ข๐บ๐ด๐ข๐บ (๐ฑ๐ฆ๐ณ๐ด๐ฐ๐ฏ๐ข๐ญ ๐ฏ๐ข ๐ด๐ข๐ฏ๐ข๐บ๐ด๐ข๐บ, ๐ฎ๐ฆ๐ฎ๐ฐ๐ช๐ณ ๐ฐ ๐ฎ๐จ๐ข ๐ฌ๐ข๐ต๐ถ๐ญ๐ข๐ฅ)
โข ๐๐ด๐ข๐ฏ๐จ ๐ฎ๐ข๐ฉ๐ข๐ฃ๐ข๐ฏ๐จ ๐ต๐ถ๐ญ๐ข ๐ฐ ๐ฌ๐ฐ๐ญ๐ฆ๐ฌ๐ด๐บ๐ฐ๐ฏ ๐ฏ๐จ ๐ต๐ถ๐ญ๐ข (๐ต๐ข๐ต๐ญ๐ฐ ๐ฉ๐ข๐ฏ๐จ๐จ๐ข๐ฏ๐จ ๐ญ๐ช๐ฎ๐ข)
โข ๐๐ข๐ฉ๐ข๐จ๐ช ๐ฐ ๐ต๐ด๐ข๐ฑ๐ต๐ฆ๐ณ ๐ฎ๐ถ๐ญ๐ข ๐ด๐ข ๐ช๐ด๐ข๐ฏ๐จ ๐จ๐ณ๐ข๐ฑ๐ช๐ฌ๐ฐ๐ฏ๐จ ๐ฏ๐ฐ๐ฃ๐ฆ๐ญ๐ข, ๐ฐ ๐ช๐ด๐ข๐ฏ๐จ ๐ฃ๐ถ๐ฐ๐ฏ๐จ ๐จ๐ณ๐ข๐ฑ๐ฉ๐ช๐ค ๐ด๐ฉ๐ฐ๐ณ๐ต ๐ด๐ต๐ฐ๐ณ๐บ
โข ๐๐ข๐ฉ๐ข๐จ๐ช ๐ฐ ๐ต๐ด๐ข๐ฑ๐ต๐ฆ๐ณ ๐ฏ๐จ ๐ช๐ด๐ข๐ฏ๐จ ๐ฃ๐ช๐ฏ๐ถ๐ฃ๐ถ๐ฐ๐ฏ๐จ ๐ฏ๐ฐ๐ฃ๐ฆ๐ญ๐ข
โข ๐๐ถ๐ญ๐ข ๐ฏ๐ข ๐ฎ๐ข๐บ ๐ช๐ด๐ข๐ฏ๐จ ๐บ๐ถ๐จ๐ต๐ฐ
โข ๐๐ณ๐ช๐ต๐ช๐ฌ๐ข๐ญ ๐ฏ๐ข ๐ฑ๐ข๐ฏ๐ข๐ฏ๐ข๐ญ๐ช๐ฌ๐ด๐ช๐ฌ ๐ถ๐ฌ๐ฐ๐ญ ๐ด๐ข ๐ฑ๐ข๐ฏ๐ช๐ต๐ช๐ฌ๐ข๐ฏ ๐ข๐ต/๐ฐ ๐ฎ๐ข๐ญ๐ช๐ฌ๐ฉ๐ข๐ช๐ฏ๐จ ๐ฑ๐ข๐จ๐ด๐ถ๐ญ๐ข๐ต
โข ๐๐ฏ๐ถ๐ฎ๐ข๐ฏ๐จ ๐ฉ๐บ๐ฃ๐ณ๐ช๐ฅ/๐ฆ๐ฌ๐ด๐ฑ๐ฆ๐ณ๐ช๐ฎ๐ฆ๐ฏ๐ต๐ข๐ญ ๐ฏ๐ข ๐ข๐ฌ๐ฅ๐ข ๐ฏ๐ข ๐ฉ๐ถ๐ฎ๐ข๐ฉ๐ข๐ฎ๐ฐ๐ฏ ๐ด๐ข ๐ข๐ฏ๐บ๐ฐ/๐ฏ๐ช๐ญ๐ข๐ญ๐ข๐ฎ๐ข๐ฏ
3. Ang maikling kuwento, malikhaing sanaysay, dula at tsapter ng nobela ay naglalaman ng 15 hanggang 25 pahina; ang bawat dagli ay naglalaman ng 3 hanggang 5 pahina, o ng kabuuang 15 hanggang 25 pahina ng buong koleksyon; 3 hanggang 5 tula o isang mahabang tula (hindi kahingian ang double spaced); lahat ay titipahin sa 8.5x11 na sukat ng papel, isang pulgadang margin sa lahat ng gilid, double spaced, 12 font size at maaaring nasa Times New Roman o Arial.
4. Sa bahagi ng grapikong nobela, hinihikayat na maglakip ng 250 hanggang 500 salitang sinopsis ng kabuuang grapikong nobela.
5. Ang kritikal na pananaliksik ay naglalaman ng 15 hanggang 25 pahina, sa 8.5x11 na sukat ng papel, isang pulgadang margin sa lahat ng gilid, double spaced, 12 font size at maaaring nasa Times New Roman o Arial at gumagamit ng MLA Citation (9th Edition). Lakipan din ito ng abstrak na may salin sa Ingles (300-500 na salita) at limang susing salita.
6. Lahat ng mga ipapasang malikhaing akda ay kinakailangang lakipan ng 3 hanggang 5 pahinang poetika na nagpapaliwanag sa proseso/inspirasyon/kumplikasyon at iba pang usapin kaugnay ng ipinasang akda.
7. Lahat ng ipapasang malikhaing akda at pananaliksik ay kinakailangang orihinal at hindi pa naipapasa at nailalathala sa alinmang publikasyon. Tuon ng ENTRADA ang pagpapanatili at pagtataguyod ng pinakamataas na pamantayang etikal sa malikhaing akda, pananaliksik, at sa akademikong publikasyon.
8. Lakip ng ipapasang malikhaing akda at pananaliksik ang pormularyo at katunayan ng orihinalidad gayundin ng maikling pagpapakilala sa sarili (bionote) na hindi hihigit sa limang pangungusap. Maaaring makuha rito ang pormularyo at katunayan ng orihinalidad: https://tinyurl.com/nhh26xu8
9. Ipasa ang mga akda sa [email protected] gamit ang mga sumusunod na subject: [Wika], [Genre], [Pamagat], [Apelyido ng may-akda]. Halimbawa: Filipino, Maikling Kuwento, Isang Araw, Dela Cruz. Ang mga ipapasang attachment ay kailangang nasa file format na .doc o .docx lamang.
10. Ang huling araw ng pagpapasa ay Marso 31, 2026.
Para sa karagdagang mga tanong, maaaring makipag-ugnayan sa [email protected]. Maaari ring silipin at basahin ang mga naunang bolyum ng Entrada dito: https://ejournals.ph/issue.php?id=1521 / publishing.pup.edu.ph/ojs/index.php/ENTRD/index /
