DAMLAY PUP Sta.Mesa

𝑰𝒏𝒕𝒓𝒐𝒅𝒖𝒄𝒊𝒏𝒈 𝒐𝒖𝒓 𝒏𝒆𝒘𝒍𝒚-𝒂𝒑𝒑𝒐𝒊𝒏𝒕𝒆𝒅 𝑩𝑬𝑺𝑻 𝑺𝒐𝒄𝒊𝒆𝒕𝒚 𝑷𝒓𝒐𝒈𝒓𝒂𝒎 𝑹𝒆𝒑𝒓𝒆𝒔𝒆𝒏𝒕𝒂𝒕𝒊𝒗𝒆𝒔! ✨

The Bachelor of Elementary and Secondary Teaching Society proudly presents the 𝙋𝙧𝙤𝙜𝙧𝙖𝙢 𝙍𝙚𝙥𝙧𝙚𝙨𝙚𝙣𝙩𝙖𝙩𝙞𝙫𝙚𝙨 of our organization from the Department of Early Childhood and Elementary Education and the Department of Secondary Education.

They are the student leaders who are entrusted to serve as the voice of their respective programs by bridging effective communication, fosters collaboration within the college, and ensuring that the needs and concerns of every student are heard and represented within the organization.

As they begin their journey with BEST Society, may they be guided by integrity, commitment and genuine representation for service. We look forward to working together in strengthening our organization and creating a more connected and empowered college! 🏫

Welcome aboard, 𝐁𝐄𝐒𝐓𝐢𝐞𝐬! 🌠

𝗕𝗮𝗸𝗮𝘀 𝗻𝗴 𝗗𝘂𝗴𝗼 𝗮𝘁 𝗣𝗮𝘄𝗶𝘀, 𝗞𝗮𝗹𝗮𝘆𝗮𝗮𝗻𝗴 𝗧𝗶𝗻𝘂𝗯𝘂𝗮𝗻 𝗻𝗴 𝗕𝗮𝗴𝘄𝗶𝘀

Ngayong ika-9 ng Abril, taos-puso nating ginugunita ang Araw ng Kagitingan o ang pagbagsak ng Bataan noong 1942 dulot ng Ikalawang Digmaang Pandaigdig. Sa pamamagitan ng temang “Giting ng Bayani, Pamana sa Salinlahi,” binibigyang-diin nito ang kahalagahan ng pag-alala at pagbabahagi ng mga kuwento ng mga bayaning nagtanggol sa bansa (Pilipino at Amerikanong Sundalo) upang ang kanilang prinsipyo, pagmamahal sa bayan, katapangan, katatagan, at paglilingkod ay patuloy na magsilbing inspirasyon sa mga Pilipino sa kasalukuyan hanggang sa susunod na henerasyon.

Ipinagdiriwang natin ang ika-84 na anibersaryo ng makasaysayang araw na ito. Taas-noong ipinagmamalaki, kinikilala, at pinararangalan ang kanilang sakripisyo. Hindi sumuko at nagpatinag sa uhaw, gutom, karamdaman, init, at pagmamaltratong naranasan sa kamay ng mga Hapon. Patunay lamang ito na kahit gaano man kadilim ang landas na tinatahak, mayroon pa ring liwanag at pag-asang maaaninag.

Bilang mga mag-aaral na magsisilbing g**o sa hinaharap, tungkulin nating isulong at itaguyod ang pag-alala sa kanilang kabayanihan. Hindi lang dapat ito manatiling isang aralin sa loob ng aklat ng kasaysayan, bagkus maging instrumento tungo sa paghubog ng diwa at kamalayang panlipunan na nagtataguyod sa makabayang oryentasyon ng pambansang identidad at pagkakakilanlan.

𝐌𝐚𝐥𝐢𝐠𝐚𝐲𝐚𝐧𝐠 𝐊𝐚𝐚𝐚𝐫𝐚𝐰𝐚𝐧 𝐬𝐚 𝐈𝐧𝐠𝐚𝐭-𝐘𝐚𝐦𝐚𝐧 𝐧𝐠 𝐃𝐀𝐌𝐋𝐀𝐘, 𝐁𝐛. 𝐈𝐫𝐢𝐬 𝐑𝐞𝐢𝐧 𝐒𝐚𝐭𝐢𝐫𝐚!

Sabay-sabay nating batiin ng isang masayang kaarawan ang ating resident kulog sa gitna ng ulan, ang isa sa mga creative genius at Ingat-Yaman ng DAMLAY PUP Sta. Mesa, Bb. Rein Satira!

Rein, sa panibagong taon ng iyong buhay, nawa’y lalo pang bumuhos ang saya, pagkamalikhain, at mga biyaya sa’yo. Huwag mong hayaang matuyuan ang punla ng iyong talento—patuloy mo itong diligan ng sipag, inspirasyon, at pagmamahal, gaya ng ginagawa mong pagbibigay-buhay sa ating mga proyekto.

Mula sa iyong mga ka-DAMLAY, maligayang kaarawan sa’yo, Rein! Huwag kang magsawang magdala ng liwanag at ligaya kahit sa pinaka-stress na araw!

𝗟𝗶𝗻𝗴𝗴𝗼 𝗻𝗴 𝗠𝘂𝗹𝗶𝗻𝗴 𝗣𝗮𝗴𝗸𝗮𝗯𝘂𝗵𝗮𝘆

Sa pagtatapos ng Araw ng Semana Santa, ipinagdiriwang natin ang tagumpay ng pag-ibig na hindi kailanman magwawakas, ang Kan'yang Muling Pagkabuhay. Nawa’y magsilbi itong paalala na anumang hirap o pagsubok ang ating pinagdaanan, may bagong umaga at panibagong simula na naghihintay sa atin.

Sa araw na ito, buksan natin ang ating puso sa kagalakan at liwanag na hatid ng Kan'yang muling pagkabuhay. Ibahagi natin ang pag-asa sa iba sa pamamagitan ng kabutihan, pagmamahal, at pananampalatayang buhay na buhay sa ating mga gawa. Sapagkat sa bawat pagtatapos ay may bagong simula at sa bawat dilim ay may liwanag na sisikat.

Panginoon, salamat sa biyaya ng bagong buhay at pag-asa. Nawa’y maging ilaw kami sa iba at tagapaghatid ng Iyong pagmamahal araw-araw. Amen.

𝗦𝗮𝗯𝗮𝗱𝗼 𝗱𝗲 𝗚𝗹𝗼𝗿𝗶𝗮

Sa araw ng pananahimik at taimtim na paghihintay, tayo ay inaanyayahang magtiwala sa pangako ng muling pagkabuhay. Bagama’t madilim at walang katiyakan ang ating paligid, ang araw na ito ay paalala na ang liwanag ay darating sa tamang panahon. Ito ang sandali ng pag-asa—ang panahong hinuhubog ang ating pananampalataya upang manatiling matatag kahit hindi pa natin nakikita ang katuparan.

Nawa’y gamitin natin ang araw na ito upang magmuni-muni, magpatawad, at maghanda ng puso para sa bagong simula na hatid ng muling pagkabuhay.

Panginoon, punuin Mo ang aming puso ng pag-asa at tibay ng pananampalataya habang hinihintay namin ang Iyong liwanag. Amen.

𝗕𝗶𝘆𝗲𝗿𝗻𝗲𝘀 𝗦𝗮𝗻𝘁𝗼

Sa araw na ito ng katahimikan at malalim na pagninilay, ginugunita natin ang pinakadakilang sakripisyo—ang pag-aalay ng buhay alang-alang sa ating kaligtasan. Ito ang araw ng pagharap sa sakit, paghihirap, at pagdurusa, ngunit kasabay nito ay ang paalala na ang tunay na pag-ibig ay handang magsakripisyo para sa iba.

Nawa’y magsilbi itong hamon sa atin na magpatawad, magpakumbaba, at yakapin ang ating sariling krus nang may pananampalataya. Sa bawat luha at pagsubok na ating nararanasan, alalahanin nating hindi tayo nag-iisa na may pag-ibig na handang umakay at magligtas sa atin.

Panginoon, palakasin Mo ang aming loob sa gitna ng aming mga pagsubok at turuan Mo kaming magpatawad tulad ng Iyong pagpapatawad. Amen.

𝐌𝐚𝐥𝐢𝐠𝐚𝐲𝐚𝐧𝐠 𝐊𝐚𝐚𝐫𝐚𝐰𝐚𝐧 𝐬𝐚 𝐌𝐚𝐬𝐢𝐩𝐚𝐠 𝐧𝐚 𝐃𝐢𝐫𝐞𝐤𝐭𝐨𝐫 𝐧𝐠 𝐁𝐚𝐥𝐢𝐭𝐚𝐧𝐠 𝐃𝐀𝐌𝐋𝐀𝐘, 𝐏𝐚𝐮𝐥𝐚 𝐉𝐚𝐧𝐞 𝐒𝐚𝐫𝐦𝐢𝐞𝐧𝐭𝐨!

Simula pa lamang, dama na namin ang iyong hindi matatawarang dedikasyon at malinaw na hangarin para sa samahan. Saksi kami sa iyong pagpaplano, ideya, at pangunguna sa mga proyektong puno ng kahulugan na nagbibigay-buhay sa ating programa.

Nakikita namin ang iyong potensyal na maglingkod—hindi lamang sa loob ng pamantasan kundi maging sa labas nito. Saludo kami sa iyong walang pag-aalinlangang pagtanggap sa mga hamon at tungkulin. Nawa’y patuloy na magningas ang iyong pagmamahal sa ginagawa mo—hanggang sa mga susunod mong taon sa kolehiyo.

Ngayong araw at sa mga susunod pa, nawa’y mapuno ang iyong buhay ng biyaya, saya, tagumpay, at maraming pagkakataon. Muli, maligayang kaarawan, Pau!

"𝑺𝒂𝒑𝒂𝒈𝒌𝒂𝒕 𝒂𝒏𝒈 𝒎𝒖𝒏𝒅𝒐’𝒚 𝒃𝒂𝒚𝒂𝒏 𝒏𝒈 𝒉𝒊𝒏𝒂𝒈𝒑𝒊𝒔, 𝒎𝒂𝒎𝒂𝒎𝒂𝒚𝒂’𝒚 𝒔𝒖𝒌𝒂𝒕 𝒕𝒊𝒃𝒂𝒚𝒂𝒏 𝒏𝒈 𝒅𝒊𝒃𝒅𝒊𝒃."
‎
‎Ngayong ika-2 ng Abril, ating ginugunita ang ika-238 na anibersaryo ng kapanganakan ni Francisco "Balagtas" Baltazar, ang kinikilalang “Prinsipe ng Panulaang Tagalog.” Sa kanyang mga akda, ipinakita niya na ang panitikan ay hindi lamang pagpapahayag ng damdamin, kundi pagsisiwalat ng katotohanan sa lipunan. Sa pamamagitan ng matatalim na talinghaga at makapangyarihang pananalita, naipinta niya ang anyo ng pang-aapi at kawalan ng katarungan sa panahon ng kanyang kinabibilangan upang imulat ang sambayanan sa nangyayari sa lipunan—mga reyalidad na patuloy pa ring umiiral at dapat harapin.
‎
‎Higit pa sa pagiging makata, si Balagtas ay naging tinig ng paninindigan. Ang kanyang mga isinulat ay nagsilbing paalala na ang wika at literatura ay may kapangyarihang magpagising, magmulat, at magbigay-lakas sa bayan. Sa paggunita sa kanyang buhay, nawa’y ipagpatuloy natin ang kanyang diwa—ang magsalita, magsulat, at manindigan para sa tama at makatarungan.

𝗛𝘂𝘄𝗲𝗯𝗲𝘀 𝗦𝗮𝗻𝘁𝗼

Sa ating paggunita sa Huwebes Santo, inaanyayahan tayong pagnilayan ang halimbawa ng kababaang-loob at wagas na paglilingkod. Ito ang araw na nagpapaalala sa atin na ang tunay na pagmamahal ay nasusukat hindi sa salita kundi sa gawa—sa mga simpleng sakripisyong iniaalay natin para sa kapwa.

Nawa’y matutunan nating ibaba ang ating sarili upang maitaas ang iba, at magmahal nang walang hinihinging kapalit, tulad ng Kan'yang ipinamalas. Sa gitna ng ating abalang buhay, maglaan tayo ng sandali upang manahimik, magnilay, at muling ituon ang ating puso sa paglilingkod na may malasakit at kabutihan.

Panginoon, turuan Mo kaming maglingkod nang may kababaang-loob at magmahal nang tapat at wagas. Amen.

𝐏𝐚𝐧𝐢𝐭𝐢𝐤𝐚𝐧? 𝐁𝐞𝐤ë𝐭 𝐏𝐚𝐧𝐢𝐭𝐢𝐤𝐚𝐧!

Handa ka bang maglaho ang panitikan sa mundo? Ang sagot ay dapat hindi, dahil sa bawat pahina ng panitikan ay nakaukit ang ating pagkakakilanlan, kasaysayan, at kolektibong alaala bilang isang bayan. Ito ang nagsisilbing tulay ng nakaraan at kasalukuyan, at gabay tungo sa mas malalim na pag-unawa sa ating sarili at sa mundong ating ginagalawan. Kung mawawala ang panitikan, tila na rin nating pinawi ang tinig ng ating mga ninuno at ang diwa ng ating pagka-Filipino.

Ngayong Abril ay ipinagdiriwang ang Pambansang Buwan ng Panitikan alinsunod sa Proklamasyon Bilang 968 na nilagdaan noong 2015. Ngayong taon, tampok ang temang “Bekët Panitikan: Panitikan ng Katwiran at Kalikasan.” Hango ang “bekët” sa mga Agutaynën ng Palawan, na nangangahulugang pagkakaisa at pagbibigkis—isang paalala na ang panitikan ay hindi lamang likha ng iisang tinig, kundi bunga ng sama-samang karanasan, damdamin, at adhikain ng sambayanan.

Sa temang ito, higit na pinahahalagahan ang ugnayan ng panitikan sa katwiran at kalikasan—kung paanong ang mga akda ay nagiging daluyan ng kritikal na pag-iisip at kamalayang panlipunan, kasabay ng pagmulat sa kahalagahan ng pangangalaga sa ating kapaligiran. Sa bawat tula, kuwento, sanaysay, kanta, at pelikula ay naipapahayag ang mga hamon ng kasalukuyan at ang panawagan para sa pagkilos, pagkakaisa, at pagbabago.

Kaya naman, sa halip na hayaang maglaho ang panitikan, atin itong buhayin, payabungin, at ipaglaban. Sapagkat hangga’t may nagsusulat, nagbabasa, at nakikinig—mananatiling buhay ang panitikan, at kasama nito, ang diwa ng ating bayang sinilangan.