FEU BUMAFIL

#𝐈𝐂𝐘𝐌𝐈: Nagsimula ng ika-10 ng umaga ang programa ng Bukluran. Nagtipon ang mga mag-aaral mula sa iba’t ibang kurso upang makinig at matuto sa makabuluhang talakayan ni Binibining Shiela May Julianda.

𝐈𝐬𝐢𝐧𝐮𝐥𝐚𝐭 𝐧𝐢: Andrea Paula Menzies
𝐌𝐠𝐚 𝐤𝐮𝐡𝐚𝐧𝐠 𝐥𝐚𝐫𝐚𝐰𝐚𝐧 𝐧𝐢: Audie Rex Lazaga Jr.
𝐏𝐚𝐦𝐩𝐮𝐛𝐥𝐢𝐤𝐨𝐧𝐠 𝐦𝐚𝐭𝐞𝐫𝐲𝐚𝐥𝐞𝐬 𝐧𝐢: Emmanuel Quintela

𝐇𝐚𝐧𝐝𝐚 𝐧𝐚 𝐛𝐚 𝐤𝐚𝐲𝐨 𝐬𝐚 𝐊𝐚𝐩𝐚𝐧𝐠𝐲𝐚𝐫𝐢𝐡𝐚𝐧?

Sa pagtalakay ng katotohanan at kapangyarihan, makakasama natin ang mga indibidwal na magiging daluyan ng diskurso at kaalaman sa ating programa. Ipinakilala ng BUMAFIL ang tagapagsalita na nangunguna sa pagbubukas ng usapin hinggil sa kasaysayan ng 𝘗𝘩𝘪𝘭𝘪𝘱𝘱𝘪𝘯𝘦 𝘫𝘰𝘶𝘳𝘯𝘢𝘭𝘪𝘴𝘮 at sa kahalagahan ng 𝘱𝘳𝘦𝘴𝘴 𝘧𝘳𝘦𝘦𝘥𝘰𝘮.

Samahan niyo kami kasama ang tagapag-daloy na si Niezha Aton, at pakinggan ang makabuluhang talakayan ni Mx. Shiela May Julianda, isang graduate mula sa University of the Philippines Los Baños at kasalukuyang propesor sa Far Eastern University. Sa kanyang malawak na karanasan sa pagtuturo at pakikibahagi sa mga usaping panlipunan, inaasahan ang isang diskursong pagpapalalim ng pag-unawa at pagpapalawak ng kamalayan hinggil sa papel ng midya at katotohanan sa ating lipunan.

𝐒𝐚𝐦𝐚𝐡𝐚𝐧 𝐧𝐲𝐨 𝐤𝐚𝐦𝐢 𝐚𝐭 𝐦𝐚𝐤𝐢𝐥𝐚𝐡𝐨𝐤, 𝐦𝐚𝐤𝐢𝐧𝐢𝐠, 𝐚𝐭 𝐦𝐚𝐠𝐢𝐧𝐠 𝐦𝐚𝐩𝐚𝐧𝐮𝐫𝐢. 𝐒𝐚𝐩𝐚𝐠𝐤𝐚𝐭, 𝐚𝐧𝐠 𝐤𝐚𝐭𝐨𝐭𝐨𝐡𝐚𝐧𝐚𝐧 𝐚𝐲 𝐡𝐢𝐧𝐝𝐢 𝐥𝐚𝐦𝐚𝐧𝐠 𝐭𝐢𝐧𝐚𝐭𝐚𝐧𝐠𝐠𝐚𝐩, 𝐢𝐭𝐨 𝐚𝐲 𝐢𝐩𝐢𝐧𝐚𝐠𝐥𝐚𝐥𝐚𝐛𝐚𝐧.

𝐈𝐬𝐢𝐧𝐮𝐥𝐚𝐭 𝐧𝐢: Selina Kyle Menor
𝐏𝐚𝐦𝐩𝐮𝐛𝐥𝐢𝐤𝐨𝐧𝐠 𝐌𝐚𝐭𝐞𝐫𝐲𝐚𝐥𝐞𝐬 𝐧𝐢: Emmanuel Quintela

𝐊𝐚𝐥𝐚𝐲𝐚𝐚𝐧 𝐧𝐠 𝐌𝐢𝐝𝐲𝐚: 𝐒𝐚𝐧𝐝𝐢𝐠𝐚𝐧 𝐧𝐠 𝐊𝐚𝐭𝐨𝐭𝐨𝐡𝐚𝐧𝐚𝐧!🇵🇭🎤

Ngayong buwan ng Marso, inaanyayahan kayo ng Bukluran na makiisa at makibaka sa
pagpapalaganap ng kahalagahan ng malayang pamamahayag ng jornalismong Pilipino.

Hatid sa inyo ng Bukluran ang isang makabuluhang talakayan tungkol sa kalagayan ng malayang pamamahayag, mga banta sa press freedom at paninindigan sa katotohanan sa panahon ng digital media.

Halina’t samahan niyo kami na ipaglaban ang karapatan ng bawat Pilipino sa malaya at responsableng midya!🫵🏻🫵🏻🫵🏻

𝐎𝐫𝐚𝐬: 𝟗:𝟎𝟎-𝟏𝟐:𝟎𝟎 𝐧𝐠 𝐭𝐚𝐧𝐠𝐡𝐚𝐥𝐢
𝐏𝐞𝐭𝐬𝐚: 𝐌𝐚𝐫𝐬𝐨 𝟐𝟒, 𝟐𝟎𝟐𝟔
𝐋𝐮𝐠𝐚𝐫: 𝐒𝐁 𝟐𝟎𝟗

Magparehistro sa pamamagitan ng link na ito:

🔗:https://forms.office.com/pages/responsepage.aspx?id=3F6kgO7V4EaddTfEe-m3zFVKJthBKhREmbRk8WCLuRBUMTBDMTBTMk9QREpRV1IzQVlXVVRWVEFBUS4u&fbclid=IwY2xjawQt_J5leHRuA2FlbQIxMABicmlkETFhM0x0bkRW

𝐌𝐚𝐧𝐚𝐧𝐚𝐭𝐢𝐥𝐢 𝐤𝐚 𝐛𝐚𝐧𝐠 𝐭𝐚𝐡𝐢𝐦𝐢𝐤, 𝐨 𝐩𝐢𝐩𝐢𝐥𝐢𝐢𝐧𝐠 𝐦𝐚𝐧𝐢𝐧𝐝𝐢𝐠𝐚𝐧?𝐌𝐚𝐤𝐢𝐢𝐬𝐚 𝐤𝐚𝐲𝐨 𝐬𝐚 𝐩𝐚𝐠𝐛𝐚𝐛𝐚𝐠𝐨, 𝐤𝐢𝐭𝐚𝐤𝐢𝐭𝐬 𝐬𝐚 𝐒𝐁 𝟐𝟎𝟗, 𝐓𝐚𝐦𝐬!🔰🔰🔰

𝐈𝐬𝐢𝐧𝐮𝐥𝐚𝐭 𝐧𝐢: Andrea Paula Menzies
𝐏𝐚𝐦𝐩𝐮𝐛𝐥𝐢𝐤𝐨𝐧𝐠 𝐌𝐚𝐭𝐞𝐫𝐲𝐚𝐥𝐞𝐬 𝐧𝐢: Julie Lorenzo

𝐌𝐚𝐥𝐢𝐠𝐚𝐲𝐚𝐧𝐠 𝐊𝐚𝐚𝐫𝐚𝐰𝐚𝐧 𝐬𝐚'𝐲𝐨, 𝐃𝐚𝐧𝐚, 𝐚𝐧𝐠 𝐚𝐦𝐢𝐧𝐠 𝐏𝐚𝐧𝐠𝐚𝐥𝐚𝐰𝐚𝐧𝐠 𝐏𝐚𝐧𝐠𝐮𝐥𝐨-𝐔𝐠𝐧𝐚𝐲𝐚𝐧𝐠 𝐏𝐚𝐧𝐥𝐨𝐨𝐛!

Sa iyong espesyal na araw, nawa’y mapuno ito ng saya at ng mga taong pinakamahalaga sa’yo.
Patuloy sana na ikaw ay maging inspirasyon sa iyong mga kasapi at makamit mo ang lahat ng
mithiin na iyong pinapangarap. Lubos ang pasasalamat ng Bukluran sa iyong sipag, malasakit, at sa mabuting halimbawa na ipinapakita mo sa ating samahan. Mula sa aming lahat, narito ang aming taimtim na pagbati — mas marami pang taon ng tagumpay at ligaya ang sumalubong sa’yo!🧡



𝐈𝐬𝐢𝐧𝐮𝐥𝐚𝐭 𝐧𝐢: Selina Kyle Menor
𝐏𝐚𝐦𝐩𝐮𝐛𝐥𝐢𝐤𝐨𝐧𝐠 𝐌𝐚𝐭𝐞𝐫𝐲𝐚𝐥𝐞𝐬 𝐧𝐢: Rykie Galicia at Emmanuel Quintela

𝐒𝐚 𝐠𝐢𝐭𝐧𝐚 𝐧𝐠 𝐩𝐮𝐲𝐚𝐭 𝐚𝐭 𝐩𝐚𝐠𝐨𝐝, 𝐩𝐚𝐭𝐮𝐥𝐨𝐲 𝐩𝐚 𝐫𝐢𝐧𝐠 𝐥𝐮𝐦𝐚𝐥𝐚𝐛𝐚𝐧 🩷✨

Ngayong panahon ng midterms, lagi niyong isaisip na kakayanin niyo ang bawat pagsubok na kinakaharap niyo. Hindi magiging madali ang inyong paglalakbay patungo sa tagumpay, ngunit piliin niyo manatiling desidido at malakas—patuloy kayong magsumikap hanggang sa matapos ang laban.

Sa bawat pagod at puyat sa pag-aaral, nawa’y magbunga ang lahat ng paghahandang inilaan ninyo para sa inyong mga pagsusulit at mga akademikong gawain. Tandaan ninyo na hindi rito nagtatapos ang iyong kwento, sapagkat sa yugtong ito nagsisimula ang pagbabago at inyong paglago bilang mga mag-aaral.

𝐀𝐧𝐠 𝐝𝐞𝐭𝐞𝐫𝐦𝐢𝐧𝐚𝐬𝐲𝐨𝐧 𝐦𝐨 𝐚𝐧𝐠 𝐢𝐥𝐚𝐰 𝐧𝐚 𝐦𝐚𝐠𝐛𝐮𝐛𝐮𝐤𝐚𝐬 𝐧𝐠 𝐛𝐚𝐰𝐚𝐭 𝐩𝐢𝐧𝐭𝐨 𝐧𝐠 𝐭𝐚𝐠𝐮𝐦𝐩𝐚𝐲. 𝐏𝐚𝐝𝐚𝐲𝐨𝐧, 𝐓𝐚𝐦𝐬–𝐤𝐚𝐲𝐚𝐧𝐠 𝐤𝐚𝐲𝐚 𝐦𝐨 ‘𝐭𝐨! 💫🌟🔰

📖
📚
🫶🏻✨
🔰💚💛

𝐈𝐬𝐢𝐧𝐮𝐥𝐚𝐭 𝐧𝐢: Andrea Paula Menzies
𝐏𝐚𝐦𝐩𝐮𝐛𝐥𝐢𝐤𝐨𝐧𝐠 𝐌𝐚𝐭𝐞𝐫𝐲𝐚𝐥𝐞𝐬 𝐧𝐢: Inessa Rain Lakandula

𝐏𝐚𝐤𝐩𝐚𝐤 𝐧𝐠 𝐏𝐚𝐦𝐮𝐦𝐮𝐧𝐨: 𝐌𝐠𝐚 𝐃𝐢𝐰𝐚𝐭𝐚 𝐧𝐠 𝐄𝐡𝐞𝐤𝐮𝐭𝐢𝐛𝐨𝐧𝐠 𝐋𝐮𝐩𝐨𝐧 🩷🧚🏻‍♀️✨

Ngayong Buwan ng Marso, malugod na ipinapakilala sa inyo ng Bukluran ang kasalukuyang mga Diwata ng Ehekutibong Lupon! Nawa’y ang kanilang taglay na ganda, determinasyon, at dedikasyon ang magdala sa Bukluran sa rurok ng tagumpay. Halina’t kilalanin natin ang mga pinuno na buong-pusong pinagsisilbihan ang FEU BUMAFIL!🩷💫

𝐓𝐮𝐥𝐚𝐝 𝐧𝐠 𝐦𝐠𝐚 𝐝𝐢𝐰𝐚𝐭𝐚, 𝐭𝐚𝐡𝐢𝐦𝐢𝐤 𝐧𝐠𝐮𝐧𝐢𝐭 𝐦𝐚𝐤𝐮𝐥𝐚𝐲 𝐚𝐧𝐠 𝐤𝐚𝐧𝐢𝐥𝐚𝐧𝐠 𝐩𝐚𝐠𝐥𝐢𝐩𝐚𝐝—𝐡𝐚𝐧𝐝𝐚 𝐧𝐢𝐥𝐚𝐧𝐠 𝐝𝐚𝐥𝐡𝐢𝐧 𝐚𝐧𝐠 𝐨𝐫𝐠𝐚𝐧𝐢𝐬𝐚𝐬𝐲𝐨𝐧 𝐬𝐚 𝐦𝐚𝐬 𝐦𝐚𝐥𝐢𝐰𝐚𝐧𝐚𝐠 𝐧𝐚 𝐛𝐮𝐤𝐚𝐬. 🧚🏻‍♀️💞✨

𝐈𝐬𝐢𝐧𝐮𝐥𝐚𝐭 𝐧𝐢: Andrea Paula Menzies
𝐏𝐚𝐦𝐩𝐮𝐛𝐥𝐢𝐤𝐨𝐧𝐠 𝐌𝐚𝐭𝐞𝐫𝐲𝐚𝐥𝐞𝐬 𝐧𝐢: Julie Lorenzo
𝐈𝐧 𝐩𝐚𝐫𝐭𝐧𝐞𝐫𝐬𝐡𝐢𝐩 𝐰𝐢𝐭𝐡: Photo X Media

Sa bawat yugto ng ating kasaysayan, tumindig ang tapang at determinasyon ng kababaihan. ang kababaihan ay naging mahalagang bahagi ng paghubog ng pamilya, komunidad, at bansa. Ngayong Buwan ng Kababaihan, hindi lamang ito paggunita sa tagumpay ng bawat kababaihan, bagkus ito rin ay pakikipagbaka laban para sa pagkakapantay-pantay at pagkilala sa mahalagang papel sa na ginagampanan ng kababaihan sa ating lipunan.

Sa ating kasaysayan, malaking ang naging papel ng mga kababaihan sa pagkamit ng ating kalayaan. Mula Kay Gabriela Silang na siyang namuno sa isang kilusan laban sa kolonyalismo ng Espanya, Kay Pura Villanueva Kalaw na siyang lumaban upang mabigyan ng karapatan ang bawat kababaihan na lumahok demokratikong halalan, at Kay Corazon Aquino na siyang itinanghal bilang Ina ng Demokrasya matapos patumbahin ang rehimeng Marcos. Ang kababaihan ang siyang tumindig upang makamit natin ang kalayaan ng ating tinatamasa ngayon.

Sa kabila ng tagumpay at kontribusyon ng mga kababaihan sa ating lipunan, matindi pa rin ang hamon na kanilang kinakaharap sa ating lipunan. Maraming pa rin kababaihan sa ating lipunan ang patuloy na nakakaranas ng seksual na diskriminasyon, hindi pantay na sahod, limitadong oportunidad sa pamumuno, at iba’t ibang anyo ng karahasan. Baga’t malayo na ang ating narating upang magtagumpay ang karapatan ng mga kababaihan, malayo pa tayo sa ating inaasam na pantay-pantay na karapatan ng bawat Filipina. Marami pa tayong kailangan ipaglaban upang wakasan ang lipunang patriyarkal.

Sa paggunita ng Buwan ng Kababaihan, ating patuloy na isulong at ipaglaban ang karapatan, dignidad, at kapangyarihan ng bawat babae sa gitna ng umiiral na patriyarkal sa lipunan. Ang pagdiriwang na ito ay hindi lamang isang pagkilala sa mga tagumpay ng kababaihan, kundi isang panawagan para sa kolektibong pagkilos laban sa mga sistemang naglilimita sa mga oportunidad at boses ng bawat kababaihan.

Sama-sama nating harapin at labanan ang patriyarkal na lipunan, Sa ating pagkakaisa at patuloy na pakikibaka, ating tiyakin na walang sinumang kababaihan ang maiiwan sa laban para sa pantay-pantay na karapatan, katarungan, at tunay na pagkakapantay-pantay sa lipunan.

𝑨𝑩𝑨𝑵𝑻𝑬 𝑩𝑨𝑩𝑨𝑬, 𝑷𝑨𝑳𝑨𝑩𝑨𝑵 𝑴𝑰𝑳𝑰𝑻𝑨𝑵𝑻𝑬

𝐒𝐚𝐥𝐢𝐤𝐬𝐢𝐤 𝐧𝐢: Pananaliksik at Adbokasiya
𝐏𝐚𝐦𝐩𝐮𝐛𝐥𝐢𝐤𝐨𝐧𝐠 𝐌𝐚𝐭𝐞𝐫𝐲𝐚𝐥𝐞𝐬 𝐧𝐢: Emmanuel Quintela

𝐒𝐢𝐦𝐛𝐨𝐥𝐨 𝐧𝐠 𝐦𝐚𝐩𝐚𝐲𝐚𝐩𝐚𝐧𝐠 𝐫𝐞𝐛𝐨𝐥𝐮𝐬𝐲𝐨𝐧 - 𝐏𝐞𝐨𝐩𝐥𝐞 𝐏𝐨𝐰𝐞𝐫 𝐑𝐞𝐯𝐨𝐥𝐮𝐭𝐢𝐨𝐧.

Ngayon, ika-25 ng Pebrero ay muli nating inaalala ang ating mga kababayang lumaban para sa Pilipinas. Ang 𝐁𝐔𝐌𝐀𝐅𝐈𝐋 ay nakikiisa sa pagdiriwang ng anibersaryo ng 𝐄𝐃𝐒𝐀 𝐑𝐞𝐯𝐨𝐥𝐮𝐭𝐢𝐨𝐧. Aming inaalala ang dugo at pawis na ibinuwis ng bawat mamamayang Pilipino para makamtan ang tunay na kapayapaan.

“𝐀𝐤𝐚𝐥𝐚 𝐧𝐢𝐲𝐨 𝐛𝐚 𝐚𝐧𝐠 𝐤𝐚𝐩𝐚𝐧𝐠𝐲𝐚𝐫𝐢𝐡𝐚𝐧 𝐚𝐲 𝐧𝐚𝐬𝐚 𝐢𝐧𝐲𝐨, 𝐬𝐢𝐧𝐨 𝐛𝐚 𝐤𝐚𝐲𝐨?”

Apatnapung taon na ang nakalipas mula nang yanigin ng sambayanang Pilipino ang kahabaan ng EDSA upang wakasan ang diktadurang Marcos. Sa loob ng apat na dekadang iyon, ipinangako ang pagbabago, hustisya, at tunay na demokrasya. Ngunit nakapiit sa isang masalimuot na siklo ang patuloy na pagyurak sa karapatang pantao, ang pag-abuso sa kapangyarihan, at ang paglustay ng kaban ng bayan. Bilang isang Bukluran na patuloy na nilalabanan ang anumang anyo ng pagbaluktot sa ating nakaraan, ating gunitain at isabuhay ang diwa ng Unang Himagsikan ng Lakas ng Bayan kung saan pinatunayan ng sambayanang Pilipino na ang tunay na kapangyarihan ay nasa kamay ng nagkakaisang mamamayan.

Apat na dekada na matapos ang diwa ng EDSA, nang makalaya ang sambayanang Pilipino mula sa diktatoryal na rehimen ni Marcos Sr., ngunit may nagbago ba sa mga naging pangunahing isyu na binuwag ng EDSA katulad ng isyung korapsyon, kroniyismo, at pang-aabuso sa ating bayan?

Ang korapsyon ay lumaganap sa rehimeng Marcos Sr. dahil na lamang simula ng Martial Law noong 1972. Lumaganap ang korapsyon sa pamamagitan ng kroniyismo at pagmamanipula sa pampublikong serbisyo kung saan kung ano dapat ang pampubliko ay ginawang pang-pribado dahil na lamang sa mga krony ni Marcos Sr. (Mendoza et al., 2022). Nangyari ang korapsyon na ito sa pamamagitan ng paghiram limpak-limpak na pera sa iba't ibang Pandaigdigang Organisasyon, ngunit ang perang ito na dapat napunta sa mga pampublikong proyekto, napunta ito sa marangyang pamumuhay at paggasta ng rehimeng Marcos Sr. Ang pang-aabuso ng kaban na ito ay nagdulot ng paghihirap ng mga Pilipino dahil ito ay nagdulot ng inflation na nagpahirap sa maraming Pilipino (Aquino, 1999).
Apat na dekada na ang lumipas matapos ang EDSA at ang pagbabago at pag-alis ng korapsyon ay hindi pa rin nalulutas. Nakikita pa rin natin ang ganitong klaseng pamumuno na kung saan isinasaayos ng mga makapangyarihan ang kanilang interes sa pampulitikal upang mas lumakas ang kanilang kapangyarihan at ipursigi ang kanilang pansariling interes at hindi ang ikabubuti ng ating bayan. Isa na lamang dito ang isyu ng flood control kung saan bilyon-bilyon ang nilusta sa pambansang pondo upang gamitin lamang ng mga makapangyarihan sa kanilang sariling benepisyo at interest. Kasabwat dito ang mga kontraktor at mga opisyal ng gobyerno na mayroong “cut” nakuha mula sa mga proyektong dapat ay para sa pampubliko (Calimbahin, 2025).

Sa pagpapatupad sa Proklamasyon Blg. 1081 ay ang buong Pilipinas ay napasailalim ng batas militar. Ang batas militar ay naglunsad ng 14 na taong despotikong pamumuno na nag-udyok na malawakan at lantarang karahasan sa mga aktibista, lider estudyante, mamamahayag, magsasaka, oposisyon sa pang-aabuso ng kapangyarihan ng mga nakaupo, at iba’t iba pang uri ng mga sibilyan. Bukod sa paglaganap ng korupsyon sa bansa noong panahon ni Marcos Sr., ang pagsiil sa karapatang pantao at demokrasya ay siyang isa sa mga dahilan ng kolektibong pagkilos ng mamamayan upang tuluyang masugpo ito—sa pamamagitan ng People Power Revolution I.

Noong administrasyon ni Marcos Sr., nagtala ng libo-libong kaso ng mga pansasamantala sa mga sibilyan. Base sa Task Force Detainees of the Philippines (TFDP) mula sa artikulo ni Melencio (2019), naiulat na nagkaroon ng 5,531 na kaso ng tortyur, 2,537 na bilang ng parusang kamatayan, 783 na sapilitang pagkawala, at 92,607 na ilegal na pag-aresto. Ayon sa profiling sa mga naging bilanggong pulitikal, 80 porsyento sa kanila ang nanggaling sa mga maharnalisadong grupo. Mula sa talaan ay kapansin-pansin na ang disenyo ng batas militar ay upang mapatahimik ang masa na tunay na apektado ng kanyang pamamalakad. Dala ng kawalan sa pananagutan mula sa pamilyang Marcos, ang mga biktima ng batas militar ay napagkakaitan ng hustisya hanggang ngayon.

Mula sa pagtatagumpay ng Unang Himagsikan ng Lakas ng Bayan noong 40 na taong nakalipas, sa rehimen naman ni Bongbong Marcos, ay laganap pa rin ang mga kaso ng pangsasamantala sa karapatang pantao sa iba’t ibang sektor ng lipunan. Nakakaranas ang mga katutubo at magsasaka sa mga probinsya katulad ng Dupax del Norte sa Nueva Vizcaya at Mainang sa Tarlac. Bayolente at puwersahan ang pagpapaalis, para kamkamin ang kanilang lupain ng mga banyagang korporasyon na sinang-ayunan ng gobyerno. Bukod dito ay naglipana rin ang mga kaso ng bilanggong pulitikal; batay sa International Coalition for Human Rights in the Philippines (ICHRP) (2025), 696 ang nakadetenido sa iba’t ibang detainee centers sa Pilipinas. Naitala rin ng Amnesty International (2024) at Human Rights Watch (2025) ang iba pang mga kaso ng paglabag sa karapatan, katulad ng sapilitang pagkakawala, ilegal na pagsalakay sa mga tahanan, at ilegal na pag-aresto at pagpatay.

Sa panahon ng Marcos Administration, lumaganap ang pulitikal na dinastiya, isang paraan ng pamumuno kung saan ang kapangyarihan ay nasasakamay lamang ng mga Marcos (Teehankee, 2023). Ang kaniyang asawa na si Imelda ay naging gobernador ng Maynila, at ang anak na si Bongbong ay naging gobernador ng Ilocos Norte. Narito na rin ang kapangyarihan na hinawakan ni Imee bilang tagapangulo ng Kabataang Barangay na hinalinhan ng Sangguniang Kabataan, hinawakan nya ang posisyong ito sa edad na bente anyos lamang (Teehankee, 2023).

Ang kroniyismo ay hindi lamang simpleng pamimigay ni Marcos ng mga pampublikong serbisyo sa kanyang mga kasapi, kundi isa itong sistema ng paglalaan ng monopolyo at pribilehiyo sa piling indibidwal na kasapi ng rehimen. Ang mga kasaping ito ay nagkaroon ng kontrol sa sektor ng agrikultura, niyog, asukal, konstruksyon, bangko sentral, at militar (Aquino, 1999). Sa pamamagitan ng ganitong paraan ng pamumuno, nagkaroon si Marcos ng kapangyarihan upang ipursigi at isulong ang kaniyang pansariling ambisyon (Mendoza et al., 2022). Dahil na rin dito, nawala ang sistema ng suri at balanse sa pampulitika na desisyon at pampublikong serbisyo; lumaganap na lamang ang pagpapapursigi ng pansariling interes ng mga kasapi ng administrasyon (Aquino, 1999).

Nakikita pa rin natin ang ganitong klaseng pamumuno sa kasalukuyang panahon na kung saan ang paglaganap ng pulitikal na dinastiya ay makikita natin mula sa opisina ng ehekutibo, sa loob ng pambansang kongreso, sa mga mayor sa siyudad, at kahit na mismo sa mga barangay (Teehankee, 2023). Dahil lamang ito sa kawalan ng malinaw na batas upang tugunan ang pagbabawal sa pulitikal na dinastiya. Maraming pamilya ang sabay-sabay na humahawak ng posisyon sa lokal na pamumuno at kahit na sa pambansang pamahalaan (Teehankee, 2023). Ang kroniyismo ay hindi na katulad noong panahong Marcos Sr, na kung saan lantaran ang pang-aabuso ng pampublikong kapangyarihan. Ngunit nakikita pa rin natin ito sa pamamagitan ng iba’t ibang paraan, katulad na lamang ng pagbibigay ng mahahalagang posisyon sa mga indibidwal na may malapit na ugnayan sa mga makapangyarihan, kasama ng sa pamimigay ng malalaking kontrata sa mga kumpanyang may koneksyon sa mga may posisyong pang-pulitikal (Mendoza et al., 2022).

Nasasalamin sa kasalukuyang administrasyon ang mga bakas ng mga nagdaang rehimen, partikular ang diktadurang rehimen na pinatalsik ng masa. Naging isang siklo na ang pagpapahirap sa mamamayan, habang ang mga nakaupo ay hindi pa rin nananagot. Ngunit hindi natin kailangang tiisin ang ganitong klaseng pang-aabuso mula sa ating gobyerno na dapat na mismo ay nagsisilbi sa kanyang mga pinamumunuan. Ang diwa at sigla ng EDSA ay hindi nagtatapos noong 1986 matapos ang Unang Himagsikan ng Lakas ng Bayan. Ito ay laging nananatili sa ating kapangyarihan bilang mamamayang Pilipino. Ang EDSA ay hindi lamang isang pangyayari, bagkus ito ay isang paalala na karapat-dapat nating lumaban upang makamit ang isang gobyerno na inuuna ang kanyang mamamayan at hindi ang pansarili. Nasa loob natin bilang isang kolektibo ang kapangyarihan upang buwagin ang isang sistema na puno ng pang-aabuso, korapsyon, at katiwalian.

Nasa ating mga kamay ang kapasidad upang magkaroon ng gobyernong tapat sa kanyang pinamumunuan. Tayo ay makilahok sa demokrasya at baguhin ang sistema na sumasakal sa atin. Patuloy nating ipaglaban ang ating karapatan, buwagin at labanan ang korapsyon, makilahok sa halalan at pumili ng kandidatong tapat, at lagi nating pagtibayin sa ating puso ang diwa at layunin ng EDSA. Ang diwang ito ay maisasabuhay natin sa pamamagitan ng pakikipaglaban para sa isang gobyerno na tapat, may pananagutan, at mayroong mabuting pamamahala.

Sa panahong tila binubura ang mga bakas ng pakikibaka para sa kalayaan, hindi tayo tatahimik habang may kuwentong kailangang isalaysay, hindi tayo titigil hangga't hindi pa naaabot ang hustisya. Ang matang namulat na sa katotohanan ay hindi na muling pipikit pa

Isang panawagan ng bukluran
𝐈𝐊𝐔𝐋𝐎𝐍𝐆 𝐍𝐀 𝐀𝐍𝐆 𝐌𝐆𝐀 𝐌𝐀𝐘 𝐒𝐀𝐋𝐀 𝐒𝐀 𝐆𝐎𝐁𝐘𝐄𝐑𝐍𝐎!

𝐊𝐔𝐍𝐆 𝐇𝐄𝐈 𝐅𝐀𝐓 𝐂𝐇𝐎𝐈!!!💖🈵✨

𝐇𝐀𝐏𝐏𝐘 𝐂𝐇𝐈𝐍𝐄𝐒𝐄 𝐍𝐄𝐖 𝐘𝐄𝐀𝐑, 𝐓𝐀𝐌𝐀𝐑𝐀𝐖𝐒!!🎊🎊🎉🎉

Ngayon ay ipinagdiriwang natin ang 𝐂𝐡𝐢𝐧𝐞𝐬𝐞 𝐍𝐞𝐰 𝐘𝐞𝐚𝐫, o kilala rin bilang Lunar New Year, bilang pagpapakita ng ating pakikiisa sa ating mga kapatid na Tsino-Pilipino na naging malaking bahagi ng ating mga buhay sa maraming aspeto bilang isang bansang Pilipinas. Ngayong araw na ito ay inaalala natin ang matinding pagkakaibigan ng bansang Tsina at Pilipinas.

Muli, ang Bukluran ng 𝐁𝐔𝐌𝐀𝐅𝐈𝐋 ay binabati kayo ng KUNG HEI FAT CHOI! To more wealth and prosperity!💓⛩️✨

𝐈𝐬𝐢𝐧𝐮𝐥𝐚𝐭 𝐧𝐢: Gwyne Uri
𝐏𝐚𝐦𝐩𝐮𝐛𝐥𝐢𝐤𝐨𝐧𝐠 𝐌𝐚𝐭𝐞𝐫𝐲𝐚𝐥𝐞𝐬 𝐧𝐢: Inessa Rain Lakandula

𝐏𝐮𝐬𝐨𝐧𝐠 𝐏𝐢𝐧𝐨𝐲, 𝐏𝐞𝐫𝐟𝐞𝐜𝐭 𝐃𝐚𝐭𝐞: 𝐕𝐚𝐥𝐞𝐧𝐭𝐢𝐧𝐞’𝐬 𝐄𝐝𝐢𝐭𝐢𝐨𝐧 💖💗✨

𝐌𝐚𝐥𝐢𝐠𝐚𝐲𝐚𝐧𝐠 𝐀𝐫𝐚𝐰 𝐧𝐠 𝐦𝐠𝐚 𝐏𝐮𝐬𝐨, 𝐓𝐚𝐦𝐬!💌🌹🫶

Ngayong araw na ito, ipinagdiriwang natin ang isa sa mga pinaka espesyal at inaabangan na araw ng taon—ang Araw ng Mga Puso. Nawa’y ang araw na ito ay maghatid sa inyo ng nag uumapaw na pagmamahal, kilig, ligaya, at kapayapaan sa inyong mga puso. Hangad din ng Bukluran na matupad ang mga kahilingan ng inyong puso sa araw na ito.

Halina’t samahan ang inyong mga pamilya, kaibigan, at mga kasintahan sa pagdiriwang ng araw na ito. Sa pagtanggap niyo ng mga bulaklak at tsokolate, magsilbi sana itong paalala na kayo ay pinahahalagahan at minamahal ng mga taong mahalaga sa inyong buhay.

𝐍𝐠𝐚𝐲𝐨𝐧𝐠 𝐕𝐚𝐥𝐞𝐧𝐭𝐢𝐧𝐞’𝐬 𝐃𝐚𝐲, 𝐡𝐚𝐲𝐚𝐚𝐧𝐠 𝐦𝐚𝐧𝐚𝐢𝐠 𝐚𝐧𝐠 𝐩𝐚𝐠-𝐢𝐛𝐢𝐠 𝐬𝐚 𝐛𝐚𝐰𝐚𝐭 𝐭𝐢𝐛𝐨𝐤 𝐧𝐠 𝐚𝐭𝐢𝐧𝐠 𝐦𝐠𝐚 𝐩𝐮𝐬𝐨.

𝐌𝐮𝐥𝐢, 𝐌𝐚𝐥𝐢𝐠𝐚𝐲𝐚𝐧𝐠 𝐀𝐫𝐚𝐰 𝐧𝐠 𝐦𝐠𝐚 𝐏𝐮𝐬𝐨, 𝐓𝐚𝐦𝐬!💓💘🫰

𝐈𝐬𝐢𝐧𝐮𝐥𝐚𝐭 𝐧𝐢: Andrea Paula Menzies
𝐏𝐚𝐦𝐩𝐮𝐛𝐥𝐢𝐤𝐨𝐧𝐠 𝐌𝐚𝐭𝐞𝐫𝐲𝐚𝐥𝐞𝐬 𝐧𝐢: Emmanuel Quintela

Horns up, Tamaraw Seniors! 🐃🎓

Get your best smiles ready as Photo X Media officially launches its 2026 Graduation Pictorial Packages and Rates, the official studio partner of FEU BUMAFIL!

No need to worry about the details—we’ve got you covered with:
✨ Hair and Make-Up Services
✨ Toga (with FEU Stole)
✨ Corporate, Filipiniana, and Creative Attires
✨ Professional posing assistance

ENJOY 10% OFF PER GROUP OF 20!!!

Secure your slot now and let us capture this milestone in style!

📌 REGISTER HERE
https://forms.gle/uiTCg3cfKf8WZsgE7
https://forms.gle/uiTCg3cfKf8WZsgE7
https://forms.gle/uiTCg3cfKf8WZsgE7

📌 FOR INQUIRIES SEND AN EMAIL TO:
[email protected]
[email protected]
[email protected]

Don’t miss out on exciting studio perks and promos—see you at Photo X Media, where your graduation moments come to life! 📸✨

𝐌𝐚𝐥𝐢𝐠𝐚𝐲𝐚𝐧𝐠 𝐤𝐚𝐚𝐫𝐚𝐰𝐚𝐧 𝐬𝐚 𝐦𝐠𝐚 𝐤𝐚-𝐛𝐮𝐦𝐛𝐮𝐦 𝐧𝐚𝐦𝐢𝐧 𝐧𝐚 𝐢𝐩𝐢𝐧𝐚𝐧𝐠𝐚𝐧𝐚𝐤 𝐧𝐠𝐚𝐲𝐨𝐧𝐠 𝐄𝐧𝐞𝐫𝐨! 🥳

Nawa’y magsilbing paalala ang inyong kaarawan bilang bagong yugto at pagpapatuloy rin ng mga layuning hinuhubog sa paglipas ng panahon. Hangad namin para sa inyo ang kalusugan, tagumpay, at makamit ninyo sana ang lahat ng mga pangarap na inaasam!

𝐌𝐮𝐥𝐢, 𝐦𝐚𝐥𝐢𝐠𝐚𝐲𝐚𝐧𝐠 𝐤𝐚𝐚𝐫𝐚𝐰𝐚𝐧 𝐚𝐭 𝐧𝐚𝐰𝐚’𝐲 𝐦𝐚𝐠𝐢𝐧𝐠 𝐦𝐚𝐬𝐚𝐠𝐚𝐧𝐚 𝐚𝐭 𝐦𝐚𝐤𝐚𝐛𝐮𝐥𝐮𝐡𝐚𝐧 𝐚𝐧𝐠 𝐛𝐮𝐨𝐧𝐠 𝐭𝐚𝐨𝐧 𝐧𝐚 𝐧𝐚𝐠𝐡𝐢𝐡𝐢𝐧𝐭𝐚𝐲 𝐬𝐚 𝐢𝐧𝐲𝐨. 🎉🎂

𝐈𝐬𝐢𝐧𝐮𝐥𝐚𝐭 𝐧𝐢: Selina Kyle Menor
𝐏𝐚𝐦𝐩𝐮𝐛𝐥𝐢𝐤𝐨𝐧𝐠 𝐌𝐚𝐭𝐞𝐫𝐲𝐚𝐥𝐞𝐬 𝐧𝐢: Julie Lorenzo at Emmanuel Quintela