https://www.facebook.com/106452618640544/

Ang Sentro, Sto. Rosario, Malolos (2026)

22/09/2026

Kuhanan na ng card?!

1, 2, 3 GO! Kanya-kanya na'to~ 🏃🏻‍♀️💨

📸 95-100 - 1k from Mommy/Daddy
💃🏻 90-94 - Picture with crush
👀 80-89 - Jollibee treat from Ate
🚶🏻‍♀️79 below - Tabihan si crush

uN@nG aRaW p@LanG m1nAh4L n4 K1tA~ 🥺👈🏻

Huey, gumanern?! Joke asides–pero kamusta ang mga card niyo? Kami kase pumaldo na! 😛

Handa ka na ba sa term 2? 🥺

p4aL@L4: 4no m@N 4nG 1y0nG gr4d0 aY h1nDi i2 b4sEh4N nG h4LaGa m0! 🤍

✒️ | Athena Salamat
🎨 | Kyla Salonga

15/09/2026

𝗜𝗸𝗮-128 𝗔𝗻𝗶𝗯𝗲𝗿𝘀𝗮𝗿𝘆𝗼 𝗻𝗴 𝗞𝗼𝗻𝗴𝗿𝗲𝘀𝗼 𝗻𝗴 𝗠𝗮𝗹𝗼𝗹𝗼𝘀

𝐁𝐚𝐥𝐢𝐤𝐭𝐚𝐧𝐚𝐰 | 𝐒𝐞𝐭𝐲𝐞𝐦𝐛𝐫𝐞 15, 1898

Noong Setyembre 15,1898, nagtipon ang mga kinatawan mula sa ibat'ibang bahagi ng bansa sa Simbahan ng Barasoain para sa pagbubukas ng Kongreso ng Malolos.

Isa ito sa nagpasinaya upang maipakita ang nasyonalismo at pagmamahal sa bayan hindi lamang ng mga Maloleño ngunit nang mamamayan ng ating bansang Pilipinas.

Isa itong mahalagang hakbang sa pagbuo ng sariling pamahalaan at pagtataguyod ng kalayaan ng ating bansa.

Ating gunitain at muling buhayin ang pagmamahal sa ating sariling atin sa pamamagitan ng hindi pagkalimot dito. Pahalagahan ang mga mayayaman na historya nang ating lungsod ng Malolos at ng bansang Pilipinas—ipagmalaki ito!

Mabuhay ang lungsod ng Malolos!

✒️ | Angela Camille Cruz
🎨 | Jaymark Pagtalunan

12/09/2026

𝗟𝗔𝗧𝗛𝗔𝗟𝗔𝗜𝗡 | 𝗞𝗮𝗿𝗮𝗽𝗮𝘁𝗮𝗻 𝗻𝗴 𝗕𝗮𝘄𝗮𝘁 𝗜𝘀𝗮 𝗮𝗻𝗴 𝗠𝗮𝘁𝘂𝘁𝗼𝗻𝗴 𝗕𝘂𝗺𝗮𝘀𝗮
𝐍𝐢 𝐉𝐡𝐚𝐢𝐜𝐚 𝐑𝐚𝐢𝐧𝐞 𝐂. 𝐀𝐠𝐮𝐬𝐭𝐢𝐧

Lahat ay may karapatan. Dapat itong ibigay!
Bawat letra sa aklat ay may kahulugan. Ang pagbabasa ay isang kasanayan upang maunawaan ang mundo. Hindi malinlang. Hindi mapaglaruan. Dahil sa mundo ngayon, lahat ay mapusok.

Ayon sa mag-aaral na si Aliah France, natuto siyang bumasa dahil siya ay tinuturuan ng kaniyang tatay. Batay kay France, sa abakada siya tinuruan ng kaniyang tatay bumasa. “Hindi mahirap bumasa. Buti na lang matiyaga tatay ko. Kahit mahirap akong turuan, hindi siya tumitigil hanggang sa matuto ako.” ayon kay Aliah France.

Ang kuwento na Aliah ay patunay na may mahalagang gampanin ang pamilya sa paghubog at pag-unlad ng kakayahan ng isang bata.

Ngunit hindi sapat ang marunong kang bumasa. Kailangan mong intindihin ang bawat nilalaman upang ito ay iyong maunawaan.

𝐈𝐥𝐚𝐰 𝐬𝐚 𝐊𝐚𝐛𝐚𝐭𝐚𝐚𝐧

Sa kabila ng kahalagahan ng literacy, may mga kabataan pa rin sa ngayon ang hindi sapat ang kakayahan sa pagbasa at pagsulat. Kung minsan pa nga ay hindi sapat ang kakayahan sa pag-unawa.

Bawat tiyansa ay mahalaga. Bawat letra ay mahalaga. Kailangan mo itong basahin at intindihin. Dahil maaaring sa susunod wala nang pagkakataon.

𝐊𝐚𝐛𝐚𝐭𝐚𝐚𝐧 𝐚𝐧𝐠 𝐏𝐚𝐠-𝐚𝐬𝐚 𝐧𝐠 𝐁𝐚𝐲𝐚𝐧

Hindi pa huli ang lahat upang mag-aral bumasa, sumulat, at umunawa. Walang pinipiling edad ang pagkatuto na iyong magiging sandata sa mga haharaping hamon ng buhay, na makatutulong sa pag-unlad ng pagkatao at ng pamayanan.

Ang pag-aaral bumasa at sumulat ay isang
mahalagang gawain na dapat simulan sa murang edad.Mahalaga na mulat ang mga kabataan. Isa sa kanilang magiging armas sa mundong magulo ay ang kanilang katalinuhan.

Ang karanasan ni Aliah France ay patunay na mahalagang simulan nang maaga ang pagtuturo sa mga bata na bumasa at sumulat. Hindi lahat ng g**o ay nasa paaralan, minsan sila ay ang ating mga magulang—ang ating mga unang g**o.

🎨 | Valerie Estrella

07/09/2026

Hello po, Team Ryzza! UNANG TERMINONG PAGSUSULIT PO TAYO! 😱

Paparating na ang Unang Terminong Pagsusulit! Nakapag-review na ba ang lahat? O hinihintay mo pa rin yung good luck ni crush? 👀

Huwag ka muna umasa kay crush at sa stock knowledge, baka sa gitna ng exam bigla ka na lang mapasabi ng... “Bahala na si Batman!” 😭

Kaya ano pa ang hinihintay ninyo? Mag-review na at huwag kalimutang magdasal sa Panginoon para sa paparating na pagsusulit. 📿

Handa na ba kayo sa Unang Terminong Pagsusulit, Rosarians?

Anong ganap mo ngayong exam? I-react mo na! 👇🏻

👍 - Kinakabahan ako!
❤️ - Isang good luck naman d'yan
🥰 - Lord, guide me sa exams!
🤣 - 123 go kanya-kanya na'to
😢 - Wala pa akong review!
😯 - Exam na agad?
😡 - Di ako papasok.

Hindi lang good luck ni crushiecakes ang kailangan mo, kailangan mo rin ng tiwala sa sarili at kay Lord.

Good luck, Rosarians! Nawa'y makapasa tayong lahat sa paparating na pagsusulit!

“Ipagkatiwala mo sa Panginoon ang lahat ng iyong gagawin, at magtatagumpay ka.” — Kawikaan 16:3

✒️ | Kathryn Torres
🎨 | Kyla Salonga

05/09/2026

𝗠𝗮𝗹𝗶𝗴𝗮𝘆𝗮𝗻𝗴 𝗔𝗿𝗮𝘄 𝗻𝗴 𝗺𝗴𝗮 𝗚𝘂𝗿𝗼! 👩‍🏫

"𝐀𝐧𝐠 𝐩𝐚𝐠𝐭𝐮𝐭𝐮𝐫𝐨 𝐚𝐲 𝐡𝐢𝐠𝐢𝐭 𝐩𝐚 𝐬𝐚 𝐩𝐚𝐠𝐛𝐢𝐛𝐢𝐠𝐚𝐲 𝐧𝐠 𝐤𝐚𝐚𝐥𝐚𝐦𝐚𝐧; 𝐢𝐭𝐨 𝐚𝐲 𝐧𝐚𝐠𝐛𝐢𝐛𝐢𝐠𝐚𝐲 𝐢𝐧𝐬𝐩𝐢𝐫𝐚𝐬𝐲𝐨𝐧 𝐬𝐚 𝐩𝐚𝐠𝐛𝐚𝐛𝐚𝐠𝐨." 📖✨

Pag-akyat ng bawat baitang ay panibagong mga muka na ang gagabay sa atin, panibagong mga leksyon ang ituturo, at panibagong mga memorya ang ating mga babaunin.

Sa paggunita sa Buwan ng mga magigiting at minamahal natin na mga g**o, ating bigyan nang pagpupugay ang ating mga pangalawang magulang na patuloy na humuhubog sa atin bilang isang mabuting estudyante—isang mabuting tao.

Alalahanin ang mga tawanan, kulitan, at panahon na tayo ay binibigyang pagkatuto higit pa sa mga araw-araw na talakayan, sulatin, at mga gawain. Maraming salamat sa mga aral na itinatak niyo sa amin!

Ang mga g**o ay ang ating pangalawang mga magulang. Sila rin ang nagsisilbing tagapaghubog ng mga bago at susunod pa na mga henerasyon—upang makapunta tayo sa tamang daanan.

Muli, taos-pusong pasasalamat sa mga g**o—sa inyong sakripisyo, pagmamahal, at mga turo!

Saludo!

✒️ | Angela Camille Cruz at Jhaica Agustin
🎨 | Jhaira Chico

02/09/2026

📢 PUBLIC ADVISORY
Suspension of In-Person Classes | City of Malolos

Due to the prevailing rains brought by the enhanced Southwest Monsoon, and as precautionary measure to ensure the safety and well-being of our learners and school personnel, IN-PERSON CLASSES in ALL LEVELS in both public and private schools in the City of Malolos are hereby suspended today, September 3, 2026.

Schools are instructed to implement learning continuity modalities which must be monitored by school heads and supervisors. This measure is being undertaken to prevent risks associated with flooding, road hazards, and other rain-induced threats.

The public is advised to remain indoors, monitor official weather updates from PAGASA, and stay alert for further announcements from the City Government of Malolos and local school authorities.

Let us all stay vigilant and take the necessary precautions to safeguard lives and property.

Please be guided accordingly.

— Atty. Christian D. Natividad
City Mayor

27/08/2026

𝐀𝐆𝐓𝐄𝐊 | 𝐇𝐮𝐰𝐚𝐠 𝐌𝐚𝐢𝐰𝐚𝐧 𝐬𝐚 𝐀𝐠𝐨𝐬 𝐧𝐠 𝐓𝐞𝐤𝐧𝐨𝐥𝐨𝐡𝐢𝐲𝐚
𝐍𝐢: 𝐉𝐨𝐫𝐲𝐥𝐲𝐧 𝐋. 𝐎𝐛𝐞𝐥𝐥𝐨

Sa kasalukuyang panahon, mabilis ang pag-unlad ng teknolohiya, lalo na ang Artificial Intelligence (AI).Hindi maikakaila ang ginhawang dulot ng AI. Sa pamamagitan nito, mas napapadali ang paghahanap ng impormasyon, paggawa ng mga gawain, pakikipag-ugnayan at pagkatuto ng mga tao. Mula sa mga paaralan, hanggang sa mga tahanan at trabaho, unti-unti nang nagiging bahagi ng pang araw-araw na buhay ang AI. Gayunpaman, habang patuloy na umuunlad ang teknolohiya, isang mahalagang tanong ang dapat nating pag-isipan, nasaan ang wikang Filipino sa mundo ng AI?
Sa dami ng teknolohiyang gumagamit ng wikang Ingles at iba pang banyagang wika, hindi dapat nating hayaang mapag-iwanan ang sariling wika sa mabilis na pag-unlad ng teknolohiya.

Mahalagang bahagi ng ating pagkakakilanlan bilang Pilipino ang ating sariling wika. Ito ang ginagamit natin upang maipahayag ang ating mga saloobin, karanasan at pananaw sa buhay. Kaya naman nararapat lamang na magkaroon ito ng sapat na puwang sa mundo ng AI.
Bagama't may ilang AI tools na nakauunawa at nakagagamit ng Filipino, hindi pa rin ito kasinglawak at kasinghusay ng suporta sa wikang Ingles. Dahil dito, isinusulong ng Department of Science and Technology (DOST) ang pananaliksik sa Natural Language Processing upang makatulong na mapaunlad ang kakayahan ng AI na makaangkop sa iba’t ibang wika sa bansa. Bubuo rin ng Large Language Models (LLMs) para sa mga wikang Filipino sa pakikipagtulungan ng Komisyon sa Wikang Filipino (KWF) at ng iba pang unibersidad sa Pilipinas upang gawing natural ang paggamit at pagsasalin ng AI sa wikang Filipino.

Sa huli, ang paggamit ng AI ay dapat maging katuwang sa pag-unlad at pagpapahalaga sa sariling mga wika. Hindi sapat na maging makabago lamang ang isang bansa kung ang sariling wika at kultura naman ay napag-iiwanan.
Sa pagpasok ng wikang Filipino sa mundo ng AI, dapat nating tiyakin na ang teknolohiya ay magiging inklusibo, madaling maunawaan, at kapaki-pakinabang para sa lahat.

Kaya't bilang manunudling, sa mundo ng AI, dapat siguraduhin ng pamahalaan na may puwang ang wikang Filipino. Dapat itong maging kasangkapan sa pag-unlad at pagpapalawak ng sariling wika, sapagkat ang tunay na pag-unlad ay hindi lamang nasusukat sa talino ng teknolohiya, kundi sa kakayahan nitong yakapin ang wika, kultura at pagkakakilanlan ng bawat Pilipino.

🎨 | Valerie Estrella

27/08/2026

📢 PUBLIC ADVISORY: Suspension of In-Person Classes | City of Malolos

In light of the expected inclement weather due to the enhanced Southwest Monsoon and as precautionary measure to ensure the safety and well-being of our learners and school personnel, IN-PERSON CLASSES in ALL LEVELS in both public and private schools are suspended tomorrow, August 28, 2026.

Schools are instructed to implement learning continuity modalities, which must be monitored by school heads and supervisors. This suspension aims to prevent exposure to potential hazards caused by the prevailing weather conditions.

The public is advised to remain indoors, monitor official weather updates from PAGASA, and stay alert for further announcements from the City Government of Malolos and local school authorities.

Let us all stay vigilant and take the necessary precautions to safeguard lives and property.

Please be guided accordingly.

– Atty. Christian D. Natividad
City Mayor

24/08/2026

𝐒𝐞𝐫𝐛𝐢𝐬𝐲𝐨 𝐧𝐚 𝐏𝐚𝐫𝐚 𝐬𝐚 𝐌𝐚𝐬𝐚! 💪

Dulot ng mga nagdaang bagyo, maraming mga silid-aralan ang pinasok at nalubog sa baha.🌊

Kaya naman bilang bahagi ng masusing paglilinis ay nagsagawa ng 'fogging' sa loob ng ating sintang paaralang upang masig**o ang kaligtasan ng bawat isang estudyante, g**o, at mga namamalagi rito. 🌀

Higit na pasasalamat sa pagbisita at pagtulong sa pagsasaayos ng ilang silid-aralan, Vice Mayor Bebong Gatchalian, at Konsehal Ega Domingo, tunay na ang serbisyo ay nasa puso! 🤍

Taos pusong pasasalamat sa ating minamahal na Principal, Ma'am Elvie De Guzman. Lubos na pasasalamat din sa ating masisipag na OIC Heads, Sir Reden Cruz at Ma'am Bonna Lyn Robles. Pati na rin sa buong SPTA Officers at butihing mga estudyante—sa inyong walang sawang suporta, malasakit, at pagtulong sa ating paaralan! 🫂

✒️ | Angela Camille Cruz at Athena Salamat
🎨 | Angela Camille Cruz at Len Lyrehs
📷 | G. Marvic Felix Cruz

21/08/2026

𝗙𝗘𝗔𝗧𝗨𝗥𝗘 | 𝗔𝗴𝘂𝘀𝘁𝗼 𝗞𝗶𝘁𝗮 𝘀𝗮 𝗟𝗮𝗵𝗮𝘁 𝗻𝗴 𝗔𝗿𝗮𝘄

Ang pagtangi ko sa iyo ay higit pa sa isang bagyo tuwing maulan na buwan ng Agosto.

Marahil, sa sakunang ito, hindi lamang mga punong baterya at madaling buksan na mga delata ang kakailanganin ko.

Kagaya ng rumaragasang tubig na unti-unting naiipon at tumataas sa daan ay ganoon din ang paghanga ko sa tuwing ikaw ang bukambibig ng aking mga kwento.

Ang malalakas na hangin na walang humpay ang paghampas ay tila aking damdamin na abot sa kalangitan ang saya na walang makapupugto at tanging ikaw lang ang mayroong kakayahang magdulot.

Aking mga matang nagliliwanag kagaya ng kumpol ng mga kidlat sa kalangitan sa tuwing ikaw ay nasusulyapan. Ang kulog naman ang nagsisilbing representasyon ng maingay at malakas na ugong ng aking pusong ikaw ang hinahanap sa gitna ng pag-ulan.

Alam kong delikado—puno ng peligro, sa kabila ng lahat, handa akong suungin ito.

Magiging ligtas na tahanan ng isa't-isa sa gitna ng nagngangalit na hamon ng buhay. Parating itatak sa iyong isipan, ano man ang sakunang dumating, ano man ang problemang kaharapin—palagi tayong dalawa laban sa mga ito, sabay na susuong.

Marahil, sa sakunang ito, hindi lamang mga punong baterya at madaling buksan na mga delata ang kakailanganin ko... Kasama na dito ang kaligtasan ng puso at isipan ko sa piling mo.

Halika na dito, sa tahanang inaatang ko, sisiguraduhin ko ang kaligtasan maging ng iyong puso. Sa gitna ng kahit na anong sakuna ay hindi hahayaang magalusan o masaktan—ikaw ay iingatan ko.

Sapagkat, hindi na mababago o matatangay ng kahit anong lakas ng hangin itong damdamin ko. Kagaya ng bagyo ay nagngangalit ito—nagngangalit na mapa sa iyo.

Puso ay gawing kampante, sapagkat ano man ang mangyari, wala nang babalik sa nakaraan na unos, hindi na tatablan ng panibagong sakuna— tayo lamang hanggang dulo, wala nang iba.

Tinatangi kita, minamahal kita, iniibig kita higit pa sa ano mang sakuna.

Kahit gaano man magngalit ang bagyo hinding-hindi nito madadaig ang paraan ng pagtangi ko sa iyo.

✒️ 🎨 | 𝐀𝐧𝐠𝐞𝐥𝐚 𝐂𝐚𝐦𝐢𝐥𝐥𝐞 𝐂𝐫𝐮𝐳

Ang Sentro

22/09/2026

15/09/2026

12/09/2026

07/09/2026

05/09/2026

02/09/2026

27/08/2026

27/08/2026

24/08/2026

21/08/2026

Address

Website

Alerts

Contact The School

Shortcuts

Share

Listing takedown request