REBYU

18/08/2026

| 𝙎𝙚𝙭 𝙀𝙙𝙪𝙘𝙖𝙩𝙞𝙤𝙣: 𝙐𝙨𝙖𝙥𝙖𝙣𝙜 𝙄𝙣𝙞𝙞𝙬𝙖𝙨𝙖𝙣, 𝙋𝙚𝙧𝙤 𝙆𝙖𝙞𝙡𝙖𝙣𝙜𝙖𝙣

✍️ 𝙄𝙨𝙞𝙣𝙪𝙡𝙖𝙩 𝙣𝙞: 𝙆𝙚𝙞𝙯𝙝𝙖 𝙋. 𝙎𝙤𝙡𝙤𝙢𝙤𝙣
𝙏𝙖𝙜𝙖𝙨𝙪𝙡𝙖𝙩 𝙣𝙜 𝙇𝙖𝙩𝙝𝙖𝙡𝙖𝙞𝙣

💻 𝙇𝙖𝙮𝙤𝙪𝙩 𝙣𝙞: 𝙅𝙝𝙚𝙣𝙣𝙮 𝙎. 𝙎𝙤𝙥𝙚𝙧𝙖
𝙋𝙖𝙩𝙣𝙪𝙜𝙤𝙩 𝙣𝙜 𝙇𝙖𝙮𝙤𝙪𝙩 𝙖𝙩 𝘿𝙞𝙨𝙚𝙣𝙮𝙤

Kung mapapansin mo, kapag napag-uusapan ang S*x Education, parang biglang nagiging awkward ang lahat. May natatawa, may umiiwas, at may nagkakailang tinginan, parang bawal pag-usapan ang isang bagay na mahalaga naman sa buhay.

Kaya naman, sa halip na matuto nang tama, sa internet na lamang kumukuha ng sagot ang maraming kabataan. Nagsesearch, nanonood ng mga video, o nakikinig sa sinasabi ng iba. Ngunit hindi lahat ng impormasyong makikita online ay tama. Minsan, nakalilito ito; kung minsan naman, tahasan talagang mali.

Ang S*x Education ay hindi lamang tungkol sa katawan, pakikipagtalik, o pagbabago sa panahon ng pagdadalaga at pagbibinata. Kasama rin dito ang paggalang sa sarili at sa kapwa, paggawa ng responsableng desisyon, pagtatakda ng hangganan, at pag-iwas sa mga sitwasyong maaaring makapinsala sa atin. Hindi ito dapat ikahiya sapagkat bahagi ito ng pag-unawa sa ating sarili at sa ating paglaki.

Mas magiging madali sana kung bukas ang ganitong usapan sa tahanan at paaralan. Iyong hindi kailangang matakot magtanong dahil alam mong hindi ka huhusgahan. Dahil kung hindi tayo tuturuan nang maayos, saan at kanino pa tayo matututo?

Sa totoo lang, hindi masama ang magtanong o maging mausisa. Ang mas mapanganib ay ang pagkakaroon ng mga tanong ngunit walang tamang mapagkukunan ng sagot. Mas delikado ang kabataang kailangang gumawa ng mahahalagang desisyon ngunit kulang sa wastong kaalaman.

Kaya panahon na upang tigilan ang pag-iwas sa usapang ito. Ang S*x Education ay hindi imbitasyon sa maling gawain; ito ay paghahanda para sa tamang kaalaman at responsableng pagpapasya.

Dahil sa huli, hindi kahihiyan ang pagkatuto. Ang tunay na panganib ay ang kamangmangan sa isang bagay na kailangan nating maunawaan.

17/08/2026

| 𝙋𝙖𝙜𝙗𝙖𝙗𝙖𝙣𝙩𝙖 𝙨𝙖 𝙢𝙜𝙖 𝙋𝙖𝙖𝙧𝙖𝙡𝙖𝙣: 𝙆𝙖𝙥𝙖𝙮𝙖𝙥𝙖𝙖𝙣𝙜 𝙃𝙞𝙣𝙙𝙞 𝘿𝙖𝙥𝙖𝙩 𝙉𝙖𝙬𝙖𝙬𝙖𝙡𝙖

✍️ 𝙄𝙨𝙞𝙣𝙪𝙡𝙖𝙩 𝙣𝙞: 𝘽𝙧𝙮𝙡𝙡𝙚 𝙅𝙚𝙬𝙚𝙡 𝙊𝙢𝙗𝙖𝙨
𝙏𝙖𝙜𝙖𝙨𝙪𝙡𝙖𝙩 𝙣𝙜 𝙇𝙖𝙩𝙝𝙖𝙡𝙖𝙞𝙣

💻 𝙇𝙖𝙮𝙤𝙪𝙩 𝙣𝙞: 𝙅𝙝𝙚𝙣𝙣𝙮 𝙎. 𝙎𝙤𝙥𝙚𝙧𝙖
𝙋𝙖𝙩𝙣𝙪𝙜𝙤𝙩 𝙣𝙜 𝙇𝙖𝙮𝙤𝙪𝙩 𝙖𝙩 𝘿𝙞𝙨𝙚𝙣𝙮𝙤

Sa kasalukuyang panahon, hindi na bago sa ating pandinig ang mga balita tungkol sa mga pagbabanta sa mga paaralan. Mula sa mga pekeng bomb threat at pananakot hanggang sa mga banta ng karahasan, ang mga insidenteng ito ay hindi lamang nagdudulot ng takot at pangamba, kundi nakaaapekto rin sa maayos na daloy ng edukasyon.

Ang paaralan ay dapat maging tahanan ng pagkatuto—isang ligtas na lugar kung saan malayang nahuhubog ang isip, talento, at pangarap ng bawat mag-aaral. Subalit sa tuwing may banta sa seguridad, napapalitan ng kaba at pangamba ang katahimikan ng silid-aralan.

May iba't ibang dahilan kung bakit may mga kabataang nasasangkot sa ganitong mga insidente. May ilan na napipilitang gumawa ng pagbabanta dahil sa panggigipit o impluwensiya ng ibang tao. Ang iba naman ay naaakit sa mararahas na nilalaman sa internet o nagiging labis na humahanga sa mga armadong grupo at iba pang mapanganib na gawain. Dagdag pa rito, ang labis na pagkakalantad sa social media ay maaaring magbunsod ng tinatawag na copycat phenomenon, kung saan ginagaya ng ilan ang mga krimen o karahasang napapanood o nababasa nila sa telebisyon at internet.

Hindi dapat ipagwalang-bahala ang ganitong mga pagbabanta. Hindi ito simpleng biro o kalokohan lamang. Ang bawat banta ay isang seryosong usapin na maaaring magdulot ng pagkaantala ng klase, pag-aaksaya ng oras at yaman, at higit sa lahat, matinding takot at trauma sa mga mag-aaral, g**o, at maging sa mga magulang.

Nararapat lamang na magsanib-puwersa ang paaralan, pamilya, pamahalaan, at komunidad upang mapanatiling ligtas ang mga institusyong pang-edukasyon. Higit sa lahat, kailangang maturuan ang mga kabataan ng wastong paggamit ng social media, paggalang sa batas, at pagpapahalaga sa kapayapaan. Sapagkat ang paaralan ay hindi dapat maging lugar ng pangamba, kundi isang tahanan ng pagkatuto, pag-asa, at ligtas na kinabukasan.

Disclaimer: Ang larawang ginamit sa layout ay hango sa page ni L.A Ruanto. Ang nasabing larawan ay hindi pag-aari ng REBYU.

16/08/2026

| 𝙉𝙞𝙣𝙪𝙣𝙤𝙣𝙜 𝙇𝙪𝙥𝙖, 𝘽𝙞𝙣𝙖𝙨𝙪𝙧𝙖 𝙣𝙖𝙣𝙜 𝙒𝙖𝙡𝙖𝙣𝙜 𝙃𝙪𝙨𝙩𝙞𝙨𝙮𝙖

✍️𝙄𝙨𝙞𝙣𝙪𝙡𝙖𝙩 𝙖𝙩 🎨𝙂𝙪𝙝𝙞𝙩 𝙣𝙞: 𝙎𝙖𝙧𝙞𝙖 𝘿. 𝘽𝙖𝙮𝙖𝙗𝙖𝙤
𝙋𝙪𝙣𝙤𝙣𝙜 𝙋𝙖𝙩𝙣𝙪𝙜𝙤𝙩

Maituturing pa bang kaayusan at kalinisan ang pagbabasura sa kabundukan?

Noong 2019, naipatayo ang dumpsite sa Sitio Tibag. Ayon sa lokal na pamahalaan ng Subic, dahil umano sa pagdami ng basura noong panahon ng pandemya ng COVID-19, napagdesisyunan nilang gawing pansamantalang tapunan ng basura ang bahagi ng ancestral land ng mga katutubong Aeta.

Inakala ng mga Aeta na ang pagpapatag ng kanilang kabundukan at paggawa ng daanan ay isang tulong mula sa lokal na pamahalaan. Ngunit kalaunan, nalaman nilang paghahanda pala ito para sa pagtatayo ng dumpsite sa mismong lupa ng kanilang ninuno.

Ayon naman sa lokal na pamahalaan, wala umano silang kaalaman na may komunidad na naninirahan sa lugar na pagtatambakan ng basura. Ngunit mahirap itong paniwalaan kung ang mga kabahayan ay naroon na bago pa man magsimula ang pagtatambak. Higit na nakababahala na tila napagdesisyunan na ang paggamit sa lupain bago pa man lubusang maipabatid at maipaliwanag sa mga katutubong Aeta ang magiging epekto nito sa kanilang pamumuhay.

Habang patuloy na naiipon ang basura, unti-unti ring lumala ang problema. Nakarating ang kontaminasyon sa katabing ilog na pinagkukunan ng tubig ng mga Aeta. Ang masangsang na amoy at lumalalang kondisyon ng kapaligiran ay naging dahilan din upang ang ilan sa kanila ay mapilitang lumikas. Ang ipinangakong pansamantalang solusyon ay nauwi sa isang pangmatagalang suliranin para sa mga taong matagal nang naninirahan at nangangalaga sa lupang iyon.

Ang malinis at ligtas na komunidad ay karapatan ng lahat—hindi lamang ng mga nakatira sa malalaking lungsod, kundi maging ng mga naninirahan sa kabundukan.

Hindi maaaring ituring na bakanteng espasyo ang lupang matagal nang tahanan ng isang pamayanan. Hindi rin maaaring gawing tapunan ng basura ang isang lugar dahil lamang ito ay malayo sa sentro ng komunidad. Ang bawat lupain ay may halaga, lalo na para sa mga katutubong umaasa rito para sa kanilang tahanan, kabuhayan, at pamumuhay.

Kung ikaw ang tatanungin, hahayaan mo bang itambak ang basura sa lupang matagal mong pinangalagaan? Hahayaan mo bang ang mga taong inaasahan mong magprotekta sa iyong karapatan ang siya ring maging dahilan ng pagkasira ng iyong tahanan?

Ang kapangyarihang ipinagkakaloob natin sa mga namumuno ay may kaakibat na pananagutan. Hindi sapat ang mga pangakong pangangalagaan ang kalikasan kung ang mismong mga desisyon ng pamahalaan ay nagdudulot ng pinsala sa kapaligiran at sa mga taong umaasa rito. Ang bawat pagpapasya ay hindi dapat nakatuon sa kapakinabangan ng iilan, kundi sa kapakanan ng lahat.

Panahon nang matutong makinig, kumonsulta, at kumilala sa dignidad at karapatan ng bawat pamayanan—lalo na ng mga katutubong matagal nang nagbabantay at nangangalaga sa kanilang lupang ninuno.

Kalikasan na nga lamang ang isa sa pinakamagagandang yaman ng ating bansa. Sisirain pa ba natin ito? At kapag tuluyan na itong nawala, sino ang mananagot?

16/08/2026

| 𝙎𝙖𝙟𝙤𝙣𝙞𝙖, 𝙋𝙖𝙨𝙤𝙠 𝙨𝙖 𝙋𝘼𝙏𝘼𝙁𝘼 𝙁𝙞𝙣𝙖𝙡𝙨: 𝙃𝙖𝙣𝙙𝙖 𝙣𝙖 𝙨𝙖 𝙎𝙪𝙨𝙪𝙣𝙤𝙙 𝙣𝙖 𝙇𝙖𝙗𝙖𝙣

✍️ 𝙐𝙡𝙖𝙩 𝙣𝙞: 𝘼𝙧𝙞𝙖𝙙𝙣𝙚 𝙑𝙞𝙘𝙩𝙤𝙧𝙞𝙖 𝙕. 𝙎𝙞𝙣𝙘𝙖
𝙋𝙖𝙩𝙣𝙪𝙜𝙤𝙩 𝙣𝙜 𝘽𝙖𝙡𝙞𝙩𝙖𝙣𝙜 𝙋𝙖𝙢𝙥𝙖𝙡𝙖𝙠𝙖𝙨𝙖𝙣

Ipinamalas ni 𝙋𝙧𝙞𝙣𝙘𝙚 𝙅𝙖𝙙𝙚 𝘾. 𝙎𝙖𝙟𝙤𝙣𝙞𝙖, mula sa Grade 10–Padayon student-athlete ng Tañong Integrated School, ang kanyang husay sa athletics sa ginanap na kompetisyon at natanghal bilang 𝙄𝙠𝙖𝙡𝙖𝙬𝙖𝙣𝙜 𝙋𝙪𝙬𝙚𝙨𝙩𝙤 sa 𝘿𝙞𝙨𝙘𝙪𝙨 𝙏𝙝𝙧𝙤𝙬 noong ika-15 ng Agosto 2026 sa PhilSports Arena.

Sa ilalim ng paggabay ni 𝙂. 𝙆𝙚𝙣𝙣𝙚𝙩𝙝 𝘾. 𝘼𝙡𝙗𝙤𝙨, nakipagsabayan si Sajonia sa kompetisyon at matagumpay na sinelyuhan ang pagkakataong magpatuloy sa mas mataas na antas ng paligsahan. Matapos ang kanyang paglahok sa discus throw, nakatakda siyang sumabak sa PATAFA Finals para sa parehong event. 𝘽𝙪𝙠𝙤𝙙 𝙙𝙞𝙩𝙤, 𝙥𝙖𝙨𝙤𝙠 𝙙𝙞𝙣 𝙨𝙞𝙮𝙖 𝙨𝙖 𝙨𝙝𝙤𝙩 𝙥𝙪𝙩 𝙣𝙖 𝙜𝙖𝙜𝙖𝙣𝙖𝙥𝙞𝙣 𝙨𝙖 𝙞𝙠𝙖-5 𝙣𝙜 𝙎𝙚𝙩𝙮𝙚𝙢𝙗𝙧𝙚 2026, 𝙨𝙖 𝙋𝙝𝙞𝙡𝙎𝙥𝙤𝙧𝙩𝙨 𝘼𝙧𝙚𝙣𝙖.

“𝘈𝘯𝘨 𝘯𝘢𝘳𝘢𝘮𝘥𝘢𝘮𝘢𝘯 𝘬𝘰 𝘱𝘰 𝘯𝘨𝘢𝘺𝘰𝘯 𝘢𝘺 𝘴𝘢𝘺𝘢 𝘥𝘢𝘩𝘪𝘭 𝘯𝘢-𝘢𝘤𝘩𝘪𝘦𝘷𝘦 𝘬𝘰 𝘴𝘢 𝘴𝘢𝘳𝘪𝘭𝘪 𝘬𝘰 𝘯𝘢 𝘮𝘢𝘬𝘢𝘳𝘢𝘵𝘪𝘯𝘨 𝘴𝘢 𝘪𝘴𝘢 𝘴𝘢 𝘱𝘪𝘯𝘢𝘬𝘢𝘮𝘢𝘵𝘢𝘢𝘴 𝘯𝘢 𝘈𝘵𝘩𝘭𝘦𝘵𝘪𝘤𝘴 𝘌𝘷𝘦𝘯𝘵 𝘴𝘢 𝘗𝘪𝘭𝘪𝘱𝘪𝘯𝘢𝘴, 𝘢𝘵 𝘯𝘢𝘨𝘱𝘢𝘱𝘢𝘴𝘢𝘭𝘢𝘮𝘢𝘵 𝘢𝘬𝘰 𝘴𝘢 𝘗𝘢𝘯𝘨𝘪𝘯𝘰𝘰𝘯 𝘬𝘶𝘯𝘨 𝘩𝘪𝘯𝘥𝘪 𝘥𝘢𝘩𝘪𝘭 𝘴𝘢 𝘒𝘢𝘯𝘺𝘢, 𝘩𝘪𝘯𝘥𝘪 𝘬𝘰 𝘳𝘪𝘯 𝘮𝘢𝘢𝘣𝘰𝘵 𝘪𝘵𝘰. 𝘈𝘯𝘨 𝘮𝘨𝘢 𝘨𝘢𝘨𝘢𝘸𝘪𝘯 𝘬𝘰𝘯𝘨 𝘱𝘢𝘨𝘩𝘢𝘩𝘢𝘯𝘥𝘢 𝘢𝘺 𝘱𝘢𝘵𝘶𝘭𝘰𝘺 𝘭𝘢𝘯𝘨 𝘢𝘺 𝘱𝘢𝘵𝘶𝘭𝘰𝘺 𝘯𝘢 𝘱𝘢𝘨𝘴𝘶𝘴𝘶𝘮𝘪𝘬𝘢𝘱 𝘢𝘵 𝘥𝘪𝘴𝘪𝘱𝘭𝘪𝘯𝘢 𝘴𝘢 𝘵𝘳𝘢𝘪𝘯𝘪𝘯𝘨 𝘱𝘢𝘳𝘢 𝘴𝘢 𝘴𝘶𝘴𝘶𝘯𝘰𝘥 𝘯𝘢 𝘬𝘰𝘮𝘱𝘦𝘵𝘪𝘴𝘺𝘰𝘯,” ayon kay sa Sajonia nang siya ay kapanayamin tungkol sa kanyang nararamdaman at mga paghahanda para sa susunod pang kompetisyon.

Sa patuloy na pagsasanay at paghahanda, layunin ni Sajonia na maipakita ang kanyang pinakamahusay na performance sa nalalapit na PATAFA competition. Bitbit ang suporta ng kanyang coach, paaralan, at mga taong tunay naniniwala sa kanyang kakayahan, determinado siyang harapin ang susunod na hamon sa larangan ng athletics.

Mula sa discus throw tungo sa PATAFA Finals, panibagong pagkakataon ito para kay Sajonia na ipakita ang kanyang sipag, dedikasyon, at husay sa athletics.

05/08/2026

𝙋𝙖𝙖𝙡𝙖𝙡𝙖: Ang Google Form ng REBYU ay bukas lamang sa loob ng 10 araw mula sa petsa ng paglalathala. Pagkatapos ng nasabing panahon, awtomatiko na itong isasara at hindi na tatanggap ng mga tugon.

Sa mga nais maging bahagi ng REBYU, mangyaring magsumite ng inyong artikulo, kartun, layout, o mga larawan kay:

Ma'am Charity: PANG-UMAGA
Bb. Sheena Barquillo: PANGHAPON

"𝘈𝘯𝘨 𝘴𝘪𝘮𝘶𝘭𝘢 𝘯𝘨 𝘱𝘢𝘨𝘬𝘢𝘮𝘶𝘭𝘢𝘵 𝘢𝘺 𝘢𝘯𝘨 𝘵𝘢𝘱𝘢𝘵 𝘯𝘢 𝘱𝘢𝘮𝘢𝘮𝘢𝘩𝘢𝘺𝘢𝘨."

𝗥𝗘𝗕𝗬𝗨

𝐫𝐞𝐠𝐢𝐬𝐭𝐫𝐚𝐭𝐢𝐨𝐧 𝐥𝐢𝐧𝐤:
https://forms.gle/hbx4Y5wfSHsfAK1Y8

05/08/2026

WALANG PASOK | Suspendido ang face-to- face classes sa hapon sa lahat ng antas sa mga pampubliko at pribadong paaralan sa Lungsod ng Malabon ngayong araw, Miyerkules, Agosto 5, 2026, dahil sa patuloy na pag-ulan na dulot ng Southwest Monsoon (Habagat) na pinapalakas ng Bagyong Maymay.

Magpapatuloy ang klase sa mga paaralan sa pamamagitan ng Alternative Delivery Mode (online classes).

Pinapayuhan ang lahat na manatiling nakatutok sa mga mahahalagang impormasyon o anunsiyo ukol sa lagay ng panahon. Maging alerto anumang oras at mag-ingat para sa kaligtasan ng lahat.

Kung may emergency, maaaring makipag-ugnayan sa Malabon Command Center sa mga numerong 8-921-6009, 8-921-6029, 0942-372-9891, o 0919-062-5588. Maaari rin kayong mag-text sa TXTMJS sa 225687 o 0917-889-8657.

04/08/2026

| 𝘼𝙡𝙚𝙭 𝙀𝙖𝙡𝙖, 𝙐𝙢𝙖𝙣𝙞 𝙣𝙜 𝙈𝙖𝙠𝙖𝙨𝙖𝙮𝙨𝙖𝙮𝙖𝙣𝙜 𝙋𝙖𝙣𝙖𝙡𝙤 𝙨𝙖 𝙈𝙪𝙗𝙖𝙙𝙖𝙡𝙖 𝘿𝘾 2026

✍️ 𝙐𝙡𝙖𝙩 𝙣𝙞: 𝘼𝙧𝙞𝙖𝙙𝙣𝙚 𝙑𝙞𝙘𝙩𝙤𝙧𝙞𝙖 𝙕. 𝙎𝙞𝙣𝙘𝙖
𝙋𝙖𝙩𝙣𝙪𝙜𝙤𝙩 𝙣𝙜 𝙄𝙨𝙥𝙤𝙧𝙩𝙨

📸 𝙆𝙪𝙝𝙖𝙣𝙜 𝙡𝙖𝙧𝙖𝙬𝙖𝙣 𝙢𝙪𝙡𝙖 𝙨𝙖:
𝙋𝙝𝙞𝙡𝙞𝙥𝙥𝙞𝙣𝙚 𝙎𝙩𝙖𝙧

Muling ipinagmalaki ni Alex Eala ang Pilipinas matapos niyang makamit ang isang makasaysayang tagumpay sa Mubadala DC 2026. Sa kanyang kahanga-hangang ipinamalas, naitala niya ang isa sa pinakamalalaking panalo sa kanyang propesyonal na karera at lalo pang pinaigting ang kanyang pangalan bilang isa sa mga pinakamahuhusay na manlalaro ng tennis sa buong mundo.

Sa isang matinding laban, ibinagsak ni Eala ang World No. 3 na si Jessica Pegula sa iskor na 4–6, 6–4, 6–0. Matapos masungkit ang unang set, ipinakita ni Eala ang kanyang tibay ng loob, disiplina, at determinasyon upang makabalik sa laban at dominahin ang huling dalawang set. Ang kanyang impresibong pagbangon ay nagpamalas ng kanyang world-class na kakayahan at hindi matatawarang tapang sa loob ng court.

Dahil sa tagumpay na ito, opisyal nang naitala si Alex Eala bilang kauna-unahang Filipino at Southeast Asian na nagwagi bilang kampeon sa WTA Tour, isang napakalaking karangalan hindi lamang para sa kanya kundi para sa buong sambayanang Pilipino. Ang kanyang panalo ay nagsisilbing inspirasyon sa mga kabataang atleta at patunay na kayang makipagsabayan ng mga Pilipino sa pinakamataas na antas ng pandaigdigang isports.

Ang makasaysayang tagumpay ni Alex Eala ay hindi lamang isang personal na panalo, kundi isang tagumpay ng buong Pilipinas na magbibigay-inspirasyon sa susunod pang henerasyon ng mga atletang Pilipino.

04/08/2026

𝙋𝘼𝙉𝙐𝙉𝙐𝙈𝙋𝘼 𝙉𝙂 𝘽𝘼𝙂𝙊𝙉𝙂 𝙋𝘼𝙈𝙐𝙉𝙐𝘼𝙉 𝙉𝙂 𝙁𝘼𝘾𝙐𝙇𝙏𝙔 𝘾𝙇𝙐𝘽, 𝙄𝙎𝙄𝙉𝘼𝙂𝘼𝙒𝘼

✍️ 𝙐𝙡𝙖𝙩 𝙣𝙞: 𝘼𝙘𝙚 𝙅𝙖𝙢𝙞𝙡 𝘼. 𝙊𝙧𝙦𝙪𝙞𝙡𝙡𝙖
𝙋𝙖𝙩𝙣𝙪𝙜𝙤𝙩 𝙣𝙜 𝘽𝙖𝙡𝙞𝙩𝙖

Matagumapay na isinagawa ang panunumpa ng mga bagong opisyal ng 𝘍𝘢𝘤𝘶𝘭𝘵𝘺 𝘊𝘭𝘶𝘣 kahapon, ika-4 ng Agosto taong 2026 sa ganap na 12:30 ng tanghali. Ito ay dinaluhan ng mga nailuklok na mga opisyal at pinangunahan ng Punongg**o ng paaralan, 𝘽𝙗. 𝙃𝙚𝙙𝙙𝙮 𝘾. 𝙋𝙤𝙧𝙩𝙪𝙜𝙚𝙨𝙚 ang seremonya.

Ang mga opisyal na nanumpa ay ang sumusunod:

𝙋𝙖𝙣𝙜𝙪𝙡𝙤: Bb. Ma. Sandra P. Taño

𝙋𝙖𝙣𝙜𝙖𝙡𝙖𝙬𝙖𝙣𝙜 𝙋𝙖𝙣𝙜𝙪𝙡𝙤: Bb. Irine F. Balderama

𝙆𝙖𝙡𝙞𝙝𝙞𝙢: G. Joshua A. Delos Reyes

𝙄𝙣𝙜𝙖𝙩-𝙔𝙖𝙢𝙖𝙣:
𝘿𝙚𝙥𝙖𝙧𝙩𝙖𝙢𝙚𝙣𝙩𝙤 𝙣𝙜 𝙀𝙡𝙚𝙢𝙚𝙣𝙩𝙖𝙧𝙮𝙖
Bb. Rosemarie S. Salabsalo

𝘿𝙚𝙥𝙖𝙧𝙩𝙖𝙢𝙚𝙣𝙩𝙤 𝙣𝙜 𝙎𝙚𝙠𝙤𝙣𝙙𝙖𝙧𝙮𝙖
Bb. Marlex E. Bañar

𝘼𝙪𝙙𝙞𝙩𝙤𝙧: G. Arvin S. Perez

𝘽𝙪𝙨𝙞𝙣𝙚𝙨𝙨 𝙈𝙖𝙣𝙖𝙜𝙚𝙧:
Bb. Maria Cecilia L. Lomibao

𝙈𝙜𝙖 𝙆𝙞𝙣𝙖𝙩𝙖𝙬𝙖𝙣:
G. Randy P. Esperida
G. Nollan Borja
Bb. Tessaly O. Melo

Inaasahan na kanilang pangungunahan ang mga g**o ng may pagkakaisa at makatutulong sa pag-unlad ng bawat-isa.

Ito ay pinagkakatiwalaang sisiguruhing pag-iigtingin ang produktibong pamunuan para sa taong panuruan 2026-2027.

04/08/2026

| 𝙍𝙀𝘽𝙔𝙐, 𝘼𝙉𝙊 𝙔𝘼𝙉?

🎙️ 𝙈𝙖𝙢𝙖𝙢𝙖𝙝𝙖𝙮𝙖𝙜:
𝘼𝙘𝙚 𝙅𝙖𝙢𝙞𝙡 𝘼. 𝙊𝙧𝙦𝙪𝙞𝙡𝙡𝙖
𝙋𝙖𝙩𝙣𝙪𝙜𝙤𝙩 𝙣𝙜 𝘽𝙖𝙡𝙞𝙩𝙖

📹 💻 𝘽𝙞𝙙𝙮𝙤𝙜𝙧𝙖𝙥𝙚𝙧 𝙖𝙩 𝙀𝙙𝙞𝙩𝙤𝙧:
𝘼𝙮𝙚𝙨𝙝𝙖 𝙈𝙞𝙘𝙝𝙞𝙠𝙤 𝘿. 𝘾𝙖𝙜𝙖𝙡𝙞𝙣𝙜𝙖𝙣
𝙋𝙖𝙩𝙣𝙪𝙜𝙤𝙩 𝙣𝙜 𝘼𝙜𝙝𝙖𝙢 𝙖𝙩 𝙏𝙚𝙠𝙣𝙤𝙡𝙤𝙝𝙞𝙮𝙖

03/08/2026

𝙋𝙖𝙜𝙙𝙞𝙧𝙞𝙬𝙖𝙣𝙜 𝙣𝙜 𝘽𝙪𝙬𝙖𝙣 𝙣𝙜 𝙒𝙞𝙠𝙖 𝙖𝙩 𝘽𝙪𝙬𝙖𝙣 𝙣𝙜 𝙆𝙖𝙨𝙖𝙮𝙨𝙖𝙮𝙖𝙣, 𝙈𝙖𝙩𝙖𝙜𝙪𝙢𝙥𝙖𝙮 𝙣𝙖 𝙄𝙨𝙞𝙣𝙖𝙜𝙖𝙬𝙖 𝙨𝙖 𝙏𝙄𝙎

✍️ 𝙐𝙡𝙖𝙩 𝙣𝙞: 𝘼𝙘𝙚 𝙅𝙖𝙢𝙞𝙡 𝘼. 𝙊𝙧𝙦𝙪𝙞𝙡𝙡𝙖
𝙋𝙖𝙩𝙣𝙪𝙜𝙤𝙩 𝙣𝙜 𝘽𝙖𝙡𝙞𝙩𝙖

Ipinagdiwang ng Tañong Integrated School ang Buwan ng Wika at Buwan ng Kasaysayan sa pamamagitan ng pagsusuot ng kasuotang Pilipino ng mga mag-aaral mula Baitang 7 hanggang Baitang 10 bilang pakikiisa sa mga temang "𝘞𝘪𝘬𝘢𝘯𝘨 𝘍𝘪𝘭𝘪𝘱𝘪𝘯𝘰 𝘢𝘵 𝘈𝘐: 𝘒𝘢𝘴𝘢𝘯𝘨𝘬𝘢𝘱𝘢𝘯 𝘴𝘢 𝘗𝘢𝘯𝘢𝘯𝘢𝘭𝘪𝘬𝘴𝘪𝘬 𝘢𝘵 𝘛𝘶𝘭𝘢𝘺 𝘴𝘢 𝘠𝘢𝘮𝘢𝘯 𝘯𝘨 𝘐𝘮𝘱𝘰𝘳𝘮𝘢𝘴𝘺𝘰𝘯" at "𝘏𝘪𝘯𝘶𝘣𝘰𝘨 𝘯𝘨 𝘉𝘢𝘺𝘢𝘯, 𝘋𝘪𝘯𝘶𝘺𝘢𝘯 𝘯𝘨 𝘈𝘭𝘰𝘯."

Layunin ng pagdiriwang na mapalalim ang pagpapahalaga ng mga mag-aaral sa wikang Filipino, kasaysayan, at kulturang Pilipino, gayundin ang maipakita ang kahalagahan ng makabagong teknolohiya bilang katuwang sa pananaliksik at paglinang ng kaalaman.

Naging tampok sa pagdiriwang ang makukulay at iba’t ibang kasuotang Pilipino na isinuot ng mga mag-aaral, na nagsilbing pagpapakita ng pagmamalaki sa mayamang kultura at pagkakakilanlan ng bansa.

Isinagawa ang programa sa pamumuno nina G. Sonny V. Alojacin, Dalubg**o sa Araling Panlipunan, at Bb. Marie Karlene A. Abaigar, Puno ng Kagawaran sa Filipino, sa gabay at suporta ni Bb. Heddy Castro Portuguese, Punongg**o. Katuwang sa matagumpay na pagdaraos ng gawain ang mga g**o sa Filipino at Araling Panlipunan, kasama ang mga tagapayo ng bawat baitang.

Sa pamamagitan ng pagdiriwang na ito, muling naipamalas ng paaralan ang kahalagahan ng pagpapanatili ng pagmamahal sa sariling wika at kasaysayan habang tinatanggap ang makabagong teknolohiya bilang katuwang sa pagkatuto at pananaliksik.