Plumarian - Gen. Pio Del Pilar National High School

| 𝗟𝗮𝘁𝗵𝗮𝗹𝗮𝗶𝗻

𝗨𝘄𝗶𝗮𝗻 𝗡𝗮!

“Kahit sandali lang basta't makasama ka
Kahit mamaya-maya lang ako'y uuwi na.”

“Uwian na!” Isang katagang madalas nating naririnig sa pagtatapos ng isang araw sa klase. Pananabik at sigla pa ang nakaukit sa mukha ng mga estudyante habang hinihintay na makalabas sa eskwelahan. Nakasanayan ko na marinig ang mga salitang ito, ngunit hindi ko inaasahang iba pala ang pakiramdam na marinig ito sa huling araw ko bilang isang Pilarian.

Noong Marso 27 ay nagsagawa ng 𝘮𝘰𝘷𝘪𝘯𝘨 𝘶𝘱 𝘤𝘦𝘳𝘦𝘮𝘰𝘯𝘺 para sa mga mag-aaral ng ikasampung baitang sa kani-kanilang mga silid sa Gen. Pio del Pilar National High School. Ito na ang kanilang huling kaganapan sa paaralan. Napuno ng luha at kalungkutan ang mga mata ng aking mga kamag-aral, napagtanto na kasi naming maghihiwalay na ang samahang nabuo namin sa paaralan na itinuturing naming pangalawang pamilya at tahanan.

Sa pagtatapos ng paggawad ng sertipiko sa buong klase noong araw na iyon, ay nagbahagi ng mga salita at paalam ang aming 𝘢𝘥𝘷𝘪𝘴𝘦𝘳, hindi na napigilang lumuha ng ilan, dahil ang pamilyang nabuo mula sa tawanan, pagtutulungan, ay iyakan, ay maghihiwalay na upang tahakin ang sari-sariling landas. Nang pinagmamasdan ko aking mga kaklase, ako’y nagbalik tanaw. Ang mga taong ito na aking nakilala at nakitang umunlad sa kung sino sila ngayon, sila rin ang mga estrangherong nagpakilala sa isa’t isa noong unang beses na pumasok kami sa paaralang ito.

Tunay ngang mabilis ang pagtakbo ng oras, hindi inaakala ng mga estudyanteng ito na unti-unti na palang nahuhulma ang kanilang pagkatao sa loob ng mga klasrum na akala nila’y para sa pag-aaral lamang. Kasama ang mga kaklase, g**o, at kaibigan, pinasok nila ang paaralan nang hindi nalalaman kung ano ang naghihintay para sa kanila, gumawa ng mga ala-ala at nangalap ng kaalaman. Sa paglipas ng ilang taon ay hindi na natin namalayan na dumating na ang panahong iiwan na natin ang nakasanayang silid, pasilyo, at upuan, at kailangan na nating mamaalam.

Habang pinupunasan ko ang mga luhang kanina pa pumapatak sa aking pisngi, unti-unti ko nang nililigpit ang aking mga gamit at naghahanda nang umuwi. 𝘉𝘢𝘭𝘭𝘱𝘦𝘯, papel, medalya, at sertipiko, isa-isa ko itong pinasok sa aking 𝘣𝘢𝘨. Ngunit lingid sa aking kaalaman, hindi lamang mga materyal na bagay ang aking iuuwi, kasama rito ang mga aral at karanasang aking natamo mula sa apat na taong pag-aaral sa Pio. Ito ang nagsisilbing baon nating mga estudyante sa buhay sa labas ng paaralan.

Bago umuwi ay nilibot ko ang mga pasilyo ng paaralan para sa huling pagkakataon. Nang madaanan ko ang bawat 𝘧𝘢𝘤𝘶𝘭𝘵𝘺 𝘳𝘰𝘰𝘮, bumalik sa akin ang mga aral mula sa iba’t ibang asignatura. Isa sa mga ito ay ang itinuro sa Filipino, na tulad ng mga nobela ni Rizal, ang ating mga buhay ay mayroon ding mga kabanata na tumutulong buuin ang istorya natin. Isa sa mga kabanatang ito ay ang pag-aaral sa Pio, kasama ang mga tauhan na ang ating mga g**o at kamag-aral na naging bahagi ng kwento tungkol sa pag-abot natin sa ating mga pangarap.

Isang linggo na ang nakalipas, ngunit naaalala ko pa rin ang mga nangyari noong araw na iyon. Ang tawanan at luhaan, ang mga mahigpit na yakap, ang mga payo at panalangin, at higit sa lahat, ang mga salitang “𝘴𝘦𝘦 𝘺𝘰𝘶 𝘸𝘩𝘦𝘯 𝘐 𝘴𝘦𝘦 𝘺𝘰𝘶.” Hindi maitatago ang katotohanang hahanap-hanapin pa rin ng ating isipan ang mga alaala at tao mula sa paaralang ito, kahit ano pa man ang pinagdaanan at karanasan mo sa Pio, paniguradong nakaukit pa rin ito sa iyong memorya. Kaya’y sana ay magkita pa tayo muli, kahit saang yugto ka man ng iyong buhay, huwag mong kakalimutan ang paaralang hihintayin ka sa iyong pagbalik at pag-unlad. Habang naghihintay lumabas, narinig ko muli ang dalawang salitang nakasanayan ko na, ngunit ngayon ay iba ang dating nito, lungkot, dismaya, at ginhawa, isang Pilarian ang sumigaw, “uwian na!”

Payapa ang aking biyahe pauwi, tuyo na ang luha at sabik nang magbakasyon, sa wakas ay hindi ko na ramdam ang pagod mula sa pinagdaanan ko upang matapos ang 𝘫𝘶𝘯𝘪𝘰𝘳 𝘩𝘪𝘨𝘩 𝘴𝘤𝘩𝘰𝘰𝘭, napalitan na ito ng ginhawa at pasasalamat. Tinanaw ko ang paaralan mula sa pinto ng dyip nang unti-unti itong naglaho sa kalayuan, hanggang sa muli Pio, salamat at naging parte ka ng aking buhay. Binalik ko ang aking tingin sa harap at nagpokus sa aking patutunguhan, handa na akong umuwi, pinikit ko ang aking mga mata at nakinig na lamang sa aking pinapatugtog, nang mapagtanto ko kung anong awitin iyon, hindi ko na napigilang ngumiti.

“Kahit walang katapusan hindi ka iiwan
Basta't makasama ka ako'y nakauwi na.”
___________________________________________________________________

Isinulat ni: Jeya Trofeo (Patnugot ng Lathalain)
Iginuhit ni: Keisha Cae Mamuric & Yjeh Trofeo (Kartuning)

| 𝐏𝐚𝐠𝐬𝐮𝐬𝐮𝐥𝐢𝐭 𝐬𝐚 𝐈𝐤𝐚𝐚𝐩𝐚𝐭 𝐧𝐚 𝐌𝐚𝐫𝐤𝐚𝐡𝐚𝐧

♫ 𝘐𝘵𝘰 𝘯𝘢 𝘢𝘯𝘨 𝘢𝘵𝘪𝘯𝘨 𝘩𝘶𝘭𝘪𝘯𝘨 𝘴𝘢𝘯𝘥𝘢𝘭𝘪, '𝘥𝘪 𝘯𝘢 𝘵𝘢𝘺𝘰 𝘮𝘢𝘨𝘬𝘢𝘬𝘢𝘮𝘢𝘭𝘪,
𝘒𝘢𝘴𝘪 𝘸𝘢𝘭𝘢 𝘯𝘢𝘯𝘨 𝘣𝘶𝘬𝘢𝘴, 𝘴𝘶𝘭𝘪𝘵𝘪𝘯 𝘯𝘢𝘵𝘪𝘯, 𝘪𝘵𝘰 𝘯𝘢 𝘢𝘯𝘨 𝘸𝘢𝘬𝘢𝘴,
𝘒𝘢𝘪𝘭𝘢𝘯𝘨𝘢𝘯 𝘯𝘢 𝘺𝘢𝘵𝘢 𝘯𝘢𝘵𝘪𝘯𝘨 𝘶𝘮𝘶𝘸𝘪...♬

Sa pagharap sa 𝙝𝙪𝙡𝙞𝙣𝙜 𝙦𝙪𝙖𝙧𝙩𝙚𝙧𝙡𝙮 𝙚𝙭𝙖𝙢𝙞𝙣𝙖𝙩𝙞𝙤𝙣 ng 𝙩𝙖𝙤𝙣𝙜 𝙥𝙖𝙣𝙪𝙧𝙪𝙖𝙣, nawa’y maging sandigan ninyo ang lahat ng inyong natutunan at pinaghirapan.

Lahat ng masasayang ala-ala ng taong ito ay maging inspirasyon sa darating na pagsusulit. Pilarians, ipamalas ang bunga ng inyong pagsusumikap at harapin ang huling pagsusulit nang may 𝙠𝙖𝙩𝙖𝙥𝙖𝙩𝙖𝙣, 𝙩𝙖𝙥𝙖𝙣𝙜, 𝙖𝙩 𝙩𝙞𝙬𝙖𝙡𝙖 𝙨𝙖 𝙨𝙖𝙧𝙞𝙡𝙞.

Kasama na rin ang lahat ng naniniwala, nagtitiwala, at sumusuporta sa inyo. Ibuhos ang buong lakas at galing sa huling pagsusulit. 𝙂𝙊𝙊𝘿 𝙇𝙐𝘾𝙆! 𓂃🖋

｡⁠*ﾟSa bawat istorya at balita na inilahad, sa lahat ng oras na ginugol para sa pagsasayanay, sa dugo't pawis na inyong inalay, dumating na rin ang panahon na magpakitang gilas ang pinagmamalaking nating mga mamamahayag mula sa Plumarian. 🖋️📰

Sa ating mga 𝗥𝗦𝗣𝗖 𝗾𝘂𝗮𝗹𝗶𝗳𝗶𝗲𝗿𝘀, na sina 𝗬𝗷𝗲𝗵 𝗧𝗿𝗼𝗳𝗲𝗼, ang aming masigasig na 𝗺𝗮𝗻𝘂𝗻𝘂𝗹𝗮𝘁 𝗻𝗴 𝗯𝗮𝗹𝗶𝘁𝗮𝗻𝗴 𝗽𝗮𝗺𝗽𝗮𝗹𝗮𝗸𝗮𝘀𝗮𝗻, at 𝗖𝗮𝗿𝗹𝗲𝘆 𝗛𝗲𝗮𝗿𝘁 𝗡𝗮𝘃𝗮𝗿𝗿𝗼, ang aming mapanuring 𝗺𝗮𝗻𝘂𝗻𝘂𝗹𝗮𝘁 𝗻𝗴 𝗯𝗮𝗹𝗶𝘁𝗮, ipakita ninyo ang bunga nga inyong pagsusumikap at iuwi ang tropeyo! 🏆🏅

Nawa'y pagpalain kayo ng Diyos sa inyong laban! Ano man ang resulta ay lubos naming kayong ipinagmamalaki at ikinagagalak! 𝗣𝗮𝗱𝗮𝘆𝗼𝗻 𝗣𝗹𝘂𝗺𝗮𝗿𝗶𝗮𝗻𝘀!

| 𝐏𝐚𝐠𝐬𝐮𝐬𝐮𝐥𝐢𝐭 𝐬𝐚 𝐈𝐤𝐚𝐥𝐚𝐰𝐚𝐧𝐠 𝐌𝐚𝐫𝐤𝐚𝐡𝐚𝐧

Handa ka na bang ipasa lahat ng hamon, Pilarian?

Sa paglapit ng linggo ng pagsusulit, muling napupuno ang bawat silid-aralan ng mga pusong pursigidong magtagumpay. Sa bawat pahina ng mga aralin na babalikan, sa bawat gabing ginugugol sa pag-aaral, at sa bawat panalangin na kasama sa paghahanda, naroon ang diwa ng isang mag-aaral na patuloy na lumalaban para sa kaniyang pangarap.

Isang yugto na naman ng pag-aaral ang magtatapos. Tayo ay nasa kalagitnaan na ng taong panuruan at magkakaroon na naman ng madami at bagong mga sertipiko. Kaya sa mga pagsusulit na ginaganap ngayong Oktubre 22 hanggang 24, kami ang Plumarian, nagpapaalala na magbasa at balikan muli ang mga aralin, nang sa gayon ay makakuha kayo ng matataas na marka sa bawat asignatura.

Good luck sa ating lahat, Pilarians! Ipagpatuloy ang sipag, tiyaga, at dedikasyon. Hangad namin ang matagumpay na resulta para sa inyong lahat.

✨ 𝗦𝘂𝗺𝗮𝗸𝘀𝗲𝘀 𝗸𝗮 𝗯𝗮 𝘀𝗮 𝗶𝘆𝗼𝗻𝗴 𝙅𝙚𝙚𝙥𝙣𝙚𝙮 𝙇𝙤𝙫𝙚 𝙎𝙩𝙤𝙧𝙮? 🧐

Taos-puso kaming nagpapasalamat sa lahat ng nakilahok at sumuporta sa booth ng 𝗣𝗹𝘂𝗺𝗮𝗿𝗶𝗮𝗻 nitong 𝗣𝗔𝗥𝗔 𝗣𝗢! 𝗖𝗹𝘂𝗯 𝗙𝗮𝗶𝗿 𝟮𝟬𝟮𝟱. 💙

Sa lahat ng nakiisa sa aming mga palaro at nakibahagi sa kasiyahan, isang malaking pasasalamat! 🙌 Ang inyong mga tawa, sigawan, at pakikilahok ay talagang nagbigay-buhay sa aming booth. Hindi lamang mga premyo o laro ang aming naibahagi, kundi pati mga alaala at karanasang siguradong mananatili sa puso ng bawat isa. 🤩🎉

Dahil sa inyo, Pilarians, naging matagumpay at puno ng kasiyahan ang ating biyahe mula sa unang sakay hanggang sa huling pagbaba! 🌟

Sa susunod na taon ulit? 👀

Isinulat ni: Jhaylie Godoy/Ang Plumarian

𝐊𝐰𝐚𝐝𝐞𝐫𝐧𝐨 𝐧𝐠 𝐒𝐚𝐥𝐨𝐨𝐛𝐢𝐧 📝

Hindi pader kundi 𝗺𝗮𝗹𝗮𝗸𝗶𝗻𝗴 𝗸𝘄𝗮𝗱𝗲𝗿𝗻𝗼 ang nagsilbing Freedom Wall namin ngayong Club Fair! 📒🎉 Bawat pahina’y puno ng kwento, damdamin at saya mula sa inyo, Pilarians. 💌

Bawat salita, bawat kwento, at bawat mensahe na iniwan ninyo ay nagsilbing 𝗶𝗻𝘀𝗽𝗶𝗿𝗮𝘀𝘆𝗼𝗻 𝗮𝘁 𝗸𝘂𝗹𝗮𝘆 sa booth ng Plumarian.

Maraming salamat sa lahat ng Pilarian na 𝗱𝘂𝗺𝗮𝗮𝗻, 𝗻𝗮𝗸𝗶𝘀𝗮𝘆𝗮, 𝗮𝘁 𝗻𝗮𝗴𝘀𝘂𝗹𝗮𝘁 sa aming Kwaderno ng Saloobin. 🥰🙌

Hanggang sa susunod na pagkakataon, Pilarians! 𝗦𝗮𝗺𝗮-𝘀𝗮𝗺𝗮 𝗽𝗮 𝗿𝗶𝗻 𝘁𝗮𝘆𝗼𝗻𝗴 𝗹𝘂𝗺𝗶𝗸𝗵𝗮 𝗻𝗴 𝗺𝗴𝗮 𝗮𝗹𝗮𝗮𝗹𝗮 𝗮𝘁 𝗸𝘄𝗲𝗻𝘁𝗼. 💫💙

Isinulat ni: Carley Navarro/Ang Plumarian

𝐋𝐢𝐡𝐢𝐦 𝐧𝐚 𝐈𝐛𝐮𝐛𝐮𝐧𝐲𝐚𝐠 📃

Ano nga ba ang mga 𝘀𝗶𝗸𝗿𝗲𝘁𝗼 sa likod ng mga ngiti ng mga mag-aaral ng GPDPNHS? 🤔

Sa dumaan na 𝗣𝗔𝗥𝗔 𝗣𝗢 𝗖𝗟𝗨𝗕 𝗙𝗔𝗜𝗥 𝟮𝟬𝟮𝟱 ay ipinahayag ng Pilarians ang kanilang itinatagong sikreto.📦 Bawat piraso ng papel ay kanilang pinuno ng mga lihim na 𝗻𝗴𝗮𝘆𝗼𝗻 𝗮𝘆 𝗮𝗺𝗶𝗻𝗴 𝗶𝗯𝘂𝗯𝘂𝗻𝘆𝗮𝗴.🤫

Nais namin ipabatid ang aming 𝘁𝗮𝗼𝘀 𝗽𝘂𝘀𝗼𝗻𝗴 𝗽𝗮𝘀𝗮𝘀𝗮𝗹𝗮𝗺𝗮𝘁 sa inyo Pilarians, sa lahat ng nakilahok, nagbahagi, nagsulat, at nagbasa ng mga sikreto sa 𝗣𝗹𝘂𝗺𝗮𝗿𝗶𝗮𝗻 ! 💗🙌

Hanggang sa muli Pilarians! 😋

Isinulat ni: Yjeh Trofeo/Ang Plumarian

𝐆𝐚𝐦𝐞 𝐤𝐚 𝐛𝐚, 𝐏𝐢𝐥𝐚𝐫𝐢𝐚𝐧? 🤩

Gusto mo bang 𝗶-𝗹𝗲𝘃𝗲𝗹 𝘂𝗽 ang iyong 𝗖𝗹𝘂𝗯 𝗙𝗮𝗶𝗿 𝗲𝘅𝗽𝗲𝗿𝗶𝗲𝗻𝗰𝗲 at makakuha pa ng 𝗲𝘅𝗰𝗶𝘁𝗶𝗻𝗴 𝗽𝗿𝗶𝘇𝗲𝘀? 🏆🎁

Naghahanap ka ba ng lugar kung saan puwede kang 𝘁𝘂𝗺𝗮𝘄𝗮, 𝘀𝘂𝗺𝗶𝗴𝗮𝘄, 𝗮𝘁 𝗺𝗮𝗴𝗽𝗮𝗸𝗮𝘀𝗮𝘆𝗮? 🎉🤪

Kung 𝗼𝗼, 𝗵𝗮𝗹𝗶𝗻𝗮 𝘀𝗮 𝗣𝗹𝘂𝗺𝗮𝗿𝗶𝗮𝗻! 🙌🌟
Huwag ka na magpahuli! Tara na at makilahok sa aming mga palaro para sa 𝗣𝗔𝗥𝗔 𝗣𝗢! 𝗖𝗹𝘂𝗯 𝗙𝗮𝗶𝗿 𝟮𝟬𝟮𝟱 na gaganapin nitong Septyembre 11-12.

Ano nga ba ang mga 𝗽𝗮𝗸𝘂𝗹𝗼 𝗻𝗴 𝗣𝗹𝘂𝗺𝗮𝗿𝗶𝗮𝗻??🤔🤔
📌𝐈𝐲𝐨𝐧𝐠 𝐌𝐞𝐦𝐨𝐫𝐲𝐚, 𝐈𝐠𝐮𝐡𝐢𝐭 𝐍𝐚𝐦𝐢𝐧! - ₱8/tao
📌𝐊𝐚𝐭𝐚𝐰𝐚𝐧 𝐤𝐨, 𝐄𝐤𝐬𝐩𝐫𝐞𝐬𝐲𝐨𝐧 𝐌𝐨! - ₱5/tao
📌𝐍𝐚𝐡𝐮𝐥𝐨𝐠 𝐤𝐚𝐲 𝐑𝐢𝐳𝐳-𝐚𝐥 -₱1/ ₱5/ ₱10/ ₱20
📌𝐁𝐨𝐥𝐚’𝐭 𝐛𝐚𝐥𝐚𝐧𝐬𝐞 - ₱5 (2 tries)
📌𝐓𝐚𝐤𝐥𝐨𝐛𝐚𝐧 𝐌𝐨 ‘𝐊𝐨 - ₱5 (2 tries)
📌𝐋𝐢𝐡𝐢𝐦 𝐧𝐚 𝐈𝐛𝐮𝐛𝐮𝐧𝐲𝐚𝐠 - ₱3

📍 Bisitahin kami sa aming booth ngayong Club Fair at damhin ang saya na siguradong hindi mo makakalimutan. Ikaw na lang ang kulang!

| 𝗕𝘂𝘄𝗮𝗻 𝗻𝗴 𝗪𝗶𝗸𝗮

𝗜𝘀𝗮𝗯𝘂𝗵𝗮𝘆 𝗮𝗻𝗴 𝗗𝗶𝘄𝗮 𝗻𝗴 𝗞𝗮𝘁𝘂𝘁𝘂𝗯𝗼𝗻𝗴 𝗪𝗶𝗸𝗮

Tuwing buwan ng Agosto, ipinagdiriwang ng mga paaralan at institusyon sa buong Pilipinas ang Buwan ng Wika sa pamamagitan ng pagsuot ng mga tradisyunal na damit, pagsasagawa ng paligsahan, at higit sa lahat ay ang paggamit ng wikang Filipino. Subalit sa kabila ng mga masiglang selebrasyon, tunay nga bang binibigyang pagkilala ang ating wikang pambansa, o isinasagawa lang ito bilang taunang pagdiriwang? Habang patuloy na umuusbong ang globalisasyon, unti-unti nang napapabayaan ang pagpapahalaga sa sariling wika. Isipin na lamang ang isang batang Pilipino na mas sanay na magsalita ng Ingles kaysa sa Filipino. Isa ito sa mga katotohanan na nararapat tugunan. Panahon na upang muling isabuhay ang diwa ng katutubong wika upang makamit ang pagkakaisa ng bansa.

___________________________________________________________________

Isinulat ni: Kylie Nama (Patnugot ng Editoryal)
Iginuhit ni: Aaron Hacutina (Patnugot ng Kartuning)

𝐀𝐫𝐚𝐰 𝐧𝐠 𝐊𝐚𝐥𝐚𝐲𝐚𝐚𝐧 𝐬𝐚 𝐏𝐚𝐦𝐚𝐦𝐚𝐡𝐚𝐲𝐚𝐠

Saludo sa matatapang, mahuhusay, mapanuri, mapagtanong, masigasig, at tapat na mamamahayag na walang takot na ibinabahagi ang katotohanan sa kanilang mga salita, litrato, at guhit. Ngayong araw ay para sa mga mamamahayag na naghahatid ng impormasyong totoo, napapanahon, at makabuluhan. Sila'y naging boses ng mga taong hindi pinapakinggan, naging ilaw sa mga lihim na pilit na itinatago sa dilim, at naging tulay para sa katotohanan. Ang ika-30 na araw ng Agosto ay itinatag na Araw ng Kalayaan sa Pamamahayag o National Press Freedom Day bilang parangal sa Ama ng Malayang Pamamahayag na si Marcelo H. del Pilar. 𝑴𝒂𝒍𝒊𝒈𝒂𝒚𝒂𝒏𝒈 𝑵𝒂𝒕𝒊𝒐𝒏𝒂𝒍 𝑷𝒓𝒆𝒔𝒔 𝑭𝒓𝒆𝒆𝒅𝒐𝒎 𝑫𝒂𝒚!

— Mula sa pamahayagang pangkampus sa Filipino ng mataas na paaralan ng Gen. Pio del Pilar, Ang Plumarian.
___________________________________________________________________

Isinulat ni: Jeya F. Trofeo / Ang Plumarian