Akh. Silme Guindo Managza "Abo Farid"

*Para sa bawat mag-asawa...

Ang mga huling minuto bago matulog ay isang mahalagang pagkakataon upang mag-usap kayong mag-asawa—magbahagi ng mga nangyari sa maghapon, kumustahin ang isa't isa, at pakinggan ang bawat karanasan.

Isang pagkakamali na sayangin ang mga sandaling ito sa walang tigil na pag-scroll sa internet o paggamit ng cellphone.

Sa halip, maglaan ng oras na mag-usap, magbahaginan ng inyong mga kuwento, saka matulog nang may kapayapaan sa puso. Ang simpleng kaugaliang ito ay nakapagpapatibay at lalong nagpapalalim ng pagmamahalan at samahan ng mag-asawa.

Akh. Silme Guindo Managza "Abo Farid"

*Hindi solusyon ang paghihiwalay sa mga hindi pagkakaunawaan, tampuhan, at pagsubok na nangyayari sa buhay mag-asawa.

Ang tamang solusyon ay ang pag-uusap nang may paggalang, pag-uunawaan, pagpapatawad, at pagtutulungan upang mapanatiling matatag ang pagsasama, sa tulong at gabay ng Allah

Akh. Silme Guindo Managza "Abo Farid"

*Ang pinakamataas na karangalang maaaring matanggap ng isang babae sa buong buhay niya ay ang tawagin siyang ina ng mga anak na matutuwid at mabubuti

Akh. Silme Guindo Managza "Abo Farid"

"Sinabi ni Ibn al-Qayyim رحمه الله:
'Kung nais mong malaman ang iyong antas sa paningin ng Allah, tingnan mo kung gaano kalaki ang pagpapahalaga mo sa Salah'

Akh. Silme Guindo Managza "Abo Farid"

🌹 O Asawang Lalaki:

Huwag mong kalilimutan na ang babae ay dumaraan sa mga panahong mabigat ang kanyang emosyon at sikolohikal na kalagayan, tulad ng:

• Panganganak
• Pagbubuntis
• Pagreregla

Kaya nararapat lamang na isaalang-alang mo ang kanyang damdamin at pakitunguhan siya nang may pag-unawa, pag-aaruga, at pagkamahinahon sa mga panahong iyon.

Akh. Silme Guindo Managza "Abo Farid"

Ang babae sa Islam:

• Maaaring siya ay dalaga,
• Nakatakda nang ikasal (engaged), o
• May asawa.

Ngunit ang tinatawag na "may karelasyon" na wala sa ilalim ng khitbah o nikah, wala itong kinikilalang katayuan sa Islam.

Akh. Silme Guindo Managza "Abo Farid"

May nagtanong sa atin sa comment: Pwede ba daw ipamigay nalang sa hindi Muslim ang Haram na pagkain tulad ng namatay na hayop?

Ang sagot ay hindi, lahat ng bawal kainin ay bawal ipakain sa iba, kahit na hindi mga Muslim, dahil hindi man sila Muslim ay nagkakasala rin sila sa mga ipinagbawal na kanilang ginagawa, kaya makakatulong ka sa kanila sa maling gawa, at ito'y kasalanan.

Pangalawa: Hindi natin ito kinakain dahil sa tayo'y naniniwala na ito ay marumi at karumaldumal, paano natin ipapakain sa iba ang ganong bagay?

Gayon din ang pagbebenta sa kanilang ng Haram, tulad ng ginagawa ng ilang Muslim na kapag nakahuli ng baboy damo (Wild Pig) ay binibenta sa mga non-muslims, Haram ito, kahit hindi pera o pagkain ang binayad nila.

Sinabi ng Propeta ﷺ: "Kapag ipinagbawal ng Allah ang isang bagay ay bawal narin ang halaga nito."

✍️ Dr. Muhd-ata Abdulkarim حفظه الله ورعاه