24/02/2025
"Walang mag-aaklas, kung hindi ginamitan ng dahas."
Ang pagkawala sa hawla ay nagdudulot ng ligaya. Paano pa kaya kung makalalaya, sa isang lider na mandaraya?
Isang mapayapa at matagumpay na pag-aaklas ang naganap noong Pebrero 22 hanggang Pebrero 25, 1986, upang maka-alpas sa pamumuno ni Ferdinand Marcos Sr. Ito ay naging isang makasaysayan na rebolusyon na naganap sa kasaysayan ng Pilipinas.
Diktadurya at pang-aabuso sa kapangyarihan, ang iilan sa mga rason kung bakit gustong makalaya ng mga mamamayan sa pamumuno ni Marcos Sr., sapagkat si Ferdinand Marcos ay nanatili sa kapangyarihan nang higit sa 20 taon, matapos ideklara ang Batas Militar (Martial Law) noong 1972. Sa panahong ito, maraming paglabag sa karapatang pantao, kabilang ang ilegal na pag-aresto, 'torture' o labis na pagpapahirap, at pagkawala ng mga aktibista, mamamahayag, at iba pang lumalaban sa gobyerno. Pangalawa rito ay ang korapsyon at krisis sa ekonomiya, kung saan bumagsak ang ekonomiya ng Pilipinas, tumaas ang presyo ng bilihin, at dumami ang mahihirap. At panghuli, ang pagpatay kay Ninoy Aquino. Ang kanyang pagkamatay ay nagpagising sa maraming Pilipino upang lumaban sa diktadurya. Nang dahil doon, nagkaisa ang milyon-milyong mga Pilipino upang magprotesta sa Epifanio de los Santos Avenue (EDSA).
Dahil sa matagumpay na pag-aaklas, nagresulta ito ng paglaganap ng Demokrasya sa Pilipinas, pagpapalakas ng Ekonomiya, at pagkakatatag ng Commission on Human Rights (CHR).
"Huwag kalimutan ang nakaraan, nang may matutunan." Iyan ang magiging susi sa kinabukasan. Gaya ng naging karanasan ng ating kapwa Pilipino noong panahon ng Martial Law, nawa'y isa iyon sa maging tanda upang pumili ng tamang lider na mamumuno sa ating bansa.
