Bienvenido Guillera Celebre National High School

ANNOUNCEMENT!🔊

Para han mga WARAY pa nagpa enrol, an skwelahan in nagbutang ha kada barangay (Uguiao, Tinambacan, Bias-Zabala, Canapuan, ngan Rubas) hin form para makapag palista adton diri pa enrol. An aton enrolment in kutob na la kita yna nga Byernes (August 19, 2022). An klase in magtitikang na ngada hit sunod na semana, lunes (August 22, 2022).

Naglalaom kami hadton gusto umiskwela yna nga SY 2022-2023 ha Bienvenido Guillera Celebre National High School na magpa enrol na! Ilabi ma gud adton mga daan na nga mga studyante han BGCNHS.

Salamat han iyo pagsunod han aton enrolment schedule!

📷 https://newsinfo.inquirer.net/1647954/deped-rules-out-extension-of-enrollment-period

Mo, Hangad Ko

Kinahahadlokan han kadam-an an "The Big One" o an nagbabanta nga makusog ngan makamaratay nga Linog.Ha Metro Manila inaagsub nira yana iton Disaster Practices labi na an Earthquake Drill dara nga bisan ano nga oras posible magkamay ada hin Magnitude 7.2 nga Linog dara han pag raya o pag-"collapse" han usa nga pinakaaktibo ngan kinababark-an nga Faultline nga amo an "West Valley Fault".

Ngan yana nga adlaw,Agosto 6,2022 in nagpagawas hin pahimatngon an Office of Civil Defence nga may paghisumpay hini nga "The Big One" nganhi ha Sinirangan Visayas.

Subay kan Director Lord Byron Torrecarion han Office of Civil Defense (OCD) basi hadton pag aram han Phivolcs, kun an kakusgon han pag kiwa han Phil. Trench in maabot ha magnitude 7.0 posible ini in mag durot hin tsunami ha mga lugar nga atbang o harani han Pacific Ocean sugad han Eastern Samar, Northern Samar, Leyte ngan Southern Leyte.

Ngan kun an pag kiwa han Phil. Trench in tikang ha Northern Samar, ngan ini in magnitude 7.9 an katas-on han tsunami ha Eastern Samar nga dapit in posible umabot ha 9 metros an katas-on o parehas hiton katas on hin usa nga three- story nga building; samtang, ha Leyte naman gin babana-bana nga maabot hin 4-5 metros naman an kahatas -on han tsunami.

Tumatak na ha aton mga huna-huna an nahinabo nga "ATOM" hadton 2012 o an August ThirtyOne Magnitude 7.6 Earthquake nga nahinabo ha kadagatan han Sulangan Guiuan, Eastern Samar.Gutiay la nga balud o tsunami an hinatag dara nga halarom an episentro hini.Hadton 1995 in nahinabo gihapon an Magnitude 7.3 ha Philippine Trench dapit nganhi ha Rehiyon Otso.

An ngatanan in maging agresibo ug aktibo pag abot ha mga Earthquake Drills,ngan hinaot unta nga agsubon ini nga buruhaton ha mga iskwelahan ug mga opisina labi na gud kun nakaukoy o nahimumutang kita ha delikado nga lugar.

Basaha an kabuoan nga notisya tikang han Eastern Visayas News [https://www.facebook.com/VoiceNewsPH/videos/1109152366622061/?app=fbl]

[1] An mga sources ug references in nagtikang ha PHIVOLCS,USGS,ug iba pa nga mga websites.