31/08/2026
Isang buwang puno ng wika, kultura, kasaysayan, kaalaman, talento, at pagkakaisa ang ating ipinagdiwang sa Buwan ng Wika, ASEAN Month, at History Month. Noong Agosto 19, nakiisa ang CSSO at mga faculty ng College of Computer Studies, kasama ang buong CCS community, upang ipakita ang pagpapahalaga sa ating pagkakakilanlan at kultura.
Sa buong buwan, isinagawa ang iba’t ibang gawain tulad ng Salita Ng Araw, Fun Facts, Trivia Questions, Film Showing, Filipino Literature Campaign, Poster Making, Pubmat Competition, brochure distribution, at short classroom discussions tungkol sa wika, kasaysayan, at ASEAN, at pamamahagi ng cute stickers na nagdagdag saya at kulay sa ating pagdiriwang. Hindi rin magpapahuli ang Confession Wall, na ilan sa mga confession na ating natanggap ay binigyang-buhay din sa pamamagitan ng komiks, na naghatid ng saya, kilig, at relatable na kuwento sa ating CCS community
Higit sa mga aktibidad at patimpalak, ang bawat pakikiisa ay naging daan upang matuto, lumikha, magbahagi, at magkaisa bilang isang komunidad.
Maraming salamat sa CSSO, faculty, students, participants, creative team, at sa lahat ng tumulong at nakiisa. Kung wala kayo, hindi magiging ganap ang kulay at tagumpay ng ating pagdiriwang.
Isang buwan man ang natapos, ang pagpapahalaga sa wika, kultura, kasaysayan, at pagkakaisa ay patuloy nating dadalhin.
