Early Childhood Care and Development-Hagonoy,Bulacan

𝗢𝗨𝗧𝗥𝗘𝗔𝗖𝗛 𝗣𝗥𝗢𝗚𝗥𝗔𝗠 𝗢𝗙 𝗦𝗧. 𝗠𝗔𝗥𝗬’𝗦 𝗔𝗖𝗔𝗗𝗘𝗠𝗬 𝗢𝗙 𝗛𝗔𝗚𝗢𝗡𝗢𝗬 𝗔𝗡𝗗 𝗦𝗧. 𝗠𝗔𝗥𝗬’𝗦 𝗔𝗖𝗔𝗗𝗘𝗠𝗬 𝗢𝗙 𝗣𝗔𝗦𝗔𝗬 𝗦𝗧𝗨𝗗𝗘𝗡𝗧𝗦

Bilang bahagi ng adbokasiya ng St. Mary’s Academy of Hagonoy (SMAH) sa paglilingkod sa komunidad, matagumpay na isinagawa ang Outreach Program noong Hulyo 9, 2026 sa San Nicolas Child Development Center, Brgy. San Nicolas, Hagonoy, Bulacan, sa pakikipagtulungan ng St. Mary’s Academy of Pasay.

Nagbahagi ang mga mag-aaral ng pre-loved jackets at tumblers para sa mga batang mag-aaral ng Child Development Center. Layunin ng programa na isulong ang pagmamalasakit, pagbabahagi, at responsableng pangangalaga sa kalikasan sa pamamagitan ng muling paggamit ng mga kapaki-pakinabang na kagamitan.

Higit sa pamamahagi ng mga donasyon, naging pagkakataon din ito upang maisabuhay ng mga mag-aaral ang diwa ng bolunterismo, pakikipagkapwa, at panlipunang pananagutan. Sa kabuuan, pinagtibay ng programa ang ugnayan ng dalawang paaralan at ng komunidad, habang patuloy na hinuhubog ang mga kabataang may malasakit at kahandaang maglingkod sa kapwa.

💕

https://www.facebook.com/share/p/1DdkBpJy6v/?mibextid=wwXIfr

𝗕𝘂𝘄𝗮𝗻𝗮𝗻𝗴 𝗣𝗮𝗴𝗽𝘂𝗽𝘂𝗹𝗼𝗻𝗴 𝗻𝗴 𝗺𝗴𝗮 𝗖𝗵𝗶𝗹𝗱 𝗗𝗲𝘃𝗲𝗹𝗼𝗽𝗺𝗲𝗻𝘁 𝗪𝗼𝗿𝗸𝗲𝗿𝘀
𝗛𝘂𝗹𝘆𝗼 𝟲, 𝟮𝟬𝟮𝟲

Nagkaroon ng makabuluhang pagpupulong ang mga Child Development Workers upang talakayin ang mga programa, gawain, at mga paghahanda para sa patuloy na pagpapabuti ng serbisyo para sa mga bata sa ating komunidad.

Pinangunahan ito ni Dr. Jeffrey DC. Lobos, kasama ang buong suporta at pakikiisa ng ating butihing konsehal na si Konsehal Elmer Santos, bilang kaagapay sa pagsusulong ng mga programang pangkabataan at pagpapaunlad ng Early Childhood Care and Development (ECCD).

Patuloy ang ating pagtutulungan at dedikasyon upang matiyak ang de-kalidad na pangangalaga, edukasyon, at pag-unlad ng bawat batang Hagonoeño.

𝗜𝗡𝗦𝗣𝗘𝗖𝗧𝗜𝗢𝗡 𝗢𝗙 𝗖𝗛𝗜𝗟𝗗 𝗗𝗘𝗩𝗘𝗟𝗢𝗣𝗠𝗘𝗡𝗧 𝗖𝗘𝗡𝗧𝗘𝗥𝗦
𝗕𝗮𝗿𝗮𝗻𝗴𝗮𝘆𝘀 𝗣𝘂𝗴𝗮𝗱 𝗮𝗻𝗱 𝗧𝗶𝗯𝗮𝗴𝘂𝗶𝗻 | 𝗝𝘂𝗻𝗲 𝟮𝟱, 𝟮𝟬𝟮𝟲

Nagsagawa ng inspection ang Municipal Social Welfare and Development Office (MSWDO), kasama ang Good Neighbors Philippines, sa mga Child Development Centers na kasalukuyang ipinapatayo sa mga coastal barangays ng Pugad at Tibaguin.

Layunin ng inspeksyon na masuri ang progreso at kalidad ng konstruksyon ng mga pasilidad upang matiyak na ang mga ito ay magiging ligtas, maayos, at angkop na lugar para sa pagkatuto at pag-unlad ng mga batang Hagonoeño. Ang proyektong ito ay isang mahalagang hakbang sa pagpapalakas ng Early Childhood Care and Development (ECCD) sa mga komunidad sa baybayin.

Taos-pusong pasasalamat sa Good Neighbors Philippines sa kanilang walang sawang suporta at pakikipagtulungan sa pagpapagawa ng mga Child Development Centers. Ang inyong malasakit at dedikasyon ay malaking tulong upang mabigyan ng ligtas, maayos, at dekalidad na pasilidad ang ating mga kabataan at masiguro ang kanilang magandang kinabukasan.

💕